چہ روکپتی بلوچستان ءِ بنجاھی شھر زاھدان ءَ سیادی داروکیں دو کساں ھوار پنچ مردم ماں ایران ءِ دمگ یزد ءَ ایرانی آمیدگس ءَ پاھو دیگ ءِ ھکم داتگ اَنت-
اھوالانی رد ءَ پاھو دیگ ءِ ھکم ءَ مردمانی توک ءَ دو مردمانی پجار بیتگ اَنت کہ آ زاھدان ءِ نندوک اَنت ءُ ایشانی ھواری ءَ دگہ دو کس اوگانستان ءِ جھمنند ءُ دگہ یکے ھم روکپتی بلوچستان ءِ جھمنند گوشگ بوگ ءَ اِنت-
پاھو دیگ ءِ ھکم ءَ دو کسانی پجار عبدالرھمان گورگیج ءِ ھدا بکش ءُ عبدالرؤف ناماں زانگ بیتگ اَنت کپ ھردوک زاھدان ءِ نندوک گوشگ بوگ ءَ اَنت-
دگہ سَے مردمانی پجار دیم ءَ نیتکگ انت کہ بلے اے گوشگ بیتگ کہ آیانی توک ءَ دو کس اوگانستان ءِ جھمنند اَنت ءُ یکے سیستان و بلوچستان ءِ جھمنند اِنت-
ایشانی توک ءَ عبدالرھمان ءُ روف ایرانی سال چاردہ سد ءُ یک ءَ نشہ واپاری ءِ پژدر ءَ دزگیر کنگ بیتگ اَنت –