TBP Balochi

نبشتانک: اَچ تو پد جیڑھے مانگیشتگ

نبشتہ کار: سعید احمد بلوچ

دی بلوچستان پوسٹ

در کپگ ءَ پیش ‎آئی ءِ لُنٹ لھم لھم ءَ لپرزگ ءَ اِت اَنت من مار اِت کہ الّم چیزے گوشگ لوٹگ ءَ اِنت بلے ناں کہ من جُست گپت ءُ ناں کہ آئی ءَ اے درگت ءَ گپے گوشت — وتی لُنٹانی لپرزگ ءَ گوں ھما بوت دیدگاں چہ مُجتی اندیم بوت ءُ رؤگ گوں رؤگ ءَ کُت ئِے، نزاناں آئی ءِ گُڈی دانک چی اِت اَنت کہ آ من ءَ گوشگ لوٹگ ءَ اَت آ چو بے انانی ءَ مئے دیدگانی دنیا ءَ اندیم بوت ءُ گار بوت-

نزان آں ترا چی پَد من چوں زندگ آں تئی سِدگ ءَ رند نزاناں وشی کجام چیز ءِ نام اِنت تئی رؤگ ءَ رند نزاناں ائید چی یے ءُ نزاناں اے کوراسیں زندمان ءَ شادمانی کجام شے ءِ نام اِنت ترا چہ پَد تئی گرانیں ترانگاں گوں زندگی کنان ءُ اوشتاتگیں روچاں میزان میزان ءَ تیلانک دیان آں-

زندگی ءَ برے برے من جیڑ آں تَہ هیال کن آں ءُ پد ءَ دل ءَ لھتیں هیال چِست بیت کہ زندگی من ترا چو دستونک ءِ داب ءَ بہ سینگاراں ءُ ترا گوں شوکیں گالاں بہ نازیناں بلے پد ءَ جیڑاں کہ زندگی تو وَ یک وابے ءِ مرچی ناں باندا چو گار بوتگیں مردمے ءِ وڑ ءَ الّم پُرش اِت تئی سینگارگ ءُ نازینگ ءَ هچ نپ ءُ سیت نیست گڑا دل وتی هیال کُتگیں سوڑگ ءَ کوتاہ کنت ءُ پہ ملوری پد کنز ایت-

ترا هبرے بہ گوش آں زندگی ءَ من ءَ درستاں چہ گیش کُجام چیز آزارانی دیمپان کنت همے کہ من جیڑاں باریں تئی گُڈی دانک پہ من چی بوتگ اَنت دریگتیں من اے دنیا ءِ هما مردماں هوار بوتین آں کہ وتی گِسر کپتگیں مردمانی گُڈی نمدی ونتگ اِش یا وانگ ءَ اَنت اِش، دریگیتں تئی گُڈی دانک من ءَ سر بوتین اَنت — – دریگتیں

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

من ءَ بلوچی زبان دربرگ لوٹ ایت

نبشتہ کار: شاھد اھمد

دی بلوچستان پوسٹ

دگنیا ءِ تہ ءَ جتا جتائیں راج ھست اَنت ءُ ھر یک راجے وتی راجی زبان ءَ وانگ لوٹ ایت چیاکہ ھر راجے لوٹ ایت کہ من وتی زبان ءَ بہ وان آں پرچاکہ آ وتی راجی زبان ءِ تہ ءَ گپ ءُ نبشتہ کنگ لوٹ اِیت ءُ آ لوٹ ایت کہ منی راجی زبان ءِ تہ ءَ ھر دری راجانی مھلوک مئے زبان ءَ بہ وان اَنت۔ اگاں تو بہ گند ئے مرچی انگریزی زبان ءَ دری راج وانگ ءَ اَنت ءُ انگریزی زبان مرچی سک نامدار اِنت چیاکہ آیاں پہ وتی راجی زبان ءِ واست ءَ جُھد باز کُتگ۔

ا۔ک: ما بزاں بلوچ وتی راجی زبان ءِ واست ءَ ھچ دل نہ لوٹ ایت کہ آ دگہ راجانی پَئیم ءَ کار بہ کن ایں ءُ زبان ھما وھد ءَ زندگ بوت کنت وھدیکہ تو ءُ تئی بلوچی زبان ءِ میانجی ءَ مھر مہ بیت تو بلوچ انگریزے ءِ کر ءَ نند ئے ءُ انگریزی ءِ تہ ءَ گپ کن ئے گڑا تو بلوچے ئے ءُ تئی زبان انگریزی اِنت۔

من ءَ گوں وتی راجی زبان ءِ گوما سک باز مھر ھست اِنت ھمے واست ءَ من لوٹ آں کہ وتی ماتی زبان ءَ در بہ بر آں ءُ دربرگ ءَ پد وتی راج ءَ پہ وتی راجی زبان ءِ دربرگ ءِ ھاتر ءَ سکین دینّ اش کہ بیا اِت وتی بلوچی زبان ءَ در بہ بر اِت چیاکہ مئے بلوچی زبان رکّ ایت گڑا ما ھم رَکّ ایں۔

بلوچاں پہ بلوچی زبان ءِ وانگ ءَ اشتاپ کنگی نہ اِنت تو بلوچے ئے ءُ بلوچی زبان تئی وتی جند ءِ شَھدیں زبان اِنت چمیشکا زُوت دربر اِت چیزاناں ھورت ھورت ءَ بہ چار اِت ءُ بہ پَھم اِت بیسبک ءَ بلوچی وانگجاہ ھست اِنت ما باید اِنت اے باسکانی تہ بَھر بہ زور ایں ءُ آھود ءَ پہ مئے واست ءَ بلوچی زبان ءِ راھبند ھست اَنت ءُ بہ وان ایں۔

من مدام ھر سھب یک درونتے وان آں ءُ ناں کہ تَھنا وان آں آئی ءَ ھورت ھورت ءَ چارن اش ءُ پد ءَ بیست بیست گال ھم وان آں ءُ چہ ایشی ءَ پد نویسن اش ءُ نویسگ ءَ پد وتی نبشتانک ءَ یک ءُ دو بر ءَ وت وان آن ءُ پد ءَ بلوچی استادے ءَ پیش اش داراں۔

من بلوچی زبان ءَ وانگ لوٹ آں چیاکہ بلوچی زبان منی وتی جند ءِ راجی زبان اِنت۔ بلوچی زبان دیم ءَ دیمروئی بہ کنات۔

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

روکپتی بلوچستان ءَ چِست بیتگیں موسمی ھوراں روکپتی بلوچستان ءَ ھوار رودراتکی بلوچستان ءِ ھم بازیں دمگ ھاس مکران ءَ بازیں جاھاں تاوان باری کُتگ۔ گُڈی اھوالانی ردءَ رودراتکی بلوچستان ءِ دمگ کیچ، گوادر ءُ پنجگور ءَ ھورانی یکشلی برجاہ اَنت۔

گوستگیں شپ ءَ 08:30 ءَ بندات بیتگیں ھور تُربت ءَ گوں گرند ءُ گروکاں داں انگت برجاہ اِنت، بازار چہ آپاں پُر اَنت۔

دمگی واکداراں ایمرجنسی الرٹ ءِ جار کُتگ ءُ مردماں چہ دزبندی کنگ بیتگ کہ وتی لوگانی تہ ءَ بہ بنت، ٹرانسپورٹر ھم گُشگ بیتگ اَنت کہ وتی گاڑیاں مہ کش اَنت۔

دومی نیمگ ءَ دشت ءَ ھم ھور ءَ تاوان باری کُتگ کہ اود ءَ دگانی سانمند بیگ ءِ سوب ءَ دشت بلنگور ءِ دمگی ھیڈکوارٹر تُربت ءَ گوں زمینی رھوت سستگ۔ کاشاپ ءُ کش ءُ کِراں ھم تیزیں ھورانی سبب ءَ ھار ءِ تُرس اِنت۔

تُربت آسکانی بازار ءَ ترندیں ھورانی سوب ءَ آپ لوگاں پترتگ ءُ مردم ترندیں سارتی ءَ آزمان ءِ چیرءَ نندگ ءَ لاچار اَنت ۔

گوادر ءِ دمگاں ھم ترندیں ھورانی سبب ءَ دگ دریا آنی دروشم ءَ دیگ ءَ اَنت، چریشی ھمک روچی زند سرجم ءَ اوشت آماچ بیتگ۔

اِشی ءَ ابید موسمیات ءِ واکدارانی رد ءَ آیوکیں بیست چار ساھتانی تہ ءَ شال، ژوب، بارکھان ،زیارت، پشین، چمن، قلعہ عبداللہ، قلعہ سیف اللہ ،دالبندین چاغی، تربت، نوشکی، خاران، پنجگور، گوادر ،ہرنائ ءُ لسبیلہ ءَ ترندیں گوات ءُ گرند ءُ گُروگاں ھوار ھور ءُ برف کپگ ءِ گمان ھست اِنت۔

روکپتی بلوچستان ءَ چہ ھال اِنت کہ کنرک ءَ مھلوک ھار ءِ سوب ءَ ھور ءِ آپ لوگانی ءُ کنرک نادراھجاہ ءَ ھم سربیتگ ۔

اِشی ءَ ابید روکپتی بلوچستان ءِ بازیں دمگاں ھوراں پد موسم وت بیتگ کہ اود ءَ مردم لوگ ءَ در اتکگ ءُ تر ءُ تاب کنگ ءَ اَنت۔

ندر پہ شیر بیمیں شہید ناصر قمبر پنجگوری ءِ نام ءَ

شائر: باھوٹ بلوچ

دی بلوچستان پوسٹ

نہ مرتگاں من زندگاں

مہ گریت کس پہ منا

من ھاک ءِ وشبوھاں شمئے

من پلے آں چہ گواڑگ آں

منی شنگ بوہ ھر گورا

من پگرے آں من راھے اں

ھمے راہ ءَ بس روان کن ات

داں منزل ءَ رس ات وتی

من منزل ءِ ھما سرا

شمے ودار ءَ نشتگاں

بلوچی زیمر ءِ نوک باھندیں گشندہ عابد الاھی ءِ نوکتریں پیت بند” گلزمین ” ھمے ماہ ءَ بزاں پنچ جنوری ءَ ما روکیں کندیل یوٹیوب چینل ءَ شنگ ءُ تالان بوگی اِنت – عابد الاھی ءَ وتی نوکتریں نوار کہ آئی ءِ دومی نوار اِنت، نودربر رھشون ڈاکٹر مھرنگ بلوچ ءِ نام ءَ ندر کُتگ ءُ آئی ءَ وتی نوکتریں نوار ءَ آشوبی سوت ھم گوشتگ –

عابد الاھی ءَ وتی نوکتریں پیت بند ءِ درگت ءَ گوشتگ کہ منی دومی نوار (گلزمین) پنچ جنوری ءَ چہ روکیں کندیل یوٹیوب چینل ءَ شنگ ءُ تالان بیت منی دست بندی اِنت کہ گلیں راج منی اے نوار ءَ گوش بہ دار ایت ءُ ھرچ ردی یے کہ گند ایت بائدیں مارا شون بہ دنت دانکہ ما دیمتر ءَ وتی تہ ءَ گھتری آؤرت کُت بہ کن ایں ءُ مئے دلبڈی ءَ بہ کن اَنت دانکہ ما دیمتر ءَ پہ راج ءَ جوانیں سوت گُشت بہ کن اِنت –

عابد الاھی ءَ ٹی بی پی ءَ گوں گپ کنان ءَ گوشتگ کہ راج مارا گوش دار ایت مئے جزبگ گیشتر توانا بنت، مئے جھد گیشتر بیت، بایدیں مئے راج ھمک گشندہ ءُ ازمکار ءَ دلبڈی بہ دے اَنت تاں کہ آ چہ وتی جھد ءَ دلپروش مہ بنت –

ما چُشیں بازیں گشندہ دیستگ اَنت کہ آ ھمے سبب ءَ دلپروش بوتگ اَنت ءُ دیم ءَ نیتکگ اَنت کہ آیاں راج ءِ نیمگ ءَ چشیں دلبڈی نہ رس اتگ گیشتر ایر جنگ بوتگ اَنت پمیشکا منی اے یک جھدے کہ من ایشی ءَ دیم ءَ برگ ءُ وتی راج ءَ شریں ءُ جوانیں سوگات دیگ لوٹاں –

آئی ءَ گُشت کہ من ءَ چہ کسانی ءَ گشندھی ءُ شائری ءَ گوں ھب بیتگ شما گُشت کن اِت کہ ازمکاری چہ کسانی ءَ منی ھون ءَ ھوار بوتگ آ وھدی کہ من کسان بوتگ اَنت من نمیرانیں نور خان بیزنجو، عارف بلوچ، مسلم حمل، شاہ جان داؤدی نمیرانیں عبداللہ ثناء ءُ دگہ لھتے گُشندہ گوشداشتگ اَنت ءُ منی ھم دل ءَ بوتگ کہ من ھمیشانی پئیم ءَ سوت بگوشاں، ماں چار پنچ سنگت برے برے شتگیں کَلگ ءُ کوچگاں نشتگیں دیوان کتگ ءُ وت ما وت ءَ شئیر ءُ سوت گوشتگ –

نوک باھندیں گشندہ ءَ ٹی بی پی ءِ جُست کہ شمارا وتی پیت بندے دیم ءَ آرگ ءَ چونیں جیڑھانی دیمپانی کنگ کپتگ اَنت پرچہ کہ دنیگت بلوچاں چُشیں مھکمیں ءُ دلجمیں اکیڈمی ءُ کمک نیست اِنت ءِ پسو ءَ عابد الاھی ءَ گُوشتگ کہ اے منی دومی پیت بند اِنت ءُ مشکل ھر کار ءِ تہ ءَ ھست اِنت، چو کہ منی اولی نوار ءِ وھد ءَ من ءَ ھم باز جیڑھانی دیمپانی کنگ کپتگ بلے ھدا ءِ شگر اِنت ءُ سنگت ءُ دوستانی دلبڈیانی سبب ءَ من اے سکیانی دیمپانی کتگ ءُ دیما روان کتگ۔ من وتی اولی نوار ءِ تہ ءَ مزنیں شائرانی شئیر ھم گوشتگ اَنت چو کہ نمیرانیں سید ھاشمی ءُ مبارک کازی ،مجید آجز ءُ منظور بسمل من ءَ شریں وڑے ءَ راج ءَ دلبڈی داتگ ءُ جوانیں رنگے ءَ راج ءَ گوش داشتگ مئے دلبڈی کتگ، ما انگت اے لوٹ ءَ چہ راج ءَ کنیں کہ ھمے وڑ ءَ مئے دلبڈی ءَ بہ کن اَنت ءُ ما دیم ءَ روان جنزان بہ کنیں۔

آئی ءَ وتی دومی نوار ءِ شئیرانی درگت ءَ گُشت کہ من وتی دومی نوار ءِ شائرانی لڑ یک شریں وڑے ءَ ٹھینتگ ءُ نوکیں شائرانی شئیر گوشتگ اَنت ءُ چار آشوبی سوت ھم گوشتگ ءُ من اے نوار بانک ڈاکٹر مھرنگ بلوچ ءِ نام ءَ ندر کتگ کہ آئی ءِ راج ءِ درد واری ءُ راجکاری ءَ سانمند بوتگ انت – انشاءاللہ اے نوار پنچ جنوری ءَ چہ روکیں کندیل یوٹیوب چینل ءَ شنگ ءُ تالان بیت –

آئی ءَ گڈسر ءَ گُشت کہ چہ بلوچ راج ءَ گوں ھمے دست بندی اِنت روکیں کندیل چینل ءَ سبسکرائب ءُ لائک شئیر بہ کن اَنت شریں وڑے ءَ گوشدار ایت ءُ مئے چو پیسرگیں رنگ ءَ دلبڈی بہ کن اِت-

یوٹیوب لنک:

https://youtube.com/c/RokainKandeel

بلوچستان ءِ زورانسری آوار جنی ءِ بگیری ءِ چست ءُ ایر کنوکیں گل وائس فار بلوچ مسنگ پرسنز ءِ چیئرمین نصراللہ بلوچ ءَ دوشمبے ءِ روچ ءَ بلوچستان ءِ بنجاھی شھر شال ءَ اُستانی مشیر داخلہ ضیاء لانگو ءُ گوستگیں سروزیر بلوچستان نواب اسلم رئیسانی ءَ گوں جتاجتا گند ءُ نند کتگ-

سربوتگیں ھالانی رِد ءَ صوبائی وزیر مشیر ضیاء لانگو ءَ گوں گند ءُ نند ءَ بیگواھیں مردمانی جیڑہ ءِ سر ءَ گپ ءُ رپ بوتگ مشیر داخلہ ءَ بیگواھیں مردمانی یل کنائینگ ءُ زورانسری آوار جنی ءِ گر ءُ دار ءَ وتی کرد ءَ پیلو بہ کنگ ءِ باور بہ کنائین اِت-

ضیاء لانگو ءَ گْوشتگ کہ بیگواھیں مردمانی جیڑہ ءِ سر ءَ سر وزیر بلوچستان ءَ ھوار ڈیھی ادارھانی سروکاں گوں گپ کن آں-

نصراللہ بلوچ ءَ اے اُمیت درشان کتگ صوبائی مشیر داخلہ میر ضیاء لانگو بیگواھیں مردمانی یل کنائینگ ءُ زورانسری آوار جنی ءِ گر ءُ دار ءَ وتی کرد ءَ پیلو بہ کن اَنت ءُ گمیگیں کھولانی زند ءَ پہ مدامی ازیت ءَ چہ در بہ کن اَنت-

ھمے وڑ نصراللہ بلوچ ءَ گوستگیں سروزیر بلوچستان ءُ بلوچستان اسمبلی ءِ باسک اسلم رئیسانی ءَ گوں گند ءُ نند کتگ-

گند ءُ نند ءَ بلوچستان ھائی کورٹ ءِ ھبدہ نومبر 2021 پرمان سر ءَ گپ بوتگ – پاس کنگ بوتگیں پرمان ءِ رِد ءَ صوبائی حکومت بیگواھیں مردمانی یل کنائینگ ءُ آیانی کھول ءِ سکّیانی دیمپانی ءِ درگت ءَ چہ پارلیمانی کمیٹی جوڑ بہ کن اَنت-

ھمے درگت ءَ وائس فار بلوچ مسنگ پرسنز ءِ چیئرمین نصراللہ بلوچ ءَ نواب اسلم رئیسانی ءَ گوں گند ءُ نند کتگ اسلم رئیسانی ءَ باور کنائنتگ کہ آ اے کمیٹی جیڑہ ءَ صوبائی اسمبلی ءِ آؤکیں دیوان ءَ چست کنت-

زانگ بہ بیت ھائی کورٹ شنگ کتگیں پرمان ءَ دو ماہ سرجم بوگ ءَ اِنت بلے تنی وھدے صوبائی ھکومت ءَ بیگواھیں مردمانی درگت ءَ پارلیمانی کمیٹی جوڑ نہ کتگ-

دی بلوچستان پوسٹ اھوال پتر ءَ سربیتگیں اھوالانی ردءَ بلوچستان ءِ دمگ پشین ءِ ھنکین سرانان ءَ چہ چاتے ءَ واکداراں یک گونی ءَ بندیں جون ءِ دزکپتگ۔

اھوالانی رد ءَ دو شمبے ءِ روچ ءَ ھندی تحصیلدار ءُ لیویز ءَ سرانان ءَ یک ناشناسیں مردمے ءِ جون در کپگے اھوال رستگ کہ پدءَ واکداراں سول ھسپتال پشین ءَ سرکُتگ۔

واکدارانی رد ءَ جون گونی ءَ مان کنگ ساداں گوں بستگ ءُ چاتءَ دور دیگ بیتگ اَت بلے داں انگت جون ءِ پجار کنگ نہ بیتگ کہ بنداتی قانودی کاراں چہ پد گیشتر پَٹ ءُ پول ءِ ھاترءَ شال ءَ دیم دیگ بیتگ۔

زانگ بہ بیت کہ چریشی ءَ پیسر ھم بلوچستان ءِ جتاھیں شھراں جون دزکپتگ اَنت کہ پجارگ نہ بیگ ءِ سوب ءَ بے وارثی ءَ کل کنگ بیتگ اَنت وھدیکہ گوستگیں ماہ ءَ ھم چار جون دزکپتگ اَت کہ اشانی پجار کنگ نہ بیتگ اَنت۔

بلوچستان ءِ جتاھیں ھند ءُ دمگاں چہ جون درکپگ یکشل ءَ برجاہ اِنت، درکپوکیں گیشتریں جونانی زانگولی ءِ سوب ءَ پجار کنگ نہ بیت اِنت وھدیکہ بازیں جونانی پجار بیگواھی مردمانی ھساب ءَ بیتگ۔

بلوچستان میڈیکل کالجانی یکجاھیں پتر میڈیکل الائنس کمیٹی ءَ شال ءَ نودربرانی زھرشانی درگت ءَ رسانکدراں گوں تران کنان ءَ گوشتگ کہ نودربر شش جنوری ءَ وتی لوٹانی ھک ءَ زھرشانی کن انت –

شال پریس کلب ءِ دیم ءَ اھوالکاراں گوں تران کنان ءَ نودربرانی گوشگ ات کہ میڈیکل کالج ءَ داکلہ زورگ ءِ ھاتر ءَ ھزارانی کچ ءَ نودربر انٹری ٹیسٹ دے اَنت کالجانی تہ ءَ میرٹ ءِ بنیاد ءَ گچین کنگ بنت کہ آھاں پد ءَ رند ءَ پی ایم سی رجسٹر کنت بلے ادا چو دگہ وڑ ءَ انت کہ میرٹ ءِ بنیاد ءَ داکلہ ءَ بوگ ءَ ابید ھم نودربراں رجسٹر بوگ ءِ ھاتر ءَ ٹیسٹ دیگ کپ ایت اگاں اے میان ءَ کسے پیل بہ بیت گڑا آئی ءِ کیرئیر ھمے جاہ ءَ اوشت ایت کہ سراسر ناھکی اِنت –

اھوالکاراں گوں تران کنان ءَ میڈیکل الائنس کمیٹی ءِ رھشونانی گوشگ ات کہ پی ایم سی ءِ ایکٹ ءَ چوشیں ٹیسٹ نیست ءُ ناکہ دگہ کالجاں چشیں ٹیسٹ گرگ بوتگ وھدیکہ پی ایم سی ءِ بلوچستان ءَ ھستیں سَے رجسٹریں کالج انت گڑا اے وڈیں ٹسٹ گرگ ھچ مول نیست ھالانکہ اے درسیں بیچ فیلوز ءِ انٹری ٹیسٹ پاکستان ءِ وتی رجسٹریں ادارھاں گپتگ انت -.

آھانی گوشگ ات کہ وڑیں چکاسانی بگیری ءَ گوستگیں بیست ءُ پنچ روچ انت کہ مئے زھرشانی شال پریس کلب ءِ دیم ءَ برجاہ انت شما درسیں تک ءُ پھناتاں سیادی داروکین مردم مئے اے جیڑہ ءَ سرپد انت بلے اشی ءِ پشدرہ ھما بندات ءَ بگر تاں روچ مروچی ھچ سرکاری نمائندگاں مئے جیڑہ وتیگی نہ کرتگ ءُ نہ اتکگ انت ناکہ اے جیڑہ وتیگی لیکتگ ءُ الکاپی ءَ گوں جیڑہ گیش ءُ گیوار ءَ کوشست کتگ –

نودربرانی گوشگ ات ما ھر وھد ءَ اے وپتگیں ھاکمانی دروازگاں ٹکیں ءُ آھاں وتی زمہ واریانی مارشت ءَ دے اَنت بلے آھانی نیمگ ءَ چہ دنیگت ءَ ھچ وڑیں گامگیج زورگ نہ بوتگ – ما مدامی دست بستگ ءُ وتی لوٹانی منگ ءِ ھاتر ءَ گوشتگ بلے آ مدامی واب انت – ھاکمانی بے بسی ءُ ردیں پالیسیانی سبب ءَ ما لاچار بوتگیں کہ زھرشانی بہ کنیں پرچا کہ ما وتی ھکیں لوٹانی گرگ ءَ تاں آھانی گوشاں وتی آواز ءَ سر کنیں اے ناروائیں سلوک بس مئے باندات ھراب کنگ ءَ ابید دگہ ھچے نہ انت –

اھوالکاراں گوں تران کنان ءَ میڈیکل کالج ءِ نودربرانی گوشگ ات پی ایم سی ءِ گوم ءَ نندگ ءَ مئے نمائندگ مئے باندات ءِ گوم ءَ گوازی کنگ ءَ انت مئے نمائندگ وتی کوتاھیانی باراں مئے سر ءَ لڈگ انت –

نودربراں وتی پریس کانفرنس ءِ گڈی ءَ جار جتگ کہ ما شش جنوری ءَ بزاں پنچ شمبے روچ ءَ شال ءَ وتی زھرشانی رونک ءِ کشیں وتی لوٹانی منگ ءَ تاں وتی زھرشانی ءَ برجاہ داریں – اگاں اے میان ءَ جاورھال نگیگ بوتاں گڑا زمہ دار بلوچستان سرکار، جانسلامتی سیکریٹری ءُ پرنسپل بنت – ما بلوچستان ءِ درسیں نودربراں ھوار ھر تک ءُ پھناتاں سیادی داروکیں مردماں چہ لوٹ کن ایں کہ زھرشانی روانک ءَ بھر بہ زور انت مئے ھمراہ داری ءَ بہ کن انت –

بلوچ آجوئی لوٹوکیں سلاہ بندیں گل بلوچستان لبریشن فرنٹ ءِ جارکش میجر گوھرام بلوچ ءَ رسانکدراں شنگ کرتگیں درشانی ءِ تہءَ بالگتر ءَ پاکستانی پوج ءِ سر ءَ بوتگیں اُرش ءِ زمّہ واری منّ اِتگ ءُ گوشتگ کہ مئے سرمچاراں گوستگیں روچ ءَ یکشمبے ءِ سھب ادار دہ ءَ پنجگور ءَ بالگتر ءِ دمگ جکین گوران ءَ پیسر ءَ چہ راہ بستگ ءُ پوجی کاروان ءِ سر ءَ اُرش کتگ –

جارکش ءَ گوشتگ کہ پوجیانی کاروان ءَ ھشت گاڑی ھوار بوتگ کہ آھانی تہ ءَ سَے گاڑی اُرش ءِ زد ءَ اتکگ انت – اُرش ءِ آسر ءَ گاڑیاں تاوان رستگ ءُ سواریں شش کارمند مرتگ ءُ بازینے زدگ بوتگ –

آئی ءَ گوشتگ کہ اُرش ءَ پد زورگیریں پوج ءَ وتی جنگی بالگرد لوٹارینتگ انت ءُ بازیں جاہ ءَ شیلنگ کرتگ چریشی ءَ یک سینزدہ سالی شوانگ بہارک ء مراد پیری کور شھید بوتگ –

آئی ءَ گوشتگ کہ ھمے وڈ زامران ءِ ھم بازیں دمگاں پاکستانی پوج ءَ بمبگواری کتگ –