.
بلوچ لبریشن آرمی ءِ جارکش جیئند بلوچ ءَ شنگ کتگیں درشان ءَ گوشتگ ھزدار ءِ شھر ءَ ریاستی چریک ءُ بلوچ راجی غدار شفیق مینگل ءِ مستریں فوجی کمپاؤنڈ ءِ سر ءَ فدائی اُرش ءِ زمہ واری بلوچ لبریشن آرمی من ایت ۔ اے اُرش بی ایل اے ءِ فدائی ونگ مجید بریگیڈ ءَ ھما وھد ءَ کتگ کہ شفیق مینگل وتی ڈیتھ اسکواڈ ءِ کارندہانی گوما یک ھاسیں دیوانے ءَ برجاہ بیتگ-
جارکش ءَ گوشتگ آپریشن ھما وھد ءَ بندات بوتگ کہ مجید بریگیڈ ءِ یک بھادریں سنگتے ءَ شورواں پریں گاڑی ڈیتھ اسکواڈ ءِ بنجل ءَ گاڑی یے ٹکر جتگ ءُ ایشی ءِ آسر ءَ کمپاؤنڈ ءِ مزنیں بھرے ءُ درائیں پھریزی جاہ دمان ءَ ھاکاں گون ھوار بوتگ اَنت۔ اے ترندین تراک ءَ چہ پد مجید بریگیڈ ءِ دگہ فدائین سوبمندیں رنگے ءَ کمپاؤنڈ ءِ تہ ءَ سر بوتگ انت ءُُ تاں انوگ ءَ رس اتگیں زانتکاریانی رد ءَ اے آپریشن ءَ ڈیتھ اسکواڈ ءِ بیست ءَ چہ گیش ناشرکار مرتگ انت وھدے کہ شفیق مینگل وت گڈی رپورٹاں تاں اود ءَ بوتگ۔ اے فدائین آپریشن انگت ءَ برجاہ اِنت۔ آپریشن ءِ سرجمی ءَ پد زوتیں وھد ءَ گل ءِ تندجاھی رسانکدر ءَ سرجمیں اھوال دیگ بنت-