گوستگیں دو شمبے ءِ روچ ءَ مند دمگ چہ سورو ءَ گوبرد ءِ جھمنندیں اکرم ء اسمائیل نامیں ورنایے چیریں ادارھانی دست ءَ زورانسری بیگواہ کنگ بیتگ ۔ دمگی اھوالدار
دمگی مردمانی رد ءَ اکرم ء اسمائیل ءِ نزیکیں مردمے ءِ رِد ءَ اکرم ءَ پیش مئے چار ورناہ چہ جندے گس گوبرد ءَ گوستگیں روچاں پاکستانی لشکری کارمنداں پہ زور بیگواہ کتگ انت ایدگہ روچ ءَ ایف سی ءِ نیمگ ءَ چہ کھولاں ھال کنگ بیتگ کہ وتی بیگواھیں مردمانی شناختی کارڈ ءُ لوکل سرٹیفکٹ آں بیار ات گڑا اسمائیل ء اکرم گوں کھول ءِ دگہ دو مردماں ایف سی ءِ بنجل پہ وتی زورانسری بیگواھیں مردمانی شناختی کارڈانی رسینگ ءَ انچو کہ ایف سی ءِ بنجل ءَ درتکگ انت سیاھیں کرولا ءَ سواریں چیریں ادارھانی کارمنداں اسمائیل ء اکرام زورانسری آوار جتگ ءُ گوں وت برتگ آ دگہ دوئیں ھمراہ یلہ داتگ انت۔
زانگ بہ بیت کہ گوستگیں روچاں مند ءِ دمگ گوبرد ءَ ھمے یکیں کھول ءِ چار ورناہ ایف سی ءِ کارمنداں چہ جند ءَ گساں آوار جتگ ءُ بیگواہ کتگ انت۔