کیچ ءَ تیرگواری وئیلے ءَ پت ءُ چک بیران

بلوچستان ءَ ھمک وھد تیرگواری وئیلاں مردم بیران بیگ ءَ اَنت ءُ گوستگیں روچ ءَ دالبندین ءُ تمپ ءَ ھم تیرگواری وئیلاں دو مردم بیران بیتگ اِت اَنت –

ٹی بی پی پتر ءَ سربوتگیں ھالانی رِد ءَ بلوچستان ءِ دمگ کیچ تربت تاں بلیدہ زامران ءَ رؤکیں شھدگ ءِ سر ءَ فورسز ءِ تیرگواری ءَ دو مردم بیران، تمپ ءَ ناشناسیں مردمانی تیرگواری یک مردمے بیران بوتگ –

گیشیں ھالانی رِد ءَ اینٹی نارکوٹکس فورس کیچ ءَ گرک کور ءَ گاڑی ءِ سر ءَ تیرگواری کتگ، تیرگواری ءِ سوب ءَ پت گوں چُک ءَ بیران بوتگ –

بیران بوتگیں مردمانی پجار محمد صالح ءُ آئی ورنائیں بچ نام ءَ بوتگ انت – بیران بوتگیں مردم زامُران ءِ دمگ کسوئی ءِ نندوک گوشگ بوگ ءَ انت –

دمگی اھوالکار ءِ رِد ءَ نہ اُوشتگے سوب ءَ فورسز ءَ گاڑی ءِ سر ءَ تیرگوری کُتگ –

جون تربت نادراھجاہ ءَ سرکنگ بوتگ انت اے درگت ءَ گیشیں پٹ ءُ پول کنگ بوگ ءَ انت –

زانگ بہ بیت گوستگیں روچ ءَ تمپ ءُ دالبندین ءَ ھم ناشناسیں مردمانی تیرگواریاں دو کس بیران بیتگ اِت اَنت، کہ ھردوکیں وئیلانی بارہ ءَ تنی وھدی گیشیں سرپدی نہ بیتگ اَنت –