TBP Balochi

نبشتانک: پروشتگیں چاگرد من ءَ گیشتر مُھکم کنت

نبشتہ کار: شاھد اھمد

دی بلوچستان پوسٹ

اے نزام ترا تئی بود ءُ بودناکی ءَ اوشتارین اِیت تئی ھَدّ ءُ ھدود گیشّینگ بوتگ ءُ مجال نیست کہ تو گْوست کُت بکن ئے گیشتر ما دَری چیزاں راست ءُ ڈولدار گْوشگ ءِ جُھد ءَ کن ایں بلے اندری چیز مارا گیشتر سرپد ءُ پوہ بوگی بوتگ اَنت۔

وھد ءُ جاور ءِ رِد ءَ مارا دَری چیز دروگ ءُ راست ءِ کَیل ءُ گچین کنگ الّم درکار بوتگ ءُ اَنت من ءَ ھم اے پُروشتگیں چاگرد ءَ باز سِکین ءُ سرپدی داتگ۔ “چے کن ئے من انچوش ودی بوتگ آں”-

درد گیشتر وشیانی بابت ءَ جیڑگ پرما اَنت راست اِنت کہ جنگ الّم کنگی اِنت بلے لھتے انچیں جنگ ھست اَنت کہ گْوشگ نہ بنت؟ من وَ من آں بلے تو وتی جاہ ءَ ھم راست ئے سْیاست پلینڈی یے نہ اِنت کہ تو لانک بستگ-

درد ھم گْوز اَنت بلے وشیانی تہ ءَ گْوزگ الّمی نہ بوتگ بلے پرچا الّمی بہ بیت؟ درد ءُ گم ترا پرچا مُھکم کنت؟ چیز ئِےگوں تو لھتے گپ درشان کنگ لوٹ آں کہ من گْوستگ آں ءُ انگت ءَ گْوزگ ءَ آں منی دلگوش کَرزیں گپ شمارا گیشتر بلکیں تاھیر بہ دینت ءُ یا درد ھم ءُ ایشی چہ ابید پائیدگ ھم رس اِیت۔

تئی ھیال ءَ منی مارشت چونیں رنگ ءِ بوتین اِت اَنت؟ ھھھھھ رنڈی گِری ءَ چہ ھیرون ءِ بَھا کنگ گِھتر اِنت زاناں ؟ من وتی کوریں چم پَچ کُت اَنت ءُ گند ئے من انگت ءَ کورے بوتین اِت آں گڑا تئی ءُ آئی ءِ تماشا اَت۔ چہ جبین ءَ منی زِرد پاد اتک ھمے ساھت ءَ یک پکیرے من ءَ سلام دنت ءُ دیم ءَ زِر ءَ کنت چَکے ھم نہ جت بزاں نہ چار اِت ئِے۔ درد وتی مجگ ءُ دل ءَ ایر بُرت اَنت ءُ بلے پیسر ءَ من جنگ نہ زانتگ ءُ جنگ منیگی کارے نہ بوتگ جاوراں پمن جنگ سر ءَ سک باز داتگ اَت ءُ من نہ زانان پرچا چوں گوں من ھر یک جاورے نہ ٹَھّگ ءَ اَت ، ساھت پہ ساھت ءَ منی بگیری ءَ اوشتاتگ اِت اَنت چوناھا ٹَھینوکاں بازیں ردی یے مُشتگ اَت بلے ھمے ردیاں من ءَ منی درد باز کُتگ اِت اَنت ھو ردی درداں باز کنت گپے یات بدار ھر یک ردی یے ءِ پُشت ءَ بس آئی ءِ تہ ءَ وشی ودی کنت۔ “ودی کنوک ودی کنوکے”اے تئی زندگی وَ تماشا یے بس منی زندگی ءَ مُرتگ اَنت بَھت ءُ نسیب بس پہ اُمیتے ءِ ودار ءَ نشتگ اِت آں تو کجام وھد ءَ اُمیتے دار ئے؟ اُمیت چی ءَ دار ئے؟ مرگ وَ نااُمیتیں چیزے بلے من ءَ اُمیت نیست نوں من چَہ اے جاوراں چِہ وت ءَ سِسّتگ اوں من ءَ گڈّی نبشتانک نیست سَبر ءُ وداراں گڈی پہ یک اُمیتے ءَ داشتگ اَت ئِے منزل منی تننگا درداں گوں ھمگرنچ اِنت-

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

بلوچ لبریشن آرمی ءِ جارکش جیئند بلوچ ءَ رسانکدراں شنگ کرتگیں وتی درشان ءِ تہ ءَ ھوشاپ ءَ پاکستانی لشکر ءِ سر ءَ بیتگیں اُرش ءِ زمہ واری من اتگ-

جارکش ءَ گوشتگ ھوشاپ ءِ دمگ تل ءَ زورگریں پاکستانی پوج ءِ سر ءَ سرمچاراں گرنیڈ لانچر ءُ دگہ سلاھانی گون ءَ اُرش کتگ ءُ دشمنیں پوج ءَ را جانی ءُ مالی تاوانانی دیمپانی کنگ کپتگ-

جارکش ءَ گڈسر ءَ گوشتگ پوج ءِ سر ءَ اُرش مول ءُ مرادانی رد ءَ برجاہ بنت-

وائس فار بلوچ مسنگ پرسنز ءَ چاگردی ترامجاہ ٹویٹر ءَ وتی ٹویٹ ءِ تہءَ گوشتگ کہ گل ءِ سرکماش نصراللہ بلوچ چہ وتی اگدہ ءَ دزکش بوتگ –

گل ءِ نیمگ ءَ آئی ءِ دزکشی ءِ درگت دگہ ھچ وڑیں گپ ءُ سوب دیم ءَ نیاؤرتگ کہ کجام سوب ءَ آ دزکش بوتگ-

دومی نیمگ ءَ نصراللہ بلوچ ءَ اھوالکارے ءَ گوں تران کنان ءَ گوشتگ کہ آئی ءَ گوں گل ءَ ھچ وڑیں بگیری نیست ءُ زاتی دزگٹیانی سوب ءَ وتی اگدہ ءَ چہ دزکش بوتگ-

آئی ءَ گوشتگ کہ من اے واست ءَ دزکش نہ بوتگاں کہ مناں کسی ءِ گوم ءَ بگیری ءِ ھست بلکینہ من وتی زاتی دزگٹیانی سوب ءَ دسکشی ءِ جار جتگ-

سلاہ بندیں مردماں دلگان ءَ تیرگواری کتگ ءُ چریشی ءَ سَے کس بیران بیتگ اَنت-

سر بیتگیں ھالانی رد ءَ روکپتی بلوچستان ءِ دمگ دلگان ءَ دو برات ءَ ھوار سَے مردمانی تیرگواری کنگ ءُ کُشگ بیتگ اَنت-

کشگ بیتگیں مردمانی پجار بنیامین ء یار مھمد، یعقوب ءُ رضا بھزادی ء گل مھمد ءِ ناماں زانگ بیتگ اَنت –

اشانی تہ ءَ یعقوب ءُ رضا ھردوک برات اَنت کہ سلاہ بندین مردمانی تیرگواری ءَ بیران بیتگ اَنت-

ھالانی تہ ءَ گوشگ بیتگ کہ اے مردم یک آروسی دیوانے ءِ سر ءَ کُشگ بیتگ اَنت ءُ کشوکان تیرگواری کرتگ ءُ پد ءُ تتکگ اَنت-

روکپتی بلوچستان ءَ اے وڑیں وئیلانی ھال یکشل ءَ شنگ بیگ ءَ اَنت بلے اشانی گر ءُ دار ءَ واکدارانی ھچ گامگیج گندگ ءَ آیگ ءَ اَنت –

کاؤنٹر ٹیررزم ڈپارٹمنٹ (سی ٹی ڈی) رسانکدراں وتی شنگ کرتگیں درشان ءَ ٹاہ داتگ کہ سی ٹی ڈی بلوچستان ءَ ھمے ھپتگ ءَ یک شمبے ءِ روچ ءَ مستونگ ءِ دمگ شیرین آب دگ ءَ رحیم بخش ء سنجر خان ءُ بہاول خان ء جمعہ خان محمد حسنی جھمنند کھڈکوچہ دزگیر کتگ انت –

سی ٹی ڈی ءِ رِد ءَ دزگیر کنگ بوتگیں ھردو مردمانی سیادی بلوچ آجوئی لوٹوکیں سلاہ بندیں گل بلوچ لبریشن آرمی انت –

سی ٹی ڈی ءِ واکدارانی رِد ءَ دزگیر کنگ بوتگیں مردمانی گور ءَ مزنیں کچ ءَ مواد دست کپتگ ءُ شال سی ٹی ڈی تانہ ءَ آھانی ارزی نبشتہ کتگ وھدیکہ جست پُرس ءِ میان ءَ آھاں سنگت ءُ کارانی درگت ءَ ھم گوشتگ کہ آھانی کارانی تہ ءَ بیست ءُ نُھ مئی دوھزار پانزدہ ءِ مستونگ ءِ دمگ کڈکوچہ ءَ بیست پشتونانی کوچ ءَ ایرگیجگ ءُ آھانی کوش ھم ھوار انت –

واکدارانی رِد ءَ دزگیریں مردماں کولپور ءَ گیس پائپ لائن سر ءَ اُرش، کشتری ءَ کریش پلانٹ مشین ءِ تباہ کنگ ءُ جوھان ءَ لیویز ءِ سر ءَ بوتگیں اُرش ھم منّ اِتگ انت –

آئی ءَ گوشتگ کہ بی ایل اے ءِ دزگیر کنگ بوتگیں اے باسکاں اے ھم منّ اِتگ کہ آھاں ایف سی ءُ پوجی پانگسانی سر ءَ اُرش کُتگ وھدیکہ گیشیں پٹ پول بوگ ءَ انت –

دومی نیمگ ءَ ھمے گوشگ بوگ ءَ انت کہ مستونگ ءِ پشتون مساپرانی کوش ءِ زمّہ واری بی ایل اے ءَ نہ منّ اِتگ وھدیکہ اے اُرش ءِ زمّہ واری یک دگہ گل ءَ منّ اِتگ ءُ مہران مری ءَ ھوار دگہ بلوچ گلانی رھشوناں اے وئیل ایرجتگ –

زانگ بہ بیت سی ٹی ڈی ءَ پیش ءَ ھم بلوچستان ءِ بازیں دمگ ءَ مردمانی دزگیری ءَ دروگیں میڑے نام ءَ آھانی کوش ءِ ٹاہ داتگ – گوست ءَ بوتگیں اے وڈیں وئیلاں جنگ بوتگیں مردم پیش ءَ زورانسری آوار جنگ ءُ بیگواہ کنگ بوتگیں مردم بوتگ انت –

ھمے ماہ ءَ ھژدہ جولائی ءَ سی ٹی ڈی ءَ بی ایل اے ءَ سیادی داروکیں مردمے ءِ دزگیر کنگے ٹاہ داتگ ات کہ آئی پجار غوث بخش ء علی خان لانگانی مری جھمنند مری کیمپ ہزار گنجی شال ءِ نام ءَ چہ بوتگ ات –

بلے پدا ھم دی بلوچستان پتر ءَ سربوتگیں ھالانی رِد ءَ غوث بخش ء علی خان مری پاکستانی پوج ءَ نُھ اگست دوھزار بیست ءُ یک ءَ یک شمبے ءِ روچ ءَ شاھرگ ءِ دمگ گھوسٹ زورانسری آوار جتگ ءُ بیگواہ کتگ بیتگ –

بلوچ آجوئی دوستیں رھشون استاد واھد کمبر بلوچ ءَ وتی یک شنگ کرتگیں درشانے ءَ ھمسنتی ءِ سر ءَ زور دیان ءَ گوشتگ کہ ھمسنتی ءِ بارو ءَ داتگیں درشاناں چہ درکپگ ءُ یک املی گامگیجے زورگ لوٹ اِیت –

آئی ءَ گوشتگ کہ ما یک دراجیں وھدے ءَ چہ ھمے گندگ ءَ ایں ما یکیں لیکہ ءُ لوٹاں ءَ گوں بندوکیں مردم اِنت، سیاسی مردماں یکجاہ بیگ لوٹ اِیت۔ آئی ءَ گوشتگ وھد ھمیش اِنت کہ راج ءِ دیم ءَ اے کارپدانی راستی ءَ ایر بہ کن ایں ھشکیں درشاناں چہ ھمستنی گندگ ءَ نیت اِنت-

آئی ءَ کڈن کتگ ءُ گوشتگ کہ ھمسنتی بلوچ راج ءَ درکار اِنت اے کار بیگی اِنت بلے ھمسنتی ءَ پیسر اے جست المی اِنت کہ اے ھمسنتی ءِ مول ءُ مراد چی اَنت یک شریں مول ءُ مرادے ءَ ھمنست بہ بنت ءُ شریں بنیادے ءَ بہ بیت – منی دراھیں سنگتاں گوں ھمے دزبندی اِنت اے پرارشتیں جُستے سر ءَ یکجاہ بہ بنت ءُ وتی آوکیں گامگیجاں بہ زیر اَنت-