TBP Balochi

دنیا ءِ سیر تریں مردم اگاں وتی لیکھانی توک ءَ بھمیانگی درشان بہ کنت گڑا پراھی ءَ چی پش کپت کنت ھمے ھاتر ءَ آئی ءَ وتی درشان ھم شاتمانی کتگ –

دنیا ءِ سیرتریں مردم ایلون مسک ءِ گور ءَ ٹوئٹر ءِ بھاداری ءِ ڈیل ءَ برجم دارگے یک روچے پش کپتگ-

ھبررساں ادارہ اے ایف پی ءِ رد ءَ اگاں ایلون مسک ءَ داں آدینگ ءَ آدینگ ءِ روچ ءَ ٹوئٹر ءِ ھیڈ کوارٹر ءَ نہ شت گڈی پیسلہ ءِ نشان نہ جت گڑا جج اے ڈیل ءِ دیم ءِ پیسلہ ءِ واستا ٹرائل ءَ بندات کنت-

ایلون مسک ءَ چل ءُ چار ارب ڈالر ءَ دنیا ءِ مستریں سوشل میڈیا کمپنی ءِ زیرگ ءَ پد نی آئی ءِ نھاد گیش اِنت ءُ آئی ءِ دروگیں بوٹس اکاونٹس ءِ بارو ءَ سرجمیں راستی نیست اَنت-

مسام ءِ ھلاد کنگ ءِ جھد ءِ چارگ ءَ ٹوئٹر ءِ انتزامیہ ءَ گپ دیم ءَ آورتگ ات کہ ایلون مسک ڈیل ءَ برجاہ بہ دار ایت-

ھمے سال ءِ اپریل ءَ بندات بیتگیں گپ ءُ تران چار شمبے ء؛ روچ ءَ ایلون مسک ءَ وتی ٹوئٹر پروفائل ءَ چیف ٹوئٹ مٹ کتگ ءُ کمپنی ءِ کیلیفوعمیا ھیڈ کوارٹر ءَ چہ یک سنکے چست کتگ ءُ رواجی تامرے شنگ کتگ ءُ اے اشارہ داتگ کہ مسام شر اِنت-

اے گپ ءَ پد آئی ءَ یک دگہ ٹوئٹے کتگ ءُ گوشتگ کہ مروچی ٹوئٹر ھیڈکوارٹر ءَ شریں مردماں گوں دوچاری بیتگ-

یونیورسٹی آف کیلیفورنیا ءِ کانون ءِ پروفیسر ایڈم بداوی ءَ اے ایف پی ءَ گوں گوشتگ منی نز ءَ آدینگ ءَ مارا اے ھال اشکنگ ءَ بیت اِنت ایلون مسک ءَ ٹوئٹر ءِ کنٹرول سنبھال اتگ-

دگہ پنچ نودربرانی دزگیری ءَ پد آوار جنگ بیتگیں نودربرانی کچ دوازدہ ءَ سر بیتگ اَنت-

گوستگیں روچ ءَ زاھدان یونیورسٹی آف میڈیکل سائنسز ءِ دیم ءَ زھرشانی کنوکیں نودربرانی سر ءَ پولیس ءُ دگہ ادارھاں بیڑ برتگ ءُ دگہ پنچ کس آوار جتگ ءُ برتگ اَنت-

اے زھرشانی گوستگیں روچاں روکپتی بلوچستان ءَ گیش کپتگیں آوار جنیانی پژدر ءَ بیتگ ءُ چریشی ءَ چہ اے چیزوکے روچانی توک ءَ زاھدان یونیورسٹی آف میڈیکل سائنسز ءِ دوازدہ نودربر آوار جنگ بیتگ اَنت ءُ اشانی توک ءَ جنکین نودربر ھم ھوار اَنت-

اے پنچیں نودربرانی پجار کردستان ءَ سیادی داروکیں ششمی سمسٹر ءِ نودربر مھمد مبین امین بیگی، فزیوتھراپسٹ ءِ نوادربر آرین رفعت جھمنند زاھدان، ششمی سمیسٹر ءِ فزیوتھراپسٹ ءِ نودربر احمد ھزانہ دار، فائنل سمسٹر میڈیکل ءِ نودربر مھمد فرزی جھمنند روکپتی اذدربائیجان ءُ زاھدان ءِ جھمنند بھرام ءِ ناماں زانگ بیتگ اَنت-

روکپتی بلوچستان ءَ سی ستمبر ءَ بنا بیتگیں زھرشانیاں پد داں انگت ءَ باز مردم گرگ ءُ برگ بیتگ اَنت کہ اشانی ھجگیں جنک ھم ھوار اَنت-

گوستگیں روچاں زاھدان یونیورسٹی ءِ میڈیکل سائنسز ءِ نودربر نادر آسکانی، مریم ھاشمزئی، یاسین نوروزی، مھدء سپاھی، سھیل ملاشاھی ، ھاپز سینا دھواری، سھیل اکبری، جعفر زومکزئی ءِ ناماں زانگ بیتگ ات اَنت-

چاگردی رسانکجاھاں شنگ بیتگیں تامر بنداں گندگ بیت اِنت زاھدان یونیورسٹی ءَ نودربرانی زھرشانی ءُ پد ءَ پولیس ءِ بیڑانی توک ءَ گر ءُ چل ھم گندگ بنت –

پاکستانی پوج ءَ چہ ھاران ءَ دگہ یک ورنایے آوار جتگ ءُ ناشناسیں جاھے ءَ برتگ-

سربوتگیں ھالانی رِد ءَ گوستگیں روچ ءِ بیگاہ ءِ وھد ءَ ھاران قلعہ ھند ءَ برجاھیں یک لوگے ءِ سر ءَ سی ٹی ڈی ءَ بیڑبرتگ ءُ اللہ نور ء حسن نور نامیں ورنایے آوار جنگ ءَ پد ناشناسیں جاھے ءَ برتگ-

ھاران ءَ بیست ءُ چار کلاکانی تہ ءَ زورانسری آوار جنی ءِ شش کیس رپورٹ کنگ بیتگ- گوستگیں شپ ءَ۔پاکستانی پوج ءَ سے مردم جابر یلانزئی ء پزیر احمد، نجیب اللہ یلانزئی ء محمد حسین ءُ شفقت یلانزئی ء عبدالرحیم وھدے کہ ھاران ءَ ھم یوسف بادینی ءُ پرویز بادینی ء فیض محمد بادینی آوار جتگ ءُ ناشناسیں جاھے ءَ برتگ اَنت –

چہ ھاران ءَ بیگواھیں جابر یلانزئی ءُ نجیب اللہ یلانزئی رند ءَ یل کنگ بیتگ اَنت وتی لوگاں سر بیتگ اَنت وھدے کہ چہ ھاران ءَ یک روچے ءِ میان ءَ آ دگہ بیگواھیں چاریں مردم انگت یل کنگ نہ بیتگ اَنت-

ھمے وڑ گوستگیں روچاں پاکستانی پوج ءَ چہ کراچی ، شال ءُ وندر ءَ چار بلوچ ورناہ آوار جتگ ءُ ناشناسیں جاھے ءَ برتگ اَنت، آیانی تہ ءَ چہ کراچی ءَ چاکر جھمنند بلیدہ کیچ چہ شال فیصل ء رمضان محمد شہی ءُ چہ وندر سعود ءُ آئی سیادے ھوار اَنت-

زانگ بہ بیت کہ سرجمیں بلوچستان ءَ ھمکروچی ھساب ءَ زورانسری آوار جنی کیس رپورٹ بیتگ اَنت- ھمے ھپتگ ءَ بلوچستان ءِ جتائیں دمگاں کیس رپورٹ بیتگ اَنت چہ اود ءَ پوج ءَ مردم زورانسری آوار جنی ءِ نشانگ کتگ اَنت-

ما پولیس مدامی مکن کتگ کہ آ بلوچ راجی زرمبشت ءِ بگیری ءَ مہ رو انت- جیئند بلوچ

سربوتگیں ھالانی رِد ءَ گوستگیں شپ ءَ ناشناسیں مردماں بولان ءِ دمگ ڈھاڈر ءَ پولیس تانہ ءِ سر ءَ دز بمب اُرش ءِ کتگ – اُرش ءَ پولیس ءَ جانی ءُ مالی تاوان رستگ ءُ ارشکار در آھگ ءُ رؤگ ءَ سوبمند بوتگ انت –

دومی نیمگ ءَ بلوچ لبریشن آرمی ءِ جارکش ءَ رسانکدراں وتی شنگ کرتگیں درشان ءِ تہ ءَ اے اُرش ءِ زمہ واری من اِتگ –

بلوچ لبریشن آرمی ءِ جارکش جیئند بلوچ ءَ وتی درشان ءِ تہ ءَ گوشتگ کہ مئے سرمچاراں گوستگیں شپ ءَ بولان ءِ دمگ ڈھاڈر ءَ پولیس تانہ ءِ سر ءَ دزبمب اُرش ءِ کُتگ، اُرش ءِ آسر ءَ یک پولیس کارمند ءِ مُرتگ وھدیکہ تانہ ءَ سک باز تاوان رستگ –

جارکش ءَ گوشتگ کہ بلوچ جھد کاراں پولیس تانہ ءِ سر ءَ ھمے سوب ءَ اُرش کتگ کہ پولیس پاکستانی پوج ءِ کمکار انت – ما پولیس مدامی مکن کتگ کہ آ بلوچ راجی زرمبشت ءِ بگیری ءَ مہ رو انت اگاں ناں گڈا آھانی سر ءَ ترندتریں اُرش کنگ بیت اِنت –

جارکش ءَ گڈسر ءَ وتی درشان ءِ تہ ءَ گوشتگ کہ اے اُرش ءِ زمہ واری ءَ بلوچ لبریشن آرمی منّیت ءُ وتی مکسدانی سوبین بوگ ءَ تاں زورگیریں پوج ءُ آئی کمکارانی سر ءَ مئے اُرش ھمے داب ءَ برجاہ مان انت –

کتاب: The Broken Wings | پرشتگیں بانزُل

چمشانکار: شھباز گنی

دی بلوچستان پوسٹ

“دی بروکن وِنگز” بِزاں پرشتگیں بانزُل یک کسانیں گِدارے پرشتگیں بانزُل ھلیل جِبران ءَ نِبیس اِتگ،کہ آ دنیا ءِ تہ ءَ یک شاھکاریں گِدار نبیسے ،ءُ آ نبشکاری ءَ ابید یک جوانیں آرٹسٹ ءُ پلاسپرے، اے گِدار ھلیل جبران ءِ راستیں زندگی ءَ گوں بندوک اِنت، ءُ اے جبران ءِ زندگی ءِ یک پِراہ ءُ شاھگانیں بھرے کہ آئی ءَ پرشتگیں بانزُل گوں وتی سِتک ءُ دِل ءَ پہ وتی مھر ءُ زند ءِ ھمراہ “سلما ” ءِ ھمراھی ءِ سر ءَ نِبشتہ کُتگ،سلما ءَ ھلیل ءَ را زندگ بوگ ءِ سِکین دات ءُ آئی ءَ را بے کِساسیں مھر داتگ۔

بندات ءَ ھلیل یک گریب ءُ بزکاریں مردمے اَت، آ کسانی ءَ گوں لبزانک، آرٹ ءُ پلسپہ ءِ سَک شوک بوتگ۔ یک روچے ھلیل اچ وتی لوگ ءَ گِستا یک راھسرے ءَ گوں یک پیر مردے پجاروکی بوت کہ آ ھلیل ءِ پِت ءِ یک جوْانیں سنگتے اَت، پیر مرد ءَ ھلیل ءَ آئی ءِ لوگ ءَ روگ ءِ سلاہ جَت یک روچے ھلیل چوناھا پہ تَرّ ءُ گرد ءَ آئی ءِ لوگ ءَ شُت، پیر مرد ءِ لوگ ءَ ھلیل ءِ چَماں وش دروشمیں زالے ءَ کَپت ، آ ھمے پیر مرد ءِ چُک اَت ءُ آئی ءِ نام “سلما ” اَت، بِزاں کہ ھلیل ءِ زِند ءِ ھمسپر ءُ یک ءُ تھنائیں مھر اَت، ھلیل ھمے روچ ءَ پد سلما ءِ دیوانگ جوڑ بوت۔ اچ اے روچ ءَ چہ پد ھلیل ھر روچ پیر مرد ءِ لوگ ءَ شُت ءُ سلما ءِ دیدار کُت ءُ وتی دل ءَ را تاھیر بکشات، لھتیں روچ ءَ چہ پد، سلما گوں ھلیل ءَ رازیگ بوت ءُ وتی زِند ءُ جِند ءِ سودا کُت۔

ھلیل ءُ سلما ھر روچ نِشت ءُ دیوان کُت ءُ وتی مھر ءَ گوں ھمراھی اِش کُت۔ ھر روچ وتی دوستی ءِ کِسہ اِش آؤرت ءُ گُشت اِش کہ مئے زندگی نو ھمے وڑ ءُ ڈول ءَ گوز اِیت، آیاں ھمے پیسلہ کُت کہ ما وت ماں وت ءَ سور کن ایں، بَلے ھلیل یک سکیں گریبیں مردے اَت ءُ سلما ءِ سور گوں پادری ءِ برازتک ءَ بوت لھتیں روچ ءَ چہ پَد، سلما ءِ پِت ءَ دنیا بدل کُت۔

سلما ءِ لوگ واجہ سکیں سِلّیں مردکارے اَت ءُ سلما گوں آئی ءَ سک نا وش اَت سلما ءَ ھچ وشی رسگ ءَ نہ اَت ءُ ھمے درمیان ءَ سلما ءُ ھلیل یک چیر اندریں جاھے ءَ نِشت ءُ دیوان کُت، سلما ءِ لوگ واجہ ءَ سلما ءِ سر ءَ وتی نزر انچو ایر کُت بَلے انگت ءَ سلما ءَ آئی ءِ ھچ چارگ نَہ کُت ءُ ھلیل ءَ گوں نشت ءُ دیوان کُت۔
لھتیں ماھانی گوزگ ءَ پَد سلما ءَ را چُکے لاپ ءَ کَپت، سلما گوں اے وڑیں مردے ءَ نندگ ءُ وَپت ءُ واب کنگ ءَ سک گمیگ اَت ءُ لھتیں روچ ءَ چہ پد سلما وتی چک ءِ پیداک بوگ ءِ وھد ءَ وپات بوت، سلما ءِ وپات بوگ ءِ ھال ءَ ھلیل ءِ دِل ءَ یک بے ایمنیں دردے پیداک کُت ءُ ھلیل وتی زندگی ءَ ھر چیز ءَ چہ زِبھر بوت-

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

روکپتی بلوچستان ءِ بنجاھی شھر زاھدان یونیورسٹی ءَ چہ پنچ نودربر بیگواہ، نودربرانی زھرشانی-

زاھدان یونیورسٹی ءَ چہ زیک ءَ بہ گر داں مروچیگ ءَ شش نودربر آوار جنگ بیتگ اَنت کہ اشانی توک ءَ دو بچک ءُ سَے جنک ھوار اَنت-

آوار جنگ بیتگیں نودربرانی پجار مھدی ءُ سھیل ءِ ناماں زانگ بیتگ اَنت ءُ دگہ دو جنکانی پجار نہ بیتگ اَنت-

ھمے وڑ ءَ چد ءُ پیسر بزانکہ گوستگیں روچ ءَ زاھدان ءَ دولتی نرجس ءَ ھم یک جنکیں نودربرے ایرانی چیریں ادارھاں آوار جتگ ءُ بیگواہ کرتگ –

آئی ءِ پجار یاسمین ءِ نام ءَ زانگ بیتگ ءُ چریشی ءَ پیش پیش ؤانگجاہ ءِ پرنسپل رھوت کنگ بیتگ ءُ پد ءَ چیریں ادارھاں وانگجاہ ءِ سر ءَ بیڑ برتگ ءُ یاسمین آوار جتگ ءُ بیگواہ کرتگ-

ھالانی رد ءَ مروچی دگہ چار نودربرانی آوار جنگ ءِ ھلاپ ءَ زاھدان سائنسز آف میڈیکل یونیورسٹی ءِ نودربراں زھرشانی کتگ ءُ یونیورسٹی انتزامیہ ءِ گیٹ ءِ دپ ءَ اوگام جنان ءَ نودربرانی یل کنگ ءِ لوٹ کتگ-

زانگ بہ بیت گوستگیں روچ ءَ ھم زاھدان میڈیکل آف سائنسز ءِ نودربر نادر آسکانی چیریں ادارھاں آوار جتگ ءُ برتگ ات-

روکپتی بلوچستان ءَ ودی بیتگیں شورش ءَ پد بازیں کچے ءَ مردمانی آوار جنگ ءُ بیگواہ کنگ ءِ درچ یکشل ءَ برجاہ اَنت-

آیانی گوشگ اِنت اے نودربرانی سر ءَ ایرانی چیریں ادارھانی بھتام اِنت کہ آیاں زھرشانی ءُ دگہ دگہ ناشریاں بھر زرتگ-

بلوچ یکجھتی کمیٹی ( کراچی ) ءِ جارکش ءَ وتی شنگ کتگیں درشان ءِ تہ ءَ گْوشتگ کہ مئے گپ ءُ رپ سندھ ھکومت گوم ءَ برجاہ بیتگ کہ آیاں ماری پوری ءَ ھوار کراچی ءِ دگہ دمگاں چہ بیگواھیں مردمانی یل کنائینگ ءِ باور کنائینتگ ءُ مارا اے گْوشگ بیتگ ما وتی برجاھیں نندانک ءَ ھلاس بہ کن اِت وتی لوگاں بہ رو اِت آ سرجمیں مردمانی یل کنائینگ ءَ وتی کرد ءَ پیلو کنت بلے پد ءَ ھما وڑ بیت کہ چو مدامی بوگ ءَ اِنت اے گپ تھنا گپاں تاں مھدود بیتگ اَنت ءُ اشانی سر ءَ ھچ وڑیں گامگیج زورگ نہ بیتگ بلکیں ھمے مردمانی نام ما سندھ ھکومت ءَ داتگ اشانی یل کنگ وتی جاہ گوستگیں روچاں دگہ گیش مردم زورانسری آوار جنی ءِ نشانگ کنگ بیتگ اَنت-

جارکش ءَ دیمتر ءَ گْوشتگ کہ چہ لیاری سرگوات ءَ گلشاد ء دلوش 26 ستمبر ءَ وتی لھتے سنگتانی ھمراھی ءَ ملیر ءَ واتر وتی لوگ ءَ آھگ ءَ بیتگ اَنت کہ آ سنگت سراج ھمراھی ءَ سی ٹی ڈی ءَ راہ نیم ءَ اوشتارینتگ زورانسری آوار جتگ- سراج دو روچ ءَ ساری یل کتگ بلے گلشاد درگت ءَ ھچ وڑیں ھال نیست آ کجا اِنت کجام جاور تہ ءَ اِنت- گلشاد یک نودربرے ءُ ما اے گپ ءَ پدر کن ایں اگاں گلشاد ھرچ وڑیں بھتامے ھست آئی ءَ کورٹ ءَ پیش بکن اِت ءُ جرم ءَ پدر بکن اِت، بلے وڑ راہ ءَ اوشتارین زورانسری آوار جنگ اے وت آئین ءُ کانود ءِ بگیری اِنت، ھمے وڑ سعود ناز نامیں ورنایے زی بیگاہ ءِ وھد ءَ چہ وندر ءَ آئی ءِ لوگ مردمانی دیم ءَ زورانسری آوار جتگ ءُ بیگواہ کتگ اَنت نو آ کجا اِنت کس نزانت- زانگ بہ بیت سعود ناز ایف سی سی نودربرے- اگاں گلشاد، سعود ناز ءُ آیانی ھمراھی ءَ دگہ بیگواھیں مردمانی سر ءَ بھتام ھست گڑا آیاں کورٹ ءَ بیار اَنت ءُ آیانی جرم ءَ کورٹ دیم ءَ پدر بکن اَنت ءُ پد ءُ اشی ھما سزا ءَ دے مارا کبول اِنت – بلے اے وڑ بے کانودی زورانسری آوار جنگ ھچ وڑ کبول نہ اِنت-

جارکش ءَ گْوشتگ کہ ما ھکومت سندھ ءَ لوٹ کن ایں کہ آ گلشاد، سعود ناز ءَ ھوار دگہ بیگواھیں مردماں زوت ءَ چہ یل بہ کن اِت اگاں دگہ بیگواھیں مردم یل کنگ نہ بیت اَنت گڑا ما اشی ءِ بگیر ءَ یک مھکمیں زرمبشتے بندات کن ایں ءُ اشی ءِ بگیر ءَ وتی آؤکیں شوربندی ءَ تیار کن ایں زھرشانی ءُ روانکانی جار ءَ جن ایں- ما اُمیت کن ایں کہ ھکومت سندھ جوانیں وڑے ءَ وتی کرد ءَ پیلو کنت-

چہ شعبہ بلوچی شال ءِ نیمگ ءَ شنگ بیتگیں ھالانی رد ءَ مروچی بزاں بیست ءُ شش ستمبر دوھزار ءُ بیست ءُ دو ءَ بلوچی زبان ءِ زالبولیں نبشتہ کاراں ھواریں بانک زاھدہ رائیسی ءُ بانک ماہ نور بلوچ ءَ ماں شعبہ بلوچی ءِ نیمگ ءَ زبانی ایم فل چکاس سوبمند کتگ-

شنگ بیتگیں ھال ءِ تہ ءَ گیش گوشگ بیتگ کہ بانک زاھدہ رئیسی ءَ ما بلوچی زبان ھزمت گزار ڈاکٹر حامد علی بلوچ ءِ چیردستی ءَ بلوچی گالوارانی بنرھبند دیم پہ دیمی وانشت کتگ ءُ چریشی ءَ چہ آ سوبمند بیتگ –

ھمے وڑ ءَ بانک ماہ نور بلوچ ءَ ماں ڈاکٹر نسرین گل ءِ چیردستی ءَ گل خان نصیر ءِ شائری ءَ دیمروئی پسند لیکہ ءِ سر ھاک ءَ وتی تھیسز نبشتہ کرتگ-

ھمے وھد ءَ دری تپاسکار ڈاکٹر رمضان بامری ءُ ڈاکٹر طاھر حکیم ھم جاڑیگ بیتگ اَنت-

اشاں ھوار ھوار وائیوا ءَ ڈین ریسرچ ڈاکٹر اعظم طاھر،ڈین فیکلٹی ڈاکٹر نصیب اللہ سیماب ءُ شعبہ بلوچی ءِ سرکماش ڈاکٹر رھیم مھر جاڑیگ بیتگ اَنت-

شعبہ بلوچی بلوچستان ءِ بنجاھی شھر شال ءَ اِنت کہ اود ءَ بلوچی زبان ءِ سر ءَ پٹ ءُ پول ءُ کتاباں ھوار ھوار زبان ءِ دیمروئی ءِ واستا کار بوگ ءَ اَنت-

شبعہ بلوچی ءِ سروکی ءَ بلوچی زبان ءِ مزن نامیں رجانکار ءُ پٹ ءُ پول ڈاکٹر رھیم مھر کنگ ءَ اِنت کہ چریشی ءَ چہ بازیں نودربراں وتی وتی چکاس ماں بلوچی ءِ گھتری ءَ سوبمند کتگ اَنت-

ایران ءِ پولیس ءِ بندیگجاہ ءَ بندیگیں مھسا امینی ءِ مرگ ءَ چل روچ سرجم بیگ ءَ بازیں شھدربرجاھاں ترندیں کریک ڈاؤناں ابید زھرشانی اش کتگ-

ھبر رساں ادارہ اے ایف پی ءِ رد ءَ شھید چمران اھواز یونیورسٹی ءِ نودربراں سَے شمبے ءِ روچ ءَ ھنچیں اوگام جتگ ’ یک نودربرے وتی ساہ ءَ دات کنت بلے کمشرپی ءَ اوپار کت نہ کنت ‘-

زانگ بہ بیت گوستگیں ماہ ءَ مھسا امینی ءِ مرگ ءَ پد زھرشانیانی توک ءَ وانگجاھانی جنک ءُ زالبول درستاں پیش پیش بیتگ اَنت-

بیست ءُ دو سالی ئیں مھسا امینی ءِ سیادی ایران ءِ کردستان ءَ بیتگ کہ آ برکہ ءِ سر ءَ نہ کنگ ءِ پژدر ءَ پولیس ءِ دزگیری ءِ وھد ءَ پد بیران بیتگ – مھسا امینی ھما وھد ءَ گرگ بیتگ ات کہ آ ایران ءِ بنجاھی شھر تھران ءَ وتی برات ءِ گندگ ءَ اتکگ بیتگ –

انسانی ھکانی باسکانی گوشگ اِنت کہ ایران ءَ سیکورٹ ایجنسیاں مھسا امینی ءِ کھول ءِ مردم آئی ءِ چِلاں پرس نہ دارگ ءِ گوشتگ ءُ بیھار داتگ ءُ گوشتگ مردم آئی ءِ ادیرہ ءِ سر ءَ مہ رو اَنت اگاں نا گڑا آیاں وتی زھگ ءِ زندگی ءِ بارو ءَ بازیں پریشانیانی دیمپانی کنگ کپ ایت-

مروچی چار شمبے ءَ مھسا امینی ءِ مرگ ءَ چل سرجم بیتگ ءُ ایران ءِ دودمان ءَ پرس ءِ گڈی روچ دارگ بیت اِنت –

چاگردی رسانکجاھاں لھتے تامربنداں گندگ بیت اِنت تھران ءَ شھید بھشتی یونیورسٹی، خواجہ نصیر طوسی یونیورسٹی ءَ شھید چمران یونیورسٹہ آف اھواز ءَ نودربر زھرشانی کنگ ءَ اَنت-

اشی ءَ پیسر انسانی ھکانی باسکاں دوشمبے ءِ روچ ءَ بھتام جتگ ءُ گوشتگ کہ سکیورٹی پورس ءَ شھید صدر گرلز سکول ءِ نودربر لٹ ءُ کٹانی نشانگ کنگ بیتگ اَنت-

یک چاگردی رسانکدر چینل “1500 تصویر ” ءِ رد ءَ صدر ھائی اسکول ءِ نودربر پٹ ءُ پول کنگ بیتگ ءُ آ لٹ ءُ کٹانی نشانگ کنگ بیتگ اَنت چریشی ءَ چہ یک شانزدہ سالی جنکوے زدگ بیتگ ءُ نادراہ جاہ ءَ برگ بیتگ-

اے وئیل ءَ پد نودربرانی پت ءُ ماتاں اسکول ءَ ڈن زھرشانی کتگ ءُ سکیورٹی پورس ءَ اسکول ءِ کش ءُ گوری لوگانی سر ءَ تیرگواری کتگ-

دومی نیمگ ءَ ایران ءِ وزارت تعلیم ءَ گوشتگ کہ اے اسکول ءَ نودربرانی پت ءُ مات ءُ اسکول ءِ انتزامیہ ءِ میان ءَ جیڑہ بیتگ کہ اسکول انتزامیہ ءَ موبائل پون ءِ کارمرد کنگ ءَ نیلگ اِنت –

پاکستانی پوج ءَ چہ وندر ءَ دو ورناہ آوار جتگ ءُ بیگواہ کتگ اَنت-

سربوتگیں ھالانی رِد ءَ گوستگیں روچ ءَ بیگاہ ءَ سی ٹی ڈی ءَ بلوچستان ءِ ضلع ھب چوکی ءِ تھسیل وندر ءَ یک لوگے ءَ بیڑبرتگ ءُ دو ورناہ زورانسری آوار جتگ ءُ گوں وت برتگ اَنت کہ آیانی پجّار سعود بلوچ ءُ کامران نور نام ءَ چہ بیتگ اَنت-

سعود میڈیل نودربرے وھدے کہ آ ھمے وھد ءَ گوں سیادے ءِ ھمراھی ءَ وندر ءَ اَتکگ بیتگ-

زانگ بہ بیت سرجمیں بلوچستان ءَ یکرندے پد ءَ پاکستانی پوج ءِ دست ءَ زورانسری آوار جنی وئیل ءِ تہ ءَ گیشی گندگ بیگ ءَ اِنت-

ھمے ھپتگ ءَ بلوچستان ءِ جتائیں جاھاں درزنے مردم زورانسری آوار جنی ءِ کیسز نکش کنگ بیتگ اَنت- وھدے کہ پوج ءَ حفیظ ء روزی خان ءُ ھاران ءَ دو برات یوسف بادینی ءُ پرویز بادینی ء فیض محمد بادینی آوار جتگ ءُ گوں وت برتگ اَنت-

ھاران ءَ بیست ءُ چار کلاکانی تہ ءَ آوار جنی ءِ پنچ کیس نکش کنگ بیتگ- گوستگیں شپ ءَ پاکستانی پوج ءَ سے مردم جابر یلانزئی ء پزیر احمد، نجیب اللہ یلانزئی ء محمد حسین ءُ شفقت یلانزئی ء عبدالرحیم آوار جتگ ءُ ناشناسیں جاھے ءَ برتگ اَنت-

اشانی تہ ءَ جابر یلانزئی ءُ نجیب اللہ یلانزئی گوستگیں روچ ءَ آجو بیتگ اَنت وھدے کہ سیمی مردم انگت بیگواہ ءَ اِنت-