بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ کیچ ءِ دمگ دشت، آواران، تربت، مند کولواہ ءُ پسنی ءَ کاروائی کنان ءَ دُژمن ءَ را جانی ءُ مالی دوچار کتگ-
بلوچستان لبریشن فرنٹ ءِ جارکش میجر گْوھرام بلوچ ءَ گوشتگ کہ مئے سرمچاراں گل ءِ انٹیلیجنس ونگ ءِ ھالانی رِد ءَ پنچ نومبر ءِ بیگاہ پنچ نیم ءَ دشت، کیچ ءِ دمگ کُھڈان ءَ پاکستانی پوج ءِ کارندہ ھما وھد ءَ تُرندیں اُرشے ءَ نشانگ کتگ اَنت وھدے آ وتی بُنجل ءِ ڈن وتی گاڑی ءَ چہ راشن ءُ دگہ ساماناں ایرگیجگ ءَ بیتگ اَنت- سرمچارانی دو ٹولیاں اے کاروائی کتگ – اولی ٹولی ءَ پوج کارندھانی سر ءَ سک نزیک ءَ چہ اُرش کتگ، چریشی ءِ آسر ءَ سے کارندہ جاہ پہ جاھی مرتگ اَنت ءُ دو سک ٹپیگ بیتگ اَنت وھدے کہ سرمچارانی دومی ٹولی ءَ پوج ءِ بُنجل سر ءَ آر پی جی ءُ دگہ مزنیں سلاھاں چہ گولہ گواری ءُ تیرگواری کتگ ءُ بُنجل ءَ جتگیں چاریگی کیمرہ ھم نشانگ کتگ ءُ تاوان داتگ اَنت-
جارکش ءَ گوشتگ کہ سوبمندیں کاروائی ءَ پد بی ایل ایف ءِ سرمچار پہ سلامتی درتکگ ءُ وتی مُھریں اوتاکاں سر ءَ بیتگ اَنت- بلے زورگریں پاکستانی پوج چو مدامی وڑ ءَ نزیکیں میتگانی سر ءَ مزنیں سلاھاں چہ تُرندیں تیرگواری کتگ-
جارکش ءَ گوشتگ کہ بی ایل ایف ءِ سرمچاراں دگہ یک کاروائی یے شش نومبر ءِ سُھب ءَ کساس ھشت ءَ آواران شھر ءَ چہ ھمگرنچیں دمگ پیراندر ( کنیرہ) ءَ سنگر گپتگ اُرش ءَ زورگریں پوج ھما وھد ءَ نشانگ کتگ وھدے پوجی کارندہ وتی کاروان ءِ پھازوکی ءِ ھاتر ءَ پیادگ گشت کنگ ءَ بیتگ اَنت- اے اُرش ءَ سرمچاراں نزیک ءَ چہ اُرش کتگ سے پوجی کارندہ کشتگ اَنت ءُ آیانی سلاہ وتی دستیگ کتگ اَنت- وھدے سے کارندہ سک ٹپیگ بیتگ اَنت-
جارکش ءَ گوشتگ کہ سیمی کاروائی ءِ پنچ نومبر ءِ بیگاہ پنچ ءِ نزیک ءَ سرمچاراں کولواہ ءِ دمگ جیرک ءَ برجاہ پوجی چوکی سر ءَ مزنیں سلاھاں چہ اُرش کتگ – اے اُرش ءَ آر پی جی ءِ بازیں گولھے آس داتگ کہ بُنجل ءِ تہ ءَ کپتگ اَنت چریشی ءَ چہ دُژمنیں پوج ءَ جانی ءُ مالی تاوان رس اِتگ-
جارکش ءَ گوشتگ بلوچستان لبریشن فرنٹ ءِ سرمچاراں پنچ نومبر ءِ بیگاہ ءَ گوادر ءُ پسنی ءِ تیاب دپیں شھدگ سر ءَ شتنگی ھند سر ءَ ناکہ بندی کتگ ءُ پٹ ءُ پول ءِ میان ءَ دُژمن ءِ کمکاری ءِ شک ءَ شکی ئیں گاڑیانی پٹ ءُ پول بندات برجاہ داتگ کہ اسسٹنٹ کمشنر پسنی وتی سرکاری کارندھانی ھمراھی ءَ سر بیتگ کہ سرمچاراں دزگیر کتگ- بی ایل ایف ءَ دزگیری ءَ پد اے سرکاری سروک ءَ چہ پٹ ءُ پول ءَ پد گل ءِ پالیسی ءُ کمانڈ ءِ گوشگ پد ءَ بلوچیت ءُ انسانیت بُنیاد ءَ اسٹنٹ کمشنر گوں کارندھاں ھوار یل کتگ بلے اشاں چہ سرکاری سلاہ پچ گپتگ – اے میان ءَ یک بورز گاڑی یے سرمچاراں مانداشتگ-
جارکش ءَ گوشتگ کہ دگہ یک کاروائی یے مروچی شش نومبر ءَ بی ایل ایف ءِ سرمچاراں ءَ تربت ءِ دمگ گھنہ ءَ زورگریں پاکستانی پوج ءِ چیک پوسٹ روچ ءِ ساھت دو ءِ نزیک ءَ پوجی بُنجل سر ءَ اے ون ءِ بازیں گولھے آس داتگ کہ بُنجل ءِ تہ ءَ کپتگ اَنت چریشی ءِ آسر ءَ دُژمنیں پوج ءَ جانی ءُ مالی تاوان داتگ-
جارکش ءَ گوشتگ مروچی روچ ءَ دگہ یک کاروائی یے شش نومبر، سُھب ءِ کساس دہ پانزدہ ءَ بلوچستان لبریشن فرنٹ ءِ سرمچاراں مند ، کوہ ڈگار ءُ گوبرد ءِ میان ءَ دستچین ھند سر ءَ پھاوزکی ءِ ھاتر ءَ جوڑ کنگ بیتگیں یک سنگرے ءِ تہ ءَ ریموٹ کنٹرول بمبے پٹ کتگ- انچش دُژمنیں کارندہ ھمے جاہ ءَ سر بیتگ اَنت ءُ سرمچاراں آ نشانگ کتگ ءُ دوئیں کارندہ جاہ پہ جاھی مرتگ اَنت- اُرش ءَ پد زورگریں پوج ءِ بُرز ٹولی ھند سر ءَ بیتگ اَنت ءُ مرتگیں کارندھانی لاش مند سورو بُنجل ءَ برتگ اَنت- ءُ پد ءَ لاش تربت ءَ برتگ اَنت-
جارکش ءَ گوشتگ اے بیتگیں سرجمیں اُرشانی زمہ داریاں منّ ایں ءُ بلوچستان ءِ سرجمیں آجوئی ءَ تاں برجاہ بنت-
- جارکش ءَ گوشتگ بی ایل ایف بلوچستان ءِ سرجمیں بُنجاھی شھدگانی سر ءَ رؤکیں سرجمیں ٹرانسپورٹ واھننداں کڈن کن ایں کہ زورگریں دُژمنیں پوج بلوچستان ءِ سرڈگار ءِ مڈیانی برگ ءِ کمک کنگ ءَ پھریز بہ کن اَنت اگاں ناں آ وتی جانی ءُ مالی تاوان ءِ زمہ وار وت بنت-
