تَمردیں سرمچار
نبشتہ کار : واجد شئے بلوچ
دی بلوچستان پوسٹ
شھید شادین جان اُرپ ءِ اورنگزیب جان گوں وتی کسانیں بالاد ءَ یک مزنیں کردے پہ وت ءَ جوڑ ئِے کُرتگ ات پہ وتی ماتیں گلزمین بلوچستان ءِ آجوئی ءِ راہ ءَ سر کپت ءُ سلاہ بند بوت ءُ کوہ ءَ شُت گوں وتی ھمراہ ءُ ھمکوپگاں ھر وھد ءَ برے اے کوہ ءَ برے ءَ کوہ ءَ گون دژمن جنگ کنگ ءَ اَت ۔ شھید شادین جان تئی شھیدی ءَ 5 سال سرجم اِنت-
بلے تو انگت مئے دلانی تہ ءَ ھمک رُستگیں تجگ ءَ نوک رُستے ترا ما یات کن ایں پرچا کہ تو یک انچیں کار ءِ کتگ کہ ما ترا ھچبر بے ھیال نہ کن ایں داں کہ اے جھان ھست اِنت تو ابدمان ءُ نمیران ئے کہ آجوئی ءِ راہ ءَ شھید بیتگیں آجوئی ءِ راہ ءَ شھید بوتگیں ھمبل اَبدمان بنت آ ھر وھد ءَ زندگ بنت شادین جان اے کسانیں اُمر ءِ تھ ءَ سر پہ وتی ماتیں سرڈگار ءِ ھاترا ندر کُت مارا ایمان اِنت وتی شھیدانی ھونانی سرا کہ پہ مئے باندات آجو بیت-
مئے تمردیں ھمبل کہ وتی زند ءِ درائیں واھشتاں یل کن اَنت وتی میتگ وتی گس وتی مات ءُ گوھاراں ھم یل کتگ پہ آجوئی ءِ راہ ءِ سرا گپتگ انت ۔
شھید شادین جان ءُ شھید گلشیر ، شھید مھیم جان ءُ شھید راشد جان گون دژمن جنگ دے اَنت ءُ دژمن ءِ بازیں کارمندے جنگ بیت ءُ بازیں ٹپی بیت ءُ شھیداں داں گُڈی تیر ءَ جنگ دات ءُ شھید بوت اَنت پہ مادریں وتن ءِ رکینگ ءِ ھاترا شھید شاہدین جان ءِ وڑیں بازیں نوجواناں ھمے آجوئی ءِ راہ ءَ شھید بیتگ اَنت ءُ بازیں زنداناں بندیگ اَنت بازیں نوجْوانے گوں مھکمی ءَ سنگر ءَ نشتگگوں دژمن ءَ جنگ کنگ ءَ اَنت-
اے شھیدانی ھونانی برکت اِنت کہ مرچی ریاست ءِ پاکستان انچو مجبور اِنت دگہ ھَچ راہ ءُ در نہ گند ایت روچے یک ھُنرے ساز اِیت جُھد ءِ دارگ ءِ واستا بلے روچ پہ روچ مئے جُھد مھکم بوان اِنت ءُ ریاست ءِ پاکستان بے سوب بوگ ءَ اِنت-
بلوچستان ءِ آجوئی ءِ واستا دانکہ بلوچے یک زھگے پشکپ ایت انشااللہ وتی جُھد ءَ برجم دار اِیت پاکستان ءِ ھلاپ ءَ جد ءُ جھد کنت مرچی اگاں جنگ اے جاہ ءَ سر بوتگ نوں ھر بلوچ ورنا ءَ پہ وتی سرڈگار ءِ آجوئی ءَ جھد کنگ لوٹ اِیت پرچہ کہ چو دل ءَ دلجم اَنت آجوئی ھون لوٹ اِیت دانکہ آجوئی ءِ واستا کُربانی نہ داتگ ھُشکیں دست ءَ آجوئی نہ رس ایت ۔تاریک ءَ ما بچاران کجام کَوماں وتی آزادی گپتگ نوجْوان کُربانی داتگ انت پیر ءُ کماشاں ،مات ءُ گوھاراں داتگ بلے نوجوانی لڑاں بچاراں گیش بوتگ اَنت انکلاب ءَ نوجْوان کار اَنت ھمے واستا ریاست گیش ءَ چہ گیش نوجْوان ءَ گمراہ کنگ ءِ جُھد ءَ کنت نشہ آماچے کنت دانکہ انچو برباد بہ بیت ءُ گلامی ءِ زنجیراں بہ بنت دگہ ھچ ءَ سرپد مہ بنت وانگجاھاں بند کنت وانگ ءَ چہ دُور اش کنت مرچی مئے وش بَھتی اِنت اے انٹرنیٹ ءِ وھد ءِ تھ ءَ مئے بلوچانی نوجوان بازیں چیزاں سرپد اَنت تاریک ءَ سرپد اَنت-
شھید شادین جان ءِ وڑیں نوجوانانی کربانی اَنت کہ دگہ ھزاراں شادین جوڑ کن اَنت ءُ پد ءَ ھما ورنا جنگ ءَ دیم ءَ بر اَنت داں کہ آجوئی ءَ اے جنگ ھمے وڑ روان کنت- آجو زندگ بات۔
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔
