بلوچ لبریشن آرمی ءِ جارکش جیئند بلوچ ءَ رسانکدراں شنگ کتگیں یک درشانے ءَ گوشتگ بندات بیتگیں آپریشن ھیروپ ءِ دومی بھر کہ شش روچاں مھکمیں ، شھری جنگی کاروائیاں ھوار بیتگ، بلوچ راجی گھگیری ءِ نوکتریں راجدپترے ءِ شوندات، ترند ءُ مھکمیں لشکری پریام ءِ منانک انت-
جارکش ءَ گوشتگ اے آپریشن 31 جنوری ءِ سھب ءِ ساھت پنچ ءَ بندات بیتگ ءُ 6 فروری ءِ ساھت چار ءَ وتی ٹک ءُ نشانگی جاھاں گوں آسر بیتگ، ھمے وھد ءَ بلوچستان ءِ چاردہ شھراں وتی نشانگ سرجمی کتگ انت-
آئی ءَ گوشتگ بلوچ سرمچاراں ناں تھنا پشت ماں پشت ءَ اُرش کتگ بلکیں دشمن ءِ بازیں چوکی، لشکری کارجاہ ءُ شھری دمگاں گچینی رنگے ءَ کنٹرول برجاہ داشتگ – بازیں شھراں بی ایل اے ءِ سرمچار یکشل ءَ شش روچ ءَ داں زورگریں پوج ءِ پشتکنزی ءَ بیتگ انت چریشی ءِ سبب ءَ دشمن ءَ سیاسی، نپسیاتی ءُ لشکری تَک ءَ بازیں کچے ءَ تاوانانی چِست کنگ کپتگ-
جارکش ءَ گوشتگ آپریشن ءِ وھد ءَ بی ایل اے ءِ کساسی نود ءُ شش سرمچار شھید بیتگ انت چریشانی توک ءَ مجید بریگیڈ ءِ پنجاہ فدائین، فتح اسکواڈ ءِ بیست ءُ شش ءُ اسپیشل ٹیکٹیکل آپریشنز اسکواڈ ( ایس ٹی او ایس ءِ ھبدہ سرمچار ھوار انت-
آئی ءَ گوشتگ اے راجدپتری کاروائی ءَ بی ایل اے ءِ دراھیں یونٹساں بھر زرتگ، چریشانی توک ءَ مجید بریگیڈ، ایس ٹی او ایس، فتح اسکواڈ ،زراب، ( انٹیلی جنس ونگ) ءُ ھک( میڈیا ونگ) ھوار بیتگ انت، کاروائیانی وھد ءَ سَے سد ءُ شست ءُ دو ءَ گیش دشمن ءِ کارندہ مرتگ انت، چریشی ءَ زورگریں پاکستانی پوج، فرنٹیئر کور، پولیس ءُ زورگریں ریاست ءِ چیردستی ءَ ھستیں ڈیٹھ اسکواڈز ءِ کارندہ ھوار انت-
جارکش ءَ گوشتگ آپریشن ھیروپ ءِ وھد ءَ ھپدہ کارندہ زندگی ءُ دزگیر کتگ انت چریشانی توک ءَ دَہ کارندہ بلوچ بوگ ءِ سبب ءَ سرپد کتگ ءُ یل داتگ انت ءُ ھپت کارندہ مئے گور ءَ انت چریشی ءَ جنگی جرائم ءُ نسلی کشی ءَ ھوار بوگ ءِ ارزی نامہ ھلائینگ بیت انت – ھمے وھد ءَ بازیں کچے ءَ پوجی بنجل تباہ بوتگ انت – سلاہ دستیگ کتگ انت ءُ یک مھکم ءُ ھواریں بلوچ گھگیری ءَ زورگریں ریاست ءِ جنگی درچ ءِ توک ءَ لرزینتگ انت-
جیئند بلوچ ءَ گوشتگ آپریشن ءِ آسری ءَ بی ایل اے اے گپ ءَ تچک کنت کہ ھیروپ ءِ دومی بھر ءِ شیواری ءُ شھرداری دراھیں مول ءُ مراد دزگپتگ انت-
اے کاروائی ءِ بندکی نشانگ سَے بیتگ انت بنداتی منانکی، بیتگ سرمچار وتی واھگ ءِ پد ءَ شھری بنجلاں اُرش ءُ کنٹرول کنگ ءِ سِنچ ءَ دار انت –
دومی بلوچ راج ءَ اے کلوہ دیگی بیتگ کہ گھگیری یکجاھی ءُ ستک ءُ گل ءِ تاکت ءَ سرجم بیت- ءُ سیمی زورگریں لشکر ءَ ھما کساس ءَ سرین پروش کنگ سرجمیں بلوچستان ءَ ھیلنگ ءِ واک ءِ بستار ءَ بہ بیت-
آئی ءَ گوشتگ شھری جنگ ءِ ٹِکی تپاکی نہ بیتگ کہ آ شھری اود ءَ زورگریں پوج ءِ وتی مھکمیں سنگر سرپد بیتگ زانشت ءَ ٹک ءُ نشانگ کتگ انت دانکہ اے تچک بہ بیت بلوچ گھگیری ایوک ءَ کوھانی توک ءَ نہ انت بی ایل اے ءَ گچینی بنجل، چیک پوسٹ ءُ شھری بھراں اے کساس ءَ کنٹرول داشتگ کہ بلوچ مھلوک ءُ میان اُستمانی برادری ھردوکاں اے کلوہ سر بہ بیت اے زرمبشت وتی شوربندی کنگ ءُ میدان ءِ جنگ ءَ وتی شرت ءُ ٹک ءُ نشانانی سنچ ءَ دار ایت-
اے آسر داری تھنا چیدگی نہ انت بلکیں املی، سیاسی ءُ مزنیں ھوشداری ءَ گوں ھوار بیتگ – آپریشن ھیروہ دوم وتی سماہ ءَ ھما نوآبادیاتی درشاناں یکسر ءَ لپاش ایت کہ چریشی ءِ سر ءَ بلوچ راجی زرمبشت ءَ ٹکی، ناشری یا نیکراھی دار دیگ ءِ جھد ءَ بیتگ انت ، بلوچ گھگیری نا جتا انت نا ردمانکی سیاست ءَ انت بلکیں اے سیاسی زانشتی، گلی رھبند ءُ راجی سنچ ءَ اوشتوکی ءُ مھکمیں جد ءُ جھد انت-
جارکش ءَ گوشتگ زورگریں پاکستانی ریاست ءِ نیمگ ءَ مئے جد ءُ جھد ءَ ناشر یا نیکراھی ءَ ھوارینگ ءِ جھد یک شوربندی ءِ بھر انت – چریشی ءَ آئی ءِ مول ءُ مراد یک سیاسی زرمبشتے ءِ لپاشگ انت بلوچ سلاہ بندیں جد ءُ جھد نا نسل پرستانگ انت ءُ ناکہ پرکھانی سنچ ءَ بندوک انت ءُ ناکہ ڈنی مالی کمک ءِ مھتاج انت-
اے زرمبشت ءِ چیردستی ءَ وانندگین نودربر، پروپیسرز، وکیل، ڈاکٹر، انجینئر، زانتکار ءُ بلوچ چاگرد ءِ جتاجتائیں پھناتاں سیادی داروکیں زالبول ءُ مردین کنگ ءَ انت – اے جد ءُ جھد ءِ بنکی یک یک ھنچیں آجو ءُ وتواجھیں بلوچ ڈیھے ءَ بندوک انت کہ اود ءَ آجوئی، وانگ، جانسلامتی، ازت ءُ مڈیانی واک کہ لھتے مردمانی دپارے ءَ مہ بیت بلکیں ھمک بلوچ شھری ءِ ھک بہ بیت-
آئی ءَ گوشتگ اے گھگیری پاکستانی ریاست ءِ بنچک ءِ اندر ءَ ردوم زیروکیں زرمبشت نہ انت، بلکیں ما وت ءَ اے نوآبادیاتی ساکت ءِ بھر سرپد نہ بنت اے زھرشانی ءِ نہ انت بلکیں گھگیری ایش انت کہ اے ھپتاد سال ءَ گیش دراجکشیں زورگری، مڈیانی لوٹمار ءُ لٹ شاپانی پسو انت-
زورگریں ریاست باوست ءَ ابید تیر،زورانسری بیگواھی، تھاریں زندان، آبادیانی مٹینگ ءُ وتگڑیں انتزامیہ ءِ درچ ءَ وتی زورگری ءَ ردوم دیگ لوٹ ایت، ءُ ایشی ءِ مول ءُ مراد بلوچ پجار ءِ نیزور کنگ ءُ بلوچاں وتی سرڈگار ءِ سر ءَ در پہ درکنگ ءِ درچ انت-
آئی ءَ گوشتگ ھما مردماں گوست ءَ پر امن ءُ سیاسی درچ ءِ راہ گپتگ، آیانی سر ءَ دروگیں ارزی،زورانسری بیگواھی، ءُ درکانودی کوش ءِ درچ ءَ بے توار کنگ بیتگ انت – مروچی بلوچستان ءِ چوشین جاہ پشت نہ کپتگ کہ ریاستی زوراکیاں سانمند نہ بوتگ، وانگی ادارھاں آوار جن انت، ءُ پر امنین زھرشانی کنوکیں زالبولانی سر ءَ لٹ شاپ کن انت چریشی ءَ پد مھلوک ءِ گور ءَ سلاہ بندین جنگ ءَ ابید دگہ راہ پشت نہ کپ ایت-
بی ایل اے ءِ جارکش ءَ گوشتگ ما میان اُستمانی انسانی ھکانی گل، کانون ءِ واجھین ڈیھاں ءُ میان اُستمانی ادارھاں لوٹ کن ایں کہ بلوچستان ءَ زورگریں پوج ءِ نیمگ ءَ زوراکیاں بہ من ایت – اے زورگری ءِ ھلاسی ءُ یک دراجیں وھدے ءَ وتی آواز ءَ زبھر بیوکیں راج ءِ واستا انساپ ءِ سرکنگ ءَ جوانیں کرد پیلو بہ کنت-
آئی ءَ گیش گوشتگ درملکی کمپنی ءُ میان اُستمانی زرکاراں اے بیھار ءَ دے ایں کہ بلوچستان ءِ مڈیانی لٹماری ءَ پاکستان ءِ شریداری ءَ کمکاری ءَ زورگری سرپد بہ ایں- یک آجوئیں راجے ءِ بستار ءَ ما وتی سرڈگار ءِ سر ءَ پاکستان ءِ واک یا ٹاہ ءَ نہ من ایں ھما ادارہ کہ پاکستان ءِ نوآبادیاتی شوربندیاں شریدار بنت- آیاں ھما چماں چاریں ءُ آیانی جاڑیگ بوگ ءَ پوجی مشینری جدا سرپد نہ بہ ایں –
جارکش ءَ گڈسری ءَ گوشتگ ما ھما دراھیں بلوچ مردین ءُ زالبولانی دل ءِ منت ءَ گرین آیاں آپریشن ھیروپ دومی بھر ءَ بلوچ لبریشن آرمی ءِ ھمراھداری کتگ-
آئی ءِ رد ءَ انٹیلی جنس ءَ بہ گر لاجسٹک کمک ءَ داں ءُ مچانکی سزایاں ابید مھکمی ءَ اوشتگ، راج ءِ کرد داریں پیسلہ داری، اے سوبمندی سرجمیں راج ئیگ انت اے بس بندات انت-
ما وار وار واتر بہ ایں، ھمک بھر گیش مھکم، گیش جاڑیگ ءُ گیش یجکاہ،اود ءَ دان زورگرین لشکر مئے سرڈگار ءَ درایگ ءَ لاچار بیت انت-
