بلوچ لبریشن آرمی ءِ میڈیا چینل ‘ھکل’ ءَ انفوگرافکس ءُ گل ءِ شش ماھانی کارروائیانی سر ءَ نبشتہ رپورٹ شنگ کتگ۔ شش ماھانی تہ ءَ 369 لشکری اُرشانی تہ ءَ دژمن ءِ لشکر، انٹیلی جنس ایجنسی ءُُ آھانی دمگی آسراتی ءِ 884 کارندہ کشتگ انت۔ بی ایل اے
ھکل ءِ نیمگ ءَ شنگ بوتگیں رپورٹ ءِ تہ ءَ گشگ بوتگ کہ بلوچستان ءِ تیابدپی دمگ ءَ کوھی دمگ ءُ شھری بنجلاں زورگیریں پاکستانی لشکر ءِ سر ءَ ترندیں ءُ ھترناکیں اُرشانی تہ ءَ پشتکنزی کنگ ءُ پروشی ءِ دیمپان کتگ۔ یک مھکم فوجی ھکمت املی ءُ ھواریں گل ءِ پالیسی ءِ رد ءَ بی ایل اے ءِ کارروائی نہ ایوک ءَ دائرہ کار ءَ گیش کنگ بوتگ بلکیں ترندیں ءُ ھترناکیں اُرشانی تہ ءَ ھم گیشی بوتگ۔ گل ءِ سروکاں آپریشن ءِ وھد ءَ زورگیریں پاکستانی لشکر ءِ مھکمیں چھاؤنی ءُ فوجی بنجلانی سر ءَ سوبمندیں رنگے ءَ نشانگ جوڑ کتگ ءُ تباہ کتھ ءُ ھمے وھد ءَ بلوچ نسل کشی ءَ براہ راست ھواریں دژمن ءِ انٹیلی جنس ایجنسیانی نیٹ ورک ءِ سر ءَ اُرش کتگ ءُ آیانی کارندھاں وتی کارگسانی تہ ءَ پترتکگ ءُ گڈی آسری ءَ سر کتگ –
رپورٹ ءِ تہ ءَ گیش گْوشگ بیتگ کہ اے اُرشانی تہ ءَ بی ایل اے ءِ سرمچاراں دژمن ءِ نوکیں ءُ مھکمیں سیکورٹی باڑ ءِ سر ءَ جوانیں رنگے ءَ سرگوز کتگ آیانی درجناں فوجی کارندہ کُشتگ اَنت ءُ آیانی فیلڈ موومنٹ ءُ سر ءُ پر گیشتر بندش جتگ۔ دومی نیمگ ءَ گچینی جنگی ھکمت املی ءِ رد ءَ مزنیں شھدگانی سر ءَ ” زرکاری بندش“ ءِ پالیسی ءِ سر ءَ امل کنگ بوت کہ ایشی ءِ وسیلگ ءَ زورگیریں ریاست ءِ سپلائی لائن ءُ بلوچ مڈیانی پُل ءُ پھانچیاں ہواریں لُٹ ءُ پُل کنوکیں کمپنی نشانگ جوڑ کنگ بوتگ انت کہ چہ ایشی ءَ آھاں مزنیں زرکاری تاوان رس اتگ۔
رپورٹ ءِ رد ءَ گوستگیں شش ماہ ءِ تہ ءَ بلوچ لبریشن آرمی ءَ سرجم ءَ 369 جنگی اُرشانی تہ ءَ دژمن ءِ لشکر ءِ 884 کارندہ، انٹیلی جنس ایجنسی ءُ آھانی دمگی آسراتی کار کُشتگ اَنت کہ ایشانی تہ ءَ 43 دژمن ءِ کمک کنوکیں ایجنٹ ھوار اَنت۔ اے درستیں کارروائیانی آسر ءَ زورگیریں لشکر ءِ 248 ءَ چہ گیش کارندہ کشتگ انت ءُ نباشد ھم سک ٹپیگ کتگ اَنت۔
“اے آپریشنانی وھد ءَ سرمچاراں زورگیریں لشکر ءُ آئی ءِ چیر دستی ءِ فوجی گلانی نیمگ ءَ چہ 277 نوکیں سلاہ ءُ مزنیں کساسے ءَ جنگی سامان دست کپتگ اَنت۔ایشی ءَ ابید دژمن ءِ 71 اسٹریٹجک جاھانی سر ءَ سرجمیں کنٹرول دستیگ کتگ انت، ایشانی تہ ءَ زورگریں لشکر ءِ بنجل، پولیس ءُ لیویز ءِ بنجل، پھزداری چوکی، ڈیتھ اسکواڈ ءِ چیرین بنجل ءُ رھوتی راہ پروشتگ پشت ءُ ماں پشت ءَ چاردہ شھراں کنٹرول کنگ ھوار انت – زرکاری ناکہ بندی ءِ یکشلیں بنجلانی شھدگانی سر ءَ 122 ءَ گیش جاہ ناکہ بندی برجاہ داشتگ دشمن ءِ لشکری رسد داشتگ انت ءُ 23 گچینی پھل تراکاں گوں تباہ کتگ انت- 16 جاھاں سوبندیں چھاپہ کاروائی کنان ءَ زورگریں پوج ءِ کارندھاں ھوار 125 چاریگ دستگیر کتگ انت”-
دیمتر ءَ گْوشگ بیتگ کہ اے شش ماھانی تہ ءَ جتا جتائیں ڈولاں 125 بارودی ءُ مائن تراک دژمن ءِ پھریزگ گاڑی ءُ کارواناں نشانگ جوڑ کتگ انت۔ اے اُرشانی تہ ءَ 305 گاڑی، 22 نوکیں کواڈ کاپٹر، 10 ھائی ٹیک سرویلنس کیمرہ، 15 ٹرانسمیشن لائن ءُ دژمن ءِ لشکر ءُ ریاستی زرکاری نیٹ ورک ءَ گوں سیادی داروکیں نگرانی ٹاور تباہ کنگ بوتگ اَنت، وھدیکہ 2 ٹرین ءَ ھوار 25 ریل ءِ ٹریک ءِ سامان سرجمی ءَ ناکارہ کتگ اَنت۔
رپورٹ ءِ رد ءَ بلوچ لبریشن آرمی ءِ فدائی یونٹ ”مجید بریگیڈ“ ءَ 15 جتا جتائیں جاھاں سکیں مزنیں کچے ءَ فدائین آپریشن کتگ انت کہ ایشی ءِ تہ ءَ سرجم ءَ 52 فدائین ءَ پہ وطن ءِ آجوئی ءِ ھاترا وتی جان ندر کتگ انت۔ اے گپ ءِ ھمراھی ءَ دگہ ھاسیں فورسز ءِ تہ ءَ سروکیں فورس ’فتح اسکواڈ‘ ءَ 12 آپریشن کتگ، ’اسپیشل ٹیکٹیکل آپریشن اسکواڈ‘ (STOS) ءَ 15 آپریشن کتگ، ’کھر‘ ونگ ءَ 4 آپریشن کتگ وھدے کہ ’حمل میری ٹائم ڈیفنس فورس ءِ انٹیجین آپریشن‘ (HMDF) ءَ یک کارروائی کتگ۔ ‘زراب’ ءَ 19 گچینی ءُ ھاسیں انٹیلی جنس ءِ سر ءَ آپریشن ءِ سوبمندیں رنگے ءَ سرجم کنگ ءَ بنیاتی ءُ آسراتی کرد پیلو کتگ انت۔
