بلوچ لبریشن آرمی ءِ جارکش جیئند بلوچ شنگ کتگیں درشان ءِ تہ ءَ گوشتگ 6 مارچ ءَ بگر داں 16 مارچ 2026 ءَ خضدار، سوراب، شاھرک، تربت، کرخ، پسنی، شال، پنجگور، خاران، گوادر ءُ دکی ءَ ھژدہ جتا جتائیں ءُ ھترناکیں اُرش کتگ انت۔ اے کاروائیانی تہ ءَ زورگریں پاکستانی لشکر نشانگ جوڑ کنگ بوتگ انت، وھدے کہ سی پیک ءِ راہ ءَ موثر اسٹریٹجک کنٹرول حاصل کنگ بوتگ۔ اے اُرشانی تہ ءَ سرجم ءَ 55 قبضہ گیریں لشکر ءُ انٹیلی جنس ءِ کارندہ بیران ءُ درجناں ٹپیگ بوتگ اَنت۔
جارکش ءَ گوشتگ 6 مارچ: خضدار ءِ دمگ کھٹان ءَ پاکستانی لشکر ءِ چوکی ءِ سر ءَ گرنیڈ لانچر ءِ بازیں گولہ آس داتگ انت کہ ایشی ءِ سبب ءَ دژمن ءَ جانی ءُ مالی تاوان بوتگ انت۔
جارکش ءَ گوشتگ 7 مارچ: سوراب ءَ بلوچ سرمچاراں کمشنر مکران ءِ بکتربند گاڑی، گن مین ءُ ڈرائیور چہ شال ءَ تربت ءَ روگ ءِ وھد ءَ دزگیر کتگ انت۔ گپتگیں گاڑی ءَ چہ شراب ءُ منشیات ءِ بازیں بوتل دزکپتگ انت کہ اے زورگیریں بیوروکریسی ءِ اکلاکی درچ ءِ منانک انت۔ بندیگاں چہ گل ءِ رھبندانی رد ءَ جست ءُ پرس کنگ بوھگ ءَ اِنت۔
جارکش ءَ گوشتگ 7مارچ: کیچ ءِ دمگ شاھرک ءِ پوگنش ءَ زورگیریں لشکر ءِ چوکی اُرش ءِ نشانگ جوڑ کنگ بوتگ ءُ دژمن ءَ را تاوان رس اتگ ءُ اود ءَ جتگیں نوکیں نگرانی ءِ سرجمیں کیمرہ تباہ کنگ بوتگ اَنت۔
جارکش ءَ گوشتگ 9مارچ ءَ بگر داں 14 مارچ (آپریشن کرخ): بی ایل اے سرمچاراں خضدار ءِ دمگ کرخ ءَ سی پیک ءِ راہ (ایم 8) ءَ بند کنان ءَ اسٹریٹجک چیک پوائنٹ جوڑ کتگ۔ اے کنٹرول شش روچ ءَ رند برجاہ بوتگ۔ اسنیپ چیکنگ ءِ وھد ءَ پاکستانی انٹیلی جنس ایجنسی ءِ سئے افسراں تچگ ءِ کوشست کتگ کہ ایشانی تہ ءَ دو افسر تیرگواری ءِ تہ ءَ جاہ پہ جاہ ءَ مرتگ اَنت وھدیکہ یکے دزگیر کنگ بوتگ۔ کُشگ ءُ دزگیریں افسر پنجاب ءَ گوں سیادی دار اَنت ۔
آپریشن ءِ سیمی روچ ءَ دیم ءَ روگ ءِ کوشست کنوکیں زورگیریں لشکر ءِ پیادگیں لشکر ریموٹ کنٹرول آئی ای ڈی ءِ اُرش ءَ نشانگ جوڑ کنگ بوتگ۔ چارمی روچ ءَ زورگیریں لشکر ءَ گوں مزنیں لشکر ءَ دیم ءَ روگ ءِ جھد کتگ کہ سرمچاراں جتا جتائیں جاھاں سنگر گپتگ ءُ بے سوب کتگ۔ اے ترندیں جنگ ءُ چوپاں کہ دو روچ برجاہ بوتگ اَنت، زورگیریں لشکر ءِ 17 ءَ چہ گیش کارندہ مرتگ ءُ بازینے ٹپیگ بوتگ اَنت ءُ دژمن ءِ سئے گاڑی ءُ دو کواڈ کاپٹر ھم تباہ بوتگ اَنت۔
جارکش ءَ گوشتگ 9مارچ: سوراب ءِ “تاریکی” ءِ ھند ءَ زورگیریں لشکر ءِ پیشگامی سرمچاراں بے سوب کتگ ءُ دژمن ءَ را پُشتکنزگ ءَ لاچار کتگ۔
جارکش ءَ گوشتگ 9مارچ: تربت ءِ دمگ تاجابان ءَ بء ایل اے ءِ سرمچاراں زورگیریں لشکر ءِ گاڑی ءَ را ریموٹ کنٹرول ءِ آئی ای ڈی ءَ نشانگ جوڑ کتگ ءُ یک مرتگ بیران ءُ سئے ٹپیگ بوتگ اَنت۔
جارکش ءَ گوشتگ 10مارچ: پسنی ءِ شھر ءَ پاکستانی زورگیریں انٹیلی جنس ادارہ ملٹری انٹیلی جنس ءِ کارندھانی بنجل ءِ سر ءَ دستی بمب اُرشے ءِ نشانگ جوڑ کتگ۔
جارکش ءَ گوشتگ 13مارچ: شال ءِ ھمگرنچیں ڈغاری ءِ پینگو دمگ ءَ زورگیریں لشکر، سی ٹی ڈی ءُ وتگڑیں ڈیتھ اسکواڈ ءِ یکجائیں کاروانے ءِ سر بستگ ءُ نشانگ جوڑ کنگ بوتگ وھدے کہ آ آپریشن ءِ مول ءُ مراد ءَ دیم ءَ روگ ءَ بوتگ انت۔ اے اُرش ءَ دو کارندہ مرتگ انت ءُ یک فوجی گاڑی یے سرجم ءَ تباہ بوتگ۔
جارکش ءَ گوشتگ 14مارچ: زورگیریں لشکر ءَ ھمے دمگ ءَ پد ءَ دیم ءَ روگ ءِ جھد کتگ کہ سرمچاراں آئی ای ڈی ءِ اُرش ءِ نشانگ کتگ ءُ جانی ءُ مالی تاوانانی دیمپان کتگ-
جارکش ءَ گوشتگ 14مارچ: پنجگور ءِ دمگ پروم ءَ شپ ءِ وھد ءَ زورگیریں لشکر ءِ کاروان ءِ سر ءَ اُرش کتگ۔ اے اُرش ءَ دژمن ءِ سئے گاڑی زد ءَ اتکگ اَنت، پنچ کارندہ مرتگ ءُ بازیں ٹپی بوتگ اَنت ءُ یک گاڑی یے ناکارہ بوتگ۔ پد ءَ زورپہ پٹ ءُ پول ءَ آیوکیں زورگریں کمانڈ بی ایل اے ءِ اسنائپر ءَ نشانگ جوڑ کتگ ءُ جاہ پہ جاہ ءَ مرتگ۔
جارکش ءَ گوشتگ 14مارچ: خاران ءِ دمگ گروک ءَ زورگریں لشکر ءِ کاروان ءِ سر ءَ راکٹ ءُ مزنیں سلاہانی گون ءَ سر بستگ ءُ اُرش کتگ۔ دژمن ءِ شش گاڑی اُرش ءِ زد ءَ اتکگ اَنت کہ ایشی ءِ آسر ءَ 14 کارندہ بیران ءُ 10 ءَ چہ گیش ٹپیگ بوتگ اَنت۔ یک روچے پیسر سرمچاراں ھمے جاہ ءَ دژمن ءِ راشن ءِ ٹرک دستیگ کتگ کہ رند ءَ سوتکگ ءُ ڈرائیور گل پالیسی ءِ بنیاد ءَ یل کنگ بوتگ ۔
جارکش ءَ گوشتگ 15مارچ: تربت بالی پٹ ءِ زور گیریں لشکر ءِ بنجل ءُ جیٹ فیول اسٹیشن ءَ گرنیڈ لانچرانی گون ءَ نشانگ جوڑ کنگ بوتگ ءُ آسراتی ءَ را مزنیں تاوانے رس اتگ۔
جارکش ءَ گوشتگ 15مارچ: گوادر (جیونی) ءِ پانوان ءِ دمگ ءَ بی ایل اے ءِ شھری گوریلا یونٹ ءَ یک مھکم ءُ ھورتچاریں کاروائی یے کتگ۔ سرمچاراں یک جوانیں رھبندے ءِ رد ءَ کوسٹ گارڈ ءِ پوسٹ ءَ سر بوتگ ءُ دژمن ءِ سر ءَ اناگت ءَ اُرش کُتگ ءُ اود ءَ نشتگیں سئے کارندہ نائیک سلیم، سپاھی عدنان راؤ ءُ سپاہی عظیم کشتگ انت ءُ آیانی سرجمیں سلاہ ءُ گولہ بارود دستیگ کتگ اَنت۔
جارکش ءَ گوشتگ 16مارچ: دکی ءِ دمگ بختیار لونی ءَ سرمچاراں زورگیریں پاکستانی لشکر ءِ کاروان ءِ یک گاڑی یے ریموٹ کنٹرول ءِ آئی ای ڈی ءِ اُرش ءں نشانگ جوڑ کتگ وھدے کہ آ دمگ ءَ زوراکی ءِ مول ءُ مراد ءَ دیم ءَ روگ ءَ بیتگ انت۔ چہ تراک ءَ زورگیریں لشکر ءِ دہ کارندہ مرتگ انت ءُ وھدے کہ آھانی گاڑی سرجم ءَ تباہ بوتگ۔
جارکش ءَ گڈسر ءَ گوشتگ بلوچ لبریشن آرمی ءِ اے مھکمیں اُرشانی مول ءُ مراد پاکستان ءِ ناجائزیں ھاکمی ءِ بُن ھشتاں چہ بلوچستان ءَ ولگوج کنگ اِنت۔ دژمن اے راستی ءَ انچو سرپد بہ بیت کہ دیوال ءِ سر ءَ نبشتہ اِنت آئی ءِ کلات، آئی ءِ وتگڑیں دیمروئی ءِ دروشم ءُ آئی ءِ پگار داریں کارندہ نی بلوچ سرمچارانی دسترس ءَ اَنت۔ بی ایل اے وتی راجی باندات ءِ اے جنگ ءَ داں کجام ھد ءَ روگ ءِ جزم اِنت، ءُ داں اے بلوچ سرڈگار ءَ چہ زورگیر ءِ گُڈّی نشان مٹّ کنگ مہ بیت مئے تپنگ ھم ھاموش نہ بنت ءُ نہ کہ مئے کَچو داریں اُرشانی تہ ءَ کمی یے کیت۔ اے جنگ نوں وتی گڈی آسر ءِ نیمگ ءَ جُنزان اِنت، ءُ آ آسر ایوک ءُ تھنا آزاد بلوچستان اِنت۔
