TBP Balochi

نبشتانک: بلوچاں گوں زُلم بوگ ءٙ اِنت

نبشتہ کار: کادر ھسرت

دی بلوچستان پوسٹ

دگنیا ءِ تہ ءٙ بازیں راجے ھست کہ، آ لوٹ اٙنت مئے راج وانندگ، زانتکار ءُ ندکار جوڑ بہ بنت داں ما یک زور آوریں راجے بہِ بہٙ ایں چہ ھمے راجاں یک راجے ھست کہ بلوچ ءِ نام ءٙ زانگ بیت۔ اے راج ءِ ھم لوٹ ھمیش اِنت کہ مئے ھُمک کس وانندگ، زانتکار ءُ ندکار جوڑ بہ بنت وتی نٙد ءٙ کارمرز بہ کن اٙنت داں ما ھم یک زور آوریں ءُ تپاکیں راجے جوڑ بِہ بٙہ ایں ءُ مئے راجی زبان گار ءُ بیگواہ مہ بیت۔

بلوچیں زھگانی پت پہ وتی زھگانی وانینگ ءِ ھاتر ءٙ شپ ءُ روچ کار کن اٙنت لھتیں لِچ کاری کنت لھتیں ماں کارجاھاں رو اٙنت ءُ مزدوری کن اٙنت داں مئے چُک ماں شریں وانگجاھاں بہ وان اٙنت ءُ شریں نامے ءِ واھُند بہ بنت پہ وتی گُلزمین ءُ راجی زُبان ءِ پھازگ ءِ ھاتر ءٙ ند ءٙ کارمرز بہ کن اٙنت داں مئے ھم کُپت سُبک بہ بنت۔ پد ءٙ لھتے نودربرانی پِت ءُ برات رو اٙنت ماں ڈنی مُلکاں کہ ما چیزے بہ کمائین ایں ءُ مئے چُک ءُ برات بہ وان اٙنت ءُ پہ وتی گُلزمین ءٙ چیزے بہ کن اٙنت- لھتے انچیں نودربر ھست کہ آیانی پِت چہ اے دگنیا ءٙ رٙپتگ اٙنت، گْوھار ءُ پیریں مات اِش شپ ءُ روچ گُد دوچ اٙنت پہ یک مرادے وتی زھگاں شال، اسلامآباد، پنجاب ءُ دگہ جْوانیں وانگجاھاں دیم دے اٙنت کہ مئے برات ءُ چُکانی ماں چاگرد ءِ تہ ءٙ شریں نامے بہ بیت، بہ وان اٙنت کہ وتی زمین ءِ گماں بہ مار اٙنت۔

ُبٙلے مئے گُلزمین ءِ سر ءٙ چوش نہ اِنت مئے مات ء گْوھارانی دل ءِ مراد نا سرجم بوگ ءٙ اٙنت چی ءٙ کہ انوں ریاست ءٙ یک انچیں پندلے ساز اِتگ، مارا چہ وانگ ءُ زانگ ءٙ زبھار کنگ ءٙ اِنت مئے بلوچ نودربراں چہ وانگجاھاں چِست کنت ءُ بارت ماں زندان ءٙ بند کنت سال ءُ سِن گْوز اٙنت بٙلے ایشانی ھال نئیت۔

ریاست ءٙ ھمے گپ وتی مجگ ءٙ نندارینتگ کہ ما بلوچ نودربراں تکانسر کن ایں بِلے دلپروش بہ بنت وانگجاھاں یل بہ دے اٙنت بے وانندگ بہ بنت اے یک بے زانتیں راجے جوڑ بہ بیت ءُ در پہ در بہ بیت بٙلے چوش نہ بیت دژمِن بے سوب بنت۔

گار ءُ بیگواہ بوتگیں بلوچانی مات ءُ گْوھار دگانی سر ءٙ زھرشانی کن اٙنت ءُ گریو اٙنت وداریگ اٙنت انگت پہ وتی لاڈکیں زھگ ءُ براتاں کہ ماں زندان ءٙ بندیگ اٙنت۔

نیکہ بلوچیں ماتانی چماں واب ھست نیکہ گْوھارانی چماں واب ھست پُریں واب ءٙ بُست کن اٙنت ءُ گریو اٙنت بازیں ماتانی چم بازیں گریوگ ءٙ کور بوتگ اٙنت۔

آ دگہ ملک ءِ زھگانی مات ھمے جیڑ اٙنت کہ باریں کدیں مئے زھگ کا انت چہ وانگجاھاں، کارجاھاں ءُ یا کہ چہ پکنک ءٙ گس ءٙ واتر بنت۔ بٙلے مئے گُلزمین ءِ سر ءٙ مئے مات ھمے جیڑ اٙنت کہ مئے چُک باریں کدیں چہ زندان ءٙ آجو بنت۔

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

سربوتگیں ھالانی رِد ءَ ننگرہار ءَ بمب تراکے ءَ نُھ زھگ بیران ءُ چار زدگ بوتگ انت –

واکدارانی رِد ءَ اوگانستان ءِ رودراتک ننگرہار ءِ دمگ لالپوری ءَ تراکناکیں شورانی تراک ءَ نُھ زھگ بیران بوتگ ءُ دگہ چار زدگ بوتگ اَنت –

ننگرہار ءِ رسانکدرانی نیمگ ءَ شنگ بوتگیں درشانی ءَ گوشگ بوتگ کہ نیمروچ ءَ مکئی ءِ یک اسٹالے ءِ دیم ءَ اے تراکے بوتگ کہ اسٹال ءِ چاریں نیمگاں زھگ اشتوک بوتگ انت –

وئیل جاہ ءَ ساڑی ئیں مردماں مشال ریڈیو ءَ گوں ھال کنان ءَ گوشت کہ بیران بوتگیں زھگانی تہ ءَ یکیں کھولے پنچ زھگ ھوار بوتگ اَنت –

زدگ بوتگیں ننگرہار ءِ ریجنل ھسپتال ءَ برگ بوتگ انت – ننگرہار ءِ ریجنل ھسپتال واکدارانی رِد ءَ زدگ بوتگیں زھگانی جاور ناگیگی ءَ چہ ڈن انت –

بلوچستان ءِ دمگ پنجگور ءِ بنجاھی بازار چتکان ءَ دوشمبے ءِ روچ ءَ تیرگواری وئیلے ءَ دو کس بیران بیتگ اَنت-

گیشیں ھالانی رد ءَ وئیل تار آفس چلڈرن پارک ءِ نزیک ءَ پیش اتکگ اود ءَ ناشناسیں پرپٹ سواراں تیرگواری کرتگ ءُ سیف اللہ ءُ حضور بخش کشتگ اَنت-

وئیل ءِ بارو ءَ گیشتریں سرپدی نہ بیتگ پولیس ءَ راہ ءُ در بند کتگ ءُ پٹ ءُ پول بندات کتگ-

ھوشاپ ءَ سی ٹی ڈی ءِ دست ءَ گرگ بیتگیں زھگاں ھوشاپ وئیل ءَ گوں ھچ سیادی نیست اِنت مئے زھگانی کشندہ ایف سی اِنت اے زھگاں رسترانی ڈول ءَ کش ایت ءُ ایف سی وتی رستریانی چیردیگ ءِ جھد ءَ اِنت اے گپانی درشانی ھوشاپ ءِ وئیل ءَ اسرمند بیتگیں کھول ءَ مروچی تربت پریس کلب ءَ سول سوسائٹی تربت ءِ کنوینر گلزار دوست ءِ ھمراھی ءَ پریس کانفرنس کنان ءَ گشتگ اَنت-

آیاں پریس کانفرنس کنان ءَ گوشتگ اے گپ میڈیکل رپورٹس ءَ راست بیتگ زھگانی مرگ گرنیڈ ءَ نہ بیتگ مارٹر گولھاں چہ بیتگ ءُ اے مارٹر ایف سی ءَ آس داتگ اَنت-

پریس کانفرنس کنان ءَ آیاں گشتگ اے وئیل ءِ درگت ءَ ھرچ پَٹ ءُ پولے کھول، آل پارٹیز کیچ ءُ سول سوسائٹی کیچ ءَ کتگ آیاں وتی اے پَٹ ءُ پول ءَ گشتگ اے مردم ایف سی ءِ نیمگ ءَ آس دیگ بیتگیں مارٹر گولھاں شھید بیتگ اَنت نِی آیاں یک دگہ پندلے سازینتگ ءُ سی ٹی ڈی دروگ بندگ ءَ اِنت ءُ گرگ بیتگیں ایاز بلوچ، اویس بلوچ، نبیل بلوچ، سفر بلوچ ءُ لطیف بلوچ زھگانی کشندہ نہ اَنت سول سوسائٹی، آل پارٹیز ءُ کھول اے گپاں رد کنت زھگانی کشندہ ایف سی اِنت ءُ ایف سی ءِ زمہ واریں مردم گرگ بہ بنت ءُ مارا انساپ دیگ بہ بیت اِنت-

زانگ بہ بیت اکتوبر ءِ ماہ ءَ کیچ ءِ دمگ ھوشاپ ءَ ناگتی مارٹر گولھانی آس دیگ ءَ دو زھگ بیران بیتگ اِت اَنت کشگ بیتگیں زھگانی کھولاں اے بھتام جتگ اَت اے زھگ پوج ءِ نیمگ ءَ آس دیگ بیتگیں مارٹرانی آس دیگ ءَ بیران بیتگ اَنت –

زھگانی کوش ءِ ھلاپ ءَ سرجمیں بلوچستان ءَ ترندیں رنگے ءَ زھرشانی بندات بیتگ اَت اشی ءَ ھوار ھوار سدانی کچ ءَ زالبول ءُ زھگاں بندات ءَ کیچ ءُ پد ےَ شال ءَ لاشانی ھواری ءَ زھرشانی کرتگ اَت-

ھوشاپ وئیل ءِ درگت ءَ بلوچستان ھائی کورٹ ءِ بینچ ءَ اے پیسلگ کنان ءَ سرجمی ءَ پَٹ ءُ پول ءِ پرمان کتگ اَت ءُ ڈی سی کیچ حسین جان، اے سی کیچ عقیل کریم نائب تھسیلدار ھوشاہ رسول جان درکتگ اِت اَنت –

ھمے وڑ گوستگیں روچ ءَ ایف سی ءَ شانزدہ دسمبر ءَ ھوشاپ ءَ بیگواہ کنگ بیتگیں چار مردم سی ٹی ڈی ءِ دست ءَ پدر کرتگ ءُ آیانی ھلاپ ءَ ھوشاپ ءِ وئیل ءَ ھوار دگہ ناشری بھتام لڈ اِتگ اَنت-

اے درگت ءَ مشیر داکلہ بلوچستان میر ضیاء اللہ لانگو ءَ شمبے ءِ روچ ءَ شال ءِ پریس کلب ءَ ڈی آئی جی کرائمز برانچ ءِ وزیر خان ناصر ءِ ھمراھی ءَ پریس کانفرنس کنان ءَ گوشتگ دہ اکتوبر دوھزار ءُ بیست ءُ یک ءَ ھوشاپ ءَ گرینڈ تراکے ءَ دو زھگ شھید بیتگ اَنت اشانی کھول ءُ دگہ مردماں سیکورٹی پورسز اے وئیل ءَ ھواری ءِ زمہ جتگ بلوچستان ھائی کورٹ ءِ گوشگ ءِ سر ءَ کرائمز برانچ ءَ وئیل ءِ پَٹ ءُ پول کنان ءَ بنجاھی جرمکار نبیل ھاشم ءَ ھوار دگہ چار مردم دزگیر کتگ اَنت-

ضیاء لانگو ءِ رد ءَ بی ایل ایف ءِ گوشگ ءِ سر ءَ تربت ءَ بازیں ناشریانی زمہ اش زرتگ اَنت آئی ءَ گشتگ سی ٹی ڈی اے وئیل ءِ سر ءَ تچک اِنت چریشی ءِ سر ءَ آئی ءَ وتی بیان شنگ کتگ –

آئی ءَ گشتگ سیکورٹی پورسز وتی جاناں ببا دیگ ءَ اَنت مھلوک ءِ پھزداری ءَ کنگ ءَ اَنت لھتے مردم اے کربانیاں بے ھیال کن اَنت پوج ءَ را بے بنیں بھتام جنگ ءَ اَنت نِی راستی پدر بیتگ-

بلوچستان لبریشن فرنٹ ءَ وتی شنگ کرتگیں درشانی ءَ گشتگ بلوچستان پولیس ءِ پریس ریلیز دروگ ءَ چکار اِنت-

بی ایل ایف ءِ جارکش ءَ گشتگ ھوشاپ ءِ وئیل کجام رنگ ءَ پیش اتکگ اشی ءِ راستی کشگ بیتگیں زھگانی کھول ءُ دمگی مردماں زھگانی لاشانی ھمراھی ءَ شال ءَ اتکگ ءُ سرجمیں دنیا ءِ دیم ءَ پدر کرتگ اے سادگیں مزلومانی کشندھانی دزگیری، آیانی ھلاپ ءَ دروگیں ارزی ءُ دروگیں کول دیگ بیتگ ءُ زھرشانی ھلاس کنگ بیتگ سرجمیں دنیا ءَ دیستگ – اے راستی ءَ ھرکس زانت فوج، ایف سی ءُ چیریں ادارہ نا کہ کجام وتگڑیں سویلین سرکار ھوار اَنت نا کینگرو کورٹس ءِ پسو کار اَنت اے وتگڑیں ادارہ نا ایوک ءَ وتی ڈیھی دستور یا کجام کانون ءُ راستی ءُ نا انسانی ھکانی آجوئی ءِ درگت ءَ میانی اُستمانی پابند اَنت-

نبشتانک: بے کِساسیں مھر

نبشتہ کار: جلال اهمد

دی بلوچستان پوسٹ

مِهر یک اَنچیں چیزے کہ کِساس کنگ نہ بیت اِشی ءِ کَچ ءُ کِساس ءَ کس زَانت نہ کنت مِهر یک اناگت ءَ انسان ءِ اندر ءَ چہ ودی بیت منی هیال ءَ دُگنیا ءِ تُوک ءَ انسان ءَ را سے چیز ءَ گوں بے کِساس مِهر اِنت-

اے منی هیال اَنت کہ من پدّر کنگ ءَ آں ءِ بُوت کنت منی گپّاں گوں شُما تِپاک مہ کن اِت بُوت کنت منی گپ شُمئے پھم ءَ مہ کپ اَنت چیا کہ دُگنیا ءِ تُوک ءَ هرچ انسان یک جِتائیں پِگر ءُ سُوچے ءِ واهُند اِنت ءُ هر مردم ءِ هیال ءُ لِیکہ جِتا اَنت –

منی هیال ءَ دُگنیا ءِ توک ءَ سِے مستریں مِهر اَنت چے یکّے هما مِهر اِنت کہ ترا گوں وتی مات ءَ بیت دومی هما اِنت کہ ترا گوں یک جِنکے ءَ گوں بیت ءُ سیمی هما اِنت کہ ترا گوں وتی ماتیں گلزمین ءَ بیت بِزاں کہ ترا گوں وتی زمین ءَ مِهر بیت اے سَے چیز اَنت گوں انسان ءَ را بے کِساس مِهر بیت اِنت-

یک انسانے ءَ را گوں وتی مات ءَ چون مِهر بیت؟ مات هما اِنت کہ نُھ ماه ءَ داں وتی چُک ءَ لاپ ءِ تہ ءَ جاه دنت چینچو بزّگی ءُ واری برداشت کنت نُھ ماه ءَ رند هما چُک دُگنیا ءِ تُوک ءَ کیت ودی بیت دان پُرّیں دو سال ءَ مات وتی گوراں چے شیر وارینیت ئِے ءُ انچو سمبالیت ئِے دان هما چُک مزن بیت ءُ دُگنیا ءِ رِپکاں سرپد بیت گڑا وتی دستاں چیر بیت ءُ وتی مات ءَ را سمبالیت بِچار دُگنیا ءِ توک ءَ هما مردم ءَ گوں انسان ءَ را مِهر بیت کہ آ هم ترا مِهر دنت گڑا همے پیم ءَ مِهر یک کَچے ءَ تاکت ور بیت چیا کہ دو مردم ءِ میان ءَ مِهر هست آ ترا انچو مِهر دنت ءُ تو آئی ءَ نوں بِچار زندگی تُوک ءَ انچیں ماتانی بَچ هست اَنت کہ آه نِشاه ءِ آماچ اَنت وتی زندگی ءَ برباد اَنت دگُنیا ءَ هچ ءَ سرپد نہ اَنت بلے هما چُک کہ مات ءِ گورا رؤت گڑا آ مات ءَ دل ءَ منی چُک ءَ چے شرتِر کس نیست نوں مات ءَ مِهر ءَ بِجار بے کِساس اِنت همے وڑ ءَ چُک ءَ را وتی مات هم سک دوست اِنت بِچار هر وهد ءَ چُک کہ وتی گِس ءَ رؤت گڑا دِگے کسّی گورا نہ رؤت بلے وتی مات ءِ گورا هرچ هال ءَ رؤت ءُ هر انسان ءَ را وتی مات ءَ گوں بے کِساس مِهر اِنت بے مات ءَ گُش ئے زان آں مردم ءِ زند نا سرجم اِنت مات چُک ءِ چراگ اِنت ءُ اے چراگ انسان ءِ زندمان ءَ رُوژناه کنت ءُ بے کِساس ڈولدار ءِ کنت-

دومی بے کِساسیں مِهر گوں هما جِنک ءَ بیت کہ تو پہ همائی ءَ زرے پہ آئی ءَ گنوک بئے کہ من ءَ پلانی باز دوست بیت من لوٹ آں کہ آ منی بہ بیت وهدے کہ اول سر ءَ تو جِنک ءِ گِندے کہ آئی ءِ لُنٹ سُهر سُهر اَنت ءُ مُود اِش انچوش بَز اَنت وهدے کہ کندگ ءَ لَگّ ایت گُل اِش کنڈ بنت ءِ هما هساب ءَ ڈولدار اِنت کہ گپ نہ بیت تو کہ وهدے آئی ءِ اداه ءُ زیبائی ءَ گِندے گڑا تئی بے تاهیریں دل ءَ تاهیر رس ایت گُش ئے زان آں دل ءِ گم ، رنج ءُ پریشانی هلاس بنت بس هما دل ءِ توک ءَ جاه کنت ءُ دل ءَ آرام دنت بِچار زندگی ءَ توک ءَ مردم ءَ را وهدے کہ چیزی ءِ تلب بیت گڑا انسان مُدام همے کوشست ءَ کنت کہ منا پِلان چیز بے رس ایت کہ منی هما تلب اِنت آ سرجم بہ بیت تلب کُجام وهد ءَ سرجم بیت؟ هما وهد ءَ سرجم بیت کہ تئی دل ءِ هاجت ءُ زرورت سرجم بنت زندگی یک کسانیں مُدّتے ءِ بلے اِشی ءِ توک ءَ انسان مدام جُهد ءَ اِنت کہ منی زندگی وش هال بہ بیت گڑا هما جِنک ءَ گوں ترا وهدے کہ بے کِساس تو دائم همائی ءِ ترانگ ءَ کپ ئے بلے وهدے کہ آ گوں تو دُچار کپ ایت گڑا ترا کہ هما گپ کنگی اَنت تو آواں گُشت اِش نہ کن ئے تو مُدام همے جُهد ءَ کن ئے کہ دِگہ روچ ءِ گُشان ئِے گُشے زان آں تو وهدے کہ همائی ءَ گوں دیم پہ دیم بئے تئی گورا لبز هلاس بنت تو بس همے ودار ءَ کن ئےکہ آ گپ بِکنت من بس گُوشدار آں اے وڑیں مِهر اگاں کسے ءَ را گوں جِنکے ءَ بہ بیت آئی ءِ ارمان سرجم مہ بنت آ گنوک بیت بے کِساسیں مِهر همیشی ءَ گُش اَنت-

سیمی مِهر گوں انسان ءَ را وتی زمین ءَ بیت زمین انسان ءِ وتن اِنت انسان ءِ مات اِنت اے هما مات اِنت کہ سرجمیں زندگی ءَ ترا یل کُرت نہ کنت دان مرگ ءَ رند هم ترا وتی سُورومگیں هاک ءِ وشبو ءِ باهوٹ کنت یک ماتے ءِ زمین ءِ مِهر هم بے کِساس اِنت هما بچّاں کہ پہ اے هاک ءِ هاترا وتی سر ندر کُتگ ءُ هاک ءِ شیداه بُوتگ اَنت آواں وتی جان داتگ زمین ءِ هکّی اِیں شیدائی هما بیت کہ پہ زمین ءَ گنوک بیت دائم پہ وتی زمین ءِ هاترا جیڑ ایت ءُ وتی زمین ءِ سمبالگ ءَ کوشست کنت هما کہ دراں ڈیه اَنت آواناں چے وتی ءَ کشّگ ءُ زبهر کنگ بیتگ هما آں جُست کن کہ آوانی جاور چون اَنت پہ دِگرانی گلام جوڑ بُوگ ءَ وتی زمین ءِ سمبالگ هر انسان ءِ سر ءَ اَلّم اِنت چیا کہ اے مات ترا نیم راه ءَ یل نہ کنت داں کیامت تئی همراه بیت-

اے نبشتانک ءِ تہ ءَ من سِے چیز ءَ گوں بے کِساسیں مِهر ءِ گپ ءَ پدّر کنگ ءَ آں منی متلب اِش اِنت کہ دُگنیا ءِ توک ءَ همے سَے چیزاں گوں انسان ءَ را بے کِساس مِهر بیت بُوت کنت منی گپ رد بے بنت بلے منی هیال ءَ مستریں ءُ ٹوهیں مِهر گوں همے چیزاں بیت اِنت –

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

بلوچ لبریشن آرمی ءَ سال 2021 ءَ پاکستانی پوج، سرکاری پلامرزی ءِ ٹولی ءُ چیریں ادارھانی کارمند ءُ پرجیکٹسانی سر ءَ اُرشانی یک تاکبندی دروشمے ءَ شنگ کرتگ، سِی ءُ یک تاکبندی ءَ ھکل پبلیکیشنز ءِ نیمگ ءَ “محاذ ءِ گڈی فتح ءَ داں ” سرتاج ءِ ھواری ءَ شنگ کرتگ-

بی ایل اے میڈیا چینل “ھکل “ءِ نیمگ ءَ شن بیتگیں ھال ءِ تہ ءَ 2021 ءَ سرجمیں بلوچستان ءَ ھشتاد ءُ ھشت اُرشاں یک سد ءُ سِی ءُ پنچ پوجی ءُ بیست ءُ سَے دمگی دلار کشتگ ءُ شست ءُ ھپت زدگ بیتگ اَنت-

شنگ کنگ بیتگیں ھال ءِ تہ ءَ گوستگیں سال ءَ پنجاہ ءُ نُھ تراک کنگ بیتگ اَنت چریشانی تہ ءَ سَے پوجی بنجل ءُ چوکی دستیگ کنگ بیتگ اَنت ءُ سرجمیں سال ءَ بیست ءُ چار پوجی گاڑی پروشگ بیتگ اَنت-

ھال ءِ رد ءَ گوستگیں سال ءَ یک فدائی اُرشے گل ءِ نیمگ ءَ کنگ بیتگ، گوادر ءَ بیتگیں وتکش تراک ءَ بی ایل اے مجید بریگیڈ ءِ درگت ءَ گچینی ءِ گپ ھوار گیجگ بیتگ اَنت ءُ ھال ءِ تہ ءَ گوشگ بیتگ بی ایل اے ھبدہ سرمچار شھید بیتگ اَنت-

اشی ءَ ابید گوستگیں روچاں سلاہ بندیں گل بلوچ ریپبلکن آرمی ءُ یونائیٹڈ بلوچ آرمی ءَ ھم وتی سالگشتی ھال شنگ کتگ اِت اَنت-

بی ار اے ءِ رد ءَ گوستگیں سال ءَ شش آئی ای ڈی تراک ءُ سَے دزبمب اُرشاں شست ءُ ھشت پوجی کارندہ کشتگ ءُ ھژدہ زدگ کتگ اَنت- اشاں ابید بی آر اے ءِ رد ءَ سرجمیں سال ءَ یازدہ دلار کشتگ اَنت –

یونائیٹڈ بلوچ آرمی ءَ ھم وتی سالگوست دوھزار ءُ بیست ءُ یک شنگ کتگ اَت آئی ءِ رد ءَ گوستگیں سال ءَ یو بی اے ءِ سرمچاراں پاکستانی پوج ءِ چل کارندہ کشتگ ءُ زدگ کتگ اَنت اشانی ھواری ءَ یک گاڑہ ءُ پرپٹاں ھوار دو موبائل ٹاور پروشتگ اَنت ءُ سَے دلار کشتگ اَنت-

دی بلوچستان پوسٹ پتر ءَ سربوتگیں ھالانی رِد ءَ بلوچستان ءِ دمگ تربت ءُ سبی ءَ دگ ءِ وئیلاں سَے مردم بیران ءُ سَے زدگ بوتگ انت –

سبی ءَ دیم ءَ اتکگیں وئیل ءَ سَے مردم بیران ءُ دو زدگ بوتگ اَنت – وئیل نمبپان ءِ سبب ءَ دو گاڑیانی ڈیکر ورگ ءِ سبب ءَ دیم ءَ اتکگ –

سبی ءَ بیران بوتگیں مردمانی پجار پیر بخش ء محمد حنیف سمالانی، محمد عظیم ء محمد دین لہڑی، عرفان ء جمعہ گولہ ءِ ناماں چہ بوتگ انت وھدیکہ چہ اے وئیل ءَ بہادر خان ء اللہ یار خان، یار محمد ولد غلام زدگ بوتگ انت –

دومی وئیل کیچ ءِ بنجاھی شھر تربت ءَ تربت یونیورسٹی ءِ دگ ءِ سر ءَ دیم ءَ اتکگ چہ ایشی ءَ یک مردمے زدگ بوتگ –

زدگ بوتگیں مردم ءِ پجار عبدین ء حاجی ءِ نام ءَ چہ بوتگ دمگی مردماں زدگ بوتگیں مردم سول ھسپتال ءَ سر کتگ –

کوہڑو ءَ پوجی پانگس ءِ سر ءَ اُرش کتگ ءُ جانی ءُ مالی تاوان داتگ – میجر گوھرام

بلوچستان لبریشن فرنٹ ءِ جارکش میجر گوھرام بلوچ ءَ رسانکدراں وتی شنگ کرتگیں درشان ءِ تہ ءَ آواران ءَ پوجی پانگس ءِ سر ءَ بوتگیں اُرش ءِ زمّہ واری منّ اِتگ گوشتگ کہ مئے سرمچاراں شمبے ءِ روچ ءَ بیگاھے ادار ھپت ءَ جاؤ ءِ دمگ کوھڑو پوجی پانگس ءِ سر ءَ راکٹ ءُ دگہ وتکاریں سلاھاں گون اُرش کتگ –

جارکش ءَ گوشتگ اُرش ءِ آسر ءَ زورگیریں پوج ءَ جانی ءُ مالی تاوان رس اتگ –

جارکش گوھرام بلوچ گوشتگ کہ اے پانگس دمگ ءِ ہائی اسکول ءِ سر ءَ کبزہ کنگ ءُ جوڑ کنگ بوتگ ءُ مئے اُرش بلوچستان ءِ آجوئی ءَ تاں برجاہ مان انت –

سندھ ءِ مزن شھر کراچی ءَ وائس پار بلوچ مسنگ پرسنز ءِ زھرشانی بنجل پریس کلب ءِ دیم ءَ برجاہ انت ءُ زھرشانی ءَ مروچی چار ھزار ءُ پنچ سد ءُ پنجاہ ءُ دو روچ سرجم بوتگ – سکھر ءَ چہ پی پی باسک علیم وہیر، نعیم مہر ءُ جمیل احمد مہر ءَ بنجل ءَ اتکگ ءُ بیگواھیں مردمانی کھول ءِ گوم ءَ دلپدردی درشان اتگ –

ھمے وھد وائس پار بلوچ مسنگ پرسنز ءِ رھشون ماما قدیر بلوچ ءَ اتکگیں مردمانی میان ءَ تران کنان ءَ گوشتگ کہ دنیا بیت کنت وتی مکاری ، ھنر سیاسی چالبازیاں اے جاہ ءَ اتکگ ءُ سربوتگ کہ آئی انسان گندگ ءَ کائنت بلے انسانی ھکاں نہ گندیت ، گریب گندگ ءَ کائنت بلے گریبی ناں، ناشرکاری گندگ ءَ کائنت بلے ناھکیانی بنیاد ءَ برجاھیں نزام ناں بلے اشانی مپاداتانی پیروی کنوک ھمیشانی کمک ءُ ھمیشانی سلاھاں گوں برجاھیں جنگ ءَ دست گوشیں بلوچانی ھون ءَ چو آپ ءَ ریچگ انت ءُ پدا اے زوراکی کنوکانی انسانی ھکانی عملبردار ھم ھمے سامراجی تاکت ھم ھمے ءُ اشانی ازیم الشانیں کارگس ھم ھمود ءَ انت –

آئی ءِ گوشگ ات کہ اقوام متھدہ ھم.ھما، جینیوا کنونشن ھما، سلامتی کونسل ھما بلے ناھکی ءُ زلم زوراکی مال مڈیانی لٹ ءُ پُل زر ءِ لٹ پُل ءُ زورگیری ناشرکاری جنگانی پَٹ ءُ آماج گائیں ءُ کمین گائیں آھاں چہ ھزاراں میل دور سیمی دنیائے ھما ایردستیں راجانی ڈیھے کہ اود ءَ دو وھد ءِ نان ءُ پہ ورگ ءَ ساپیں آپ ءِ ھاتر ءَ زند ءُ مرگ ءَ پرایمنین جھد ءَ نیمگ ءَ آھگ ءَ انت – پدا ھما جنگ زدگیں ایردست گلامیں زر ءِ وڈا ھما سردار ءُ سامراج ءِ نیوکالونیل ازم ءِ علمبرداراں توار پر جنگ انت کہ مار ءَ ھک ءُ انسانی ھکانی گٹ ءِ آپ وارین ایت – میاں استمانی مپادانی چپ ءُ چاگرد ءَ تروکیں اے دنیائے تہ ءَ پُرایمنیں جھد زریعے ء بلوچ ءِ وتی پرزندانی یل کنگے لوٹ ءَ چہ مستریں لوٹ بوت نہ کنت ا ھم لوٹ ءِ رِد ءَ مار ءَ وتی رویش بدل کنگی انت –

آئی ءِ گوشگ ات کہ دنیا زانت بید سور داتگیں اے مات مئے داتگیں چنڈے نان ءِ سر ءَ ھما گِس ءِ کار کنوک انت کہ سامراج ءِ ناجائزیں چُک ءِ مات انت ھمے ھاتر ءَ دنیا ءَ سرپد کنگے مول آئی ءِ دیم ءَ شری ءِ نقاب دیر کنگے ھمے ھاترچءَ پُرایمنیں جھد جست ءِ میاں استمان ارس ریچگے بدل ءَ چیرگ ءِ لنٹاں کندگ انت –

بلوچستان ءِ دمگ کیچ ءِ بنجاھی شھر تربت ءَ سیادی داروکیں ازمکار شاھینہ شاھین ءِ گوھار معصومہ شاھین ءَ چاگردی رسانکجاہ ٹوئٹر ءَ گشتگ کہ منی گوھار شاھینہ شاھین ءِ کوشکار ءُ نامی ئیں جرمکسر مھراب گچکی ءِ کیس ءِ ھلاس نہ کنگ ءِ سر ءَ ناوشیں بیھار دیگ ءَ اَنت –

آئی ءَ گُشتگ اگاں من ءَ ھوار منی کھولے ءِ کجام ھم مردم ءَ کسانوکیں تاوانے اتک گڑا زمہ وار مھراب گچکی ءِ کھول اِنت –

آئی ءَ مزن واکداراں گوں دزبندی کتگ ءُ گشتگ گوھار ءِ کوشکار دزگیر کنگ ءُ انساپ دیگ ءِ لوٹ کتگ-

زانگ بہ بیت دو سال ءَ پیسر پنچ دسمبر ءَ شاھینہ شاھین تیر جنگ ءُ زدگیں جاوراں نادراہ ءَ سر کتگ پد ءَ آئی ءَ ٹپ نہ سگ اِتگ ءُ بیران بیتگ اَت-

کیچ پولیس ءِ رد ءَ شاھینہ ءَ نادراہ جاہ ءَ رسینوکیں مردم ءِ پجار مھراب گچکی ءِ نام ءَ زانگ بیتگ ءُ آ انگت ءَ ڈن ءَ ترگ ءَ اِنت-

شاھینہ بلوچ ءِ کوش ءِ ارزی آئی ءِ ناکو اھمد علی ءِ گوشگ ءَ تربت پولیس اسٹیشن ءَ مھراب گچکی ءِ نام ءَ نبشتگ کنگ بیتگ اَت-