بلوچ، بلوچیت ءُ بیرگیرِ بالاچ (بے زانگ ءِ زانگی ءَ پدّر اِنت ھر گور ءَ چو ماہ ءَ)
نبشتہ کار: شَکّل بلوچ
دی بلوچستان پوسٹ
وھد ءِ ھمراھی ءَ بالاچ گورگیج ءِ کسہ من ءَ گیر چمیشکا آتک کہ من ءَ بالاچ گورگیج بیرگیر سما بوت۔ تھنا بالاچ گورگیج نام راجدپتر ءَ رژنا مہ بیت بلکیں بیرگیرِ بالاچ گورگیج، بالاچ گورگیج بلوچ ءِ کسہ ھر ھما بلوچ ورناھانی تہ ءَ رستگ کہ بلوچ راجدپتر ءِ تہ ءَ بیرگیرِ بالاچ گورگیج ھست اِنت۔ بلے منی گپ گوں بیرگیرِ بالاچ گورگیج ءَ گوں ھمدپ اِنت۔
کسہ بالاچ تھنا یک مردے ءِ نام نہ اِنت، اے بلوچ ءِ پگر ءُ ھیالے، یک دودے، کہ بلوچ راجدپتر ءَ نکش اِنت(جنگ ءُ گھگیری) بزاں ھر ھما بلوچ پُسگ اِنت کہ آ بیرگیرِ بالاچ گورگیج اِنت۔ بیرگیرِ بالاچ گورگیج ءِ کسہ ءِ وانگ پہ یک کُنگریں بلوچے ءَ پرچا ھژدری اِنت؟ بلوچ راجدپتر ءِ تہ ءَ اگاں بیر ءِ گپ کہ کَیت گڑا بالاچ وتی برات ءِ بیر ءَ چوں گپت؟، آ آ وھد ءَ چے سما کنت کہ من وتی بیر ءَ چوں گپت کن آں۔ بالاچ ءَ بیر وَ گرگی اَت، اے وَ بلوچ ءِ شان ءِ ھلاپ وّرزی بیت کہ بالاچ ھر ھما بلوچ ءِ پیم ءَ نہ بیت کہ پہ دو تل ءُ دو پوستی ءَ وتی بیر ءَ پُشت کنز بوتگ ءُ بہ بیت، بلوچ کجام اِنت؟ زاناں بلوچ بوگ پہ نام ءَ تھنا بلوچ اِنت، یا آئی ءِ تہ ءَ ھما بیرگیری ءِ زھرگ مان مہ بیت۔
وتگڑیں بلوچ ءَ وتی برات کُشتگ اَنت، زاناں آ بلوچ بوتگ اَنت یا ھر ھما سلکاریانی تہ ءَ کہ گون بوتگ اَنت آ بلوچ اَنت۔ بلوچ کجام اَنت؟ بلوچ ءِ پگر پلگار اِنت، بلوچ ءَ ھچبر پہ کسے ءَ ناھکّی دگر ءِ گون ءَ جنگ نہ کُتگ، دگر ءِ ھکّ اِش نہ وارتگ اَنت، اے بلوچ ءِ دود ءِ ھلاپ بوتگ اگاں آئی ءَ گوں بلوچے ءَ ناھکّی کُتگ من آئی ءَ بلوچے نہ گُش آں۔ چی ءَ کہ بلوچ یک نیمگے ءَ میارجلی ءِ پگر ءُ ھیال ءَ دار اِیت، راجدپتر ءِ تہ ءَ اگاں بچار ئے آ پہ بھادری ءَ دگنیا ءِ راجدپتراں ءُ زانگ بیت، بلوچ ءِ سر ءَ دری کبزہ گیراں پندل ساز اِتگ، بلوچ ءِ ھلاس کنگ ءِ ھاتر ءَ دژمن ءَ مدام بلوچ ءِ ننگ ءِ سر ءَ دست چیست کُتگ، داں کہ آئی شرپ ءَ چہ بلوچ ءِ تہ ءَ ھلاس بکنت، دژمن ءَ بلوچ ءِ ولگوج کنگ ءِ ھاتر ءَ ھر ھما رپک ءُ ھُنر ساز اِتگ کہ بلوچ وتی مزن مُرّی ءَ چہ اندر ءَ ھلاس بکنت بلے اے بلوچ بوتگ ھجبر دژمن ءِ دیم ءَ وتی سر ئِے جھل نہ جَتگ، وھدے کہ بلوچ ءِ گپ گیرت ءَ سر بوتگ گڑا ھچ وڑ ءَ نہ منّ اِتگ ئِے ءُ دژمن ھر زمانگ پروش ئِے داتگ۔
انوگیں وھد ءَ پہ نام ءِ بلوچاں (پہ لب ءُ لالچ، زر ءُ شیرکنی ءَ) بلوچ ءِ بلوچیت ءِ پونز بُرّ اِتگ، آ چہ کس ءَ چیر اوں نہ اَنت، آ گوں تچک ءَ پَدّر اَنت کہ بلوچ کجام اَنت؟ نام ءِ بلوچے ءَ بلوچ پُسّگ پہ زر ءُ لبّ ءَ گوں دری دژمن ءِ ھمراھی ءَ وتی براتانی کوش ءَ گون اَنت، زاناں آ بلوچ اَنت یا بس پہ تھنا نام بلوچ اَنت، اے گلامی ءِ تہ ءَ ھر ھما بلوچ کہ وت ءَ پہ نام ءَ بلوچے گُش اِیت آ بلوچ نہ اَنت، اگاں بلوچ گُشگ ھم بہ بنت بس پہ تھنا وت ءَ مر اَنت پہ وتی وتگڑیں زات ءَ مِر اَنت، پہ زر ءُ لب ءَ لس بلوچ مھلوک ءَ را چو دری کبزہ گیریں دژمن ءِ وڑ ءَ بلوچ ءِ گون ءَ دژمنی کن اَنت۔ بلوچ اگاں مِر اِیت پہ وتی شان ءُ میار جلی ءَ مِر اِیت، پہ وتی ننگ ءَ مِر اِیت ءُ پہ مِر اِیت پہ وتی سرڈگار ءَ، آ پہ وت نہ مِر اِیت، بلوچے ءُ بلوچی پُسگے، آ دگہ وتگڑیں پہ نام ءِ بلوچ نہ اَنت، آ مرچی گوں دژمن ءِ سلکاریاں گوں جنگ ءُ دچار انت، آیاناں پروش دیان اَنت۔
”بلوچستان ءَ جنگ اِنت، جنگ بلوچ کنگ ءَ اَنت، جنگ پہ بلوچ ءِ باندات ءِ جنگ ءَ کنگ ءَ اَنت، بلوچ مرچی جنگ ءَ اَنت، آ پہ وتی ماتیں سرڈگار ءِ آجوئی ءِ جنگ ءَ کنگ ءَ اَنت، بلوچ جنگ کنگ ءَ اَنت، نام ءِ بلوچ وپس اَنت، بلوچ ءِ ننگ ءُ گیرت پادمال انت، بلوچ نہ وپس اَنت، بلوچ جنگ کن اَنت، ھر ھما نام ءِ بلوچ جنگ ءَ تتکگ اَنت آیاں بلوچ ءِ بلوچیت ءِ نام پولگ کُتگ، بلوچ ءِ راجدپتر بے شرپ کُتگ، بلوچ ءِ نام ءِ ھراب کنوک ھمے وتگڑیں چانوگر اَنت کہ دژمن ءِ ھمراہ بوتگ اَنت ءُ انگت ءَ بلوچ ءِ پدریچ ءِ ھلاس کنگ ءَ گون اَنت۔ بلوچ جنگ کن اَنت، نرمزار جنگ کن اَنت، بلوچ نہ وپس اَنت۔ واب ھما راجانی وش اِنت کہ آ سرجم ءَ آجو اَنت، ھچ کس دژمن آئی ءِ زمین، زبان, ننگ پادمال کنگ ءَ پیسر ھزار بار بہ جیڑ اَنت کہ واکی اے راج یک زندگیں راجے، اے راج پہ وتی ننگ ءُ زمین ءِ ھاتر ءَ مرگ ءَ اوں چک ءُ پد نہ بیت، گڑا راج مان اِیت، آئی ءِ دود مان اِیت ءُ آئی ءِ زمین مان اِیت۔“
”بلوچ ءِ اے جنگ گلامی ءِ ھلاپ ءِ جنگ اِنت، اگاں ھر ھما بلوچ کہ جنگ ءَ تُرس اَنت گڑا آ گلام اَنت، ءُ بزاں آیاں دژمن ءِ دیم ءَ وتی گلامی منّ اِتگ وھدے آیاں کہ دژمن ءِ گلامی منّ اِتگ گڑا بزاں ایشی ءِ تہ ءَ آیاں دژمن ءِ کر ءَ وت ءَ بھا کُتگ، وتی بلوچیت بھا کُتگ، وتی ننگ بھا کُتگ، وتی زمین بھا کُتگ ءُ یک زندگیں راجے ءِ ھر ھما ھاسیت کہ ھست بنت دنیا ءِ تہ ءَ یک پجّارے ءِ بستار ءَ کہ زانگ بنت آ چہ دنیا ءِ دیم ءَ وتی پَجّار ءَ آیوکیں وھد ءَ دگنیا ءِ تہ ءَ وت ءَ دیست نہ کن اَنت, آئی ءِ پجّار یک گلامے بستار ءَ بیت، ءُ یک گلامے ءَ ھچ شرپ نیست، چی ءَ کہ آئی ءَ گلامی منّ اِتگ، دژمن ءِ دیم ءَ سرجھلی کُتگ، وت ءَ منّارینگ ءِ جُھد ئِے نہ کُتگ، آ چہ وتی ھستی ءَ زِبھر بیت ءُ گار بیت۔“
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی ءِ درشانی انت-
