شال : سکیورٹی افسر، پولیس کارندھاں ھوار چار مردمانی لاش دزکپتگ اَنت

بلوچستان ءِ بُنجاھی شھر شال ءِ نزیک ءَ ھرنائی ءِ کوھی دمگ چہ شعبان ءَ چار مردم ءِ لاش دزکپتگ اَنت کہ آیانی درگت ءَ واکدار ءِ گوشگ اِنت کہ چاریں سلاہ بندیں مردماں آوار جنگ ءَ پد تیر جتگ ءُ کُشتگ اَنت-

پولیس ءَ لاش دزگپتگ اَنت شال ءِ کمپائنڈ ملٹری نادُراھجاہ ءَ برتگ اَنت کہ اود ءَ آیانی پجّار ایئرپورٹ سکیورٹی فورسز ءِ انسپکٹر زبیر احمد شاھوانی، شال ءِ دمگ شیخ ماندہ ءِ جھمنند سی ٹی ڈی ءِ گوستگیں کارندہ سید خلیل الرحمان ،زیارت ءِ جھمنندیں پوج ءِ ریٹائرڈ حوالدار محمد صادق پانیزئی ءُ زیارت پولیس ءِ کانسٹیبل فرید اللہ کاکڑ ءِ نام ءَ چہ بیتگ اَنت-

پولیس ءِ رِد ءَ انسپکٹر زبیر احمد شاھوانی شال ءِ دمگ جناح ٹاؤن ءِ جھمنند بیتگ ءُ آئی ءِ آوار جنی ءِ ایف آئی آر پت ءَ جناح ٹاؤن پولیس اسٹیشن ءَ 24 جون ءَ نکش کنگ بیتگ ءُ گْوشتگ کہ آئی ءِ چُک اسلام آباد ایئرپورٹ ءَ ڈیوٹی ءَ بیتگ ءُ یک ماھے ءِ واستا موکل زرتگ ءُ شال ءَ اتکگ بیتگ- آ بیست ءُ یک جون ءِ بیگاہ ءَ وتی سنگت سید خلیل الرحمان ھمراھی ءَ لوگ ءَ چہ درتکگ ءُ ھما اِنت کہ بیگواہ بیتگ-

پولیس ءِ گْوشگ اِنت کہ دوئیں بیست ءُ یک جون ءَ آوار کنف بیتگ ءُ کوھی دمگاں برتگ اَنت وھدے کہ پولیس کانسٹیبل فریداللہ کاکڑ زیارت ءِ جھمنند بیتگ ءُ پولیس اسٹیشن مانگی ءَ ڈیوٹی ءَ بیتگ کہ آ پولیس اسٹیشن ءَ چہ لوگ ءَ روگ ءَ بیتگ ناشناسیں سلاہ بندیں مردماں آوار جتگ وھدے کہ صادق پانیزئی ءِ سیادی ھم چہ زیارت ءَ گوشگ بیگ ءَ اِنت آ ھم ناشناسیں سلاہ بندیں مردماں آوار جتگ ءُ برتگ-