TBP Balochi

ناسر آباد ءَ پوجی کاروان ءِ ٹرک ءِ تراکناکیں شوروانی نشانگ کتگ ءُ ھپت کارمند کُشتگ اَنت – جئیند بلوچ

بلوچ آجوئی لوٹوکیں سلاہ بندیں گل بلوچ لبریشن آرمی ءِ جارکش جئیند بلوچ ءَ رسانکدراں وتی شنگ کرتگیں درشان ءِ تہ ءَ ناسرآباد ءَ پاکستانی پوج ءِ سر ءَ بوتگیں اُرش ءِ زمّہ واری منّ اِتگ گوشتگ کہ مروچی یک شمبے ءِ روچ ءَ مئے سرمچاراں تربت ءِ دمگ ناسرآباد ءَ زورگیریں پاکستانی پوج ءِ گاڑیانی کاروان ءِ سر ءَ بمب اُرش ءِ کتگ –

جارکش ءَ گوشتگ تراکناکیں شورانی اُرش ءَ دژمن پوج ءِ ھپت کارمند مُرتگ اَنت –

جارکش جئیند بلوچ ءَ دیمتر ءَ وتی درشان ءِ تہ ءَ گوشتگ کہ بلوچ سرمچار ءَ پرپٹ ءِ سر ءَ تراکناکیں شورو لڈیتگ انت ءُ ھما وھد ءَ دژمن وتی نشانگ جوڈ کتگ کہ آ ناسرآباد ءَ کاروان ءِ دروشم ءَ گوزگ ءَ بوتگ اَنت – دژمن پوج ءِ کاروان ءِ ٹرک ءِ تراکناکیں شوروانی زد ءَ اتکگ ءُ تباہ بوتگ ءُ آئی ءَ سواریں دژمن پوج ءِ ھپت کارمند ھما دمان ءَ مُرتگ ءُ سَے زدگ بوتگ –

جارکش ءَ وتی درشان ءِ گڈسر ءَ گوشتگ کہ بلوچ لبریشن آرمی اے کول ءَ کنت ڈیھ ءِ آجوئی ءَ تاں دژمنیں پوج ءِ سر ءَ اُرش برجاہ مان انت –

بلوچستان ءِ دمگ کیچ ءِ ھند تربت ءَ ناشناسیں مردماں پوجی گاڑی بمب ءِ نشانگ کتگ-

وئیل کیچ ءِ دمگ ناصر آباد ءِ ھند ءَ پیش اتکگ اود ءَ پرپٹے ءَ بمبے بندگ بیتگ ءُ تراکینگ بیتگ –

دمگی مردمانی رد ءَ اُرشکاراں پوجی کاروان نشانگ کرتگ-

ھالانی تہ ءَ گوشگ بیتگ پوج ءَ را جانی ءُ مالی تاوانانی دیمپانی بیتگ بلے تچکی ءَ اشی ءِ راستی نہ بیتگ –

زانگ بہ بیت اے دمگ ءَ بلوچ آجوئی دوستیں گل پُرکار اَنت بلے تنی وھدی اے اُرش ءِ زمہ واری کس ءَ نہ زرتگ –

نبشتانک: منی آزات هیالِیں واب

نبشتہ کار: جلال اهمد

دی بلوچستان پوسٹ

دُگنیا ءِ تُوک ءَ یک انسانے آزاتی ءِ واست ءَ هما وهد ءَ جوانیں وڑے ءَ جیڑ اِت کنت کہ دُرساں پیش آئی ءِ زِهن ، مجگ ءُ هیالات آزات بنت اے گپ ءِ مکسد همیش اِنت کہ آئی مجگ پہ هرابیں کار ءَ آئی ءَ ملامت بکنت کہ ترا اے پیمیں کار زیب نہ دنت بائد همیش اِنت کہ هر انسان پگر بہ کنت ءُ بے جیڑ ایت وت ءَ چہ ردیں کاراں بہ پھریز ایت اگاں اے دُگنیا تُوک ءَ یک انسانے ءِ زهن ءُ مجگ آزات نہ اَنت گڑا آ انسان ءِ گُشگ نہ بیت چیا کہ ما بلوچستان ءَ مردم بے وس اِنت یک جنگ زدگیں هندی ءَ نِشتگ اِنت اِد ءَ هرچ انسان بے وس اِنت لاچار اِنت ءُ بلوچستان ءِ گیشتِر مردم بزگر ءُ گریب اَنت تنگ اَنت بائد اِنت جنگ زدگیں مردم دُرساں چے پیش وتی هیالاں آزات بکن اَنت گڑا آ آزاتی ءَ راه ءَ گیش ءَ چہ گیش کامیات بیت کن اَنت-

ما بِچار اِنت اے وهد ءُ جاورانی تُوک ءَ هرچ مردم لُوٹ ایت کہ من آزات بہ باں چیا یک آسُودگیں زِندے ءِ واهُند باں کُجام ھم انسان بہ بیت آ آزاتی ءِ واست ءَ جُهد ءَ اِنت اَلّم نہ اِنت کہ آئی ءَ تُوپک ءِ بڈ ءَ کُتگ ءُ جنگ ءَ اِنت کہ من آزات بہ باں بلکیں انچیں مردم هست کہ آ وتی گِس آں آزات بُوگ لُوٹ اَنت لھتے انچیں زالبُول هست کہ آ وتی گِس ءِ هما پابندیانی درگت ءَ چے تنگ اَتکگ اَنت آ هم همے لُوٹ اَنت کہ ما وتی زِندگی ءِ تُوک ءَ آسُودگ بہ بنت-

هردیں زندگی ءِ تُوک ءَ تو یک انسانی ءَ را وتی هکم ءِ پابند بہ کن ئے گڑا آ انسان ءَ دل ءَ پہ تو مهر ودی نہ بیت بلکیں آئی ءِ دل ءِ هیال پہ تو زهر جُوڑ بنت آ هر وهد پہ تو زهر وارت انچو تئی سر ءَ زِد بیت کہ بَش بَش وارت پہ تو هست بلوچی روایتانی تُوک ءَ کہ باز انچیں چیز اَنت کہ آ پہ زالبُولاں ایب سمجگ بنت بلے اَلّم نہ اِنت کہ آ هما کاراں گوں تِپاک بہ کنت هر انسان ءَ را یک الگ پِگرے سُونچے هست هر کس ءَ را هُداواند ءَ یک مجگے داتگ هرچ انسان شر ءُ بد ءَ زانت ءُ سرپد اِنت کہ کجام کار پہ من شر اِنت ءُ کجام کار پہ من هراب اِنت کجام کار من ءَ تاوان ءَ دور دنت ءُ کجام کار پہ من یک پنت ءُ نسیهت ءِ بیت ءُ باندات روچ پہ من کارامد بیت-

گڑا همے پیم ءَ کہ من یک آزات هیالیں مردمے آں ءُ من آزاتی ءِ منّوگرے آں من مدام هر کس ءَ را جوانیں شُوندات دیاں ءُ پہ هر کسے کامیات بُوگ ءَ پِگر ءَ کن آں مدام همے جیڑاں کہ هُداوند هر بلوچ ءَ را کامیات بکن هر بلوچ ءِ باندات چو چراگ ءَ روژناه بہ کنت چیا کہ هرچ بلوچ ءَ کامیاتی پہ ما پائدّگ اِنت چیا کہ چریشی ءَ مئے راج ءِ دیم ءَ رؤت ءُ ما گِیشتر سوبمند بیت کن اِنت-

همے وڑ ءَ گڑا من مدام شپ ءَ واب دیستگ کہ آ آزات هیالیں واب بیتگ اَنت بلے من وتی واب آں ءَ باز توجہ نہ داتگ من همے پھم اتگ کہ بِگندے اے وت سریں واب اَنت چیا کہ هما وهد کہ ما کسان بیتگ اِنت گڑا دائم مئے بَلّک ءَ همے گپ جتگ کہ اے واب دُرس دُروگ اَنت اے شیتان اِنت کہ مردم ءَ را رد دنت گڑا پمیشکا من وتی واباناں سک توجہ نہ داتگ-

بلے گڑا هپتگے بیت کہ من هرچ شپ همے یکّیں واب ءَ گِند آں همے واست ءَ من ءَ اے واب ءَ جیڑگ پرمات من هرچ شپ انچو کہ واب ءَ رواں من گِنداں کہ یک جنگلے ءِ بلے اے جنگل انچو بَز اِنت کہ زمین گِندگ نہ بیت هرچ نیم ءَ کہ چمّاں شانک دئے هُشکیں سبزگ ءِ گِندگ بیت اے جنگل بے کِساس ڈولدار اِنت ءُ من همے جنگل ءَ تُوک ءَ وئیل آں گڑا یک اناگت ءَ پنچ کَپینجریں مُرگ بال کنت ءُ من اِشانی رند ءَ کپ آں چار من ءَ دست نہ دنت بلے پنچمی منی ءَ کپ یت چوناه ءَ من ءَ کسانی ءَ چے کپینجریں مُرگ سک دوست بیت گڑا من اے مُرگ ءَ زُوراں دیم پہ گِس ءَ رهادگ باں همے دمان ءَ من کمو گام دیم ءَ رو آں گڑا منی دل ءَ همے هیال کیت کہ یار ما بلوچ وت بزّگ ءُ زلیل اِنت وتی زند ءَ من اگاں اے مُرگ ءَ گوں وت بے براں ءُ گِس ءَ بند بہ کن آں اِشی ءِ مات ءَ چینچو تکلیپ بیت کہ آ وتی چُک ءَ چے دُور بے بیت گڑا من همے هیال ءِ جیڑگ ءَ چے رند مُرگ ءَ یل کن آں-

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

بلوچستان ءِ دمگ ھرنائی شاھرگ ءَ ھشت جون دوھزار ءُ نوزدہ ءَ پاکستانی پوج ءِ دست ءَ آوار جنگ بیتگیں رکھیہ خان ءِ کھول ءَ بلوچستان ءَ زورانسری آوار جنگ بیتگیں مردمانی یل کنائینگ ءِ واستا پرکاریں گل وائس فار بلوچ مسنگ پرسنز ءِ سروک نصراللہ بلوچ ءَ گوں گند ءُ نند کرتگ –

آیاں گُشتگ کہ رکھیہ ء قادر خان ءِ زورانسری آوار جنی ءِ دراھیں ھال گل ءَ سر کرتگ اَنت-

نصر اللہ بلوچ ءَ آ سدکی ءُ باور کنائینتگ اَنت ءُ گوشتگ رکھیہ خان ءِ کیس اُستانی ءُ بنجاھی سرکار ءُ کمیشن ءَ سرکنگ ءِ ھاتر ءَ ھر تک ءَ رکھیہ خان ءِ یل کنائینگ ءَ وتی کرد ءَ پیلو کنت-

اے وھد ءَ رکھیہ خان ءِ کھول ءَ ڈیھی ادارھاں گوں دزبندی کرتگ ءُ گوشتگ کہ رکھیہ خان ءَ دیم ءَ بہ یار اَنت –

بلوچستان ءِ بنجاھی شھر شال ءَ نوکیں سال ءِ وش آھت ءَ یک کتاب میلھے برجم دارگ بیتگ –

پڑو کچاری، وائی سی ایس ایف ءُ آن لائن نشت ءِ نیمگ ءَ شال ءِ دمگ منیر احمد چوک سریاب ےَ یک روچی ئیں کتاب میلہ برجم دارگ بیتگ کہ چریشی ءَ بازیں کچے ءَ شھری اتکگ ءُ کتاب اش بھا گپتگ اَنت-

اے وھد ءَ گوستگیں سینیٹر ءُ کتاب دوسگ موومنٹ ءِ بنکی سروک نوابزادہ ھاجی لشکری رئیسانی، گوستگیں وفاقی وزیر ہمایوں عزیز کرد، کماشیں راجدوست رھشون ڈاکٹر حئی بلوچ ءُ بلوچستان نیشنل پاٹی ءِ نوکیں دمگی سروک غلام نبی مری ءَ اسٹال ءِ تر ءُ تاب کرتگ ءُ ورنایانی جھد ءِ ستاشانی کرتگ –

اے وھد ءَ گوستگیں سینیٹر ھاجی لشکری رئیسانی ءَ رسانکدراں گوں تران کنان ءَ گوشتگ کہ سریاب شال ءِ ورنایاں کتاب میلے ایر کرتگ ءُ اے باور کنائینتگ کہ بلوچستان ءُ بلوچ ورنا علم ءُ ادب، دود ءُ دودمان ءِ برز کنگ ءَ جھد ءَ اَنت – کتاب دوستی زندگ اِنت-

آئی ءَ گُشتگ اگاں مروچی بلوچستان ءَ کتاب دوستی ءِ دست دراج بوتیناں گڑا مئے راجی مڈیانی لُٹ ءُ پُل ءَ کسے ءِ چم چِست نہ بیتگ اِت اَنت ءُ مئے گور ءَ جوان جوانیں مردم ھست اَنت –

آئی ءَ گُشتگ ورنایانی کرد ستا کرز ایت ءُ آیانی ستاشانی گیش کنگی اِنت ءُ دلبڈی اژدری اِنت –

اے وھد ءَ ورنایاں گُشتگ کہ نوکیں سال ءِ بندات ءَ ابید آس شانی ءُ شاتمانی ءَ جوانتریں چیز ایش اِنت اے کلوہ سر کنگی اِنت اے راہ اِنت مئے رژنائیں باندات دیم ءَ شت کنت –

گڈسر ءَ لالا رھمت بنگلزئی ءَ ھاجی لشکری رئیسانی، کماشیں راجدوست رھشون ڈاکٹر حئی ءُ دگہ سیاسی مردمانی منت گپتگ اَنت-

یورپئین پریمئیر لیگ فٹبال گوازی ءَ گوستگیں شپ ءَ شش ٹیمانی میان ءَ گوازی کنگ بوتگ کہ مانچسٹر سٹی ءَ ارسنل ءِ دیم ءَ دو، ٹوٹنہم ءَ وٹفورڈ ءِ دیم ءَ یکے ءُ ویسٹ ہام ءَ کریسٹال ءِ دیم ءَ سَے پہ دو گول ءَ گوازی کٹ اتگ اَنت –

گوستگیں شپ ءَ بوتگیں اولی گوازی ارسنل ءُ مانچسٹر سٹی ءِ میان ءَ کنگ بوتگ کہ مانچسٹر سٹی ءَ دو پہ یک گولے ءَ گوازی کٹ اتگ – اولی ھاپ ءَ ارسنل ءِ لیبیاں جوانی ءَ گوازی کنان ءَ سِی ءُ یکُمی ملٹ ءِ تہ ءَ گولے اسکور کتگ کہ ارسنل ءِ لیبی بی.ساکا ءَ داتگ پد ءَ رند ءَ لیب ءِ گڈی ءَ تاں ارسنل ءِ نیمگ ءَ چہ ھچ گول اسکور کنگ نہ بوتگ وھدیکہ مانچسٹر سٹی ءِ لیبی آر.مھریز ءَ پنجاہ ءُ ھپتمی ملٹ ءِ تہ ءَ یک گولے ءِ اسکور کتگ ھردو ٹیم دیمیگ بوتگ انت ءُ مانچسٹر سٹی نیمگ ءَ چہ لیبی آر. ھیرنندز ءَ دومی گول اسکور کتگ گوازی وتی ٹیم ءِ نام ءَ کتگ –

وٹفورڈ ءُ ٹوٹنھم ءِ میان ءَ بوتگیں دومی گوازی ءَ ٹوٹنھم ءَ یک گولے ءَ گوازی کٹ اتگ وھدیکہ وٹفورڈ ءِ نیمگ ءَ چہ ھچ گول اسکور کنگ نہ بوتگ – ٹوٹنہم ءِ نیمگ ءَ چہ لیبی ڈی. سینچس ءَ دومی ھاپ ءَ گولے اسکور کتگ ءُ گوازی وتی ٹیم ءِ نام ءَ کتگ –

یورپئین پریمئیر لیگ ءِ گوستگیں شپ ءَ بوتگیں سیمی گوازی ویسٹ ہام ءُ کریسٹال فلیس ءِ میان ءَ کنگ بوتگ کہ ویسٹ ہام ءَ سَے پہ دو گول ءَ گوازی کٹ اتگ – کریسٹال فلیس ءِ نیمگ ءَ دو گول اسکور کنگ بوتگ کہ کریسٹال ءِ لیبی او.ایڈیورڈ ءُ ایم.اولیسی ءَ داتگ انت وھدیکہ ویسٹ ہام ءِ نیمگ ءَ سَے گول اسکور کنگ بوتگ کہ آھانی تہ ءَ یک گولے ایم. اینتینیو ءَ داتگ ءُ دومی ھردو گول ایم لینزینی ءَ داتگ انت گوازی وتی ٹیم ءِ نام ءَ کتگ –

سربوتگیں ھالانی رِد ءَ بلیدہ زامران ءِ مردماں گوستگیں روچ ءَ سراج صالح کوش ءُ کوش ءَ ھواریں مردمانی دزگیری ءِ بگیر ءَ زھرشانی کنگ بوتگ-

بلیدہ ءُ زامران ءِ نندوکاں بلیدہ ءَ کُشگ بوتگیں ورناہ سراج صالح ءِ کھول ءِ ھمراھی ءَ یک زھرشانی ئیں روانکے کشگ اِتگ ءُ وھدے کہ دمگی انتزامیہ ءِ بگیری ءَ تُرندیں ناراہ جنگ بوتگ-

زانگ بہ بیت چیزے روچ ءَ ساری بلیدہ کوچک ءَ پاکستانی لشکر ءِ یک پیسرگیں کارندھے ءَ سراج بلوچ ء صالح لوگ ءَ پترگ ءُ کُشگ ءَ رند سوشل میڈیا کوش منّ اِتگ-

وئیل ءَ پد سوشل میڈیا اے جیڑہ ءِ سر ءَ تُرندیں دلزھری ءَ پد بلوچستان ءِ جتائیں دمگاں زھرشانی کنگ بوتگ چریشی ءَ پد دمگی انتزامیہ ءَ گامگیج زرتگ ءُ دو مردم دزگیر کتگ-

وئیل ءَ کُشگ بوتگیں سراج صالح ءِ کھول ءِ رِد ءَ بلیدہ انتزامیہ مستریں کُشکار حنیف ء حاجی حسن ءِ دزگیری ءَ بے سوب بوتگ-

کُشکار ءِ دزگیری ءِ بگیری ءَ کُشگ بوتگیں ورنا ئے کھول ءَ ھوار سول سوسائٹی ءِ نیمگ ءَ چہ بلیدہ تھانہ ءِ دیم ءَ زھرشانی نکش کنان ءَ ڈی سی تربت اے سی بلیدہ ءَ کُشکار زوت ءَ چہ زوت دزگیری ءِ لوٹ کتگ-

سیستان و بلوچستان ءِ ھند شورو ءَ ایرانی سپاہ ءِ بیڑے ءَ بلوچ زالبولے ءَ ھوار دوئیں نیمگاں دوازدہ مردم بیران ءُ زدگ بیتگ اَنت-

گوستگیں روچ ءَ ایرانی لشکر ءَ زاھدان ءِ دمگ کورین ءِ ھند شورو ءَ یک میتگے ءَ بیڑ برتگ ءُ اود ءَ دوئیں نیمگاں تیرگواری بیتگ چریشی ءَ ھردوکیں نیمگاں جانی تاوان بیتگ اَنت –

ایرانی لشکر ءَ غلام شاہ بکش ء مھراب ءِ سر ءَ بیڑ برتگ ءُ اود ءَ ھردوکیں نیمگاں تیرگواری بندات بیتگ اَنت –

تیرگواریانی میان ءَ یک زالبولے ءَ ھوار دوازدہ سالی ئیں زھگے جنگ بیتگ ءُ یک مردمے زدگ بیتگ –

ھالانی تہ ءَ گوشگ بیتگ کہ ھمے بیڑ ءَ غلام ءِ پت مھمد جان شاہ بکش ھم کشگ بیتگ –

بیڑ ایرانی لشکر ءَ غلام ءِ سر ءَ برتگ ءُ اود ءَ آئی ءَ غلام گوں ھمراھاں انگیر ءَ کرتگ ءُ چریشی ءَ تیرگواریانی درچ بندات بیتگ اَنت –

دمگی مردمانی رد ءَ اے بیڑ ءَ غلام ءُ آئی ءِ ھمراہ دراتکگ اَنت ءُ اے جنگ داں جنگل ءَ ھرچاریں نیمگاں بازیں وھدے ءَ برجاہ بیتگ ءُ دمگ ءَ ترس ءُ بیم ودی بیتگ اَنت –

ایرانی لشکر ءَ وتی درشان ءِ تہ ءَ گُشتگ کہ غلام گوں پنچ ھمراھاں جنگ ءُ زدگ بیتگ اَنت بلے لس مھلوک ءِ نیمگ ءَ اے ھال رد کنگ بیتگ ءُ غلام ءِ مرگ دروگ گوشگ بیتگ –

دمگی مردمانی رد ءَ اے جنگ ءَ ایرانی لشکر ءِ نُھ سپاھی جنگ ءُ زدگ بیتگ اَنت، زدگ بیتگیں سپاھیانی نام عبید اللہ درازئی، مھدی میر، ابولفضل بزی ءُ امیر مھمد کمالی ءِ ناماں زانگ بیتگ اَنت-

ایرانی لشکر ءِ کُشگ بیتگیں سپاھیانی نام مھدی اصغری، مھدی کوھستانی، عزیز اللہ بزی، جواد شھبازی ءُ حامد شھرکی ءِ ناماں زانگ بیتگ اَنت –

دمگی مردمانی رد ءَ اے جنگ ءُ چوپ ءَ ایرانی سپاہ ءِ دو گاڑی ھم تباہ بیتگ اَنت-

زانگ بہ بیت غلام ءِ برات ملک شاہ بکش ءَ ایرانی سالدر ۲۵ آبان ماہ ۱۴۰۰ ءَ دشت سمسور ریگان ءَ اُستان کرمان ءَ بیست ءُ چار ساھتاں ایرانی لشکر ءِ گون ءَ جنگ ءُ چوپ ءَ پد برزی بالیگانی تیرگواری ءَ بیران بیتگ اَت –

دی بلوچستان پتر ءَ سربوتگیں ھالانی رِد ءَ گوستگیں سال ءِ دسمبر ءِ ماہ ءَ بلوچستان ءِ دمگ سبی لہڑی ءَ روستم خان نامیں مردمے زورانسری آوار جنگ ءُ بیگواہ کنگ بوتگ –

کھول ءِ رِد ءَ بیست ءُ ھپت دسمبر ءَ روستم خان ڈومکی ء میسکلی ڈومکی پاکستانی پوج ءُ چیریں ادارھانی کامنداں زورانسری آوار جتگ ءُ بیگواہ کتگ –

زانگ بہ بیت بلوچستان ءَ دو دھکاں چہ زورانسری اوار جنیانی درچ یکشل ءَ برجاہ انت انسانی ھکانی ادارہ ءُ راجدوستانی رِد ءَ زورانسری اوار جنیاں پاکستانی پوج ءُ چیریں ادارھانی دست تچکی ءَ مان انت –