TBP Balochi

واشک ،ھاران ءُ کلات ءِ جتاجتائیں دمگاں پاکستانی پوج ءِ اُرشاں نشانگ کتگ-

دمگی اِھوالکار ءِ رِد ءَ ،واشک ءَ سی پیک دگ سر ءَ برجاہ تھسیل ءِ ھند سر ءَ سلاہ بندیں مردماں فرنٹیئر کور ءُ آئی ءِ ھمگرنچ لیویز پوسٹ سر ءَ اُرش کتگ- اُرشکاراں لیویز پوسٹ دستیگ کتگ کارندہ بے سلاہ کتگ اَنت ءُ سلاہ وتی دستیگ کتگ اَنت-

ھمے وڑ ھاران ءِ دمگ برشونکی ءَ پجّار نہ بوتگیں سلاہ بندیں مردماں سرکاری پلامرزی ٹولی ءَ چہ سیادی داروکیں حافظ ممتاز ءِ اوتاک نشانگ کتگ،بلے جانی تاوان ءِ ھال انگت دیم ءَ نیتکگ-

ھمے وڑ کلات ءِ دمگ چپر ءَ پاکستانی پوج ءِ سر ءَ ھما وھد ءَ سنگر گپتگ ءُ اُرش کتگ وھدے آ دمگ پیشگامی کنگ ءَ بیتگ-

سرکاری واکدار ءِ نیمگ ءَ اے وئیلانی درگت ءَ ھچ وڑیں درشان دیم ءَ نیتکگ-

بلوچ لبریشن آرمی ءِ جارکش جیئند بلوچ ءَ رسانکدر ءَ داتگیں بیانے ءَ گْوشتگ کہ 18 مارچ 2026 ءَ شال ءَ زورگر ءِ پگار واریں کارندہ، ڈیتھ اسکواڈ ءِ سروک ءُ بلوچ نسلی کشی ءِ مزنیں آسراتی دیوک سرفراز مسوری ءِ پریس کانفرنس ھما پوشاک ءُ بے سوبیں ریاست ءِ اسکرپٹ انت کہ چریشی ءَ جنگی بدماشیں ریاستی پوج ءَ شاباشی ءِ گرگ ءَ ءُ وتی نوکریانی پکاہ کنگ ءِ کوشش ءَ انت- بلوچ لبریشن آرمی اے گپ ءُ تچک کنت کہ ھما زالبول فدائی جوڑینتگ ءُ پیش کنگ بیتگ کہ آئی ءَ مئے گل ءَ یا کجام ھم لشکری مشنے ءَ دور دور ءَ سیادی نیست انت-

جارکش ءَ گشتگ کہ بلوچستان ءِ آجوئی ءِ زرمبشت ءَ زالبولانی تچک ءَ بھر زورگ نوں یک انکار نہ بوتگیں راستی ءِ جوڑ بوتگ کہ ایشی ءَ ریاست ءِ پادگ لرزینتگ انت۔ زورگیریں ریاست چہ اے آگاھی ءَ انچو تُرسگ ءَ اِنت کہ آئی ءَ نوں پہ بلوچ زالبولانی توار ءِ ھلاس کنگ ءَ چوشیں کاراں کنگ ءَ انت۔ سرفراز مسوری ءِ وڑیں مردمے کہ سرجمیں زند ءَ دژمن ءِ وپاداریں ایجنٹ بوتگ، مرچی بلوچ چادر ءُ چاردیوالی ءِ پادمالی ءُ رسانکدر ءِ دیم ءَ لاچاریں بلوچ گوھارے نادینتگ ءُ وتی پِت جنرلانی وش کنگ ءِ جُھد ءَ اِنت۔ اے ھبر تچک انت کہ یک مردمے کہ آئی ءِ دست گوں بلوچ راج ءِ ھوناں مِچل اتگ مروچی چہ ھمے دپ ءَ بلوچ ازت ءُ کدر ءُ نھادانی دھن ءَ گشگ ءَ انت۔

آئی ءَ گوشت کہ اے گپ سرجمیں دگنیا ءِ دیم ءَ پدّر اِنت کہ ریاستی ادارگ بے گناھیں شھریاں زورانسری ءَ بیگواہ کنگ ءَ پد یکشل ءَ پریس کانفرنسانی تہ ءَ چیدگ ءِ رنگ ءَ کارمرد کن اَنت، ایشی ءِ دروگ ھمک رند ءَ پدر کنگ بوتگ انت۔ ایشانی گور ءَ نوکیں بیانیہ یا ٹوھیں گامگیج نیست۔ گوستگیں وھد ءِ ماہل بلوچ ءِ کیس ھمے گپ ءِ پدّریں درور اِنت کہ 17 فروری 2023 ءَ چہ شال ءَ زورانسری ءَ بیگواہ کنگ بوتگ ءُ آئی ءَ را ”وت کُش بمبتراک“ لیکگ ءَ سرجمیں رسانکدر ءِ دیم ءَ آرگ بوتگ، بلے سرجمیں ریاستی زور ءَ ابید دژمن ءِ وتی آمیدگساں گڈی وھد ءَ آئی ءَ را پد ءَ یل کنگ کپتگ۔ راجدپتر گواہ اِنت کہ بلوچستان ءَ ھر وھد ءَ کہ سرمچارانی دست ءَ زورگیر شکست ءِ آماچ بیت گڑا آ لس مردم ءُ زالبولاں نشانگ جوڑ کنان ءَ بدل ءَ گرگ انت ءُ ایشی ءَ ”انٹیلی جنس سوبمندی“ ءِ نام ءَ دے اَنت۔ انوگیں ڈرامہ ھم اے درچ ءِ تہ ءَ انت دانکہ مھلوک ءِ دلگوش کہ آپریشن ھیروپ ءِ نوکیں راجدپتری سوبمندی ءُ زورگیریں ریاست ءِ سرجمیں فوجی شکست ءَ چہ راج ءِ دلگوش ءَ ٹگلینگ انت۔

گڈسرا آئی ءَ گشتگ کہ بی ایل اے اے گپ ءَ پدر کنگ لوٹ ایت کہ بلوچ راجی زرمبش نوں ھما جاہ ءَ سر بوتگ کہ دژمن ءِ ھمے دروگیں پروپیگنڈا وتی اسر ءَ چہ ھلاس بوتگ انت۔ ما وتی ارشاں گوں سرجمیں زور ءَ برجاہ داریں داں وتی زمین ءِ پھریزگ ءُ سرجمی ءَ آجوئی ۔ زورگیر ءِ ایجنٹاں یات بہ بیت کہ بلوچ لبریشن آرمی ءُ راجدپتر ءِ آمیدگس ایشاں الم ءَ ھساب ءَ گپت انت۔

بلوچ یکجھتی کمیٹی ءَ وتی ءُ آئی ءِ بنجاھی رھشون ڈاکٹر صبیحہ بلوچ ءِ سر ءَ جنگ بوتگیں بے بن ءُ سیاسی بھتام تُرندی ءَ ایر جتگ اَنت۔ گل ءِ گشگ انت کہ بی وائی سی یک پرامن سیاسی زرمبشتے کہ آئی ءَ مدام بلوچستان ءَ انسانی ھک ءُ انساپ ءِ رکینگ ءِ ھاتر ءَ وتی توار چست کتگ ۔

جارکش ءِ رد ءَ سرکاری ادارگاں پروپیگنڈا مھم ءُ پریس کانفرنس ءِ برجم داشتگ انت تانکہ راستیں جیڑہ بے دلگوش کنگ بہ بنت ۔ گوستگیں روچ ءَ دسمبر 2025 ءَ چہ خضدار ءَ زورانسری ءَ بیگواہ کنگ بوتگیں فرزانہ زہری ءَ سروزیر سرفراز بگٹی ءُ پولیس ءِ انسپکٹر جنرل ءَ پریس کانفرنس ءَ پیش کتگ۔ سئے ماہ ءَ چہ گیش بیگواہ دارگ ءَ پد آئی ءِ سر ءَ بی وائی سی ءِ ھلاپ ءَ بیان دیگ ءِ ھاتر ءَ گمانی زور دیگ بوتگ۔

جارکش ءَ گوشت کہ اے جیڑہ آئینی ءُُ کانونی جست ءُُ پرس ءِ سبب جوڑ بیت۔ اے دور ءَ فرزانہ زہری کجا بوتگ؟ پرچا آمیدگس ءِ دیم ءَ آرگ نہ بوتگ؟ ءُ پرچا آ کانونی بندی جاہ ءِ بدل ءَ چیریں بندیگ جاہ ءَ دارگ بوتگ ؟ اے وڑیں جاوراں ھرچ بیانے کہ داتگ آ ھچ وڑ ءَ وتسر نہ بیت۔

بیان ءِ تہ ءَ گیش گْوشگ بیتگ کہ اے کار ءِ درور ءَ بی وائی سی ءِ سروکی ءِ ناجائزیں دزگیر کنگ ءِ جواز ءِ دیم ءَ آرگ ءُ یک پرامنیں زرمبشتے ءِ بدنام کنگ ءِ کوشست اِنت۔ اے بھتامانی بارو ءَ ڈاکٹر صبیحہ بلوچ یا گل ءِ ھلاپ ءَ ھچ وڑیں مھکمیں سبوت نیست۔

بلوچ یکجھتی کمیٹی ءَ چہ سر وزیر سرفراز بگٹی ءُ ھمگرنچیں واکاں لوٹ کتگ کہ اے بھتامانی راستیاں زوت لس مھلوک ءِ دیم ءَ پیش بہ کن اَنت اگاں ناں لس پھلی لوٹگ بہ بیت۔

بی وائی سی ءَ وتی جزم ءِ پد ءَ زور داتگ کہ آ ھر وڑیں زور ءُ آزار ءِ پد ءَ ھم وتی ایمنیں جنز ءَ برجاہ دار ایت ءُ بلوچستان ءَ انسانی ھکانی لگتمالی ءِ ھلاپ ءَ وتی توار ءَ چست کنت۔

بلوچستان ءِ جتاجتائیں دمگاں پاکستانی پوج ءُ ریل سر بیتگیں اُرشانی زمہ واری بی ایل ایف ءُ بی آر جی ءَ منّ اِتگ اَنت-

بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ مئے سرمچاراں شانزدہ مارچ 2026 ءَ مند ءِ دمگ ردیگ ءَ پاکستانی پوج ءِ چوکی ءِ سر ءَ گرنیڈ لانچر ءَ چہ گولہ آس داتگ، کہ وتی نشانگ ءَ کپتگ اَنت- اُرش ءِ آسر ءَ زورگریں پاکستانی پوج ءَ جانی تاوان چست کنگ کپتگ- اے روچ ءَ دگہ یک کاروائی ءَ بی ایل ایف ءِ سرمچاراں مند ءِ دمگ سورو ءَ ھم پاکستانی پوج ءِ چوکی ءِ سر ءَ گرنیڈ لانچر ءِ گولہ آس داتگ چریشی ءِ آسر ءَ زورگریں پوج ءَ جانی ءُ مزنیں کچے ءَ تاوان رس اِتگ-

جارکش ءَ گْوشتگ کہ شانزدہ مارچ ءَ دگہ یک کاروائی ءَ سرمچاراں کیچ ءِ دمگ ھیرونک ءَ سی پیک دگ سر ءَ برجاہ پاکستانی پوج ءِ یک چوکی یے سر ءَ اُرش کتگ مزنیں ءُ وتکاریں سلاھاں چہ نشانگ کتگ- اُرش ءِ آسر ءَ پاکستانی پوج ءَ جانی ءُ مالی تاوان چست کنگ کپتگ-

گُڈی ءَ جارکش ءَ گوشتگ مند ءُ ھیرونک ءَ بیتگیں اُرشانی زمہ واری ءَ منّ ایں-

ھمے وڑ بلوچ ریپبلکن گارڈز ءِ جارکش دوستین بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں ھپدہ مارچ ءِ شپ ءَ شکارپور ءِ ھند سر ءَ ائید اسپیشل ریل (جعفر ایکسپریس) آئی ای ڈی بمب ءَ چہ نشانگ کتگ، چریشی ءِ آسر ءَ ریل ءُ ریل ٹریک ءَ سک تاوان رس اِتگ-

جارکش ءَ گوشتگ کہ ھپدہ مارچ ءَ دگہ یک کاروائی ءَ سبی ءِ نزیک ءَ تلی دگ سر ءَ پولیس چیک پوسٹ سر ءَ سرمچاراں دارگ ءِ جُھد کتگ چریشی ءُ چیک پوسٹ ءَ ساڑی کارمند ءُ سرکاری گاڑی نشانگ کتگ اَنت-

جارکش ءَ گوشتگ بلوچ ریپبلکن گارڈز شکارپور ءَ جعفر ایکسپریس ریل ءُ سبی پولیس ءَ سر ءَ بیتگیں اُرشانی زمہ داریاں منّ اِیت رسانکدر ءَ چہ پولیس کارندہ کڈن کتگ اَنت کہ آ بلوچ سرمچارانی ھلاپ ءَ کجام ھما کاروائی ءَ چہ پھریز بکن اَنت، اگاں ناں آ وتی جانی تاوان ءِ زمہ وار وت بنت-

گوستگیں سال ءِ یک دسمبر ءَ چہ ھُزدار ءَ پاکستانی پوج ءِ دست ءَ زورانسری بیگواہ کنگ بیتگیں زالبول ، فرزانہ بلوچ، مروچی وتکش تراکارے ءِ دروشم ءَ رسانکدر ءِ دیم ءَ پیش داشتگ-

زانگ بہ بیت کہ فرزانہ زھیر ء محمد بخش زھری یک دسمبر 2025 ءِ شپ ءَ ھُزدار ءَ ھما وھد ءَ پاکستانی پوج ءِ دست ءَ آوار جنگ بیتگ وھدے آ نادُراھجاہ ءَ چہ واتر وتی لوگ ءَ روگ ءَ بیتگ-

سروزیر بلوچستان ءُ دگہ واکدار ءَ مروچی اے زالبول رسانکدر ءِ دیم ءَ پیش کتگ دگہ یک کاروائی ءَ اشی ءِ دزگیری ءِ ٹاہ داتگ فرزانہ تھریک تالبان ءِ یک کماندارے ءَ گوں ھال ءَ بیتگ ءُ آ گوشگ بیتگ کہ بی وائی سی ءِ ڈاکٹر صبیحہ بلوچ ءَ گند ءُ نند ءَ پد آئی ءَ وتکش تراک اُرش ءِ ھیلکاری دیگ بیت-

فرزانہ بلوچ ءِ پریس کانفرنس ءِ اے اڑوکیں پریس کانفرنس سر ءَ بلوچ رسانکدریانی گوشگ اِنت کہ ریاست اشی ءَ ساری ھم بیگواہ کتگیں مردم آمیدگس ءَ پیش کنگ ءِ جاہ ءَ رسانکدر ءِ دیم ءَ آورتگ اَنت-

بلوچ یکجھتی کمیٹی ءِ نیمگ ءَ یک ماھے ءِ سرپدی مھم ءِ رد ءَ کراچی ءَ یک سیمینارے برجم دارگ بوتگ کہ ایشی ءِ درچ ءَ بلوچستان ءَ انسانی ھکانی جاور ءُ بی وائی سی ءِ رھشونانی بندیگ کنگ ءِ سر ءَ درشان دیگ بیتگ انت۔

گل ءِ رِد ءَ سیمینار ھما وھد ءَ برجم دارگ بوتگ کہ بلوچستان ءَ آزاتیں توارانی بندش کنگ، جمھوری چست ءُ ایرانی سر ءَ بندش ءُ کانودی درچاں ردیں کارمردی برجاہ اِنت۔ گشتانک دیوکاں گوشت کہ اے کمپین ءِ مول ءُ مراد آماچیں کھولانی توار دیم ءَ آرگ ءُ انسانی ھکانی لگتمالی ءِ بابت ءَ مھلوک سرپد کنگ اِنت۔

مراگش ءِ تہ ءَ گشتانک دیوک ءُ بھر زوروکاں اے گپ ءِ سر ءَ زور پر دات کہ بی وائی سی ءِ سروکی ءِ دزگیر کنگ ءَ یک سالے گوستگ ، وھدے کہ دمگ ءَ سیاسی آجوئی بندش جنگ بوگ ءَ اِنت۔

سیمینار ءِ تہ ءَ زورانسری بیگواھی ءِ آماچیں مردمانی کھول ءِ مشکل ءُ آھانی زھنی ءُ چاگردی جیڑہ ھم دیم ءَ آرگ بوت اَنت۔

گشتانک دیوکاں ڈاکٹر مھرنگ بلوچ، بیبرگ بلوچ، شاھجی، گلزادی بلوچ ءُ بیبو بلوچ ءُ دگہ رھشونانی دراجیں بندیگ کنگ ءِ سر ءَ ایراد گپتگ ءُ اے بنیاتی انسانی ھکانی لگتمالی لیک اتگ۔

سیمینار ءِ گڈسر ءَ بھر زوروکاں دزگیریں رھشونانی زوت یل کنگ ءُ بلوچستان ءَ سیاسی ءُ جمھوری بندشانی ھلاس کنگ ءِ لوٹ کتگ۔

بلوچ لبریشن آرمی ءَ وتی آفیشل چینل ھکل ءَ آپریشن ھیروپ ٹو ءَ ھواریں چار دگہ نمیرانیں ھمراھانی اکس ءُ اھوال شنگ کتگ انت-

اولی ءِ پجار مزمل بلوچ پنام ءِ رؤف ء محمود بلوچ جھمنند خدابادان پنجگور ءِ نام ءَ کتگ- آئی ءَ 2022 بی ایل اے ءَ بھر زرتگ ءُ زراب یونٹ ءِ بھر بیتگ- آئی ءَ وانگ چہ بلوچستان یونیورسٹی ءَ بی ایس اکنامکس کتگ ءُ شال ءَ آپریشن ھیروپ ٹو ءَ شھید بیتگ-

ھکل ءِ رد ءَ مزمل بلوچ پنام ءِ رؤف ءِ زھنکاری ءُ بھادری ءُ جپاکشی دیستگ آ گل ءِ انٹیلیجنس ونگ زراب ءَ ھوار کتگ- اود ءَ آئی ءَ زمہ واری ءُ مھنت ءُ رازادی ءُ کار کتگ-

انٹیلیجنس ءِ تک ءَ کار کنگ جھلانکی ءِ درچ ءُ اوپار ءُ سرجمیں زانتکاری ءِ سنچ ءَ دار ایت- رؤف ھمے گچینیانی سرمچار بوتگ- آئی ءِ فکر زانتگ ءُ املی کار درچ ءَ ھما مردماں ھوار کتگ کہ پشت ءَ بیتگ ءُ زرمبشت ءِ واستا جوان کرد اش پیلو کتگ-

آپریشن ھیروپ ٹو ءِ وھد ءَ شال ءَ جاڑیگ بیتگ ءُ سریاب ولی جیٹ ءَ دشمن ءِ ھلاپ ءَ ترندین جنگے ءِ وھد ءَ شھید بیتگ ءُ آجوئی ءِ زرمبشت ءِ تاکاں وتی نام نبشتگ کتگ-

دومی ءِ پجار غلام جیلانی پنام ءِ میران ء غلام ربانی جھمنند فیض آباد ڈھاڈر کچھی ءِ نام ءَ کتگ کہ آ 2024 ءَ بی ایل اے ءَ ھوار بوتگ ءُ ایس ٹی او ایس ءِ بھر بیتگ ءُ آپریشن ھیروپ ٹو ءَ شال ءَ شھید بیتگ-

ڈھاڈر کچھی ءِ ھاک ءَ سیادی داروکیں غلام جیلانی ھما سرمچاراں ھوار بیتگ کہ آیاں راجی گلامی ءِ تقدیر ءِ منگ ءَ ابید آئی ءِ ھلاپ ءَ گھگیری ءِ راہ گچین کتگ – آئی ءَ وتی امل ءُ کرد ءَ منینتگ کہ یک زانتکاریں انسانے وھدیکہ وتی راج ءِ آجوئی ءَ زندگی ءِ مول بہ کنت گڑا آئی ءِ گام کجام ترس ءُ جیڑہ ءِ دیم ءَ نہ اوشت انت- ھمے درچ ءُ آ گل ءِ اسپیشل ٹیکٹیکل آپریشن اسکواڈ( ایس ٹی او ایس) ءِ بھر بیتگ-

آپریشن ھیروپ ٹو ءَ آ شال ءَ جاڑیگ بوتگ ءُ میران وتی ھمراھانی ھواری ءَ دشمن ءِ ھلاپ ءَ پرکار بیتگ – شال سریاب ولی جیٹ ءَ دشمن ءِ ھلاپ ءَ ترندیں جنگے ءِ وھد ءَ مھکم بیتگ ءُ مھکمی ءَ جنگ کنان ءَ وتی ساہ ندر کتگ-

سیمی ءِ پجار ظھور بلوچ پنام ءِ پھلی ء شاہ مھمد جھمنند اسپلنجی مستونگ ءِ نام ءَ کتگ- آ میڈیکل ءِ اسٹوڈنٹے بیتگ ءُ آ ایس ٹی او ایس ءِ بھر بیتگ ءُ آپریشن ھیروپ ٹو ءَ شال ءَ شھید بیتگ-

ھکل میڈیا ءِ رد ءَ ظھور بلوچ ھما سرمچاراں ھوار بوتگ کہ آیانی زندمان پرکاری، کربانی ءُ دراجکشین گھگیری ءِ چیدگ بوتگ انت- یک میڈیکل اسٹوڈنٹے ءِ بوگ ءَ ابید ھم آئی ءَ وتی آرامیں زندمان یل داتگ ءُ راجی آجوئی ءِ جنگ گچین کتگ- آئی ءِ دل ءَ آجوئی ءِ ھنچیں ستکے جاڑیگ بوتگ کہ چریشی ءَ آ ترس ءِ دیم ءَ مِک بوگ ءِ سکین داتگ-

شال ءِ میدان ءَ جاڑیگ بوتگ آ وتی ھمراھانی ھواری ءَ اوشتوک بوتگ ءُ اے منیتگ کہ آشوبی سپاھی ئیگی ءِ مچانکی تاکت آئی ءِ پکاھی ءُ زانشت ءَ بیت انت- آئی ءَ وتی ھاک ءِ آجو کنگ ءِ واستا آپریشن ھیروپ ٹو ءِ وھد ءَ شال ءَ سریاب ولی جیٹ ءَ دشمن ءِ ھلاپ ءَ گڈی ساھت ءَ داں جنگ کنان ءَ وتی ساہ ندر کتگ ءُ وری کربانی ءِ درچ ءَ اے کلوہ داتگ کہ آجوئی ءِ راہ ءَ اوشتوکیں کردار راجدپتر ءَ ھروھد ءَ زندگ بیت انت-

سیمی ءِ پجار ظھور بلوچ پنام ءِ پھلی ء شاہ مھمد جھمنند اسپلنجی مستونگ ءِ نام ءَ کتگ- آ میڈیکل ءِ اسٹوڈنٹے بیتگ ءُ آ ایس ٹی او ایس ءِ بھر بیتگ ءُ آپریشن ھیروپ ٹو ءَ شال ءَ شھید بیتگ-

ھکل میڈیا ءِ رد ءَ ظھور بلوچ ھما سرمچاراں ھوار بوتگ کہ آیانی زندمان پرکاری، کربانی ءُ دراجکشین گھگیری ءِ چیدگ بوتگ انت- یک میڈیکل اسٹوڈنٹے ءِ بوگ ءَ ابید ھم آئی ءَ وتی آرامیں زندمان یل داتگ ءُ راجی آجوئی ءِ جنگ گچین کتگ- آئی ءِ دل ءَ آجوئی ءِ ھنچیں ستکے جاڑیگ بوتگ کہ چریشی ءَ آ ترس ءِ دیم ءَ مِک بوگ ءِ سکین داتگ-

شال ءِ میدان ءَ جاڑیگ بوتگ آ وتی ھمراھانی ھواری ءَ اوشتوک بوتگ ءُ اے منیتگ کہ آشوبی سپاھی ئیگی ءِ مچانکی تاکت آئی ءِ پکاھی ءُ زانشت ءَ بیت انت- آئی ءَ وتی ھاک ءِ آجو کنگ ءِ واستا آپریشن ھیروپ ٹو ءِ وھد ءَ شال ءَ سریاب ولی جیٹ ءَ دشمن ءِ ھلاپ ءَ گڈی ساھت ءَ داں جنگ کنان ءَ وتی ساہ ندر کتگ ءُ وری کربانی ءِ درچ ءَ اے کلوہ داتگ کہ آجوئی ءِ راہ ءَ اوشتوکیں کردار راجدپتر ءَ ھروھد ءَ زندگ بیت انت-

چارُمی ءِ پجار شاھد بنگلزئی پنام ءِ کمانڈو ء عبدالواحد بنگلزئی بنکی ھنکین گرانی مستونگ ءُ انی شال ھزار گنجی ءَ نندوک بوتگ- آئی ءَ 17 دسمبر 2024 ءَ بی ایل اے ءَ بھر زرتگ ءُ ایس ٹی او ایس ءِ بھر بوتگ ءُ آپریشن ھیروپ ٹو ءِ وھد ءَ شال ءَ شھید بیتگ-

شاھد بنگلزئی آپریشن ھیروپ ٹو ءِ وھد ءَ شال ءَ جاڑیگ بوتگ – آئی ءِ تچکی ءُ زمہ واریانی سبب ءَ آ گل ءِ اسپیشل ٹیکٹیکل آپریشن اسکواڈ ( ایس ٹی او ایس) ءَ ھوار کتگ- آ آپریشن ھیروپ ٹو ءِ وھد ءَ شال ءَ جاڑیگ بوتگ اود ءَ آئی ءَ دشمن ءِ توپکداریں کارندہ ھیلنگ کتگ انت- سریاب ولی جیٹ ءَ دشمنیں فون ءِ دیم پہ دیم ءَ جنگ ءِ وھد ءَ آ وتی ھمراھانی ھواری ءَ جنگ کنان ءَ شھید بیتگ-

شاھد بنگلزئی ءِ جد ءُ جھد ءُ کربانی ءِ راستی پدر کن انت کہ بلوچ سرمچار وتی بھادری، جوانیں گامگیج ءُ جپاکشی ءِ سبب ءَ دشمن ءِ سر ءَ مھکم ءَ چہ مھکمیں کلاتاں زمین ءَ ڈروھینت ءُ دور دیگ ءِ زور ءَ دار ایت-

گل ءَ وتی بیان ءَ گْوشتگ کہ راجی سلامتی ءِ کونسل ءِ سیکرٹری علی لاریجانی، آئی ءِ چُک مرتضی لاریجانی ءُ کونسل ءِ ڈپٹی سیکورٹی افسر علی رضا بیات گوں پھزداراں یک ٹولے ءِ ھمراھے ءَ بیران بوتگ اَنت۔

زانگ بہ بیت کہ اسرائیل ءَ سئے شمبے ءِ روچ ءِ نیمروچ ءَ اسرائیل ءِ بالی اُرش ءَ علی لاریجانی ءِ کوش ءِ ٹاہ داتگ ات۔

دو ھپتگ ءَ گیش اِنت کہ ایران ءَ امریکہ ءُ اسرائیل ءِ جنگ ءُ چوپ برجاہ اَنت ءُ ایشی ءِ آسر ءَ پیسریگیں سروک علی خامنہ ای ءَ ھوار بازیں رھشون بیران بوتگ اَنت۔

بلوچستان ءِ جتاجتائیں دمگاں چہ زورانسری بیگواہ کنگ بیتگیں زالبولے ءَ ھوار چار مردم یل کنگ بیتگ اَنت-

گیشیں ھالانی رِد ءَ پنجگور ءِ دمگ چہ عیسی ءَ سیادی داروکیں زالبول فاطمہ ء محمد جان پاکستانی پوج ءَ 13 جنوری 2026 ءَ بیگواہ کنگ بیتگ کہ 16 مارچ 2026 ءَ ھب چوکی ءِ ھند ءَ یل کنگ بیتگ-

ھمے وڑ گوادر ءِ دمگ چہ پانوان جیونی ءَ سیادی داروکیں دو مردم زعیم ء محمد رحیم ءُ کمبر ء امام بلوچ، کہ دہ مارچ 2026 ءَ پاکستانی پوج ءَ آوار جتگ ءُ بیگواہ کتگ اِت اَنت 15 مارچ 2026 ءَ چہ گوادر ءَ یل کنگ بیتگ اَنت-

ھمے وڑ چہ مستونگ ءَ سیادی داروکیں سعید احمد ء محمد اکبر، کہ 11 دسمبر 2025 ءَ بیگواہ کنگ بیتگ اَنت کہ 07 مارچ 2026 شال ءَ یل کنگ بیتگ اَنت-

کیچ ءِ دمگ چہ بلیدہ ءَ سیادی داروکیں دلدار حسین، 25 اگست 2025 ءَ، پاکستانی پوج ءَ بیگواہ کتگ، 13 مارچ 2026 ءَ تربت ءَ یل کنگ بیتگ اَنت-

زانگ بہ بیت کہ بلوچستان ءَ زورانسری آوار جنی ءِ دْرچ یکشل ءَ برجاہ ءَ اِنت، اود ءَ ھمکروچی ھزارانی مردم پاکستانی پوج ءِ دست ءَ بیگواہ کنگ بیتگ اَنت، وھدے کہ باز دراجیں مدتے ءَ پد جتاجتائیں دمگاں یل کنگ بنت- انسانی ھکانی کارکنان اے وئیلانی سر ءَ ترس درشان کنان ءَ زورانسری آوار جنی ھلاس کنگ لوٹ کتگ-

بلوچ لبریشن آرمی ( بی ایل اے) ءَ جیونی ءَ پاکستانی فورسز ءِ کوسٹ گارڈ ءِ چوکی ءِ سر ءَ انوگیں اُرش ءِ ویڈیو شنگ کتگ کہ ایشی ءِ کساس یک منٹ ءُ 53 سیکنڈ اِنت۔

ویڈیو ءِ تہ ءَ گندگ بیت بلوچ لبریشن آرمی نوکیں ایکشن کیمرہ ءُ سلاھاں گوں سلاہ بندیں نیمگ ءَ اناگت ءَ کارندھانی سر ءَ اُرش کن انت ۔

ویڈیو ءِ تہ ءَ گندگ بیت کہ موٹر سائیکل ءِ سر ءَ اُرش کنوک زوت پوسٹ ءِ نزیک ءَ سر بنت ءُ اود ءَ ھستیں کارندھانی سر ءَ تیرگواری کن اَنت۔

ندارگانی رد ءَ دو کارندہ جاہ ءَ نشانگ جوڑ کنگ بنت ءُ یک کارندھے اُرش ءِ بنداتی ساھتاں وتی جان ءِ رکّینگ ءِ جھد ءَ کنت بلے دگہ اُرش کنوکے آئی ءَ نشانگ جوڑ کن انت۔

ویڈیو ءِ گڈی بھر ءَ ارش کنوکاں چہ دست کپتگیں سلاہ ھم گندگ بنت۔

بلوچ لبریشن آرمی ءِ جارکش جیئند بلوچ ءَ وتی یک بیانے ءِ تہ ءَ گْوشتگ کہ آپریشن بی ایل اے ءِ شھری گوریلا یونٹ ءِ نیمگ ءَ کنگ بوتگ۔