بلوچستان لبریشن فرنٹ ءِ جارکش میجر گوھرام بلوچ ءَ رسانکدر ءَ وتی شنگ کرتگیں درشانے ءِ تہ ءَ گوشتگ کہ سرمچاراں 24 اکتوبر ءِ شپ ءَ نُھ ءَ تربت ءِ ھند آپسر دو کرم ءَ زوگریں پاکستانی پوج ءِ سر ءَ گرنیڈ اُرش کرتگ، چہ ایشی زورگریں پوج ءِ دو کارمند ٹپی بیتگ اَنت۔
جارکش ءَ گوشتگ کہ اے اُرش ھما وھد ءَ کرتگ کہ دژمن چہ وتی سنگراں درکپتگ ءُ پٹ ءُ پول ءِ نام ءَ مردماں ترسینگ ءُ کمشرپ کنگ ءَ بیتگ۔ زورگریں پوج ءِ اے شوندات ھمک روچی کار ءِ بھر اَنت۔ چریشی رِد ءَ آ ھندی مردماں بے زرورت ءَ پٹ ءُ پول ءُ ترسینگ ءِ پارست ءَ نشانگ کنت۔
جارکش ءَ گوشتگ کہ گل ءِ سرمچار ءُ انٹیلیجنس ونگ ءَ پوج ءِ ھمک ترّ ءُ گرد ءِ سر ءَ نگاہ داشتگ اَنت ءُ پہ دژمن ءِ تاوان دیگ ءَ ھمک جاہ ءَ جاڑیگ اَنت۔ بی ایل ایف یک راجی گلے ءِ بستار ءَ وتی مردمانی کمشرپ ءُ دلسیاہ کنگ ءَ ھچ وڑ ءَ اوپار کرت نہ کنت ءُ دژمن ءَ لس مردمانی زور ءِ ھواری ءَ ترسناکیں پروش ءِ دیمپان کنگ ءِ کول ءِ سر ءَ اوشتاتگ۔
جارکش ءَ گوشتگ کہ دگہ یک اُرشے ءَ سرمچاراں بیست ءُ پنچ اکتوبر ءَ آواران ءِ ھند مشکے اوگار ءَ برجاھیں پاکستانی پوج ءِ پانگس نشانگ کرتگ۔
جارکش ءَ گوشتگ کہ بی ایل ایف ءِ اسنائپر ٹک تیراں پاگس ءَ ڈن اوشتاتگیں کارمند نشانگ کرتگ ایشی زد ءَ آھگ ءَ لشکری کارمند مرتگ۔
میجر گوھرام ءَ گوشتگ بی ایل ایف اے دوئیں اُرشانی زمہ واری منّ اتگ اَنت ءُ گوشتگ کہ داں زورگریں پوج ءِ درآھگ ءَ دُژمنیں پوج ءُ آئی شوربندیاں نشانگ کن ایں۔