TBP Balochi

بیگواھیں مردمانی پانکجنیں گل وائس فار بلوچ مسنگ پرسنز ءِ رھشون سمی دین بلوچ ءَ رسانکدراں وتی شنگ کرتگیں درشان ءِ تہ ءَ گوشتگ بیگواھیں مردمانی کھول دمگی میرانی سھارگ ءَ نند انت ءُ وتی کیساں کانودی یکجاہ نہ کنائین انت چریشی ءِ سبب ءَ کانودی ھوالہ ءَ کیس جنجال بیت اِنت-

بلوچستان ءَ بیگواھیں مردمانی پانکجنیں گل وائس فار بلوچ مسنگ پرسنز ءِ جنرل سیکٹری سمی دین بلوچ ءِ گوشگ اِنت کہ بیگواھیں مردمانی کھول دمگی میرانی سھارگ ءَ وتی دوستیگیں مردمانی زند ءَ چد ءُ گیشتر ھترہ ءِ تہ ءَ مہ کن انت شمے ھچ نگوشگ ءَ شمارا زانگولیں جون دست کپ اَنت –

سمی دین ءَ گوشتگ کہ ما یکرندے پد ءَ بیگواھیں مردمانی کھولاں چہ لوٹ کنیں کہ بیگواھیں مردمانی کھول وتی دوستیگیں مردمانی رپورٹ ءَ وائس فار بلوچ مسنگ پرسنز ءِ گور ءَ نبشتہ بہ کنائین انت –

سمی دین ءَ دیمتر ءَ گوشتگ کہ بیگواھیں مردمانی کھولانی نیمگ ءَ چہ کیسانی یکجاہ کنگ ءُ گل ءَ درسیں ھال ءَ سرپد کنگ ءَ پد وی بی ایم پی بیگواھیں مردمانی کیس ءَ کانودی دیم ءَ بارت –

وی بی ایم پی ءِ رھشون ءِ درشان برتانیہ نشریاتی ادارہ ءِ اے رپورٹ ءِ پژدر ءَ داتگ کہ پیسر ءَ یک مردمے ءَ پاکستانی پوج ءِ دست ءَ زورانسری اوار جنی ءَ پد آئی ءِ زانگولیں جون چگل دیگ بوتگ –

برتانیہ ءِ نشریاتی ادارہ ءِ گوم ءَ تران کنان ءَ حاجی ناسر بلوچ ءَ گوشتگ کہ یک جولائی سال دوھزار ءُ نوزدہ ءِ شپ ءَ کہ آ وتی گِس ءِ دیم ءَ وپتگ بوتگ گڑا اناگہ ءَ گیٹ کسے ٹُک اِتگ بوتگ من دروازگ پچ کتگ چارتگ دیستگ سیکورٹی ءِ کارمند ءُ لس مردمی پوشاک گوریں کارمند ڈن ءَ اوشتوک انت –

حاجی ناسر بلوچ ءَ بھتام جتگ گوشتگ کہ آئی ءِ زھگ تربت ءَ بندیگ بوتگ پد ءَ رند ءَ آئی ءِ جون رودراتکی بلوچستان ءَ چہ روکپتی بلوچستان برگ ءُ دور دیگ بوتگ –

حاجی ناسر ءَ گوشتگ کہ اے وئیل ءَ پد وتی چُک ءِ زورانسری آوارجنی ءِ بگیری ءَ ارزی نبشتہ نہ کنائینتگ – ایشی ءِ آئی ءَ دو سبب گوشتگ یکے ایش کہ آئی ءَ ترس بوتگ کہ زنداناں آئی ءِ چُک تاوان دیگ مہ بیت دومی ھمے کہ سیکورٹی کارمندانی نیمگ ءَ ھمے باور کنائینگ بوتگ کہ جست پد کنگ ءَ پد اسد یل کنگ بیت ات انت –

حاجی ناسر ءِ رِد ءَ آ کیچ ءَ سیادی داروکیں سوبائی ءُ وپاک ءِ وزیراں ھم دچار کپتگ ءُ وتی چُک ءِ یل.کنگ ءِ لوٹ کتگ “آ درساں من ءَ تسلی داتگ کہ منی چک یل کنگ بیت اِت اِنت –

کیچ ءِ ڈپٹی کمشنر حسین جان بلوچ ءَ بی بی سی ءِ گوم ءَ تران کنان ءَ گوشتگ اسد ناسر ءَ ھوار آ دگہ دوئیں مردمانی بیرانی کیچ ءَ ناں بلکیں ایران ءَ بوتگ – آئی ءَ گوشتگ ایران ءِ واکداراں آھانی جون پاکستان ءِ دست ءَ داتگ انت کہ آھانی ڈاکومینٹیشن ھم بوتگ اے گپ زاھر انت کہ آ کیچ ءَ جنگ نہ بوتگ انت بلکیں ایران ءَ جنگ بوتگ انت –

سمی دین بلوچ ءَ کیچ ءِ ڈپٹی کمشنر ءِ اے درشان ءِ پژدر ءَ کھولاں چہ لوٹ کتگ گوشتگ کہ آ وتی دوستیگیں مردمانی درگت ءَ ارزی ءَ نبشتہ بہ کنائین انت تانکہ کانودی ھوالہ ءَ بیگواھیں مردمانی کیس آمیدگساں پیش کنگ بہ بنت –

زانگ بہ بیت گوست ھم سرکار ءُ دگہ واکداراں ھمے گوشتگ کہ بیگواھیں مردم دری ملکاں نندوک انت بلے پد ءَ ھم بیگواھیں مردمانی کھول ءُ وائس پار بلوچ مسنگ پرسنز ءَ اے بھتام رد کرتگ انت –

دی بلوچستان پوسٹ پتر ھال ءَ سر بیتگیں ھالانی رد ءَ ڈیرہ مراد جمالی ءَ وت ماں وتی جنگاں دو بُگٹی ورناہ بیران ءُ یکے ٹپی بیتگ۔ دمگ ڈیرہ بگٹی، سوئی میتگ ءِ دو ورنا مھمد کپِیل ء چاکر باگلانی، داد اُلہ باگلانی کُشگ ءُ کپیل ءِ مستریں بْرات تارک ء چاکر باگلانی سک ٹپی بوتگ اَنت۔ بیران بیتگیں ورناہ مھمد کپیل بُگٹی بلوچستان یونیورسٹی ءِ نودربر ءُ وتی دمگ ءِ یک چاگِردی ھزمتکارے بیتگ۔

دمگی ھالکارانی رِد ءَ دمگی وڈیرہ میوہ نوتانی ءِ زھگ نورا بُگٹی ءَ پہ بیرگری ءَ وتی دُژمن میرگُل نوتانی راہ بستگ ءُ بے سمائی ءُ رَدی ءِ آسر ءَ نوتانی ٹکر ءَ باگلانی ٹکر ءِ موٹلے نشانگ کُرتگ ءُ چریشی ءَ یک لس بلوچ ورنایے بیران ءُ ٹپی بیتگ ۔

دمگی مردمانی رد ءَ ڈیرہ بگٹی ءِ سرجمیں میتگاں داں سے سال ءَ گوں پوج ءَ ھچ جنگ ءُ جیڑہ نیست پمیشکا پاکستانی پوج ءَ وتی پانگِس ھالی کُتگ ءُ پشتونستان ءُ بلوچستان ءِ دگہ دمگ جنگی آپریشناں شُتگ اَنت۔ اے وھد ءَ ڈیرہ بگٹی ءَ ناں بلوچی رواج ءُ ربیدگ ءِ رِد ءَ بلوچی جِرگہ ءُ میڑمرکھے نَیکہ پاکستانی کانودی رِد ءُ رھبندے ھست کہ اے جیڑہ ھلاس بہ بنت چمیشکا اود ءَ یکشل ءَ پوج ءِ پلہّ مُرز، سرجھل بوتگیں مردم ماں وت جنگ ءَ اَنت کہ تھنا بلوچ راج ءِ بدبھتی ءُ بیرانی اِنت۔

بلوچ، بلوچی زبان ءَ دست ئِے وت گار ءُ بیگْواہ کنت

نبشتہ کار: شاھد اھمد

دی بلوچستان پوسٹ

تَھنا بلوچ بوگ درد نہ وارت بلوچ ءَ بلوچی زبان وانگ لوٹ اِیت بیدے زبان ءَ راج وتی راجی پجار ءُ وتی زند ءِ ھر تک ءُ پَھنات ءَ دیم بُرت نہ کنت۔

بلوچستان ءَ بلوچ راج ءِ راجدپتر ءَ وتی راجی زبان ءِ تہ ءَ سرپد کنگ المی اِنت بلے چون سرپد اِش کن ئے وھدیکہ تو وتی راجی زبان ءَ سرپد بہ ئے گڑا! زیردستیں راجاں وتی زیردستین زبان زوراور ءِ دست ءَ وتی زبان ءِ لگتمالی چون دیستگ ءُ چون رَکّینتگ؟ او بلوچ! ترا وتی سر ءُ چِٹّ گِرگ لوٹ اِیت بہ گند ئے تئی ھمراھداری ءَ کس گون مہ بیت بلے ترا وتی بلوچی زبان چَہ زوراور ءِ دست ءَ رَکّینگی اِنت پرچاکہ تئی راجی پجّار تئی گوں زبان ءَ بندوک اِنت۔

مُجّتی ما گِند ایں بلوچستان ءِ ھند ءُ دمگ ءِ نندوکیں ھر بلوچ ءَ کہ وتی گالوار ءُ نبشتانک ءِ تہ ءَ دری راجانی گالاں کارمرز کنگ ءَ اَنت تو وتی زبان ءِ گار کنگ ءِ مستریں سبب دگہ چے بوت کنت کہ تو وت وتی جند ءَ گوں دری زبان ءُ دود ءُ ربیدگ ءَ ھوار کنگ ءَ ئے۔

وانگجاھاں مئے کسانیں چُکاں دری زباناں وانینگ بوگ اَنت اے وڑ ءَ بلوچیں چُکے مَجگ ءَ چنچو سان دَور دنت۔

منی جُست گوں شمارا ایش انت کہ پرچا مئے ماتی زبان وانگجاھاں وانینگ نہ بیت ؟
ایشی ءِ متلب ایش اِنت کہ بلوچ راج ءَ گوں آئی زبان ھم ایردست اِنت ءُ میزان میزان ءَ گار بوان بہ بیت انچوشکہ بلوچستان ءِ نوکیں، آؤکیں پدریچ ھمے ھساب ءَ آیان بہ کنت ءُ آئی ءِ نئیکہ تَھنا ءَ آئی ءِ دود ءُ ربیدگ سان بہ گِیپت بلکیں آئی ءِ زبان ھم گار ءُ بیگْواہ بہ بیت۔

داں کہ بلوچ وت وتی زبان ءَ نہ پَھریز اِیت ، نہ پَھم ایت چون تو ایردست بوھان بہ ئے بہ چار ھمے گالوار کہ مئے دپ ءَ کارمرز بوگ اَنت دری زبانانی گڑا ما ایشاں چِتو بہ پَھریز ایں مارا وت ءَ راجی زبان ھست گڑا ما پرچا وتی راجی زبان ءَ نہ وان ایں؟

دری ملکاں نندوکیں بلوچاں ھما ملکانی زبان دربرتگ اَنت ءُ شان ءِ گوما پَھر بند اَنت کہ ما بلوچیں تَھنا بلوچ درد نہ وارت بلوچاں وتی ماتی زبان ءِ تہ ءَ ھبر ءُ نبشتہ کنگ زیب دنت ناں کہ دری راجانی وت ءَ ھوار کنگ ءَ وت ءَ بلوچ گْوشگ بْراھدار لیک اِت۔

شال ءَ بلوچستان زندگ بات ءُ بلوچ ءُ بلوچی زبان دیمروئی بہ کنات۔

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

پاکستانی پوج ءَ سیمی بر ءَ سندھی راجدوست مھران میرانی گوستگیں شپ ءَ آوار جتگ ءُ گوں وت برتگ-

وائس فار مسنگ پرسنز آف سندھ ءِ کنوینر سورتھ لوھار ءَ وتی شنگ کرتگیں درشان ءِ تہ ءَ گشتگ پاکستانی پوج ءُ آئی ءِ چیریں ادارھانی کارمنداں سندھ ءَ انسانی ھکانی لگتمالی ءُ زُلم ءُ زوراکی سرگوستگ اَنت – گوستگیں بازیں سالاں سندھ ءَ سدانی کچ ءَ سیاسی باسک ءُ انسانی ھکانی باسک دزگیر کنگ ءُ بیگواہ کنگ بیتگ اَنت کہ چریشانی تہ ءَ بازیں باسکانی لاش دزکپتگ اَنت –

آئی ءَ گُشتگ کہ گوستگیں سالاں دوبر آوار جبگ بیتگیں سندھی راجدوستیں باسک مھران میرانی گوستگیں شپ ءَ یک رندے پد ءَ وتی لوگ ھیدر آباد ءَ چہ پاکستانی پوج ءُ ھیدر آباد ءِ پولیس ءِ نیمگ ءَ لوگ ءَ لٹ ءُ کُٹ ءُ پروشت ءُ پروشاں پد دزگیر کنگ ءُ گوں وت برگ بیتگ –

آئی ءَ گشتگ کہ دومی نیمگ ءَ نوشھروفیروز ءِ میتگ ءَ پکاچانگ ءَ ایاز شر، سدام شر ءُ عمر شد دزگیری ءَ پد بیگواہ کنگ بیتگ اَنت-

ھمے وڑ ءَ چریشی ءَ پیسر راجدوستیں رھشون ایوب کاندھڑو، مرتضیٰ جونیجو، انصاف دایو، پٹھان زھرانی، سرویج نوحانی، منیر ابڑو، امداد شاہ، کاشف ٹگڑ، سعید گاڈھی ءَ ھوار دگی بازیں کچے ءَ باسک بازیں سالاں زورانسری بیگواھی ءِ آماچ اَنت –

آئی ءَ گشتگ ما انسانی ھکانی ءُ میان اُستانی ادارھاں گوں سندھی مسنگ پرسنز ءُ سندھ ءَ پاکستانی پوج ءِ نیمگ ءَ انسانی ھکانی ترندیں پامالانی سر ءَ بازیں براں دزبندی کتگ آ پاکستان ءَ را وتی زور ءَ پیش بہ داریت –

ما میان استمان، ایمنسٹی انٹربیشنل ءُ ریڈ کراس ءَ بس اے دزبندی ءَ کن ایں مارا پاکستانی آمیدگساں ھچ جاہ ءَ انساپ ءِ در گندگ ءَ آیگ ءَ نہ اِنت ھمے واستا سندھیاں پاکستانی ریاست ءِ جنگانی دیمپانی گوشگ بہ بیت اِنت-

بلوچستان لبریشن فرنٹ ءِ جارکش میجر گْوھرام بلوچ ءَ ریاستی ڈیتھ اسکواڑ کارندھانی کوش زمہ واری ءَ منّ اِتگ ءُ گْوشتگ کہ زیک دہ جنوری ءَ ضلع پنجگور ءَ سرمچاراں چتکان تار کارگس ءِ دیم ءَ ریاستی ڈیتھ اسکواڑ ءِ ھاسیں کارندہ صفی اللہ ء ماسٹر اکبر نشانگ کتگ ءُ کُشتگ-

آئی ءَ گوشتگ کہ اے مرد ریاستی ڈیتھ اسکواڑ ءِ ھاسیں کارندہ ءُ ریاستی چاریگے بوتگ کہ آ بلوچانی چست کنگ ءُ جتائیں لشکر کشی ریاستی پوج ءِ کمک کتگ- آ دُزی ءُ ڈنگی ءِ وڑیں چاگردی سلّکیاریاں ھوار بوتگ-

جارکش ءَ گوشتگ کہ اشی ءَ ساری صفی اللہ ءُ آئی ءِ برات یک سلاہ بندیں گلے ءِ باسک بوتگ اَنت بلے رند ءَ دوئیں سرنڈر بوتگ اَنت-

میجر گْوھرام بلوچ ءِ گْوشگ اِنت کہ صفی اللہ 27 اپریل 2020 ءَ پروم کلہ کور ءَ میجر نورا ءُ آیانی سنگتانی شھادت ءَ تچکی ءَ گون بوتگ اَنت- اد ءَ اشی ءِ مستریں برات شکراللہ ء ماسٹر اکبر جنگ بوتگ-

جارکش ءَ گوشتگ کہ صفی اللہ سر ءَ اُرش ءِ وھد ءَ حضور بخش نامیں مردمے ءِ تیر لگگ ءَ آ بیران بوتگ – آ بے میارے ءُ ما آئی ءِ کھول گوں دلپدردی درشان کن ایں ءُ ما لَس مھلوک ءَ گوں دزبندی کن ایں آ ریاستی ڈیتھ اسکواڑ کارندھاں چہ دیر بہ بنت – آ سرمچارانی نشانگ ءِ تہ ءَ اَنت پرچاکہ آ بلوچ راج ءِ چُکچینی ءَ پاکستانی پوج ءِ ھمراھداری ءَ کنگ ءَ اَنت-

اکس کمانچر بلوچ

دستونک

دستونکار: سلیم ناز

دی بلوچستان پوسٹ

ساهگ ءَ نشتگ ئے بهارانی

آس سوچ ایت من ءَ لوارانی
…
من نہ ترسان چہ شپ تهاری ءَ

پسگان ملین کہ مزارانی
…
بلے واهندے تو ستر لک ئے

پہ بدی نام مگر هزارانی
…
پّمن چو جنت انت بلوچستاں

دائم توسیپ کنان ڈگارانی
…
جہ جن ات بیل ءُ جہ جن ات براتاں

بیا ات همراه بین سرمچارانی
…
جزمان روچے کہ ما بائیں آجو

جهد بیگواه نہ بیت یارانی
…
تو سلیم راج ءَ سر کن اهولاں

لج ءِ پاسپان بہ بے گهارانی

سندھ ءِ مزن شھر کراچی ءَ پریس کلب ءِ دیم ءَ وائس فار بلوچ مسنگ پرسنز ءِ بنجل ءَ چار ھزار ءُ پنچ سد ءُ پنجاہ ءُ پنچ روچ سرجم بیتگ – ھمردری ءِ درشانگ ءَ بلوچ یکجھتی کمیٹی کراچی ءِ کنوینر آمنہ بلوچ، ماہ گنج بلوچ، سابرہ بلوچ ءُ دگہ ھوار بیتگ اَنت-

وی بی ایم پی ءِ وائس چیئرمیم ماما قدیر بلوچ ءَ اتکگیں مردمانی میان ءَ تران کنان ءَ گوشتگ سال دوھزار ءَ بہ گر داں انیگ ءُ جد ءُ جھد برجاہ اِنت چریشی ءَ زالبولانی مزنیں دیمھونی ھوار اَنت اے کربانیانی درچ مروچی ھم برجاہ اَنت اے وھد ءَ پُر ایمنیں جد ءُ جھد ءَ یک ھنچیں جاھے گپتگ بگیر داروکیں تکانی سُر ءُ مانسر پروشت ءُ پروشی ءِ جھد ءِ ھواری ءُ دشمن ءِ نیمگ ءَ بازیں پندل سازگ بیگ ءَ اَنت – گیشتر نیکراھی ءُ ٹکی مھلوک ءَ پر ایمنیں جھد ءُ جھد ءِ ھلاپ ءَ کارمرز کنگ ءَ اَنت اشانی ھواری ءَ پاکستان جنگی رھبندانی پادمال کنان ءَ مروچی لس دمگانی سر ءَ بمباری ءُ زھگ ءُ زالبولانی شھید کنگ ءِ ھواری ےَ آیاں بیگواہ کنگ ءَ اَنت کہ آیانی بارو ءَ کسے ءَ سرپدی ھم نیست اِنت کجا اَنت کجام ھال ءِ تہ ءَ اَنت ما یک نابودیں دشمنے ءِ دیمپان اِنت آئی ءَ دراھیں انسانی ھک لگتمال کتگ اَنت –

آئی ءَ گُشتگ ھمک روچ بلوچ پُسگانی آوار جنگ ھمک روچی ءِ کار جوڑ بیتگ ھما رنگ ءَ الجزائر ءَ سامراج فرانس ءُ بنگلہ دیش ءَ ھمے پاکستان ءِ زُلمانی داستان نامان اَنت دشمن ءَ جاھلیں نزام ءِ پیداوار گوشگ ءُ مئے سر ءَ زُلم ءِ ھاکمی ءِ برجاہ کنگ ءِ جھد ءَ اِنت ھاکم سرپد بنت ایوک ءَ زُلم سگگ بیت اِنت بلے مروچی بلوچ راج ءَ اے منّینتگ آ پُر ایمنیں جد ءُ جھد ءِ ھواری ءَ زانت ءُ زانش ھم داشت کنت پُر ایمنیں جد ءُ جھد ءَ زالبولانی ھم مزنیں کردے ھست اِنت ھمے رنگ ءَ بلوچ زالبول پُر ایمنیں جد ءُ جھد ءَ بازیں کچے ءَ بھر مندی ءِ راجدپتری تاکاں نبشتگ کنگ بیگ ءَ اَنت اے اَملانی سر ءَ پاکستان ءَ زالبولانی آوار جنگ ءِ درچ بندات کرتگ دانکہ مردین پُر ایمنیں جد ءُ جھد ءَ گستا بہ بنت –

بلوچستان ءِ دمگ چہ کیچ ءَ پاکستانی پوج ءَ پت ءُ زھگ ءَ ھوار سَے مردم زورانسری آوار جتگ ءُ برتگ اَنت-

بیگواہ بیتگیں مردمانی تہ ءَ یکے ءِ سیادی تمپ ءِ دمگ بالیچہ ءُ دو ءِ سیادی بالگتر ھنگول ءَ گرگ بیتگ اَنت کہ چریشانی تہ ءَ پت ءُ زھگ ھوار اَنت-

بالیچہ ءَ آوار جنگ بیتگیں مردم ءِ پجار باھڈ ء یعقوب ھمے وڑ ءَ ھنگول ءَ آوار جنگ بیتگیں پت ءُ زھگ میا سبزل ءُ الیاس ءِ ناماں زانگ بیتگ اَنت-

اشانی تہ ءَ باھڈ بیست ءُ نُھ دسمبر دوھزار ءُ بیست ءُ یک بیگاہ ءِ ساھت پنچ ءَ پاکستانی پوج ءَ چہ بالیچہ ءَ آوار جتگ ءُ برتگ انگت بیگواہ اِنت-

اشی ءَ ابید بالگتر ءَ پت ءُ زھگ نُھ جنوری ءَ پوج ءَ پگلانی کور ءَ ھما وھد ءَ آوار جتگ اَنت کہ پیش ءِ برگ ءَ شتگ بیتگ اَنت-

تالبان ءِ دری کارانی وزیر امیر خان متقی ءَ وفد ءَ ھوار قومی مزاحمتی محاذ ءِ سروک احمد مسعود ءُ پیسرگیں وزیر ءُ پرگینگی گورنر اسماعیل خان ءَ ایران ءِ راجدانی تھران ءَ نیاد کُتگ۔

اوگان تالبان ءَ اے گپ راست کنان ءَ گُشتگ آیانی بنجاھی رھشوناں دو شمبے ءِ روچ ءَ ھمسایگیں مُلک ایران ءَ اوگان حزب بگیر ءَ سیادی داروکیں وتگڑیں درانڈیھیں رھشوناں گوں گپ تران کُتگ ءُ آیانی سرءَ زور پر داتگ کہ آ نیکراھی گروپ ءِ واکداری ءِ ھلاپ ءَ گھگیری ءَ بند بہ کنت ءُ اگں آ ڈیھہ ءَ پدءَ واتر بہ باں گُڑءَ آیانی پھازگی ءِ باوری دیگ بیت۔

دوھیں نیمگ ءَ بیتگیں گپ ترانانی اے اولی اھولانی درگتءَ ھال دیان ءَ، تالبانی جارکش بلال کریمہ ءَ گُشتگ کہ متقی ءَ تالبانی ھمے باوری ءِ سرءَ گام زرتگ کہ اوگانانی باندات ءَ شر کنگ ءِ ھاترءَ جھد کنگ ءَ اِنت، چریشی ءَ پد کجام ھم گھگیری ءِ لوٹ پشت نہ کپ اِیت۔

تالبانی دری کارانی وزیر امیر خان متقی ءَ وتی وفد ءِ مستری کُتگ کہ اِشانی نیاد گوں قومی مزاحمتی محاذ ءِ سروک احمد مسعود ءَ یک گوستگیں اوگان وزیر ءُ پرگینگی گورنر، اسماعیل خان ءَ گوں کُتگ۔

شنگ کُتگیں تامر بند ءِ تہءَ متقی ءَ وت ھم ھمے نیاد ءِ ھال راست کُتگ، کہ تالبان ءَ ایرانی اگدہ دارانی گومءَ دو روچی ھواریں نیاد ءِ ھلاس بیگ ءِ پدءَ شنگ کُتگ۔

متقی ءِ گپانی ردءَ۔ “ھئو ما ایرانءَ کماندار اسماعیل خان ءُ احمد مسعود ءَ ابید دگہ ھم جھمنندیں اوگاناں گوں نشتگ اِنت۔

آئی ءَ گیشتر گُشتگ “ما درستاں باور کناینتگ کہ آ پدا اَتک ءُ آجوہ ءُ پھازگی ءِ تہءَ اوگانستان ءَ زند گوازینت کن اَنت۔ مئے (تالبانی) ھچ واھگ نیست کہ پہ کسی ھاترءَ پھازگی یا دگہ کجام جیڑہ ودی بہ کن ایں۔”

زانگ بہ بیت کہ میان استمان ءَ تالبانی سرءَ زور پر داتگ کہ آ راجی سیاسی ھوارکاری ءَ جاہ بہ دی اَنت ءُ یک ھواریں سرکار ءِ اڈ بہ دی اَنت کہ آ درستیں اوگانانی مردمی اگبالانی رکینگ ءَ باوری بہ کن اَنت، چریشی ءَ پد جھان کابل ءِ سرءَ واکداری ءَ جائز بیگ ءِ درگت ءَ جیڑاِت کنت۔

دومی نیمگ ءَ ایران ءِ دری کارانی وزارت ءَ دو شمبے ءِ روچ ءَ شنگ کُتگیں درشان ءِ تہءَ گُشتگ کہ تالبان واکداراں گوں نیاد ءِ مول اے نہ اِنت کہ ایران سرکاری ردءَ کابل سرکار ءَ من اِت اِنت۔

ایرانی رسانکدراں ایرانی دری کارانی وزیر حسین امیر عبدالہیان ءِ درگت ءَ گُشتگ آئی ءَ اوگان مھلوک ءِ زرانی دارگ جنگ ءِ سرءَ امریکہ ایراد گپتگ ءُ لوٹ کُتگ کہ اے زر دیگ بہ بنت دانکہ اوگانستان ءِ آسراتی ءُ مردمی بحران ءِ جاورھالانی تہءَشری اتک کُت بہ کنت۔

تحریک طالبان پاکستان ءَ رسانکدراں وتی شنگ کرتگیں درشان ءِ تہ ءَ ٹی ٹی پی ءِ محمد خراسانی مرگ ءِ ھال دروگ ءِ گوشتگ – رسانکدراں وتی شنگ کرتگیں درشان ءِ تہ ءَ گوشتگ تحریک طالبان پاکستان ءِ جارکش محمد خراسانی زندگ انت –

تالبانانی ءِ نیمگ ءَ اے درشان ھما وھد ءَ شنگ کنگ بوتگ کہ پاکستان ءِ سرکاری ٹی وی تالبانانی جارکش محمد خراسانی ءِ ماں اوگانستان جنگ بوھگے ھال شنگ بوھگ ءَ بوتگ –

سرکاری ٹی وی چینل پی ٹی وی ءِ رِد ءَ پاکستان ءِ تہ ءَ بازیں ناشرکاری وئیلاں ھواریں کلعدم تحریک تالبان پاکستان ءَ سیادی داروکیں خالد بلتی محمد خراسانی اوگانستان ءِ دمگ ننگرہار ءَ بیران بوتگ –

پی ٹی وی ءَ چاگردی ترامجاہ ٹویٹر ءَ تحریک تالبان پاکستان ءِ گوستگیں جارکش محمد خراسانی ءِ مرگ ءِ ھال شنگ کرتگ – آئی ءِ تہ ءَ نبشتگ کہ پاکستان ءِ ایمنی دژمن ناشرکار محمد خراسانی وتی گڈی انجام ءَ سر بوتگ ناشرکاریں محمد خراسانی پاکستان ءِ تہ ءَ بزگیں مھلوک ءُ سیکورٹی پوج ءِ سر ءَ بوتگیں اُرشاں ھوار بوتگ –

بلے تالباناں وتی شنگ کرتگیں درشان ءِ تہ ءَ محمد خراسانی ءِ مرگ ءِ ھال رد کُتگ گوشتگ کہ محمد خراسانی زندگ اِنت وھدیکہ مفتی خالد بلتی ءِ مرگ ءِ ھال ءَ پٹ پول کنگ ءَ ایں خالد بلتی ءِ تحریک ءِ زمہ دار ءِ نہ بوتگ –

وھدیکہ ٹی بی پی ءِ جارکش ءَ گوستگیں روچ ءَ یک دگہ درشان ءِ تہ ءَ گوشتگ شال ءَ پیسر ءَ چہ دزگیر کنگ بوتگیں سنگت کُوشگ بوتگ اَنت –

تحریک تالبان پاکستان ءِ جارکش ءَ وتی درشان ءِ تہ ءَ دیمتر ءَ گوشتگ گوستگیں روچ ءَ شال ءَ سی ٹی ڈی ءَ دروگیں میڑ ءَ مئے پیسر ءَ چہ دزگیر کتگیں سنگت کُشتگ انت –

اے درشان تالبانانی جارکش محمد خراسانی وتی مرگ ءِ ھال ءَ لھتے اداراں پیسر رسانکدراں شنگ کرتگ گوشتگ سی ٹی ڈی ءَ وتی دروگیں میڑ برجاہ داشتگ انت گوستگیں روچاں زلم زوراکی کنوکیں ادارہ سی ٹی ڈی ءَ شال ءِ مشرقی بائی پاس ءَ دروگیں میڑ ءَ شش مردم کُشتگ –

جارکش ءَ گوشتگ کہ اے مردمانی سیادی دگہ گل ءَ چہ نہ بوتگ بلکنہ ٹی ٹی پی ءِ باسک بوتگ انت ءُ آ جیل ءَ چہ درکنگ ءُ کُشگ بوتگ انت کہ اے اشانی دیرگیں کرتوت انت –

جارکش ءَ گوشتگ اے ادارھانی مئے بندیگیں سنگتانی شھید کنگ ءِ مول ناشرکاری بگیری ءَ لشکر کشی کنگے نام ءَ یکرندے پدا دنیا ءَ چہ ڈالر گرگے انت –

زانگ بہ بیت سی ٹی ڈی ءِ نیمگ ءَ شنگ کنگ بوتگیں درشان ءِ تہ ءَ گوشگ بوتگ شمبے ءَ ھال سربوتگ کہ اسگر سمالانی ءُ گون دگہ ھمراھاں شال مشرقی بائی پاس دگہ ھمراھانی گوم ءَ کبرستان ءَ نشتگ ءُ دلمانگ انت کہ شھر ءِ تہ ءَ اُرش کنگ ءَ بہ رو انت – بلے سی ٹی ڈی وت ءَ ھما جاہ ءَ سر کتگ اے مردم انگیر ءَ کتگ انت سلاھانی دور دئیگے واست ءَ گوشتگ انت بلے آھاں تیر گواری کتگ پسوئی ءَ سی ڈی ٹی کارمنداں تیرگواری کتگ چریشی ءَ اسغر سمالانی دگہ چار ھمراھی ءَ بیران بوتگ وھدیکہ دگہ چار ناشرکار تھاری ءَ تچگ ءُ سوبین بوتگ انت وھدیکہ آھانی پٹ ءُ پول برجاہ انت – اے جنگ بوتگیں سلاہ بندانی سیادی داعش انت –
بلے ٹی ٹی پی ءَ وتی درشان ءِ تہ ءَ اے میڑ دروگیں میڑے گوشتگ، اے ھم گوشتگ کہ مردمانی سیادی چہ ٹی ٹی پی ءَ بوتگ بلے آ پیسر ءَ چہ دزگیر کنگ بوتگیں سنگت بوتگ انت –