TBP Balochi

بلوچستان لبریشن فرنٹ ءَ آواران ءِ دمگ مشکے اوگار ءَ پاکستانی لشکر ءِ کاروان ءِ سر ءَ بارودی سرنگ اُرش ءِ زِمہ واری منّ اِتگ۔

بلوچستان لبریشن فرنٹ ءِ جارکشّ میجر گْوھرام بلوچ ءَ وتی شِنگ کُرتگیں درشان ءِ تہ ءَ گْوشتگ کہ سئے تُومشان (3 ستمبر ) گنجان ءِ روچ ءَ آواران ءِ دمگ مشکے اوگار ءَ مئے سرمچاراں پاکستانی لشکر ءِ کاروان گوں بارودی سرنگ ءَ نِشانگ کُرتگ۔ کاروان ءَ ھواریں یک گاڑی یے بارودی سرنگ ءِ سر ءَ سرکپتگ، چریشی ءَ آ سرجم ءَ تباہ بوتگ۔ ءُ اے اُرش ءِ آسر ءَ گاڑی ءَ سواریں شش لشکر ءِ کارمند مُرتگ۔

میجر گْوھرام بلوچ ءَ وتی درشان ءِ دیمتِر ءَ گْوشتگ کہ دو تُومشان (2 ستمبر ) آدینگ ءِ بیگاہ ءَ مئے سرمچاراں آواران ءِ دمگ مشکے اوگار ءَ پاکستانی لشکر ءِ گشتی ٹولی گوں ریموٹ کنٹرول بمب ءَ نِشانگ کُتگ ( اُرش ءِ بیان سئے تُومشان (3 ستمبر) رسانکدر ءَ شِگ کُرتگ)۔ اُرش ءِ آسر ءَ لشکر ءِ کاروان ءَ ھواریں یک گاڑی یے سرجم ءَ تباہ بوتگ ءُ آئی ءَ سواریں چار لشکر ءِ کارمند مُرتگ۔ مئے سرمچاراں ریموٹ کنٹرول بمب ءِ اُرشجاہ ءِ کسانیں دُوری یے ءَ یک بارودی سرنگے ھم چیر کُرتگ۔ اے اُرش ءِ دومی روچ سئے تُومشان (3 ستمبر) ءَ جنگجاہ ءَ چار ءُ بِچار، کلرنس کنگ ءِ ھاتِر ءَ آیوکیں پاکستانی لشکر ءِ کاروان ءِ یک گاڑی یے ھما چیر کُرتگیں بارودی سرنگ ءِ سر ءَ سرکپتگ ءُ سرجم ءَ تباہ بوتگ، ءُ آئی ءَ سواریں شش لشکر ءِ کارمند مُرتگ۔

بلوچستان لبریشن پرنٹ ءِ جارکشّ میجر گْوھرام بلوچ ءَ وتی درشان ءِ گُڈّسر ءَ گْوشتگ کہ مئے اے اُرش داں زُورگِپتیں بلوچستان ءِ آجوئی ءَ گوں تْرندی ءَ برجاہ بَہ اَنت۔

سالانی سال مئے پُر ایمنیں ءُ جمھوری جد ءُ جھد ءُ اِشی ءَ ھوار ھوار کھولانی نیمگ ءَ گوستگیں چِل ءُ پنچ روچاں چہ پُر ایمنیں زھرشانی نندانکبرجاہ اِنت- دومی نیمگ ءَ ریاست ءِ نیمگ ءَ مارءَ سرجمی ءَ ڈالچار کنگ ءِ ھواری ءَ مئے گوم ءَ اے دراھیں بلوچ سیاسی پاٹیاں ھم ڈالچار کنگ ءَاَنت کہ اے وھد ءَ ریاست ءِ وتی پارلیمنٹ ءَ اَنت اگں پارلیمنٹ ءِ ڈن ءَ اَنت-

اے گپانی درشانی شال ءَ ریڈ زون ءَ نندانک ءِ رھشونی کنوکیں وائس فار بلوچ مسنگ پرسنز ءِ رھشون سمی دین بلوچ ءَ کتگ اَنت-

سمی دین بلوچ ءِ گوشگ اِنت کہ گوستگیں چِل ءُ پنچ روچاں چہ زھرشانی نندانک ءَ ریاست ءُ ریاستی مشینری یک کسانوکیں ھم تاوانے نہ داتگبلکیں وت وت ءَ درد بکشگ ءَ اِنت ءُ زھرشانی کنگ ءَ اِنت، دومی نیمگ ءَ ریاست ءَ مارءَ سرجمی ءَ ڈالچار کتگ ءُ مئے گون ءَ ھوار اے دراھیںسیاسی پاٹیاں ھم ڈالچار کنگ ءَ اِنت اے وھد ءَ ریاست ءِ پارلیمنٹ ءِ تہءَ اَنت اگں پارلیمنٹ ءَ ڈن ءَ اَنت ءُ بیگواھیں مردمانی یل کنائینگ ءِ لوٹ ءَکنگ ءَ اَنت-

آئی ءَ گوشتگ ریاست پہ زانت وت پُر ایمنیں،جمھوری ءُ رھبندی جد ءُ جھد ءَ سرجمی ءَ بے کدر ءُ بے سانمند کنگ ءُ بلوچاں اے تچکیں سرپدی ءِکلوہ ءَ دیگ ءَ اِنت شما پُر ایمن، جمھوری ءُ رھبندی جد ءُ جھد ءُ لوٹانی پژدر ءَ ھچ ارزشت نہ دار اِت-

آئی ءَ دیمتر ءَ گوشتگ کہ کجام ٹک یا چاگرد یا کجام ریاست اے وت مانی، کمتری ءُ جھلی، بھر ءُ بانگی، بدامنی، زلم ءُ زوراکی ءُ ناانساپی ءِنزام بہ بیت، ھق، کانون ءُ انساپ بس لھتے مردمانی واستا بھر ءُ بانگ بہ بیت کہ اود ءَ سد کلدار بروک ءَ آمیدگس ءَ آرگ بہ بیت بلے ڈیھ ءِ پلوک ءَھچ جست کنگ نہ بیت اود ءَ تاگت وریں مردماں یک کسانوکیں ٹپ ءِ سرءَ کُکار چست بنت بلے بزگیں جونانی سر ءَ بے تواری بہ بیت اود ءَ گڑا اےزیردستانی واستہ دوراہ بنت یا بے تواری ءَ وتی زلماں بہ سگ اَنت یا اے زلم ءِ ھلاپ ءَ گھگیری بہ کن اَنت مروچی بلوچ اے دوھیں راھانی نیام ءَاشتوک اَنت-

سمی دین ءَ گوشتگ کہ یک نیمگے ءَ بلوچ بے وسی ءُ لاچاری ءَ اوشتوک بہ بنت یا ایمن انساپ ءُ برابری ءِ وڑیں بے مانا داریں لبزانی بدگمانی ءِچادر ءَ بہ پیچ اَنت وتی لوگاں بہ رو انت یا وتی سر ءَ بیوکیں زلمانی ھلاپ ءَ توار چست بہ کن اَنت ءُ وتی پدریچ ءِ ھاتر ءَ پجار ءِ رکینگ ءَ یاگیگیری یے راہ ءَ گچین بہ کن اَنت-

آئی ءَ گوشتگ مروچی ریاست ءِ اے رویش، سلوک، جنگ ءُ یاگی بیگ ءِ نیمگ ءَ بلوچاں برگ ءَ اِنت جنگ ءِ پیداگ کنگ ءُ بلوچاں اے جنگ ءِ تہ ءَ دوردیگ ءُ تاکتور اے گپ ءَ منینگ ءَ اَنت ریاست ءَ راست کنگ ءِ جھد ءَ تچک ءَ وت ریاست ھوار نہ اِنت؟ ھما تاکت اولی روچ ءَ چہ بلوچاں ھروھد ءَگوشگ اِنت پُرایمنیں ءُ جمھوری رنگ ءَ جد ءُ جھد ءَ بلوچاں ھچ نہ رس ایت اِنت بس وھد زوال بیت اِنت دومی نیمگ ءَ ریاست وت اے گپ ءَ گوشگاِنت کہ جمھوری ءُ آئینی رنگ ءِ جد ءُ جھد ءَ ھچ وڑیں بستار ءُ ارزشت نیست اِنت-

سمی دین ءَ گوشتگ کہ ما ڈیھی رھبند ءُ کانون ءُ برابری ءُ انساپ ءِ سرءَ ستک داروکیں مردم بازیں دھکاں زھرشانی کنان ءُ دگانی سر ءَ درپہ دراِنت ءُ ڈالچار بیگ ءَ ابید اے سرپد بہ بہ ایں انساپ ءِ رنگیں چیز پُر ایمنیں رنگے ءَ باوری نہ اِنت اے بے وسی ءِ جاوراں مھلوک وتی لوگاں بہ رواَنت؟

بلوچستان ءِ دمگ ھُزدار ءَ گوستگیں شپ ءَ پاکستانی پوج ءَ لوگاں بیڑبرتگ ءُ شش مردم آوار جنگ ءَ پد بیگواہ کتگ اَنت-

گیشیں ھالانی رِد ءَ ھُزدار ءِ دمگ گریشگ ءَ مزنیں کچے ءَ پاکستانی پوج ءَ بیڑبرتگ ءُ پت ءُ چار چکاں ھوار شش مردم آوار جنگ ءَ پد ناشناسیں جاھے ءَ برتگ اَنت-

آوار جنگ ءَ پد بیگواہ کنگ بوتگینانی پجّار خیر بخش ء شئے محمد، داد کریم ء شئے محمد، مقصود ء شئے محمد ، نعیم ء شئے محمد، شئے محمد ءُ ڈاکٹر کریم بخش ء بھار ناماں چہ بوتگ اَنت-

زانگ بہ بیت کہ بلوچستان ءَ زورانسری آوار جنی ءِ وئیل ھمکروچ ءَ دیم ءَ آھگ ءَ اَنت، زورانسری آوار جنی ءِ درگت ءَ کار کنوکیں گل وائس فار بلوچ مسنگ پرسنز ءِ رِد ءَ آوار جنی ءِ وئیل ھمکروچی ردءَ برجاہ اَنت ھمے سال ءَ اپریل ءِ ماہ ءَ کراچی یونیورسٹی تراک ءَ پد زورانسری آوار جنی ءِ وئیل تہ ءَ گیشی اَتکگ-

دومی نیمگ ءَ بیگواھیں مردمانی کھول 45 روچ ءَ چہ شال گورنر ھاؤس ءِ دیم ءَ نندانک جتگ اِت، زورانسری آوار جنی ءِ بیگواھیں مردمانی کھول ءَ گوستگیں روچاں زھرشانی ءَ شھدگ ھم بند اِش کتگ-

نبشتانک: آجوئی بنی آدم ءِ واھشت اِنت

نبشتہ کار : جلال اھمد

دی بلوچستان پوسٹ

اگاں ما بِہ چاریں اے دنیا ءِ جوڑ بُوّگ ءَ رند انسان جوڑ کنگ بُوتگ ءُ گْوشت کن ئے کہ انسان اے دنیا ءِ مستریں ءُ شرتریں بھر اِنت ءُ انسان اے دنیا ءِ تَہ ءَ یک مزنیں کِردے پیلو کنگ ءَ اِنت، اگاں انسان مہ بُوتیں گُڑا اے دنیا ناسرجم اَت ءُ دنیا ءَ را ھچ پئیمیں بستار نہ بُوتگ اَت۔ ھما وھد ءَ کہ انسان پیداگ بیتگ گُڑا چیزے مُدّت ءَ پد آئی ءِ کَد ءُ کَچ ءَ مزن بُوّگ ءَ ھَوار آئی ءِ اَگل ءُ ھُوش ھم وَدّ اِتگ پد ءَ آئی ءِ کھول ءَ گوں کار دار اِیت کہ آئی ءِ گِسے مردم کُجام تَب ءِ مردم اَنت ءُ آیانی دُود ءُ ربیدگ، آیانی نِندگ ءُ پاد آیگ، آیانی پُچ ءُ پُوشاک ءُ زُبان کجام وڑین اَنت۔ اولی رند ءَ ھر چُک زانت ءَ وتی گِس ءَ چہ دَربارت، دَربرگ ءَ چہ پد آئی ءِ جِند وت اے چیز ءَ پدّر کنت کہ آئی ءِ کھول ءَ مردم چُونیں تَب ءِ مردم اَنت آیانی تَہ ءَ کجام چیز ءِ نِزوری ھست ءُ کجام چیز ءَ تَمرد اَنت-

اے دنیا ءِ تہ ءَ جتاجتائیں راج زندگ اَنت ءُ آیانی زُبان ءُ دُود ءُ ربیدگ، پُچ ءُ پُوشاک دْوراھیں چیز جتا اَنت، آیاناں جتائیں ڈیھ ھست کہ آیانی پت ءُ پیرکاں ھمودا زندگی گْوازینتگ ءُ وتی ھلک ءُ دَراں پہ آسُودگی نِشتگ اَنت۔ اگاں دنیا ءَ کساس بِہ کن ئے گُڑا سک مزن اِنت ءُ دنیا ءِ تَہ ءَ ھزاراں راج ھست اَنت کہ آیاناں جتائیں ڈیھ ءُ جتائیں زُبان ھست کہ آ وتی زندگی ءَ پہ آزاتی گْوازینگ ءَ اَنت آیانی وانگ ءِ زَلُورت، آیانی نادْوراھجاہ ءُ زندگی ءِ دْراھیں آسراتی سرجم اَنت ءُ آ پہ شاتمانی زندگ اَنت۔

انسان یک کَچّے ءَ کیت کہ آ وتی بَد ءُ نیک ءُ شَر ءُ گَندگ ءَ پھم اِیت ءُ ھر بنی آدم یک جتائیں پِگرے ءَ گوں وتی وھد ءَ تیلانک دَنت ، ھر انسان ءِ ھیال ءُ جیڑہ جتا اَنت، ھر انسان یکے دومی ءَ چہ جتا اِنت پِگر کنت ھر کس وتی زندگی ءِ اَڑ ءُ جنجالاں گوں سر ءُ چیر اَنت ءُ ھر کَس پہ وت وش ءُ وژدلیں بانداتے لوٹ اِیت۔

دنیا ءِ کجام ھم انسان بِہ بیت آ لوٹ اِیت کہ من وش ءُ وشھال بِہ باں ءُ وتی زندگی ءَ گوں آجوئیں دلے بِہ گْوازیناں، بلے زندمان ءِ تَہ ءَ ھر بنی آدم ءِ اے لوٹ سرجم ءَ نہ بنت، ھر مردم ءَ را اے مُوہ نہ رس اِیت کہ آ زندگی ءَ وشھال بِہ بیت۔

بلے ھر راج ءِ نیام ءَ راجدوست ءُ جُھدکار ھست اَنت بلکیں آیانی جِندے واھگ سرجم نہ اَنت بلے آ پہ راج ءَ وتی زندگی ءِ روچاں ندر کنگ ءَ اَنت، آیانی مکَسد بس ھمیش اِنت کہ مئے جُھد پہ آیْوکیں پدریچ ءِ کار ءَ بئیت، مئے مروچیگیں جُھد ءِ بَرورد باندات ءِ آیْوکیں نسل ءَ وشھال بِہ کنت ءُ مئے راج ءِ لُوٹ ءُ گُزر دْوراہ سرجم بِہ بنت ءُ سرڈگار آجو بِہ بیت۔

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

مروچی ایرانی آمیدگس ءِ ھکم ءَ دزاپ ءَ دو ورنائیں سیاسی باسک پاھو داتگ اَنت-

گیشیں ھالانی رد ءَ روکپتی بلوچستان ءِ بنجاھی شھر دزاپ ءَ ایرانی آمیدگس ءَ دو زندانی پاھو داتگ اَنت –

پاھو دیگ بیتگیں مردمانی پجار مھسن کمبرزئی پنام نسر اللہ ء جمہ ءُ عین اللہ کمبرزئی ء ھاجی رھمت جھمنند شندک ءِ ناماں زانگ بیتگ اَنت-

ھالانی تہ ءَ گوشگ بیتگ کہ عین اللہ ءُ مھسن دگہ یک مردمے ءِ ھمراھی ءَ کہ آئی ءِ نام مولوی نورالدین کاشانی ءِ ھمراھی ءَ گرگ بیتگ ءُ کوش ءِ بھتام ءَ اشانی سر ءَ سی ءُ پنچ سال زندان اتکگ بیتگ-

اے ھردوکیں زندانی شش سال ءَ داں زاھدان ءِ مزنیں زندان ءَ بندیگ بیتگ اَنت کہ آیانی ھچ وڑیں پیشی نہ بیتگ اَنت-

ھالانی تہ ءَ گوشگ بیتگ ایرانی سال نود ءُ ھشت ءَ اے ھردوک ایرانی چیرین ادارھانی کارندھاں پہ دگانی سر ءَ زھرشانی ءِ بھتام ءَ گپتگ اَنت ءُ پد ءَ آیانی سر ءَ کوش ءِ بھتام جتگ –

روکپتی بلوچستان ءَ ھمک سال بازیں کچے ءَ سیاسی باسک، نشہ باپاری ءُ کوش ءِ بھتاماں ھوار ھوار دگہ ناشریانی بھتاماں مردم یکشل ءَ پاھو دیگ بیگ ءَ اَنت –

روکپتی بلوچستان ءَ ھواریں انسانی ھکانی گلانی گوشگ اِنت کہ ایرانی آمیدگس اے مردماں وتی سپاھی کنگ ءِ موکل ءَ نہ دنت ءُ چریشی ءِ سر ءَ آیاں پاھو دیگ اِنت-