TBP Balochi

جنرل اسلم بلوچ

میران بلوچ

دی بلوچستان پوسٹ

جنرل اسلم بلوچ یک پگرئے ءِ نام انت اوست ءِ نام انت جنرل دلیری ءِ نشان انت نہ دروھکیں ھمبل ءِ نام انت جنرل اسلم بلوچ مھروانیں استاد ءِ نام انت، من وتا وش بھت ءِ سرپد بی کہ جنرل ءَ گوں ھم نیاد بوھگے شرپ رستگ پمن بلاھیں شرپ ءِ گوں وتی راجی استاد ءُ رھشون ءَ چار کلاک ھم نیاد بوتگاں ائے منی زند ءِ وشتریں ساھت زانگ بنت ..

جنرل اسلم بلوچ ھما روژنائی ءِ نام انت داں قیامت بلّیت وتی رُژنائی ءَ بلوچستان کُنڈ کُنڈ ءَ تالان کنت. استاد اسلم کُل بلوچ ءِ توکل ءِ نام انت داں بلوچیں (براس) ءِ توپک ءِ نَل ءَ تیر آس وارت یک استاد ءِ ودی بیت ….

مرچی پاکستان گوں وتی دہشتگردیں آئی اس آئی ءُ ایم آئی ھون واریں رستریں پوج ءَ اے واب ءَ ھچ مگندیت کہ من استاد چہ بلوچ ءَ سِستگ ءُ شہید کُتگ چہ ھمبلاں جنرل اسلم من جدا کُتگ، ھاں الم ءَ باور انت تو کُشت کنے بُرت کنے ماں زندانی کنے میتگانی میتگ ماندارے ءُ مانداشت کنے پیر ءُ کماشاں برئے مات ءُ گھاراں برئے گار ءُ بیگواہ اِش کنے ائے گپ ءَ دل ءَ دلجم ببو پگر ءَ کُشت نہ کنے سوچ ءُ سسّا ھلاس کُت نکنے رؤوکیں جھد ءَ داشت کُت نکنے بس تو کُشت کنے بلے تو شر پوہ ءُ سرپد ءِ بلوچ ھوں وتی ساہ ءَ سر گوستگ. بلوچ ءِ سرڈگار ءَ داں یک بلوچ ءِ ساہ بہ کشّیت ھچ اے ھون واریں پنجابی ءِ گُلامی ءَ نہ کنت ءُ ایمن نہ نندیت. نہ کہ مئے گِلگ گوں دشمن ءَ انت دشمن ءَ گوں مئے نفرت انت مئے جنگ انت..

بلوچ ءِ دشمن شر سرپد انت کہ منی آؤکیں روچ ماں تہاری ءَ بدل بنت وھدئے کہ پاکستان ءِ سلامتی ءِ لوٹوکاں ھمے گشتگ کہ بلوچستان مئے شہرگ اِنت آ گڈاں جوان دلجم بباں اے شہرگ زوت چہ آئی گردن ءَ سندّگ بیت بس کمو وھد ءِ در کار انت، ءُ ھیف ھماھاں کہ وتا بلوچ گُش انت ءُ وتا سردار لیکنت بلئے نہ شما بلوچ ات نہ کہ بلوچ ءِ ھیرواھ ات نہ کہ شمارا پہ پاکستان ءَ وپاداری است بس شمے ایمان ءُ دین بس دوکلدار ءُ یک ٹانگیں کرسی انت. مروچی شمارہ وتی سرڈگار ءَ نبیت وتی مات ءُ گھارانی ننگ ءَ نبیت کہ پاکستانی کُلی کیمپاں ھزارانی کساس ءَ گار ءُ بیگواہ انت بند انت پر آھاں کہ شمار ءَ نبیت گڈاں آ کجام سیادی ءُ مھروانی انت کہ پنجاب ءِ کُٹ ءَ نشتگ ءُ بلوچ ءِ ھلاپ ءَ درکپتگے کہ ما نہ کُشتگ ءُ ھلال نہ انت…

لہتیں وتا آزادی ءِ پیغمبر لیکیت ءُ جھد ءِ وارث بلے انگت بلوچ ءِ ننگ ءُ ناموس ءَ بلوچ ءِ مال ءُ مڈیانی لیلام ءَ چار گام دیم ءَ شُتگ ائے کجام رھشونی انت واجہ ءِ کنگ ءَ انت گہتر ءُ شرتر ھمیش انت کہ راھ ءَ یکے کن ءُ تچک ءَ برو بلوچ وتی ھر شے رکھگ ءَ گہتر زانت آ راج کہ مِرگ زان انت آ راج ھچ بر گار بیگواہ نبیت وتی منزل ءَ جوانی ءَ زانت ءُ سر بیت وھدئے کہ بلوچ ورنا وتی دلبند ءَ شورواں بندیت دشمن ءِ کِرا سربیت ءُ دشمن ءَ اے کلوہ ءَ دنت کہ من وتی راج ءُ سرڈگار ءِ ھاتراہ ھرچی کُت کنی اگاں منی مرگ داہ رندہ بئیت من پہ راج ءَ کربان کنی اے قوم ءَ داں کد تو وتی ایردست داشت کنے. ھما راج کہ گار بیگواہ بوتگاں وتی سر اش جہل کُتگ انت مرگ ءَ پد کنز بوتگاں مِرگ اِش نہ زانتگ بلے بلوچ ءَ چہ پاکستان ءِ جوڑ بوھگ ءَ پیسر مِرگ زانتگ مروچیگ پہ مرگ ءَ پد کنز نبوتگ بلوچ ءَ ھر وھد ءَ وتی سر پہ وتن ببا داتگ ءُ نمیران بوتگ…

گُڈاں پاکستان اے وشوابی ءَ در بئیت کہ من استاد اسلم چہ راج ءُ ورناہاں ءَ سِستگ بلکیں استاد اسلم داں ابّد تو زندگ کُتگ استاد اسلم ءِ زانت ءُ زانگ استاد اسلم ءِ بہادری ءُ مخلصی استاد اسلم ءِ ایمان داری ءُ راج دوستی ءُ مھکمیں پگر ءُ اوست مئے رھشونی ءَ کن انت ءُ دیم ءَ جُنزان باں بلوچ مروچی وتا وش بھت ءِ سرپد بیت کہ آئی جھد ءِ رھشونی استاد اسلم ءِ گونگیں بہادریں جنرل ئے ءَ کُتگ مئے پہ منزل ءِ بُرّگ ءِ ھاتر ءَ ھزاراں راھے پچ کُتگ ءُ آسانی ءِ آورتگ مروچی بلوچ راج پہر بندیت وتی رھشون ءِ سرا ءُ اے اھد کنت کہ مئے ھرگام ءِ دیم ءَ ایر کپیت گُڈاں آ گام شہید جنرل استاد اسلم ءِ بہادری ءُ ایمانداری ءُ داتگیں ھوسلہ ءِ نام ءَ زانگ بیت…

بے بُن ھِشت اِیں پاکستان 

سرباز وفا

دی بلوچستان پوسٹ

دُگنیائے تَہ ءَ اگاں کُجام ملک ءُ راج بہ بیت آئی وتئی آزادی کہ گِپتگ آھرا راجی تحریکے اَست کہ پہ آجوئی ءِ گرگ ءِ هاترا مزنیں مہلوکے شہید بیتگ. الجزائر ، ھندوستان، ویتنام یا بنگلہ دیش بہ بیت ،چین ءُ کیوبا بِہ بَہ اَنت مردمانی گار بیگواه کنگ ءَ ھوار راجاں ھروڑیں سکّی ءُ سوری دیستگ. پہ وتئی آجوئی ءِ گرگ ءِ هاترا وتئی بے کساس پرزند شہید کُرتگ اَنت نوں آھاناں پہ وت پجار ءُ زبان ، دود ءُ ربیدگے است.

وھدے ما پاکستان ءَ چاراں مارا هچ وڑیں تحریکے گندگ ءَ نئیت ،پاکستان ءِ لیڈر محمد علی جناح انت وھدے آئی نظریہ ءَ چارے تہ ھرچیز چو واب ءِ وڑا انت. پاکستان ءِ قومی زبان اردو انت، اردو ءِ مانا لشکر بزاں چہ دُرائیں زباناں ھور ءُ هواریں کہ برٹش ءِ وھد ءُ باریگ ءَ برصغیر ءِ رابطہ، ھال ءُ اھوال ءِ زبان بیتگ کہ مرچی بے بُن ھِشت اِیں پاکستان ءَ وتئی کومی زبان جوڑ کُتگ. پاکستان ءِ جوڑ بُوّگ ءِ تاریخ ءَ چارے مسلم لیگ ءِ نام ءَ دیم ءَ کئیت، دومی پاکستانی پارلیمنٹ ءِ مہلوک ھمے گْوش اَنت دْرائیں مسلمان وت ما وت براس اَنت. اگاں دُرائیں مسلماں وت ماوت براس اَنت بنگالی ھم شمئے بْراس اِتاں گوں آیاں چیا ناهکّی کنگ بوت، ماس ءُ گھاراناں گار ءُ بیگواه کنگ ءَ ھوار گوں آهاں بدکاری کنگ بوت پرچہ ؟اے ھمے اسلامی جمہوریہ پاکستان ءِ داتگیں سوگات اَت کہ بنگالی راج ءَ وتئی راجی باندات ءِ سسّا گْور کُت ءُ وتا چہ کورمیں پاکستان ءَآجو کُت ءُ پہ ایمنی وتئی گلباگیں ڈیھ ءِ سرا زند گْوازینگ ءَ اَنت.

مرچی ھمے وڑا سندھی ءُ گوں پشتوناں ناهکّی کنگ بُوّگ ءَاِنت .دومی بلوچ پہ زور ءُ تاکت کْوزہ کُتگ ءُ ایردستی ءِ سانکلاں بندیگ اَنت. اگاں اے داب ءَ تو پاکستانی قوم ءَ پچارے تہ پنجاپی ءَ ابید دگہ کسّے تاریخی دْروشم ءَ وتگڑیں پاکستان ءِ بھر نہ اِنت. بلکیں سامراجیں برطانیہ ءِ کارِستانی آں کہ ھندوستان بھر ءُ بانگ کنگ بیت ءُ بے بُن ھِشت اِیں پاکستان ٹہینگ بیت کہ مرچی ھرکس چرے دوزھے آس ءَ وتا پھریزگ لوٹ اِیت. ھمے وڑا مردم گوستگیں وھد ءَ پچاریت بنگلہ دیش ھمے پاکستان ءِ بھر بیت، بَلئے هما بنگالی آں گوں چون ءُ چے پئیم کنگ بیت کہ مرچی ھم بنگالی ئے زھگ، زھگ کہ وتئی گْوست ءَ گیر کار اِیت پاکستان ءِ سرا نپرت کنت ءُ لھڑ دَر شان اِیت. ھمے وڑا سندیانی جیڑھ ءَ بچارے جیئے سندھ ءِ نام ءَ وتئی تحریک ءَ دیم ءَ برگ ءَ اَنت ءُ آجوئی لوٹ اَنت. بلوچ وتئی آجوئی ءِ ھاترا راجکاری ءُ مزاحمتی جھد کنگ ءَ اِنت. هنچو ما چاراں دگنیائے تَہ ءَ بازیں ملک هستاں چہ کومی پجّار ءَ زانگ بَہ اَنت، چیاکہ آ راج مذھب ءَدیم ءَ نیار اَنت کہ کئے نماز کنت ءُ کئے زگر ءُ بُت ءَ سجدگ کنت. پہ آھاں بس انسانیت کدر ءُ کیمت دار اِیت.

مرچی اگاں چمشانک دَئے چارے پاکستان ءِ تَہ ءَ پرچہ اِنسانی هکّانی پادمالی بُوّگ ءَ اِنت. جنرل ضیاالحق وتئی حکومتی ءِ وھد ءَ ھمے سرپد بیت پاکستان ءَ را کوم نیست گُڈ ءَ یک مذھبی مہلوکے ٹہین اِیت. ھمے مذھبی مہلوک ءَ پہ دگنیائے پیش دارگ ءِ واست ءَ ما پہ اسلام ءَ جنگ کنگ ءَ آں، بلئے ما گوں ھورت گندی ءَ بچاریں، گیدی ءِ انسان دوست وتئی دلگوش ءَ گْور بکن اَنت کہ انسانیت ءَ را اے چونیں نُکس ءُ تاوان دیگ ءَ اَنت پَدا ھم گُنگ. اے ھبر بگندے نگاھاں مئیت بلئے سد در سد راست اِنت کہ پاکستان ءِ تہ ءَ ھر روچ انسان گوں بے دردی ءَ مِرگ ءُ روگ ءَ اَنت کسّے ءِ گوشاں مورے ھم نہ وارت کہ یک انسان ئے مرگ انسانیت ءِ پاھو دیگ اِنت، بلئے ایشانی زمہ وار کئے اِنت . هالانکہ اے وڑیں زلُم گوں ھیوان ءَ رَوا نہ اِنت، پاکستانی مہلونک وتا اسلامی ٹیکھدار گْوش اِیت پرچہ اے وڑیں زلم ءُ زوراکی کنت، چیاکہ انسانیت ءِ ارواہ ءَ دیری بال کُتگ. پمشکہ ھرروچ وتکُشیں دهماکہ بُوّگ ءَ اِنت. سندھ ءِ تَہ ءَ لال شہباز قلندر ءِ سرا دهماکہ بیت اودا چنچو مسلمان مریت ،آرمی اسکول (وانگ جاه) ءَ دهماکہ بیت چنچو چنچو گونڈو مریت ،کوہٹہ ءَ وکیلانی سرا حملہ بیت چنچو وکیل مریت، پولیس ٹرینگ جاه ءِ سرا حملہ بیت چنچو پولیس مریت، اے کُجا کافر بوتگ اَنت. خضدار توتک ءِ تہ ءَ کبر دَرا بنت کہ لاشانی ھڈ ءُ کانپولاں اَبید دگہ ھچ پجارگ نہ بیت. ایشانی زمہ دار کئے اِنت. امریکہ ءِ تہ ءَ واجہ مُحمد‌ ءِ نام ءِ سرا بُتے جوڑ کنگ بیت ءُ سوچگ بیت، تیوگیں پاکستان زھرشانی کنت امریکہ ءِ ھلاپ ءَ ،پاکستان ءِ تہ ءَ لال مسجد گوں قرآن پاک ءَ ھوار چنچو ماس ءُ گہار شہید کنگ بیت پرچہ ؟ ھمے مہلوک گوں پاکستان ءَ هوار انت گومازی ءِ تہ ءَ قران پاک شہید کنگ بیت، بلوچستان ءِ تہ ءَ ھر روچ گس سوچگ باں، قرآن شریف شہید کنگ بیت، مرچی تو بلوچ ءِ گس گس ءَ برو پچار بزگر ءُ شوانگ ءِ بہ بیت یا ماسٹر ءُ ڈاکٹر ءِ بہ بیت وانگ زانت یا نزانت گس ءِ تہ ءَ قرآن پاک ایرانت اے گس سوچگ بوتگاں ایشانی قرآن شریف کُجا انت؟ ھمے اسلامی ٹیکھدار کُجا انت ؟ بلوچ ءِ قرآن پاک قرآن ءِ نہ انت، یا واجہ هدا پاکستان ءِ فوج ءَ را موکل داتگ تو قرآن شریف شہید کن ترا جُست نیست؟ اے مسلمان ءِ ایمان ءِ کمزوری نہ انت دگہ کجام اِنت؟ ارشی یا الھامی چار کتاب اتکگ اے کجام کتاب ءِ تہ ءَ اے ھبر نبشتہ انت. بے گناه ماس ءُ گُھارانی سرا دست چست کنگ بہ بیت مسلمان اِنچو بِہ نندیت ءُ پچاریت. قرآن پاک ءِ تہ ءَ کجام تاکدیم ءَ اے دانک نبشتہ اِنت کہ پاکستان ءِ فوج مذہبی مہلوک اے کاراں کنت. مسلماں پرچہ هاموش اَنت؟ واجہ هُدا گْوش اِیت اگاں کسّے ءَ زُلم ءُ زوراکی گوں وتئی چمّاں دیست ءُ انگت هاموش بوت گُڈ ءَ آ مسلمان گْوشگ نَہ بیت ءُ گناھگار اِنت. آھرا ھچ وڑیں هکّ نیست، ھرکس اے زلُم ءُ زوراکی آں گند اِیت پرچہ هاموش اِنت. پاکستان ءَ را بُنیاد نیست اے مہلوک پرچہ وتا پاکستانی گْوش اِیت، اگاں کسّے پاکستان ءِ زوراکی ءَ گندیت انگت پاکستان ءِ منوک انت وتا پرچہ مسلمان ءِ گْوش اِیت. پاکستان دُگنیا ءَ رد دیگ ءِ هاترا ہروہد ءَ نوک نوکیں آپریشن ءِ تیاری ءَ کنت ءُ یک نام ءِ دنت ضربءِ عزب ،رداُلفساد، من مذہبی دهشتگردی ءَ ہلاس کن آں، اے مذہبی دهشتگرد ھمے پاکستان ءِ تہ ءَ موجود انت، وتئی کلیں طاقت ءَ بلوچ ءِ سرا کارمرز کنگ ءَ انت دگنیا پرچہ هاموش انت.

پاکستان میر ءِ شنک انت ہرچی کنت آھرا جُست نیست، انسانی ھکّانی هلاپ ورزی ءَ بکن موکل انت، اے گپ ءَ چہ پدرانت پاکستان ءَ مذہبی ٹولہ جوڑ کتگ آں تیوگیں دگنیا چہ پاکستان تْرس اِیت یا بلیک میل انت. تنیگہ کس گوائی نہ دنت پاکستان ءِ تہ ءَ پہ چری تُپنگ ءَ جنگ بوتگ ھر وھد ءَ پاکستان گْوش اِیت بلوچ ءِ آزادی پسُند سرینڈر کنگ ءَ انت، ھمے سرینڈر کنوکیں مہلوک ءَ میڈیا ءِ دیم ءَ پیش کنت آهاں ءَ چری تُپنگ ءِ دست ءَ انت ءُ گْوش اِیت دهشتگردے دستگیر کُتگ بلئے آهان ءَ چری تُپنگ گون انت. اگاں دهشتگرد ءِ جنگ بیت آھرا چری تُپنگ ءِ گون انت پاکستان ءَ کجام هند ءَ کہ کارے کنگ بیت یا بمب دھماکہ ءِ نام گرگ بیت اے چری تُپنگ ءَ پرچہ پیشداریت ؟پاکستان چہ چری تُپنگ ءِ پیشدارگ ءَ ھمے پدرانت پاکستان ءَ را بیدے دروگ ءَ دگہ ہچ وڑیں راہ ءُ در نیست. دگنیائے رد دیگ ءِ هاترا ھمے دروگ ءَ بندیت بلوچستان ءِ تہ ءَ آزادی پسُندیں تحریک نیست صرف ادا دهشتگردی بوگ ءَ انت یا لھتیں سرداراں جنگ جنگ کنگ ءَ انت. سرداری جنگ ساری ءَ بوتگ کہ سرداراناں وتئی ٹولہ گون بوتگاں مرچیگ ایں جنگ تنظیمی رنگے ءَ دیم ءَ روگ ءَ انت، پہ شہید بوگ ءُ لگورانی سرینڈر کنگ ءَ اے جنگ ھچ وڑا کمزور نہ بوتگ نئیکہ بیت. بلکیں بلوچ قوم ءَ راجی تاکت ءِ رنگ ءَ دگنیا ءَ را اے پیش داشتگ من کسّے زلمانی دیم ءَ سر جَھل نباں اگاں آ پاکستان ءِ ھمرائی ءَ بلوچ راج ءِ ھلاپ ءَ ھمدست بہ بیت. پمیشکہ اے ھبر ءَ کل سرپد بہ بنت کہ بلوچ مریت بلئے ایردستی ءَ کبول نہ کنت بے شرپیں زندے گْوازینگ ءَ ساجو نہ بیت۔

دی بلوچستان پوسٹ: اے نبشتانک ءِ تہا درشتان کُتگیں ھیال ءُ لیکہ نبشتہ کار ۓ جندءِ گنت، الم نہ اِنت کہ دی بلوچستان پوسٹ رسانک نیٹورک ایشانی منوک بہ بیت یا اگں اے گل ءِ پالیسیانی درشانی اِنت۔

جنرل اسلم ءُ نفسیاتی گنوکیں پاکستان

صادق مُجاهد بلوچ

دی بلوچستان پوسٹ

من دروت ندر کناں جنرل استاد اسلم بلوچ ءُ اے دگہ راجی بامرداں کہ آهاں وتئی نگرهیں هون پہ بلوچستان ءِ آجوئی ءِ هاترا مَل اتگ انَت ءُ وتءَ کُربان کُرتگ.

نزاناں کہ گپءَ چہ کُجا بندات بکناں پرچا کہ مرچی من یک انچیں بُنگپےءَ ایر کپتگ آں ءُ انچیں یک بامردی ءِ بابتءَ کہ آئی ءِ اے بُراِتگیں پَند چہ منی نَد ءِ وس ءَ گیش انِت … بلے اگاں نبشتہ مکناں هم منی مجگ مناں ملامت کنت کہ چُشیں راجی بامرد هزارانی تہ ءَ کم ودی بنت… جنرل اسلم نام ءُتوار آئی ساڑا من هما وهدی سنگتانی دپءَ اِش کُرت انَت کہ آ چہ بولانءُ مارگٹءَ پہ بڑائیءِ هاترا سیاهجیءَ اتکگ اِت انَت اے نامانی تہ ءَ کہ شهید سدو مری ءُ شهید نبی مری عرف ساگر شهید بوتگ انَت ءُ کسے کہ هست داں جهانءَ گوں ابد مان بات انَت…

ما مُدام کہ بلوچستان ءِ هالتانیءُ هستیں جاور هال ءُ جنگی رپکءُ هنرانی ءُ گوریلا جنگءِ بابتءَ کہ گپ کُرت گُڑا شهیدءِ وتن جنرل اسلم بلوچءُ دگہ لهتے هستیانی نام آهانی زُبانءَ چو بینگءَ ایر رچان اِت انَت…وهدے گپ اتک پہ جنگی رپکءُ هنراں گُڑا استاد چہ درستاں بالاتر اَت…من چہ هما روچاں اے نام وتئی زهنءُ مجگءِ تہ ءَ نکش کُرت ءُ مار اِت بلوچ بے وارس نہ انِت کہ جنرلءِ ڈولیں راجی بامرد بلوچءِ آجوئیءِ سپر ءَ هوار انَت الم یک اُمیتے بلوچءِ تہ ءَ مان ایت …

همے رنگءَ وهد گوزان اِت انَت ءُ اے جنگ شاه کشان اَت هرکسءَ لوٹ اِت کہ وتءَ اے جنگءَ کجام نہ کجام وڑا هوار بگیج ایت وهدءِ همرائیءَ هرچیز بدل بوان اَت همے رنگءَ راجی جُهد هم وت ءَ پالایان اَت گندءُ گسڑاں یک کر کنان اَت ءُ چو دریا ءَ لیپگ کنان اَت… چدو پد استاد ءِ بابتءَ من سک باز گپ ونت آئیءِ آرٹیکل ءُ نبشتانک ونت انَت وهد وهدءِ سرا آئی ویڈیو پیغام آهان بوت انَت ءُ آئی ءِ کُرتگیں جنگی کمانداریءِ ویڈیو کہ دیم ءَ گوست انَت نوں ما گیشتر پوه بوهان بوتاں کہ اے وڑیں راجی هستی پہ بلوچءِ آجوئیءِ سپرءِ زندگ دارگ ءِ مستریں مانزماناں چہ یکے…

همے پیم ریاست پاکستان کہ چہ اے وڑیں جنگی کماندارءُ سیاسی زانتکار، مفکرءُ دانشورانی هما شعوری سوچ ءُ پگراں چہ نفسیاتی گنوک جوڑ بیتگ اَت پاکستان ءَ لوٹ اِت کہ من اے پیمیں هستیاں چے وڑ اے راجءُ مهلوکءِ دلاں چہ در کنگءُ آهانی مجگانی تہ ءَ هر وڑیں پروپکنڈه ءُ وڑ وڑیں نام دیگ ءِ دروگ بنا کُت بلے آئیءَ اے نزانت کہ چُشیں پگرانی هلاس کنگ منی وسی گپے نہ انِت… همے رنگءَ ریاست پاکستان ءَ آجوئی گَلانی هلاس کنگءُ جنرلءِ وڑیں بازیں راجی بامردانی سرءِ کیمت ایر کُرت انَت کہ آ لکانی هسابءَ اِت انَت… اے پندلءِ بے سوب بوهگ ءَ پد آئی هندی ڈیتھ اسکواڈ ٹهینت انَت تاکہ دویں نیمگاں بلوچ وت ماں وت کُشتءُ کشار جوڑ بہ انَت یکے دومیءَ هلاس کنگءِ جهد ءَ بکن انَت انچوش گُش انَت سوچ ءُ پگرانی هلاس کنگ یک بلاهیں مُشکلیں کارے کہ زورگیرءَ نفسیاتی گنوک جوڑ کن انَت…

11 اگست 2018 ءَ کہ استادءِ مستریں سالونکیں بچ شهید ریحانءِ فدائین اُرش چینیانی سرا کہ بوتگ اَت اے اُرشءَ بلوچ ءِ جُهدءَ یک توانءُ جانے بکش اِت .. بلکیں ما اے گُشت کنیں کہ بلوچءِ جُهد کہ یک هدے ءَ اگاں هورت بچارئے پروشتءُ پروش ءِ آماچ بوهان اَت ..اے اُرشءَ جنگءِ شکل بدل کُت همے رنگءَ کراچیءَ چینی کونسل خانہءِ اُرش ءُ دگہ بازیں اُرش چرے اُرشاں دراهیں دنیاءِ دیم گوں بلوچستانءَ کُرت ءُ پاکستان سِرین پروش کُت ءُ آ گیشتر نفسیاتی مریض جوڑ کُرت….

جنرل ءِ اے وڑیں جوڑ کُرتگیں پروگرامءُ جنگی مشناں اے خطہ ءِ جغرافی نظام ءُ مظلومءُ محکومءِ میانءَ یک بلاهیں تپاوتے پیدا کُرت…. نزورءُ کمزورءِ تہ ءَ پہ دُژمنءَ یک نفرتے جوڑ کُرت.. هر بلوچ ءِ دل ءَ پہ استاد ءُ هما بامردانی کہ آهاں پہ وتی نگرهیں سر پہ آجوئی ءِ هاترا ندر کُرتگ انَت یک امیتے جوڑ بیت انَت…

اے اُمیت پہ پاکستان ءُ چائناءَ مرگءَ کمتر نہ اَت… پرچا کہ اے پروگراماں ءُ فدائیناں زورگیر ءِ شاه رگ ءَ دست مان کُرتگ اَت.. همے پیم هرکس وتئی زندگ دارگءِ هاترا باید وتئی تاوان دیوکءَ بہ کُشیت کہ آ نوں زندگ بوت کنت پاکستانءَ هم وتئی دراهیں پندل ساز اِت انَت ءُ جنرل استاد اسلم بلوچ ءَ را شهید کُرت ءُ آئی دلءَ من اے جنگءَ سوبین بوتگاں…. بلے چُوش نزانت کہ جنرل اسلم یک پگریءِ نام انِت یک سوچی ءِ نام انِت ءُ اے سوچءُ اے پگر ءِ هلاس کنگ ھچ وڑ ممکن نہ اِنت ءُ دانکہ بلوچستان ءِ آجوئی ءَ زندگ مان ایت…

هوناں دنیایے مَل اِت
جُهدءَ رهبر رودینتگ

دی بلوچستان پوسٹ: اے نبشتانک ءِ تہا درشتان کُتگیں ھیال ءُ لیکہ نبشتہ کار ۓ جندءِ گنت، الم نہ اِنت کہ دی بلوچستان پوسٹ رسانک نیٹورک ایشانی منوک بہ بیت یا اگں اے گل ءِ پالیسیانی درشانی اِنت۔

دی بلوچستان پوسٹ: اے نبشتانک ءِ تہا درشتان کُتگیں ھیال ءُ لیکہ نبشتہ کار ۓ جندءِ گنت، الم نہ اِنت کہ دی بلوچستان پوسٹ رسانک نیٹورک ایشانی منوک بہ بیت یا اگں اے گل ءِ پالیسیانی درشانی اِنت۔

آہ جنرل اسلم بلوچ

 مُھتاج بلوچ 

دی بلوچستان پوسٹ

نوں شمئے کوپگاں اِنت وتن ھمبلاں ۔

ھما اِنت من جیڑگ ءَ آں کہ پہ جنرل ءُ آئی ءِ مزاریں سنگتانی نام ءَ چے نبشتہ بہ کن آں ءُ آیانی راجی جُھد ءُ جپاھانی بابت ءَ چے درشان بہ کن آں ؟

بلے ھمُک رند ءَ کہ ند چِست کُتگ گوش ئے دانکاں دروہ اِت ءُ دستاں دْرھگ ئے بنا کُتگ ءُ اَرساں چو شرتگ ءَ شَل کُتگ ۔

ءُ انگت من ءَ باور نہ کنت کہ جنرل نمیران ءُ ابدمان بوتگ !!

بلکیں تھنا من نہ آں ، ھزاراں راج دوست ءُ گموار انگت باور نہ کنت ۔

پرچا کہ جنرل ءِ وڑیں انسانے ءِ سِدگ چہ مَرگ ءَ کمتر نہ اِنت بلے من پھر بند آں کہ جنرل پہ ڈیھ ءُ راج ءِ آجوئی ءِ راہ ءَ نمیران بوتگ ءُ مارا ھم بوگی اِنت ۔

ھما راہ کہ جنرل ءَ گوں نیک نیتی ءَ بُنگیج کُتگ اَت ، آ راہ آجوئی ءُ یک مُشت ءُ یکجائی ءُ گوں سرڈگار ءَ وپا کنگ اَت کہ نوں مئے کوپگاں اِنت ءُ الم مارا آئی داتگیں پنت ءُ سوجانی پد ءَ جُنزگی اِنت ءُ یزیدی لشکر پروش دیگی اِنت ءُ وت واجھائی گِرگی اِنت ۔

پہ راج ءِ آجوئی ءِ ھاتر ءَ جنرل ءَ وتئی تنگوئیں بچ ءُ ساہ ءِ ٹکُر ریھان جان ءِ ندر کنگ ءَ ھچ چک ءُ پد نہ بوت ءُ وت ھم پہ بلوچ راج ءَ ندر بوت، آئی ءِ ساپ دلی ءِ مستریں چیدگ اِنت ۔

اے گپ ءَ مارا ھیران بوگی نہ اِنت ، اگاں ما بلوچ ءِ راجدپتر ءَ چمشانکے بہ دئیں گڑا مارا ھزاراں جنرل اسلم گِندگ ءَ کیت کہ آیاں ھم پہ بلوچ راج ءُ ڈیھ ءِ آجوئی ءِ ھاتر ءَ وتئی سر ندر کُتگ اَنت ءُ انگت ھزاراں اسلم ھست کہ آ پہ سرانی ندر کنگ ءَ ساڑی اَنت ۔

من جیڑگ ءَ اِت آں کہ جنرل ءِ روگ ءَ چہ پد باریں آئی کھول ءِ تہ ءَ چے کمی کیت ءُ آ اے گرانیں بار ءَ چتو اوپار کن اَنت ؟
بلے وھدے کہ راجی لُمہ یاسمین ءِ کلوہ پہ راج ءَ آتک ءُ منی چم ءِ کپت اَنت گڑا دل ءَ گرکے جت ءُ جزبگانی دو داتکوئیں درچک ءَ شاہ ءُ شاھڑ جت ءُ من ھمے مار اِت کہ واکی ھستی چہ چماں اندر بنت بلے دلانی تہ ءَ اندر نہ بنت،

پرچا کہ جنرل پہ بلوچ راج ءُ پہ وتئی کھول ءَ یک ھستی اَت ءُ یک بے دروریں استادے اَت کہ آئی داتگیں پنت ءُ سوجاں آئی ءِ کھول ءُ بلوچ راج اَنچوش مُھکم کتگ ءُ اندر ءَ جاگہ داتگ کہ ھچ وڑیں زوراک استاد ءَ چہ بلوچ راج ءَ سِست نہ کنت ۔

من سدکاں جنرل ءَ دگہ ھزاراں استاد تیار کُتگ ءُ الم آ شریں رنگے ءَ راج ءَ داں آپ سرے ءَ سر کن اَنت ۔

بیا اِت نوں ما ءُ شما جنرل ءِ نیکیں واھگانی سرجمی ءِ واستہ ھور بئیں ءُ ھور جُنز اِیں ءُ کول ءُ مُسام کن اِیں اے آجوئی ءِ جُنز ءَ پہ نیک دلی داں منزل ءَ سر کن اِیں ۔

ڈیھ ءِ کُلیں شھیداں سُھریں دروت ۔

نوں شمئے کوپگاں اِنت وتن ھمبلاں
نوں شمئے کوپگاں اِنت وتن ھمبلاں

دی بلوچستان پوسٹ: اے نبشتانک ءِ تہا درشتان کُتگیں ھیال ءُ لیکہ نبشتہ کار ۓ جندءِ گنت، الم نہ اِنت کہ دی بلوچستان پوسٹ رسانک نیٹورک ایشانی منوک بہ بیت یا اگں اے گل ءِ پالیسیانی درشانی اِنت۔

سلام اِنت جنرل اسلم بلوچ ءَ گوں ھَمبلاں

نوتراپ بلوچ

دی بلوچستان پوسٹ

شہید نَہ مِراَنت شہید زندگ اَنت جنرل اسلم بلوچ نہ مُرتگ جنرل زندگ اِنت مرچی دژمنءَ گَل کتگ کہ من جنرل اسلم گوں سنگتاں شہید کُتگ. بلئے اے گپ دروگے بلکیں جنرل تو نہ کُشتگ جنرل اسلم تو زندگ کُتگ زی ایں روچءَ تو وت ھمے گپ کرتگ کہ اُستاد من جتگ بلئے تئی ھمے گپ دروگ بوتگ پدا یک رندے پاکستان ءِ پندل سازاں دگہ پندلے ساز اِتگ کہ جنرل اسلم نادُراہ اِنت ھچ علاجءِ وڑ ءُ پیمے نیست انڈیا ءَ نادُراہ جاہ ءَ اِنت. اے درست تئی پندل ءُ دروگ اِت اَنت . ھرکس سرپد اِنت کہ تو دنیاءِ توک ءَ چینکس پِڑا پراڈی کنگءَ ئے.

وھدے دالبندنءَ تئی چینی مھلوکءِ سرا جنرل اسلم بلوچءِ بچ شہید ریحان جان وتئی نگراہیں جانءَ شورہاں بندیت تئی زُلمءِ ہلاپءَ دَر کئیت وتئی جانءَ کربان کنت ءُ دوہمی رْندءَ چینی کونسل خانہءِ سر ءَ شہید ازل جان، شہید وسیم جان ءُ شہید رازق جان وھدے اُرش کن اَنت تئی تیوگیں سسٹمءَ تباہ کن اَنت اے گُڈاں شہید جنرل اسلم بلوچ ءِ پگر ءِ سنگت بنت تو جیڑ اِتگ کہ من جنرل اسلم بلوچءَ شہید کناں بلوچءِ جنگ ھلاس بیت. اے تئی واب یے، جنرل اسلم بلوچءِ ھزارانی کساسءَ پگری سنگت اَست اَنت اُستاد یک نامے نہ بوتگ یک ڈانچھے نہ بوتگ بلکیں بلوچ جہدءِ واستہ یک  پیگمبرے بوتگ، یک رہشونے بوتگ.

مرچی تو جنرل اسلمءِ جون چہ بلوچءَ جتا کُتگ بلکیں آئی پگر ءُ لیکہ  بلوچ کومءِ تہ ءَ اَست سلامت اِنت تو ھمے جیڑاِتگ کہ من جنرل اسلم بلوچ ءَ شہید کناں جنگ ہلاس بیت اوشت اِیت اِے جنگ نہ اوشت اِیت اے جنگ گیش بیت مرچی اگاں جنرل  اسلم شہید بوتگ نگاہاں چہ دور اِنت بلے دلانی تہ ءَ زندگءُ سلامت اِنت آئی پگر سوچ مرچی ہر بلوچءِ دلانی توکا زندگ اِنت تو اے دل ءَمہ جیڑ ایمن مہ بو پہ تو پیداکیں سیاہیں شپیں، تو نواب نوروز شہید کُتگ، نواب اکبر بگٹی شہید کُتگ، بالاچ مری شہید کُتگ، واجہ غلام محمد شہید کُتگ، شہیک جان شہید کُتگ تو ھمے گُشتگ کہ  بلوچانی جنگی رہشوناں شہید کناں سیاسی لیڈراں  چست کناں براں گارءُ بیگواہ کناں جنگ ھلاس بیت نہ چو اِے جنگ کدی ھلاس نہ بیت اے کومی جنگےِ مرچی جنرل اسلمءِ گونگیں لیڈر وتئی تنگوہیں بچانی کُربان کنگءَ چکءُ پد نباں ماس یاسمین وتی ریحان جانءِ گونَگیں بچاں گوں وتئی دستاں سینگار اِیتءُ آزاد بلوچستانءِ بیرکءَ مانپوشِیت ءُ گُشیت برو اللہ ئِےمیار ئے وتئی منزلءَ سر بِہ اِت.

ریحان جانءِ منزل چی اِنت ؟ منزل مرگ اِنت ماس زانگءَ اِنت کہ منی بچ بروتیں پدا واتر نہ بیت پہ من نئیت ماس زانگءَ اِنت کہ چہ من دور روئگ ءَ اِنت وتئی گُڈی منزلءَ رواگاہیں مرچی چہ من جتا بیت بلے ماس نہ گُشیت مَرو، پرچہ ؟پرچہ کہ مات زانت کہ اگاں چہ من جُتا بیت. بلئے پہ کومی آزاتی  ءُ پہ بلوچ راجءِ آھوکیں باندات ءِ واستہ سرانی کربانی دیگ اَلمی اِنت گڑاں ماس یاسمین واجہ جنرل اسلم بلوچ وتئی چُک ریحان جانءَ پہ بچکندے گُلاہیش کن اَنت ءُ پہ  سرزمین ءُ بلوچستانءِ مالءُ مڈیانی رَکینگءِ ہاترا ریحان جانءَ دیم دیئنت مرچی اگاں ما بچاراں کہ پہ بلوچءِ کومی جہدءِ ہاترا اگاں کسے ءَ ھچ نچارتگ گُڈاں آ جنرل اسلم بلوچ ءُ ماس یاسمین بوتگ اَنت. دانکہ اے دنیاءِ توکا یک بلوچءِ مانیت گڑاں آ جنرل اسلم بلوچءُ ماس یاسمینءِ داتگیں کربانی ھاں یات کنت پراموش نہ بنت. دنیاءِ توکا کربانی دیوکیں مردم گارءُ بیگواہ نہ بنت زیگ اِین روچءَ جنرل اسلم ءَ وتئی بچ نْدر کُرتگ پہ سرزمینءَ مرچی شہید جنرل اسلم بلوچ، شہید سگار رحیم مری، شہید تاجو مری، شہید رستم جان، شہید فدائی فرید جان ءُ صادق بلوچ کربان بنت۔

مردم پہ وتئی ھک ءِ ہاترا سرزمین لجءُ ننگءُ ناموس ءِ ہاترا  پہ کربانی دیگ ءَگار نہ بیت گار بیت ھما مردم  کہ آ گِندگءَ اِنت کہ منی ھکءَ دوہمی پہ زور برگ ءَ اِنت آ سرا جہل بکنت بگُشیت من بے وس آں. منا ہچ وس نیست گڑاں ہما گار بیت. بلے بلوچ کومءِ توک ءَ جنرل اسلم بلوچ گونگیں بھادُریں بامرداں دژمنءِ دیم ءَ سر جہل نہ کُرتگ دانکہ گُڈی وھدءَ دژمنءَ گوں جنگ کُتگ دژمن بے سوب کُتگ انگت دژمن ھمک وھد ءَ بے سوب بیت ءُ سوبین بنت راجی جہد کار. سلام اِنت شہید جنرل اسلم بلوچءَ گوں ہمبلاں .

آزات بلوچستان زندگ بات