TBP Balochi

نبشتانک: باسو کَے بوتگ؟

نبشتہ کار: شھزاد بلوچ

دی بلوچستان پوسٹ

بلوچ راجی جھد ءَ کہ ما چاراں کہ بلوچ ءِ زمین ءِ پیداک کتگیں بَچاں ھر وھد ءَ وتی پرز اد ءَ کتگ ماں چہ نصیر خان نوری آ تاں بہ گریں دانکیں خان میر محراب خان داں ھر وھداں بلوچ ءِ بچ ءَ وتی زمین ءِ رکینگ ءِ واستا جھد کتگ دانکیں گُڈّی ماں وتی سینگ ءَ وارتگ گوراں شان ءِ پہ رخصت بوتگاں پد ءَ ھمد ءَ ماں گندیں لھتے مپاد پرست ءِ ٹولیاں کہ وتی براتانی کوشارینگیں پہ زرّ ءَ آ گوں دشمناں آوار انت ، پد ءَ ھمد ءَ پہ بلوچ ءِ ایماندار ءُ ھاجزیں بچ سراں چہ سر گوزگایاں انچش کہ میجر اسد باسو ءُ کمانڈر کنجل ءَ کہ وتی نگرھیں جان پہ بلوچستان ءِ آجوئی ءِ ھاتر ءَ ندر کُت مرچی من لھتے کِسّہ میجر اسد ءِ بیان کنگ ءِ کوشش کنگ اِنت۔

۲۰۱۶ ءَ وھدے لشکر کیت سارتیں بیگاہ ءِ بیت ھمد ءَ جُست ءُ پُرس کنان ءُ گراونڈ ءِ نیمگ ءَ سربندی کنت ھمد ءَ موٹر سائیکل جُست ءُ پرس کنت ھمد ءَ لھتے شھید ءَ نی اکس بنت ھمیش انت دُور کنت ءُ چاکنگ ءَ دُور کنت ءُ پد ءَ دُکان پہ دُکان روان کنت ءُ جُست کنان کنت کہ باسو ءِ لوگ کجام ءِ دُکاندار ءَ باسو نام کدی اُش ناکُتگ ءِ نام ءِ مردم اِد ءَ وجود نداری پد ءَ ھمدا چہ لشکر مانتری وتی کیمپ ءِ نیم ءَ جُنز ایت ھمد ءَ وارڈ نمبر ۶ ءِ مردم ھمے جیڑگ ءَ اِتاں کہ باسو کائیں ءُ مردم ھیران ات اَنت-

وھد دیم ءَ راوان بوت گورا یک روچے اناگ ءَ تیرگواری بوت وارڈ نمبر ۶ ءَ دُکاندار پہ تُرس ءَ وتی دُکان ءَ بند کنگ ءَ لگ اِت اَنت ءُ پد ءَ وارڈ نمبر ۶ پد ءَ ھاموش بُوت پد ءَ اناگ ءَ ھال ءِ شینگ بوت کہ پیرزال ءِ امینہ زکمی اِنت بی بی امینہ سنگت اسد ءِ مات اِنت پد ءَ ھرنیم ءَ ھمے گپ شنگ بوت کہ پیرزال ءِ امینہ جنّگ بوتگ اَت-

نوں کہ میتگ ءَ ھال شنگ بوت کہ اسد مرچاں باسو جوڑ بوتگ کُلانچ ءِ سنگراں دشمن ءِ واب بُرتگ اَنت چہ ھمے اسد کہ بی ایس او آزاد ءِ یک سنجیدھیں ءُ جزباتی ءِ کارکن ءِ یا جی ھمے اسد کہ شھید حنیف ءِ شاگرد بوتگ ۲۰۱۶ ءَ ھما سال ات کہ اسد ءِ سنگراں چے بازیں مردمے سرینڈر کنگ ءَ اَنت یا گوراں انچش گُمان بوتگ ءَ کہ اسد ھم سرینڈر کنت بلے شھید اسد وتی استاد حنیف ءِ ھون ءِ قسم وارتگ ءُ مزبوت اِنت سنگراں داشتگ ات اَنت۔

یک بیگواھیں بلوچ ءِ یا کِسّہ ءِ آوارتگ ءَ کہ من ءَ بُرتگ اَنت یک ٹارچر کمرہ اے یا ھو جُست کتگ ءِ تو اسد ءَ زان ئے من پسو داتگ کہ ۷ سال ساری پسنی ءَ دیستگ پد ءَ اِنّاں پد ءَ آپیسر آ جُست کتگ اسد مئے گوم ءَ جنّگ نبی چیا یک ۳ رند ءَ کُلانچ ءَ ھو یک رندے کولواہ ءَ مارا شکست داتگ اشی ءَ ھو پد ءَ گشتگ ئے کہ اسد ءَ مہ ارچ سپاھی ءِ تیر بِلّاگی مہ آئی ءَ لاپ لانک کن ئے۔

پد ءَ ۲۰۱۷ ءَ لشکر اسد ءِ گوھار ءِ سر ءَ پٹرول پریچے ھو پد ءَ پسو دنت آگاں اسد نیت ما ترا بُن دے پد ءَ ھال پوریں پسنی ءَ شینگ بیت کہ اسد ءِ گوھار اے سر ءَ پٹرول پریچگ بوتگ پد ءَ ھمد ءَ نوجوان جُست پرس ءَ لگ اِتگ کہ اسد کہ اے ھر نوجوان ءِ کواھش پہ اسد بوسو ءِ دیدار ءَ یا اسد ءِ جنگ ءِ کِسّہ پوریں پسنی آ شنگ اتگ ھر مات ءُ گوھار اے پہ اسد ءِ واستا نیک دُعائی کنگ ءَ اِت اَنت گوھار قرآن وانگ ءَ اِت اَنت پہ اسد ءِ سلامتی ءِ واستا۔

۹/۱۰/۲۰۲۱ ھمے بدبھتیں روچ کہ تئی شھادت ءِ ھال سر بوت انچش گُمان بوت کہ زمین زادگ ءَ وتی سر پہ شان ءِ داتگ بلے پشتہ نہ کنز اتگ پسنی ءِ نوجوان پہ تئی اکس ءَ زوم کنگ ءَ اِت اَنت چارگ ءَ اِت اَنت کہ اسد پہ زمین سالونک بوت وھدے کہ تئی جنازہ پسنی ءَ سر بوت گڑا ھمد ءَ لھتے ریاستی کاسگ چٹ گوں سائینکلاں اتکاں مردم ءَ چارگ ءَ لگ اِت اَنت پد ءَ شت اَنت ھما نوجوان پہ تئی دیوانگ ات اَنت پہ ترا شان دو چَُنک ھاک پریچگ ءَ اِت اَنت ترا زمین ءِ میار کنگ ءَ اِت اَنت انچش گمان بوت کہ زمین پھر بندگ ءَ ایں پہ وتی بچ ءَ انچش گُمان بوت کہ نصیر کمالان گوں کُلیں شھیداں نارہ جنگ ءَ ایں سھریں دروت باسو جان سھریں دروت قربان باسو قربان-

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

ٹی ٹوئنٹی ورلڈ کپ کرکٹ گوازی بندات کنگ بوتگ، بنداتی گوازی ءَ عمان ءَ دومی گوازی ءَ اسکاٹ لینڈ ءَ باج برتگ گوازی وتی نام ءَ کتگ –

یکشمبے روچ ءَ بوتگیں ٹی ٹوئنٹی ورلڈ کپ کرکٹ گوازی ءِ اولی گوازی عمان ءُ پاپوا نیوگنی ءِ میان ءَ بوتگ کہ عمان ءَ پاپوا دہ وکٹاں پروش داتگ –

پاپوانیو گنی ءَ اولسر ءَ بیٹنگ کنان ءَ یکسدو ءُ بیست ءُ نھ رنانی ٹارگٹ داتگ – عمان ءَ بید وکٹانی تاوان ءَ چاردھمی اوور ءَ ٹارگٹ پروشتگ ءُ گوازی وتی نام ءَ کتگ –

ورلڈ کپ ءِ اولی گوازی ءَ عمان ءَ پاپوا نیو گنی ءِ دیم ءَ ٹاس کٹیتگ بلے پاپوا بیٹنگ کنگے موہ داتگ –

پاپوا نیو گنی ءَ اولسر ءَ گوازی کنان ءَ یکسدو ءُ بیست ءُ نھ رن جوڈ کتگ، کپٹن اسد ءَ پنجاہ ءُ شش رن جوڈ کتگ چارلس امینی ءَ سِی ءُ ھپت، سیزی باؤ ءَ سینزدہ رن جوڈ کتگ –
عمان نیمگ ءَ زیشان مقصود ءَ چار ءُ بلال خان کلیم اللہ ءَ دو دو وکٹ گپتگ –
یکسدو سِی رنانی ٹارگٹ پروشگے ھاتر ءَ بگیر وکٹانی تاوان ءَ عمان ءَ باج برتگ عاقب الیاس ءَ پنجاہ ءُ جیتندر سنگھ ھپتاد ءُ سَے رن جوڑ کتگ-

دومی گوازی ءَ اسکاٹ لینڈ ءَ بنگلہ دیش ءِ دیم ءَ شش رناں باج برتگ –

بنگلہ دیش ءِ کپٹن محمود اللہ ءَ ٹاس کٹیتگ ءُ اولسر ءَ فیلڈنگ کنگے پیسلہ کتگ –

اسکاٹ لینڈ ءَ بیست اوورانی تہ ءَ نھ وکٹانی تاوان ءَ یکسد ءُ چِل رن جوڈ کتگ
پنجاہ ءُ دو رنانی جوڈ کنگ ءَ پد اسکاٹ لینڈ ءِ نیم لیبی آؤٹ بوتگ اتنت کہ کرس گریوز ءُ مارک واٹ ءَ جوانیں لیب پیش داشت ءُ اسکور یکسدو چِل ءَ سرکت انت –
کرگریوز ءَ چِل ءُ پنج، جیورج مونسے ءَ بیست ءُ نھ ءُ مارک واٹ ءَ بیست ءُ دو رن جوڈ کت –
بنگلہ دیش ءِ نیمگ ءَ مہدی حسن ءَ سَے، سکیب الحسن ءُ مستفیض الر دو دو لیبی آؤٹ کت –

یکسدو ءُ چِل ءُ یک رنانی ٹارگٹ پروشگ ءَ اسکاٹش بولراں جوانیں بالنگ کنان ءَ بنگلہ دیش بیست اووراں ھپت وکٹاں یکسدو ءُ سِی ءُ چار رناں تاں داشت ھمے وڈ ءَ اسکاٹ لینڈ ءَ بنگلہ دیش ءِ بگیری ءَ شش رناں پروش دات –
بنگلہ دیش ءِ نیمگ ءَ مشفیق الرحیم سِی ءُ ھشت ءُ کپٹن محموداللہ بیست ءُ سَے رن جوڈ کتگ وھدیکہ اسکاٹ لینڈ ءِ بریڈ ویل ءَ سَے کرس گریوز ءَ دو لیبی آؤٹ کتگ –

ھوشاپ وئیل ءِ کھولانی نندانک شال ءَ پنچمی روچ ءَ برجاہ بیتگ، لوٹ منّگ نہ بیت اَنت انتزامیہ کاروائیاں پد اسلام آباد ءِ نیمگ ءَ جنزان کن ایں تران کنوکانی دومی پریس کانفرنس –

یکشمبے ءِ روچ ءَ رسانکدراں پریس کانفرنس کنان ءَ ھوشاپ وئیل ءَ کُشگ بیتگیں زھگانی کھولانی گوشگ اَت کہ ھنچش شما درست سرپد اِت کہ گوستگیں روچ ءَ درستیں دراھیں سرپدی رسانکدرانی دیم ءَ ایر کرتگ اَنت کجام ھم رنگ ءَ وتی شھریاں انساپ دیگ ءِ واستا ریاست بے وسی ءَ گیر سنجیدگی ءَ مروچی بزاں یکشمبے ءِ روچ ءَ ھبدہ اکتوبر ءَ اے ریاستی بے وسی ءُ گیر سنجیدگی ءِ ھلاپ ءَ بلوچستان ءِ جتا جتائیں شھراں مھلوک زھرشانی تہ ءَ بیتگ اَنت-

پریس کانفرنس کنان ءَ گشتگ اِت کہ مروچی شال، کراچی، تربت ءُ گوادر ءَ مھلوک ءَ ترندیں رنگے ءَ زھر ءِ درشان کتگ اَنت ءُ وتی لوگاں دراتکگ ءُ ھوشاپ وئیل ءِ ھلاپ ءَ زھر ءِ درشان ءَ بیتگ اَنت سرجمیں بلوچستان ءَ مھلوک ءِ زھر زانگ بیتگ اَنت نِی اے زُلم ءُ زوراکیانی ھلاپ ءَ کس بے توار نہ بنت بلکیں ترند ءَ ترندیِں زھرشانی کنگ بنت-

کھول ءِ رد ءَ مروچی سرکاری گپ ءُ ترانی ٹولہ کمشنر شال ءِ سروکی ءَ کھولانی گندگ ءَ اتکگ اَنت کھول ءَ وتی لوٹ دیم ءَ ایر کرتگ اَنت کہ چریشانی تہ ءَ زھگانی کوشکارانی ھلاپ ءَ ایف آئی آر گون بیتگ کہ درستاں پیسر سرکاری گپ ءُ ترانی ٹولی کھول ءَ اے گپ ءَ منینگ ءِ جھد ءَ بیتگ اَنت اے ایف آئی آر والا لوٹ ءَ دزکش بہ بنت بلے کھول ءِ گوشگ بیتگ کہ مئے زھگ ایف سی ءِ نیمگ ءَ شانک داتگیں مارٹر شھید بیتگ اَنت ءُ ایف آئی آر ھم ایف سی ءِ زمہ دارانی سر ءَ نبشتگ کنگ بہ بیت اِنت –

اھوالکاراں گوں گپ کنان ءَ کھول ءَ گشتگ کہ گپ ءُ تران ءِ گڈی ءَ سرکاری گپ ءُ ترانی ٹولی ءَ اے لوٹ ءِ واستا شَور ءُ سلاہ کنگ ءِ واستا کھول ءِ گور ءَ وھد لوٹ اِتگ بلے چریشی ءَ پد سرکاری گپ ءُ ترانی ٹولی ءِ نیمگ ءَ کھول ءَ را کلوہ اش داتگ اَنت کہ ما ایف سی ءِ کجام ھم کارندہ ءِ سر ءَ ایف آئی آر درج کت نہ کن ایں دانکہ لاشاں پوسٹ مارٹم کن ایں اگاں پوسٹ مارٹم ءَ اے زانگ بیت کہ زھگانی شھیدی مارٹر گولھانی شانک دیگ ءَ بیتگ اَنت گڑا ما ایف ائی آر ءَ ایف سی ءِ کجام ھم کارندہ ءِ سر ءَ ایف آئی آر ءَ نبشتگ کن ایں اگاں زھگانی شھیدی ھینڈ گرینیڈ ءَ چہ بیتگ گڑا ایف آئی آر کھول ءِ سر ءَ نبشتگ کنگ بیت اِنت-

آیاں گشتگ کہ سرکار ءِ گپانی تہ ءَ اے گپ زانگ بیتگ کہ زھگانی کوشکارانی گرگ ءَ ابید زھگانی کھولاں زھرشانی ءِ پژدر ءَ کاروائی ءِ نشانگ کنگ اِنت-

کھول ءَ گشتگ اَت کہ سرکاری گپ ءُ ترانء ٹولی ءِ رویش ءُ واک ھنچش بیتگ اَنت آ کجام ھم رنگ ءَ کوشکارانی سر ءَ ایف آئی آر درج نہ کنت ھما رنگ ءَ آیاں پوسٹ مارٹم ءِ لوٹ ایر کرتگ ما کھول اے لوٹ ءَ سرجم ءَ رد کن ایں پرچاکہ ما سرپد بہ ایں کہ سرکار پوسٹ مارٹم رپورٹ ءَ مٹ کنت کوشکاراں پھریز ایت اِنت-

آیاں گشتگ کہ ھمود ءَ کہ ایف سی ءِ مارٹر گولہ ءِ آس دیگ ءِ گپ اِنت ءُ چریشی ءَ زھگانی شھیدی ءَ گوں بندوک اِنت کہ اے گپ ءَ درستاں پیسر تھسیلدار ءِ رپورٹ اتکگ کہ آئی ءَ تچکی ءَ نبشتگ بیتگ کہ زھگانی شھیدی ایف سی ءِ نیمگ ءَ شانک دیگ بیتگیں مارٹر گولھاں بیتگ اشی ءَ ابید دمگ ءِ آل پارٹیز کیچ ءُ ما کھول ءِ مردم اے گپ ءِ گواہ اِنت ایف سی ءِ نیمگ ءَ آس دیگ بیتگیں مارٹرانی سبب ءَ زھگانی شھیدی بیتگ اَنت ھمود ءَ کہ گپ پوسٹ مارٹم ئیگ اِنت ھما روچ ءَ کہ وئیل بیتگ ھما روچ ءَ چہ نندانک برجم کنگ بیتگ سرکار ءِ ھوش ءَ آ وھد ءَ پوسٹ مارٹم ءِ ھچ ھیال نیتکگ وھدیکہ ایشی ءِ پدراھی ءَ سرکاری ادارہ ھما روچ ءَ ایف سی ءِ پھریزگ ءَ روچے یک گپے دیم ءَ کار اَنت وھدیکہ مارا بے توار کنگ ءَ تربت ءَ نندانک ءَ زرانی لالچ ھم دیگ بیتگ ءُ ما سرپد بہ ایں کہ پوسٹ مارٹم رپورٹ ءِ مٹ کنگ بیت اِنت ما نیزگاریں مردم زھرشانی ءِ سزا دے اَنت ئِے بلے ما سرکار ءِ کجام ھم پندل ءُ بیھاراں نیزور نہ بہ ایں –

کھول ءِ گوشگ اَت کہ ما مروچی اے پریس کانفرنس ءِ زور ءَ سرکار ءَ ھال دیگ لوٹ ایں کہ وزیر داکلہ ضیالانگو ءِ پریس کانفرنس راستی ءَ بلکل دور بیتگ کک وزیر داکلہ مئے پُر ایمنیں زھرشانی ءَ بے سوب کنگ ءَ سیاسی پاٹیانی ناماں کارمرد کنگ ءَ اِنت بلکل اے گپ آئی ءِ دروگ اِنت ما ھچ سیاسی پاٹی ءِ گوشگ ءَ اد ءَ نیتکگ اِنت بلکیں تئی سرکار ءِ گور ءَ انساپ ءِ واستا نندانک ءَ نشتگ اِنت مئے زھگانی کوشکار ایف سی اِنت مئے زھگانی کوشکار دزگیر کنگ بہ بنت-

کھول ءَ گشتگ اَت کک ما سرکار ءَ یک رندے پد ءَ گوشگ لوٹ ایں کہ مئے زھگانی ایف آئی آر ءَ ایف سی ءِ ھلاپ ءَ نبشتگ بہ کن کجام رنگ ءَ ھم نندانک ھلاس کنگ نہ بیت اِنت نانکہ کجام لاچ ءُ ناکہ کجام بیھار ءِ ترس ءَ پشت ءَ کنز اِت کن ایں زھرشانی گیش کنگ بیت اِنت-

آیاں گشتگ کہ گڈی ءَ ما کھول بلوچ مھلوک ءَ گوں دزبندی کن ایں کہ وتی زھرشانی ءَ گیش بہ کن اَنت باند ءَ شال ءِ مزنیں شھدگ بند کنگ بنت اسلام آباد ءِ نیمگ ءَ لاشانی ھمراھی ءَ جنزان بہ ایں ءُ لوگاں در بیا اَنت ءُ مئے توار جوڑ بہ بنت سرجمیں بلوچستان ءَ زھرشانی ءُ نندانکاں بندات بہ کن اَنت –

زانگ بہ بیت مروچی بلوچستان ءِ بازیں جاھاں ھوشاپ وئیل ءِ ھلاپ ءَ زھرشانی کنگ بیتگ اَنت، گوادر، تربت ءُ کراچی کنگ بیتگ اَنت ءُ باندا دگہ جاھاں ھم زھرشانیانی جار پرینگ بیتگ اَنت-

کراچی لیاقت نادُراھجاہ ءِ ڈاکٹر محمد ارشد ءِ نیمگ ءَ زھگ کمپیوٹر ٹیسٹ ءَ پد رپورٹ ءَ ھوشاپ ءِ وئیل ٹپی بوتگیں سیمی زھگ مارٹر گولہ ءِ لگگ ءَ چہ پدر کتگ-

لیاقت نادُراھجاہ کراچی ءِ ڈاکٹرانی نیمگ ءَ شنگ کتگیں رپورٹ ءِ تہ ءَ اے گپ پدر کتگ کہ زھگ ءِ مارٹر گولہ ءِ لگگ ءَ چہ ٹپی بوتگ –

لیاقت نادُراھجاہ ءِ ڈاکٹر ایم راشد ءِ نیمگ ءَ شنگ کتگیں رپورٹ ءِ تہ ءَ گْوشتگ کہ یکے ءَ چہ جنگل نشتگیں لیمرتگیں چھرگ ءِ زھگ ءِ جگر دوئیں بھراں ھست بوتگ اَنت وھدے کہ لاپ ءَ مارٹر گولہ ءِ آس ءِ سوچگ ءِ نشان ھم ھست اَنت چریشی ءِ ٹپانی سبب چی اَنت –

ڈاکٹرانی رِد ءَ بازیں ٹپاں ءُ جان ءِ سوچگ ءِ سبب ءَ زھگ ءِ گُردہ ءُ جگر ءَ ھم ٹپی اَنت وھدے کہ مارٹر مزنیں چُِنڈ ھم ٹپانی تہ بوتگ اَنت-

ھوشاپ وئیل ٹپی ئیں سیمی زھگ الاج کراچی ءَ برجاہ ءَ اِنت وھدے کہ اے وئیل دو زھگ ءَ وتی ساہ داتگ اَنت-

ھوشاپ ءَ چیزے روچ ءَ ساری ءَ یک تراکے ءَ آسر ءَ سے زھگ ٹپی بوتگ اَنت ءُ سئینانی تہ ءَ دو برات گھار ھما جاہ ءَ وتی ساہ اِش داتگ-

ھوشاپ وئیل ءَ پد کھول لاشانی ھمراھی ءَ تربت شھید فدا چار راہ ءِ سر ءَ زھرشانی ءَ نندوکیں کھول رِد ءَ تراک پاکستانی پوج ءِ نزیکیں بُنجل ءَ چہ آس دیگ بوتگیں مارٹر گولہ ءَ چہ بوتگ – بلے انتزامیہ ءَ کھول گپ دروگ کتگ ءُ تراک دست بمبے پیش داشتگ-

ھوشاپ وئیل ءَ بیران بوتگیں زھگانی کھول لاشانی ھمراھی ءَ تربت ءَ چہ شال گونر گِس ءِ دیم ءَ زھرشانی ءَ سر بوتگ اَنت کھول ءِ زھرشانی گوستگیں پنچ روچ اِنت برجاہ ءَ اِنت-

ھوشاپ وئیل بگیری ءَ بلوچستان جتائیں دمگاں بلوچ یکجھتی کمیٹی ءِ نیمگ چہ زھرشانی روانک برجاہ ءَ اِنت – زھرشانی کنوکاں دانکہ کھول ھک ءُ انساپ ءِ دیگ زھرشانی نندانک ءِ جار جتگ ، مروچی شال شھدگ بند کنگ ءَ ھوار گوادر ، تربت ءُ کراچی ءَ زھرشانی کنگ بوتگ وھدے کہ پنجگور ءُ ھب زھرشانی ءِ جار جنگ بوتگ – وھدے کہ اشی ءَ چہ پد لاشانی ھمراھی ءَ زھرشانی ءَ اسلام آباد ءَ روگ ءِ چست ءُ ایر کتگ-

بلوچ آجوئی لوٹوکیں سلاہ بندیں گل بلوچستان لبریشن فرنٹ ءِ جارکش میجر گوھرام بلوچ ءَ رسانکدراں وتی شنگ کرتگیں درشان ءِ تہ ءَ گوشتگ کہ بی ایل ایف ءِ سرمچاراں سیزدہ اکتوبر ءَ مند ءَ شند ءُ دار چم ءِ میانی دمگ ءَ سیمسراں ٹٹ کنوکیں پوجی کمپنی ءِ سر ءَ اُرش کتگ کہ آپ بروکیں ٹینکر ءُ بلڈوزر مانداشتگ انت وھدیکہ آھانی ڈرائیور لس مردمے بوگ ءِ سوب ءَ بید ء تاوان دیگ ءَ یل داتگ انت –

جارکش ءَ گوشتگ درسیں لس مردماں مکن کنیں کہ پاکستانی پوج ءُ لٹ پُل کنوکیں شور بندی ءَ دور بہ دار انت –

آئی ءَ گوشتگ اے کمپنی سیمسر ءَ ٹٹ کنگ ءُ دگ ءِ سر ءَ کار ءَ بوتگ انت –

جارکش ءَ گوشتگ کہ اے لٹ پُل شوربندی انت ءُ بلوچاں گیشتر گلام دارگ ءُ بلوچ ءِ مال مڈیاں لٹ پُل ءَ گیشی آرگ انت –

بلوچستان ءِ دمگ کیچ ءِ بنجاھی شھر تربت ءَ یکشمبے ءِ روچ ءَ بلوچ یکجھتی کمیٹی ءِ دزبندی ءَ ھوشاپ ءَ پاکستانی پوج ءِ دست ءَ کُشگ بیتگیں زھگانی کھولانی لوٹانی واستا یک روانکے کشگ بیتگ –

آیانی دستاں بینرز ءُ پلے کارڈز چِست کرتگ زالبول، زھگ ءُ ورنایانی بازیں کچے ءَ شھر ءِ جتا جتائیں جاھاں پند جنان ءَ سرکار ءُ سیکورٹی پورس ءِ رویشانی ھلاپ ءَ اوگام جتگ اش –

روانک ءَ زھرشانی کنوکاں شھید فدا چوک ءِ سر ءَ زھرشانی کرتگ –

ھمے وھد ءَ ہیومین رائٹس کمیشن آف پاکستان ءِ ریجنل کوارڈینیٹی غنی پرواز، آل پارٹیز کیچ ءِ کنوینئر مشکور انور، شاری بلوچ ءُ دگہ مردماں تران کنان ءَ ھوشاپ وئیل ایر جتگ ءُ گوشتگ کہ بلوچستان ءَ ریاستی زُلم ءُ زوراکی بازیں وھدے ءَ چہ برجاہ اَنت –

آیاں گُشتگ کہ بلوچستان ءَ اے مردماں توپک ءِ زور ءَ چیرترینگ ءَ اَنت –

زھرشانی کنوکاں مزن واکاں کھول ءِ لوٹاں بہ منّ اِیت کہ لاش گوستگیں ھپت روچاں زھرشانی کنگ ءَ اَنت –

آیاں گُشتگ بلوچستان ءِ جیڑھاں مانیارگ اِنت –

زھرشانی کنوکاں گُشتگ کہ یک نہ کُٹوکیں وڑے ءَ بلوچستان ءَ لاش دور دیگ بیگ ءَ اَنت -وانندگیں ورنایانی آوار جنگ ءأ مارا اجازت نیست اِنت وتی ھکانی واستا گپ بہ جن ایں – مئے زھرشانی ھک ءُ انساپ ءِ واستا بیگ ءَ اَنت –

آیاں گشتگ کہ مئے گون ءَ نا انساپی بیگ ءَ اَنت – ھوشاپ ءَ دو زھگانی کوش چریشی ءَ پیسر رامیز بلوچ ءِ لاش ءِ گون ءَ شھید فدا چوک ءِ سر ءَ نندانک ءَ نشتگ اِنت مئے گپ گوشدارگ نہ بیتگ اَنت پد ءَ ما لاشانی ھواری ءَ شال ءَ شتگ اِنت اود ءَ مارا انساپ نہ رس اِتگ –

آیاں گُشتگ ما مڈیانی واجہ اِنت آ مارا نہ رس اَنت بلے ھمک روچ مئے لاش دور دیگ بیگ ءَ اَنت –

آیاں گشتگ کہ مارا گشگ بیتگ کہ وتی لاشاں بے تواری ءَ کل ءُ کسارات بہ کن اِت، بلے نی ما بے توار نہ بہ ایں،ما ھم سما کن ایں ءُ وتی لوٹانی واستا ھچ رنگ ءَ دزکش نہ بہ ایں –

زھرشانی کنوکاں گشتگ کہ بلوچستان ءَ زُلم ءُ زوراکی بند کنگ بہ بنت-

بلوچستان ءِ بنجاھی شھر شال ءَ یک شمبے ءِ سھب ءَ بلوچستان یونیورسٹی ءِ دیم ءَ نودربراں بازیں کچے ءَ نندانک جتگ ءُ دگ بند کرتگ ءُ روانی مھتل کتگ اَنت –

سریاب دگ ءِ سر ءَ نندانک ءِ سبب ءَ روانی بند بیگ ءِ سبب ءَ دگ ءِ سر ءَ گاڑیانی لین کتار اَنت ءُ سندھ ءُ بلوچستان ءِ دگہ جاھاں آؤکیں مساپراں زھرشانی ءِ سبب ءَ جیڑھانی دیمپانی اِنت –

زھرشانی جار گوستگیں شپ ءَ بلوچ یکجھتی کمیٹی ءَ داتگ ءُ گُشتگ کہ ھوشاپ وئیل ءَ کُشگ بیتگیں زھگانی کھولانی لوٹ سرجم کنگ نہ بیتگ اَنت ءُ سرجمیں بلوچستان ءَ زھرشانی ءُ لاشانی ھمراھی ءَ اسلام آباد ءَ رھادگ بہ ایں –

جتا جتائیں بلوچ نودربر گلانی باسکانی بازیں کچے اے وھد ءَ سریاب دگ ءَ زھرشانی ءَ جاڑیگ اَنت-

سریاب دگ ءَ جاڑیگیں زھرشانی کنوکاں ھوشاپ وئیل ءَ دزمانجنیں ایف سی کارمندانی دزگیری ءُ بلوچستان ءَ ایف سی ءِ درکنگ ءِ لوٹ کتگ ئِے-

دومی نیمگ ءَ شھر ءَ ریڈزون ءَ گورنر ھاؤس ءِ دیم ءَ کھول گوں لاشانی ھمراھی ءَ پنچمی روچ ءَ زھرشانی نندانک ءَ نشتگ اَنت-

زھرشانی نندانک ءِ جاہ ءَ بلوچ ءُ پشتون راجدوستیں پاٹیانی رھشونانی بازیں کچے جاڑیگ اِنت ءُ کھولانی لوٹانی نہ منگ ءِ سر ءَ سرکار ءِ سر ءَ ایراد گرگ ءَ اَنت –

زانگ بہ بیت ھمے سال ءِ دہ اکتوبر ءَ کیچ ءِ ھند ھوشاپ ءَ ایف سی ءِ نزیکیں پوسٹ ءَ مارٹر آس دیگ بیتگ ءُ چریشی ءَ ھپت سالی ئیں اللہ بکش ء عبدالواحد ءُ پنچ سالی ئیں شراتون ء عبدالواحد ھما جاہ ءَ بیران بیتگ اَنت ءُ زد ءَ اتکگیں یک زھگے مسکان ء وزیر سک زدگ بیتگ اَت کہ انگت ءَ زدگ اِنت ءُ نادراہ جاہ ءَ آئی ءِ درمان بیگ ءَ اِنت –

سر بیتگیں ھالانی رد ءَ روکپتی بلوچستان ءِ دمگ سراوان ءَ ناشناسیں مردماں تیرگواری کنان ءَ یک کسان سالیں زھگے کُشتگ –

گیشیں ھالانی رد ءَ ناشناسیں مردماں سراوان ءِ دمگ دزک ءَ تیرگواری کرتگ ءُ یک زھگے کُشتگ –

کُشگ بیتگیں زھگ ءِ پجار سعید سپاھیان مھمد علی جھمنند دزک ءِ نام ءَ زانگ بیتگ –

ھالانی تہ ءَ گوشگ بیتگ کہ اشی ءِ سر ءَ ھما وھد ءَ تیرگواری کنگ بیتگ کہ آ ڈن ءَ دکان ءَ روگ ءَ بیتگ ناگتاں ناشناساں آئی ءِ سر ءَ تیرگواری کرتگ ءُ کشتگ –

ھمے وڑ ءَ روکپتی بلوچستان ءِ تیابدپی شھر چھبار ءَ سلاہ بندیں مردمانی تیرگواری ءَ یک زھگے زدگ بیتگ –

ھالانی تہ ءَ گُشگ بیتگ کہ سلاہ بندیں مردماں فلکہ شیلات چھبار ءَ تیرگواری کرتگ ءُ اود ءَ یک زھگے زدگ کرتگ –

نیشنل ڈیموکریٹک پارٹی ءِ بُنجاھی جارکش ءَ وتی درشان ءِ تہ ءَ گْوشتگ کہ چینچو روچ اِنت دو شال ءِ دگانی سر ءَ ھک ءُ انساپ ءِ وداریگ اَنت – شال ءَ اے سارتی ءَ کماش ، ورنا ، چُک ءُ زالبول زھرشانی ءَ نشتگ اَنت بلے ھکومت ءِ تہ ءَ ھستیں وزیر ءُ گزیرانی گوشاں مور ئِے ھم نہ وارتگ-

جارکش وتی درشان ءِ تہ ءَ گْوشتگ کہ ھوشاب کھول ءِ لوٹ ءِ سر ءَ انگت ھکومت ءِ گپ دیم نیاھگ اے درگت ءَ آئی نا اُمیتی ءَ پدر کنت

جارکش ءَ گْوشتگ کہ دوئیں لاشانی جاور شر نہ اَنت بلے ھزارانی زندگیں انساناں اے وڑیں وئیلاں چہ رکینگ ءِ ھاتر ءَ آ پیر ءُ آجزیں کماش وتی جگرگوشاں کل ءُ کسارت نہ کنگ ءَ اِنت ، ھکومت ءَ لوٹ اِیت آ زوت ءَ آیانی لوٹانی سرجم کنگ ءَ وتی گپاں دیم ءَ بیار اِیت-

جارکش ءَ گْوشتگ کہ دردناکیں وئیل ءِ بگیری ءَ سیاسیی گل ءُ پارٹیاں ، انسانی ھکانی ادارھاں ھوار رسانکدرے ادارہ وتی زمہ واری ءَ پیلو کنگ ءَ پُشتکنز اَنت اشانی بے تواری راجدپتر ءَ یات کنگ بیت-

آھاں گْوشتگ کہ نیشنل ڈیموکریٹک پارٹی ھوشاب وئیل کھول ءِ بانداتگیں زھرشانی ھوار دیمتر ءَ پالیسانی رِد ءَ ایر کتگیں لوٹانی منوگر بہ ئے ایں ءُ سکّیانی وھد ءَ گل داں گُڈی وھد ءَ آیانی ھمکوپگ بیت-