سلاہ بندیں مردماں پاکستانی پوج ءِ سر ءَ اُرش کتگ ءُ جانی تاوان ءِ ھال-
نوشکی ءِ شھر ءَ شھید بالاچ فٹبال اسٹیڈیم ءِ نزیک ءَ بائی پاس دگ سر ءَ برجاہ پاکستانی پوج ءِ ناکہ اُرش ءِ نشانگ کتگ اود ءَ سلاہ بندیں مردماں ناکہ ءِ سر ءَ تیرگواری کتگ وھدے کہ اے میان ءَ بازیں تراکاں توار کتگ-
اُرش ءَ پد اے ھند سر ءَ داں دیراں تیرگواری ءِ رِد برجاہ بیتگ ءُ اُرشکار چہ اود ءَ تتکگ اَنت-
ھمے وڑ بلوچستان ءِ دمگ کیچ ءِ تھسیل بلیدہ ءَ کوشک نزیک ءَ برجاہ پاکستانی پوج ءِ چیک پوسٹ ھم اُرش ءِ نشانگ کتگ اود ءَ تراک ءُ تیرگواری ءِ توار اش کنگ بیتگ-
دوئیں اُرشاں پاکستانی پوج ءَ جانی تاوان چست کنگ کپتگ-
وئیلانی زمہ واری انگت ھچ گل ءَ نہ زرتگ اَنت-