بلوچ لبریشن آرمی ءِ جارکش جیئند بلوچ ءَ گوشتگ گوستگی15 روچانی تہ ءَ سرجمیں بلوچستان ءَ 48 کاروائیانی تہ ءَ زورگریں پاکستانی لشکر ءِ چل ءَ چہ گیش کارندہ کشتگ اَنت ءُ اے اُرشانی تہ ءَ بازیں کارندہ ٹپیگ بوتگ اَنت۔ زرکاری ءِ ناکہ بندی ءِ تَک ءَ مزنیں شاھدگانی سر ءَ ناکہ بندی ءِ مانیاؤرکیں گاڑی نشانگ جوڑ کتگ ءُ تباہ کتگ انت ءُ چار مزنیں پھل ہم تراکناکیں شورواں گوں تباہ کتگ انت۔ زورگیریں لشکر ءِ گوما جتا جتائیں میڑاں بی ایل اے ءِ 5 سرمچار شھید بوتگ انت۔
یک جولائی: مستونگ ءِ دمگ دشت ءِ کڑی ڈور ءَ سرمچاراں زورگیریں لشکر ءِ راشن سرکنوکیں گاڑی ءِ سر ءَ اُرش کتگ کہ ایشی ءِ آسر ءَ دو کارندہ مرتگ انت ءُ دژمن وتی پوسٹاں سامان سر کنگ ءَ بے سوب بوتگ۔ ایشی ءَ چہ پیسر 29 جون ءَ ھمے جاہ ءَ اُرش ءِ سبب ءَ زورگیریں لشکر ءَ سامان ءِ سر کنگ ءَ بے سوبی ءِ دیمپانی بیتگ۔ ھمے روچ ءَ نوشکی ءِ دمگ کچکی ءَ بنجاھی شھدگ ءِ سر ءَ یک گاڑی ءَ ءُ پنجگور ءِ چیدگی دگ ءَ دو مال برداریں گاڑی نشانگ جوڑ کتگ انت۔
سَے جولائی: نوشکی ءِ دمگ زرین جنگل ءَ زورگیریں لشکر ءِ گاڑی ءِ سر ءَ آئی ای ڈی ءِ اُرش ءَ کم چہ کم دو کارندہ مرتگ اَنت۔ ھمے رنگ ءَ مستونگ ءِ دمگ دشت ءِ سبی روڈ ءَ زورگیریں لشکر ءِ گاڑی ءِ تراک ءِ نشانگ کتگ ءُ چریشی ءَ بنجاھی پھلے ءَ ھم تاوان رس اتگ-
ھمے روچ ءَ سرمچاراں شاھرگ ءُ ھرنائی ءُ شاھرگ ءُ زیارت ءِ شھدگانی سر ءَ سرجمی ءَ کنٹرول کتگ ءُ دو روچ ءَ برجاہ بوتگ۔ اے ناکہ بندی ءِ وھد ءَ دو شکی ئیں مردم دزگیر کتگ ءُ جست ءُ پرس کنگ ءَ ایں ءُ نوشکی ءِ دمگ ریکو ءَ نوشکی – خاران روڈ ءِ سر ءَ دو پُھل تراکاں چہ تباہ کتگ انت۔
جارکش ءَ گوشتگ سرمچاراں دالبندین ءَ شال ءُ تپتان دگ کنٹرول کتگ انت ءُ مزنیں گاڑی سوتکگ انت ۔ ھمے شپ ءَ زورگیریں لشکر ءُ سرمچارانی نیام ءَ جنگ ءُ چوپ بیتگ کہ چریشی ءَ زورگریں لشکر ءَ تاوانانی دیمپانی بیتگ۔
چار جولائی: کیچ ءِ دمگ بلنگور مچات ءَ زورگیریں لشکر ءِ پیادگیں کارندہ بمب تراک ءَ گوں نشانگ کتگ اَنت کہ ایشی ءِ تہ ءَ یک کارندھے جاہ پہ جاہ ءَ مرتگ ءُ دومی ٹپی بوتگ۔ دومی نیمگ ءَ تمپ ءِ دمگ میرزازو ءَ سرمچاراں زورگیریں لشکر ءِ گاڑی ءُ پیادگیں کارندہ کہ کلیئرنس ءَ گوں دزبند بیتگ انت گوں سلاہ بندیں اُرش ءَ نشانگ جوڑ کتگ اَنت کہ ایشی ءِ آسر ءَ یک کارندھے جاہ پہ جاہ ءَ مرتگ ءُ کم چہ کم سئے ٹپیگ بوتگ اَنت۔
پنچ جولائی: نوشکی ءِ دمگ احمدوال ءَ سرمچاراں پولیس اسٹیشن ءِ سرجمیں کنٹرول کتگ ءُ سوتکگ ءُ چہ اود ءَ دزگیر بوتگیں سئے پولیس کارندہ چہ ترندیں بیھار ءَ پد یلہ کنگ بوتگ اَنت۔ دومی نیمگ ءَ کیچ ءِ دمگ سامی ءَ سرمچاراں زورگیریں لشکر ءِ بنجاھی بنجل ءِ گرینیڈ لانچراں گوں نشانگ کتگ چہ بازیں گولھاں زورگریں لشکر ءَ جانی ءُ مالی تاوانانی دیمپان بیتگ –
شش جولائی: سوراب ءِ دمگ بینچہ ءَ سرمچاراں بنجاھی شھدگ ءَ مڈی باریں گاڑی سوتکگ انت۔ ھمے روچ ءَ سرمچاراں ھزدار ءِ دمگ سونارو ءَ زورگیریں لشکر ءِ گاڑی آئی ای ڈی ءِ تراک ءَ نشانگ جوڑ کتگ ءُ مزنیں تاوانے داتگ۔
ھپت جولائی: سرمچاراں ہرنائی ءِ نزیک ءَ زیارت ءِ دمگ ھلاپت ءَ زورگیریں لشکر ءِ سر ءَ اُرش کتگ کہ دژمن ءِ سداں لشکر دمگ ءَ دیم ءَ روگ ءَ جھد ءَ بیتگ۔ اے اُرش ءَ زورگیریں لشکر ءِ سئے کارندہ جاہ پہ جاہ ءَ مرتگ اَنت۔ ھمے روچ ءِ بیگاہ ءَ سرمچاراں زورگیریں لشکر ءِ سر ءَ سئے جتا جتائیں جاھاں سنگر گپتگ ءُ ھپت ءَ چہ گیش کارمند کُشتگ انت ءُ بازیں ٹپیگ کتگ ءُ لشکر پُشتکنزی ءَ لاچار بیتگ اَنت۔ اے ترندیں جنگ ءُ چوپ ءَ بی ایل اے ءِ سئے سرمچار رحیم اللہ پنام ءِ ظفر، خیر محمد پنام ءِ حمل ءُ کاکا پنام ءِ راشد شھید بوتگ انت۔
ھپت جولائی: خاران ءِ دمگ کلی کریم بخش ءِ نزیک ءَ زورگیریں لشکر ءَ مزنیں تاوانے رس اتگ کہ سرمچاراں دژمن ءِ پیادگیں لشکر ءِ سر ءَ گوں سلاھاں اُرش کتگ۔ دومی نیمگ ءَ نوشکی ءِ دمگ احمد وال ءَ سرمچاراں دگہ کاروائی ءَ زورگیریں لشکر ءَ بازیں کساسے ءَ جانی ءُ مالی تاوانے رس اتگ۔
ھمے روچ ءَ چمالنگ ءِ ڈیڈہ موڑ ءِ دمگ ءَ لٹ ءُ پُلی گاڑیانی سیکورٹی کمپنی ءِ کارندہ گل بیگ دادیانی ءِ سر ءَ ریموٹ کنٹرول ءِ تراکے کتگ ءُ کشتگ۔ اے کارندہ نہ ایوک ءَ لُٹ ءُ پلی کمپنی ءِ بگر بوتگ بلکیں دمگ ءَ زورگیریں فوج ءِ ھاتر ءَ چاریگری ءِ بستار ءَ کار کنگ ءُ دمگی ورنایاں فوج ءِ تہ ءَ بھرتی کنگ ءِ کارانی تہ ءَ ھم گوار بوتگ۔
ھشت جولائی: سرمچاراں کلات ءِ دمگ مھلبی ءِ دو جتا جتائیں جاھاں زورگیریں لشکر نشانگ جوڑ کتگ ءُ ایشی ءِ آسر ءَ دو کارندہ کشتگ انت ءُ بازینے ٹپیگ بوتگ اَنت۔
نُھ جولائی: واشک ءِ دمگ ساچی ءَ سرمچاراں زورگیریں لشکر ءِ 128 ونگ ءِ لیفٹیننٹ کرنل ناصر ءَ چہ واشک ءَ خاران ءَ سر کنگ ءِ وھد ءَ بمب تراک ءُ سلاہ بندیں اُرش ءَ زورگیریں لشکر ءِ چار گاڑی ءِ کاروان ءَ نشانگ جوڑ کتگ انت۔ اے کاروائی ءِ تہ ءَ زورگیریں لشکر ءِ دو گاڑی اُرش ءِ زد ءَ اتکگ انت ایشانی تہ ءَ یک گاڑی یے راکٹ اُرشے ءِ سبب ءَ سرجم ءَ تباہ کتگ۔ اے اُرش ءَ چار کارندہ مرتگ انت ءُ شش ءَ گیش ٹپیگ بوتگ اَنت کہ ایشانی تہ ءَ سئے سکا ٹپیگ بوتگ اَنت۔
ھمے روچ ءَ سرمچاراں پنجگور ءِ چیدگی روٹ ءَ زورگیر لشکر ءَ سامان بروکیں گاڑی یے دزگیر کتگ۔
دَہ جولائی: سرمچاراں بُلیدہ ءِ دمگ میناز ءَ زورگیریں لشکر ءِ گاڑیانی سر بستگ ءُ نشانگ جوڑ کتگ ءُ ایشی ءِ آسر ءَ دژمن ءِ دو کارندہ جاہ پہ جاہ ءَ مرتگ اَنت۔ دومی نیمگ ءَ سرمچاراں نوشکی ءِ دمگ بٹو ءَ شال ءُ تپتان شاھدگ ءِ سر ءَ یک گچینی پھلے تباہ کتگ۔ دومی نیمگ ءَ پنجگور ءِ دمگ سرادوک ءَ سرمچاراں زورگیریں لشکر ءِ بنجل ءِ سر ءَ گرینیڈ لانچر آس داتگ چہ بازیں گولاہ آس دیگ ءَ جانی ءُ مالی تاوانانی بوتگ۔
یازدہ جولائی: نوشکی ءِ دمگ کچکی ءَ پولیس ءِ پوسٹ ءِ سر ءَ سرمچاراں گپتگ ءُ اود ءَ سَے کارندہ دزگیر کتگ ءُ پد ءَ پوسٹ ءِ تہ ءَ تراکناکیں شورو ایر کتگ سرجم ءَ تباہ کتگ۔ اے پوسٹ چہ گوزوکیں گاڑیاں ناجائزیں بھتہ زورگ ءِ کار ءَ ھوار بوتگ انت کہ ایشی ءِ سر ءَ اے کارروائی کنگ بوتگ وھدے کہ دزگیریں پولیس ءِ کارندہ ترندیں بیھار دیگ ءَ پد یلہ کنگ بوتگ اَنت۔
دوازدہ جولائی: سوراب ءِ دمگ نگاڑ ءَ سرمچاراں زورگریں پوج ءِ دو گاڑی ھما وھد ءَ چہ بنجل ءَ درکپگ ءَ بیتگ انت سنگر گپتگ ءُ نشانگ جوڑ کتگ انت۔ اے اُرش ءَ سئے کارندہ جاہ پہ جاہ ءَ مرتگ انت ءُ کم چہ کم ھپت ٹپیگ بوتگ اَنت کہ آ وتی جان ءِ رکّینگ ءِ ھاتر ءَ تتکگ ءُ شتگ انت۔ دومی نیمگ ءَ مستونگ ءِ گرگینہ ءِ دمگ ءَ سرمچاراں زورگیریں لشکر ءِ دو گاڑی گوں سلاہ بندیں اُرش ءَ نشانگ جوڑ کتگ ءُ تاوان داتگ انت۔ ھمے روچ ءَ نوشکی ءِ احمدوال پھاٹک ءَ زورگیریں لشکر ءِ پیادگیں کارندھانی سر ءَ سلاہ بندیں مردماں اُرش کتگ کہ ایشی ءِ تہ ءَ دو کارندہ جاہ پہ جاہ ءَ مرتگ اَنت ھمے بیگاہ ءَ نوشکی ءِ دمگ گومازگی ءَ سرمچاراں زورگریں لشکر ءِ گاڑیانی سلاہ بندیں اُرش کتگ ءُ آ جانی ءُ مالی تاوانانی دیمپان کتگ انت-
سیزدہ جولائی: خاران ءِ دمگ زومی ءَ ھاران – شال شاھدگ ءِ سر ءَ سرمچاراں زورگیریں لشکر ءِ گاڑیانی کاروان ءِ سر ءَ اُرش کتگ ءُ ایشی ءِ آسر ءَ سئے کارندہ مرتگ ءُ بازینے ٹپیگ بوتگ انت۔ دومی نیمگ ءَ سوراب ءِ دمگ نگاڑ ءَ سرمچاراں زوگیریں لشکر ءِ کارندھانی سر ءَ یک تنگ گھائی ءَ اُرش کتگ وھدے کہ آ موٹر سائیکل ءِ سر ءَ چہ اود ءَ گوزگ ءَ بیتگ انت۔ اے اُرش ءَ زورگیریں لشکر ءِ دو کارندہ مرتگ ءُ کم چہ کم سئے ٹپیگ بوتگ اَنت۔
ھمے روچ ءَ بی ایل اے ءِ اسنائپر اُرشکار ءَ وڈھ ءِ دمگ سنارو ءَ بنجاھی شھدگ ءِ سر ءَ زورگیر پاکستانی لشکر ءِ بنجل ءَ پھریزی ءَ اوشتوکیں کارندہ نشانگ جوڑ کتگ ءُ کشتگ۔ دومی نیمگ ءَ دالبندین ءَ پوجی منصوبگ ءِ سامان بروکیں گاڑی سوتکگ۔ چہ ایشی ءَ ابید پنجگور ءَ چیدگی ءِ راہ ءَ سرمچار ءُ زورگیریں لشکر ءِ نیام ءَ ترندین جنگ ءُ چوپ بوتگ کہ ایشی ءِ تہ ءَ زورگیریں لشکر ءِ چار کارندہ مرتگ انت ءُ بازینے کارندہ ٹپیگ بوتگ اَنت ءُ بی ایل اے ءِ دو سرمچار سنگت مسعود پنام ءں سمیع ءُ سنگت شاہ نزر پنام ءِ بادل شھید بیتگ انت-
چاردہ جولائی: سرمچاراں ھاران ءُ شال ءِ راہ ءِ سر ءَ کنٹرول کتگ ءُ کلاکانی کلاکاں اسنیپ چیکنگ کتگ ءُ شاھدگ ءِ نزیک ءَ زورگیریں پاکستانی لشکر ءِ یک ھالیگیں پوسٹے ءَ تراکناکیں شورو ایر کتگ ءَ تباہ کتگ۔ اے پوسٹ زورگیر فوج ءِ نیمگ ءَ فوجی کاروانانی پھریزی ءُ پوجی چار ءُ گزارانی ءِ وھد ءَ کارمرز کنگ بوتگ۔ دومی نیمگ ءَ سرماچاراں کوئٹہ ءُ کراچی شاہراہ ءِ سر ءَ کلات ءِ ٹک ءِ دمگ ءِ نزیک ءَ یک مزنیں پُل ءِ سرا تراکناکیں چیز ایر کتگ ءُ تباہ کتگ۔
جارکش جیئند بلوچ ءَ گوشتگ بلوچ لبریشن آرمی اے دراھیں وھدانی میان ءَ ماتیں سرڈگار ءِ پھریزگ ءَ وتی جانانی ندر کنوکیں پنچیں سرمچار، سنگت رحیم اللہ پنام ءِ ظفر، سنگت خیر محمد پنام ءِ حمل، سنگت کاکا پنام ءِ راشد، سنگت مسعود پنام ءِ سمیع ءُ سنگت شاہ نزر پنام ءِ بادل ءِ بے دروریں کربانیان سھر چکیں دروت ندر کنت اے جنگانی بامردانی رِتکگیں ھون ءِ ھر تْرمپ بلوچ راجی آجوئی چست ءُ ایر ءِ کندیل ءَ بالین انت ءُ آیوکیں پدریچاں ازت ءُ ایمانداری ءِ نشان جوڑ بنت۔ بی ایل اے اے پُر شانیں کھول کنت کہ شھیدانی ھون بے سوب نہ بنت ءُ آھانی مشن ءَ گوں سرجمیں ترندی ءَ برجاہ دارگ بیت داں زورگیریں پاکستانی لشکر ءِ سرجمیں درکپگ ءُ آجوئیں وتن ءِ رسگ ءَ۔ شھیدانی رِتکگیں ھون مئے آجوئی ءِ مانزمان انت ءُ دژمن ءِ گڈی پُشت کشّی ءِ پیشگام انت۔
