کولواہ ءَ پاکستانی پوج ءِ کاروان سر ءَ بیتگیں اُرش زمہ واری بی ایل ایف ءَ منّ اِتگ

بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں آواران ءِ دمگ کولواہ ءَ پاکستانی پوج ءِ کاروان اُرش ءِ نشانگ کتگ ءُ جانی ءُ مالی تاوان دیمپانی کنگ کپتگ-

جارکش ءَ گْوشتگ بیست ھپت جنوری ءِ سُھب یازدہ نیم ءَ سرمچاراں آواران ءِ دمگ کولواہ ءَ رودکان ھند سر ءَ سنگر گپتگ زورگریں پاکستانی پوج ءِ شش گاڑیانی کاروان نوکیں ءُ مزنیں سلاھاں چہ نشانگ کتگ، چریشی ءِ آسر ءَ زورگریں پوج ءَ جانی ءُ مالی تاوان چست کنگ کپتگ-

جارکش ءَ گْوشتگ زورگریں پوج ءِ اے کاروان پوجی لشکر کشی ءِ نیئت ءَ چہ دمگ ءَ پُترگ ءَ بیتگ کہ سرمچاراں سنگر گپتگ ءُ نشانگ کتگ، اُرش ءَ پوج ءِ گاڑیاں ھم تاوان رس اِتگ-

جارکش ءَ گْوشتگ کہ بی ایل ایف اے اُرش زمہ واری ءَ منّ اِیت ءُ بلوچستان ءِ وتواجھی ءَ تاں زورگریں پوج سر ءَ مئے اُرش برجاہ بنت-