بیلہ، ھزدار: پاکستانی لشکر ءُ ڈیتھ اسکواڈ ءِ سروک ءِ بنجل ءِ سر ءَ اُرش

بلوچستان ءِ دمگ بیلہ ءَ کراچی شال ءِ مزن شھدگ ءِ سر ءَ سلاہ بندیں مردماں پاکستانی پوج ءِ کاروان ءِ سر ءَ اُرش کتگ-

اھوالانی رد ءَ اُرش ءَ سکا ترند بوتگ کہ سنگر گپتگیں مردماں کاروان ءِ سر ءَ تراک ءَ پد اُرش کتگ کہ چریشی ءَ بازیں کچے ءَ پاکستانی پوج ءَ جانی ءُ مالی تاوانانی دیمپانی کنگ کپتگ ءُ اُرشکاراں پوج ءِ سلاہ گون وت برتگ-

دومی نیمگ ءَ پوج ءِ بنشون ءَ گوشتگ مزن شھدگ ءِ سر ءَ جاؤ کراس ءَ آپریشن ءِ وھد ءَ یازدہ کارندھانی مرگ ءِ ھال راست کتگ ءُ آئی ءَ گوشتگ پسھی اُرش ءَ پانزدہ سلاہ بند جتگ ءُ زدگ کتگ انت-

بلے لس اھوالانی توک ءَ اے گپ ءِ راستی نہ بیتگ-

دومی نیمگ ءَ ھزدار شھر ءَ ڈیتھ اسکواڈ ءِ سروک شفیق مینگل ءِ بنجل ءِ سر ءَ اُرش ءِ ھم اتکگ انت-

اھوالانی رد ءَ سلاہ بنداں بنجل ءِ بنجاھی گیٹ سلاہ بنداں تراک ءَ گوں تباہ کتگ ءُ پد ءَ تیرگواری ءَ چار آئی ءِ پھزدارانی مَرگ ءِ ھال ھم دیم ءَ آیگ ءَ انت-