فیفا ورلڈ کپ 2026ءِ کوارٹر فائنل ءَ اسپین ءُ بیلجئیم ءِ میان ءَ گوازی کنگ بوتگ کہ اسپین ءَ دو گولءَ گوازی کٹ اتگ ءُ سیمی فائنل ءَ سربوتگ ۔
دوشی شپ اسپین ءُ بیلجیم میان ءَ بوتگیں گوازی ءَ اسپین ءَ دو پہ یک گولے ءَ بیلجئیم دیم ءَ باج برتگ ءُ وت ءَ سیمی فائنل ءَ سرکتگ ۔ دوشی بوتگیں گوازی ءِ 30 منٹ ءَ اسپین ءِلیبی فابیان روئز ءَ اولی گول داتگ کہ بیلجئیم ءِلیبی چارلس ڈی ءَ چل ءُ یکمی منٹ ءَ گول موک اتگ ءُ ھردو ٹیم مکابلہ بوتگ انت ۔ وھدیکہ دومی ھاپ ءَ گوازی ءِ 88 می منٹ ءَ اسپین ءِ لیبی میکل میرینو ءَ باج بری ءِ گول داتگ ءُ پدا داں گوازی ءِ گڑسر ءَ ھچ نیمگ ءَ گول دئیگ نہ بوتگ ءُ اسپین ءَ دو گول ءَ گوازی کٹ اتگ ءُ سیمی فائنل ءَ سربوگ ءَ سوبمند بوتگ ۔
اے سوبمندی ءَ پد اسپین سیمی فائنل ءَ فرانس ءِ دیم ءَ گوازی کنت ۔