TBP Balochi

سلاہ بندیں مردماں گاڑی تیرگواری کتگ ءُ مانداشتگ اَنت ناکارہ کتگ اَنت-

بلوچستان ءِ دمگ نوشکی ءَ اسٹیشن ءِ نزیک ءَ آر سی ڈی شھدگ سر ءَ مڈی بروکیں گاڑیانی سر ءَ سلاہ بندیں مردماں اُرش کتگ، اُرشکاراں سے ٹرک مانداشتگ وھدے کہ دو گاڑی تیرگواری کتگ ءُ ناکارہ کتگ ءُ تتکگ اَنت-

گاڑی چہ بلوچستان ءَ گرانبھائیں مڈی زرتگ ءُ پاکستان ءِ دگہ شھرانی نیمگ ءَ روگ ءَ بیتگ اَنت، پولیس ءَ وئیل نکش کتگ ءُ اُرشکارانی پٹ پول بندات کتگ-

زانگ بہ بیت کہ بلوچستان ءَ گیشتر وھداں بلوچ آجوئی لوٹوکانی نیمگ ءَ چہ مڈی بروکیں گاڑیاں نشانگ کن اَنت، اے گلاں اے اُرشاں بلوچ مڈیاں لُٹ ءُ پُل ءِ ھلاپ گوش اَنت-

تنی وھدے اے اُرش زمہ واری انگت ھچ گل ءَ نہ زرتگ-

سے شمبے ءِ روچ ءَ بلوچ یکجھتی کمیٹی ءِ بُنجاھی راھشون ڈاکٹر صبیحہ بلوچ ءِ سروکی ءَ “دفاع بلوچ اقدار ” نام ءَ چہ دالبندین ءَ یک روانکے کشگ بیتگ، روانک جتاجتائیں ھنداں چہ روام قاسم خان ءِ فٹبال گراؤنڈ ءَ یک مزنیں مُچی ءِ دروشم ءَ بیتگ-

روانک ءَ زالبول، چُکاں ھوار کماشیں مردمانی ھم مزنیں کچے ءَ ساڑی بیتگ اَنت-

مُچی ءَ چہ ڈاکٹر صبیحہ بلوچ ءَ تران کنان ءَ گْوشتگ کہ مروچی دالبندین ءِ شرپمندیں راج ءَ مزنیں کچے ءَ بھر بہ زور اَنت اے پدر بہ کن اَنت کہ آ بیست پنچ جنوری ءَ مُچی ءِ واستا شریں وڑے ءَ جاڑیگ بہ بنت، بیست پنچ جنوری ءِ مُچی ءَ ھلاس کنگ ھاتر ءَ جتاجتائیں پندل سازی کنگ ءَ اَنت کراچی ءَ بلوچ یکجھتی کمیٹی ءِ راھشونانی دزگیری ءُ ایف آئی آر، گوستگیں روچ ءَ نوکنڈی ءَ بلوچ یکجھٹی کمیٹی ءِ نیمگ ءَ برجم دارگ دارگ بیتگیں مچی ءَ ھواریں مردمانی ھلاپ ءَ ایف آئی آر اشی ءِ بھر اِنت کہ بلوچ راج ءَ بیست پنچ جنوری ءِ مُچی ءَ چہ کجام وڑ ءَ دارگ بہ بیت بلے اے دُژمنیں توانمندانی ردی اِنت کہ نو آ بلوچاں پہ بیھار ءُ ایف آئی آر ءَ چہ بدار اِیت-

آئی ءَ گْوشتگ کہ بلوچستان ءِ مردم مروچی زُلم ھلاپ ءَ درتکگ اَنت، سیمسر ءِ دمگ ءِ مردمانی واستا کار ءُ روزگار ءِ در بند کتگ اَنت آیانی سر ءَ زلم کوہ پروشتگ، ھرچ وڑ مئے چُکچینی کنگ بیتگ بلے دُژمن اے گپ ءَ یات بہ کنت کہ اگاں بلوچستان بلوچ ءِ واستا دوازہ اِنت گُڑا ترا ھم پہ وشی ءَ نندگ ءَ نیل ایں-

بلوچ لبریشن آرمی مجید برگیڈ ءِ پدائی بھار علی پنام ءِ کاروان ءَ بلوچ سرمچارانی نام ءَ وتی کلوہ ءِ تہ ءَ گوشتگ کہ سرمچار جنگ ءِ تہ ءَ ترندی بیار انت ءُ پاکستان ءَ نیست ءُ نابود بہ کن انت – مروچی من پدائی کنگ ءَ اوں باندا شما الم کن ات –

بھار علی ءَ ھمے ماہ ءَ تربت ءَ پاکستانی پوج ءِ کاروان ءِ تہ ءَ ھواریں بس ءِ سر ءَ پدائی اُرش کتگ بیتگ ءُ آئی ءِ اے کلوہ کہ سرمچارانی نام ءَ بلوچ لبریشن آرمی ءِ میڈیا چینل ھکل ءَ شنگ کنگ بوتگ –

مجید برگیڈ ءِ جند ندر بھار علی گُش ایت کہ من کوہ ءِ سنگتاں ھمے کلوہ ءَ دیگ لوٹاں کہ شما اے جنگ ءِ بھر جوڑ بوتگ ئے شما پاکستان ءَ ھنچوش بہ جن ات کہ آئی ءِ ھپت پُشت یاد بہ کنت – شما واری اوپار کتگ، شما پند اوپار کتگ، شما ازابی اوپار کتگ، شما ھر وڑیں جنجالانی دیمپانی ءَ کنگ ءَ ات بلے من وتی گڈی کلوہ ءَ ھمے گوشگ لوٹاں کہ شما اے جنگ ءِ تہ ءَ سک باز ترندی بیار ات تانکہ پاکستان ءِ پدریچ ایشی ءَ یات بہ دار ایت گوں ترندی ءَ پاکستان ءَ نیست ءُ نابود بہ کن ات –

آ دیمتر ءَ گوش ات کہ مروچی من پدائی کنگ ءَ اوں باندا الم شما بہ ئے ءُ ھمے امیت انت مارا پد دگہ سنگت کایاں – منی نمیرانی ءَ پد من ءَ وتی کوہ ءِ ورنایانی ءُ راج ءِ سر ءَ امیت ایں کہ آ ھچ وڑ ءَ منی توپک ءَ کپگ ءَ نیل انت –

“آ منی توپک ءَ چُک انت ءُ چِست کن انت “

بھار گوش ایت کہ ما ترا( پاکستان) بے سوب کتگ، ترا نیست ءُ نابود کن ایں – سنگتاں مھکم بہ بہ ات ایماندار بہ بہ ات – سنگتانی گون ءَ ھمکوپگ بہ بہ ئے ـ مئے وتی راج ءِ آئی ءِ چم ڈنی مردماں سک نہ انت بلکیں شمارا سک انت ـ وشی ءُ نہ وشی، واھش دراہ کوہ ءِ تہ ءِ سنگتان انت – مروچی سنگتانی بدولت ءَ راج ھم سیمسرے ءَ سر بوتگ – راج مئے سنگتانی سر ءَ سد درسد باور کنت ءُ آیانی ایمان انت کہ اے سنگت باندا الم بلوچستان ءَ آجو کن انت – ءُ اے سنگت کہ وتی ھوناں ریچگ ءَ آں دراھیں سنگت کہ اے جھد ءِ بھر انت آیانی ھون ھشک ءَ نہ رِچ انت – انشاء اللہ آیانی ھوناں پُھل رُد ایت ھما سنگتانی ھونانی برورد انت کہ مروچی من ءَ اے جاہ ءَ سر آں ءُ باندا دگہ سنگتاں سر بنت –

آ دیمتر ءَ گُوش ایت کہ بلوچ راج ءِ آجوئی ءُ باندات ءَ مئے ھون زیا نہ بنت ءُ انشاءاللہ ما ھمراہ انت ما جانی دروشم ءَ جدا بہ ایں بلے نزریاتی، پگری، کرد ءُ کارانی دروشم ءَ یکجاہ انت – مئے نمیرانی ءَ پد الم مارا یات بہ کن ات، یک وڑے ءَ یات بہ دار ات وتی دیوانانی بھر بہ کن ات یات بہ کن ات کہ یک سنگتھ بوتگ چشیں کردے ءِ واھند بوتگ –

آ دیمتر ءَ گوش ایت کہ من ءَ وتی ورنا ءُ راج ءِ سر ءَ امیت ابت باور ایں کہ مارا وتی دلانی تہ ءَ جاہ دے انت ـ انشاءاللہ آؤکیں وھد ءَ مروچی من ء باندا شما بہ ایت الم یکجاہ ایں – اے مجید برگیڈ ءِ کاروان انت انشاء اللہ دیمتر ءَ ترندی ءَ گوں ما پاکستان ءَ پروش دے ایں –

مجید برگیڈ پدائی گُش ایت کہ پاکستان ءَ پروش وارتگ، آئی ءِ ھچ وڑیں وجودے نیست ـ مئے اے دژمن ھچے نہ انت آئی ءَ کمے ھم تاکت نیست ـ آ یک نیمگے پگر کنت گڑا دومی نیمگ ءَ سنگت ھزار اُرش کن انت ـ دومی نیمگ ءَ آئی ءِ سوچ سر نہ بیت سنگتانی سر بیت – مروچی ما گندگ ءَ ایں جنگ چوں تیزی ءَ گوں روگ ءَ انت ایشی ءِ تہ ءَ گیشتر ترندی کاریں بلوچ راج ءَ مھکم کن ایں ھمودا تاں آ سنگتانی پداں بہ گنداں تنیگ بہ بنت، سنگت راز داری بہ کن انت، سنگتاں بہ پھریز انت – اے درساں بلوچ راج ءِ کہ کنت ادا دگہ ھچ کس نیت ءُ نہ کنت – ما سنگتاں گوشگ لوٹ آں ما دراہ یک ایں یکجاہ ایں سلامت بہ بئے – انشاءاللہ مرچی من باندا شما بہ بئے یا دگہ سنگتے بیت انت ـ چہ ھمدا من شمارا رکست کناں – (رکست آف آوارن سنگت -)

بلوچستان ءِ تیاب دپی شھر گوادر ءَ مروچی بساک ءِ کتاب کاروان درگت ءَ کتاب میڑہ سر ءَ پولیس ءَ بیڑبرتگ نودربر کتاباں ھوار تھانہ ءَ بند کتگ اَنت پد ءَ پولیس ءَ وتی ھیال درشان کتگ کتابانی پٹ پول ءَ پد کنگ بنت-

گوادر ءَ دمگی اِھوالکار عین قادر رِد ءَ سے کلاکاں ساری وھدے پولیس ءَ میونسپل کمیٹی گوادر ءِ شورٹی سر ءَ کتاب میڑہ جنوکیں بچکاں گوں کتاباں ھوار لوگ روگ ءِ موکل داتگ گڑا ما کتاب چست کتگ گاڑیاں مان کنگ ءَ بیتگ ایں بلے پاکستانی چیریں ادارھانی کارمند اود ءَ پد ءَ سر بیتگ اَنت- آ ٹیم ءَ بگر تاں انو ناں پولیس یل کنگ ءَ اِنت ناں اے یل کنگ ءَ اَنت-

شپ ءِ اے وھد ءَ گوادر تھانہ ءِ دیم ءَ نودربر وکیل ءُ اِھوالکاراں ھوار سول سوسائٹی ءِ مردم مزنیں کچے ءَ ساڑی ءَ اَنت ءُ نودربرانی یل کنائینگ لوٹ کنگ ءَ اَنت- آیانی گْوشگ اِنت کہ اے کتاب یونیورسٹی ءَ وانینگ بنت، وھدے آرمی مردم اِد ءَ مراگش کن اَنت گُڑا ھمے کتاباں ایر کن اَنت بلے وھدے ھمے کتاب بلوچ دست ءَ بنت گُڑا آیاں شکی ئیں نگاھاں چار اَنت-

بلوچستان لبریشن فرنٹ ءِ جارکش میجر گْوھرام بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ مئے سرمچاراں دشت ءُ تمپ ءَ زورگریں پاکستانی پوج نشانگ کتگ ءُ جانی مالی تاوان داتگ-

جارکش ءَ گْوشتگ کہ سرمچاراں بیست جنوری ءِ شپ ءِ ھپت بیست ملٹ ءَ کیچ ءِ دمگ دشت بل نگور ءَ زورگریں پاکستانی پوج ءِ بُنجاھی بُنجل سر ءَ وتکاریں مزنیں سلاھاں چہ نشانگ کتگ چریشی ءِ آسر ءَ یک کارمندے یے جاہ پہ جاھی مرتگ ءُ وھدے کہ دو ٹپی بیتگ اَنت-

جارکش ءَ گْوشتگ کہ سرمچاراں بُنجل ءِ پھازوکی چوکی سک نزیک ءَ ھما وھد ءَ نشانگ کتگ اَنت وھدے کہ اود ءَ پنچ کارمند ساڑی بیتگ اَنت، اُرش ءَ پد پروش وارتگیں پوج ءِ کارمنداں لَس آبادیانی سر ءَ داں دیراں تیرگواری کتگ-

جارکش ءَ گْوشتگ دگہ یک اُرشے ءَ سرمچاراں بیست جنوری ءِ شپ ھشت ءَ پُل آباد تمپ ءَ کسانو ءِ ھند سر ءَ برجاھیں زورگریں پوج ءِ چوکی سر ءَ نوکیں وتکاریں سلاھاں چہ اُرش کتگ، اُرش دُژمنیں پوج ءَ جانی ءُ مالی تاوان دیمپانی کنگ کپتگ-

جارکش ءَ گْوشتگ کہ بلوچستان لبریشن فرنٹ دوئیں اُرشانی زمہ واریاں منّ اِیت ءُ سرڈگار ءِ آجوئی ءَ تاں پوج سر ءَ اُرش برجاہ دارگ اِھد کنت-

بلوچستان ءِ تیابدپی شھر گوادر ءَ سَے شمبے ءِ روچ ءَ پولیس ءَ بلوچستان کتاب کاروان ءِ نام ءَ برجمیں یک بک اسٹالے ءِ سر ءَ بیڑ برتگ ءُ نودربر گوں کتاباں پولیس تھانہ ءَ برگ بیتگ اَنت-

بلوچ اسٹوڈنس ایکشن کمیٹی ءَ وئیل ءِ پژدر ءَ گوشتگ کہ اگاں کتابانی وانگ گیر کانونی انت گڑا ڈیھ ءَ دراھیں یونیورسٹی ءُ کالج کبل جنگ ءُ بند کنگ بہ بنت ءُ پارلیمنٹ ءَ بِل منگ بہ بیت مروچیگ ءَ پد اے ڈیھ ءَ کتابانی سر ءَ بندش اِنت درستیں جیڑہ ھلاس-

آئی ءَ گوشتگ بلوچستان ءَ دیمروئی ءَ نام دیوکیں گوادر شھر ءَ کتابانی سر ءَ بندش ءُ وانگ ءِ سر ءَ بندش اِنت سک ءَ بژنیگے یے-

ھمے شھر ءَ منشیات ءُ دگہ چاگردی سلکاری لس بوگ ءَ انت بلے چاگرد ءَ وانگ ءُ زانت ءِ چراگ ءَ روک کنوکیں ورنا بندیگ جاھاں بند کنگ بنت اِنت اے ڈیھ ءُ وتگڑیں ھاکمانی دیم ءَ شھماتے-

بساک ءَ گوشتگ گوادر ءَ ھوار بلوچستان ءِ دگہ جاھاں ھمے ڈول ءَ نودربراں ترسینگ ءِ آماچی انت – اے امل بلوچ ورنایاں وانگ ءَ دور کنگ ءِ پندلے بلے ما چوشیں پندلاں بے سوب کنگ ءَ جد ءُ جھد ءَ یک گامے پشت ءَ نہ کنز ایں ءُ زمہ واراں ترندی ءَ گوں گوش ایں کہ دراھیں نودربراں یل بہ کن ات ءُ بلوچ ورنایانی ترسینگ بند کنگ بہ بیت اِنت-

کیچ ءِ دمگ دشت ءَ پاکستانی پوج ءِ بُنجل سر ءَ سلاہ بندیں مردماں دوشی اُرش ءِ نشانگ کتگ-

اِھوالکار رِد ءَ گوستگیں شپ ءَ بل نگور دشت ءَ برجاھیں پاکستانی پوج ءِ بُنجل سر ءَ سلاہ بندیں مردماں اُرش کتگ، اُرش ءِ میان ءَ کش گوراں تیرگواری ءُ تُرندیں تراکانی توار اش کنگ بیتگ ، ءُ وئیل ءَ پد دمگ ءَ پوج ءِ سُر ءُ پُرانی تہ ءَ گیشی گندگ اَتکگ-

اُرش ءِ درگت ءَ تنی وھدے پوج ءُ دمگی انتزامیہ نیمگ ءَ ھچ وڑیں درشان شنگ کنگ نہ بیتگ ءُ اُرش زمہ واری ھم انگت ھچ گل ءَ نہ زُرتگ-

بلوچستان ءِ دمگ کیچ ءَ پاکستانی پوج ءَ یک مردمے دزگیر کنگ ءَ پد بیگواہ کرتگ-

گیشیں اھوالانی رد ءَ گوستگیں شپ ءَ پاکستانی پوج ءَ گومازی ءَ بیڑ برتگ ءَ یک مردمے دزگیر کتگ کہ آئی ءِ پجار پھاد ء رشید ءِ نام ءَ زانگ بیتگ-

دمگی مردمانی رد ءَ گوستگیں شپ ءَ پورسز ءَ بیڑ برتگ ءُ زالبول ءُ زھگ جتگ انت اے مرد دزگیر کتگ ءُ برتگ پد ءَ آ بیگواہ انت-

دومی نیمگ ءَ دمگی مردمانی رد ءَ دمگ ءَ پوجی ھیلی کاپٹرانی بال برجاہ انت-

روکپتی بلوچستان ءِ جتا جتا جاھاں پیش اتکگیں تیرگواری وئیلاں سَے کس بیران ءُ سے زدگ بیتگ اَنت-

گیشیں اھوالانی رد ءَ میرجاوگ ءِ ھند تگور ءَ زمینی جیڑہ ءِ سر ءَ تیرگواری ءَ سَے مردم بیران بیتگ اَنت-

بیران بیتگیں مردمانی تہ ءَ دو کسانی پجار عبدالعلیم گمشادزئی ء کامران، وھید گمشادزئی ء عزت ءِ ناماں زانگ بیتگ انت ھردوک تگور ءِ جھمنند انت دگہ ٹپی ءُ سیمی بیران بیتگیں مردم ءِ پجار زانگ نہ بیتگ اَنت-

اے وئیل گوستگیں روچ ءِ زھر ءَ پیش اتکگ کہ اود ءَ تگور ءَ زمینی ءِ سر ءَ جاک بیتگ ءُ چریشی ءَ برانز برز شتگ ءُ تیرگواری کنگ بیتگ-

ھمے وڑ زرآباد ءَ تیرگواری ءَ دو مردم زدگ بیتگ اَنت-

زدگ بیتگیں مردمانی پجار اھمد سبھائی ء مھمد ءُ مھمود کولکوھی زادہ ء ناتُک جھمنند گرکان زرآباد ءِ ناماں زانگ بیتگ اَنت-

ملیر شرافی گوٹھ بلوچ چُکچینی ءِ یاتگاری روچ مُچی ءِ واستا سرپدی مھم روانک ءَ پد ھشت مردم دزگیر کتگ اَنت-

بلوچ یکجھتی کمیٹی ءِ راھشون سمی دین ءَ گْوشتگ کہ گوستگیں روچ ءَ ملیر ءَ زھرشانی روانک ءَ سے کلاک ءَ پد چہ ملیر شرافی گوٹھ ءَ پولیس ءَ ھشت دمگی مردم ءُ زھرشانی ءَ ھوار بیتگ انت کہ دزگیر کتگ اَنت، آیانی تہ ءَ دو ورنا مجیت ء اسلم ءُ عمران ء مولا بخش ھوار اَنت، کہ آ تنی وھدے ھژدہ سال ءَ کم اُمر ئیگ اَنت-

سمی دین ءَ گْوشتگ کہ دزگیریں مردمانی کھولاں گوستگیں شپ ءَ زھرشانی نندانک داتگ، ءُ مروچی سُھب ءَ من آں ھوار آمنہ بلوچ، فوزیہ بلوچ ءُ دگہ شانزدہ مردمانی سر ءَ آیانی تہ ءَ دزگیریں مردم ھم ھوار اَنت، بے بنیاد ءُ ناجائزیں ایف آئی آر نکش کتگ انت-

آئی ءَ گْوشتگ کہ ھژدہ جنوری ءَ لیاری ءَ مئے زھرشانی ءِ میان ءَ دزگیر بیتگیں آ دگہ مردم آیانی تہ ءَ بلوچ یکجھتی کمیٹی ءِ آرگنائزر لالا وھاب بلوچ، کماشیں شھری ءُ ورنا ھوار اَنت، انگت پولیس ءِ دست ءَ اَنت-

آئی ءَ گْوشتگ کہ ما دراھیں انسانی ھکانی ادارہ ءُ گلاں چہ دزبندی کن ایں کہ سیاسی تواراں ایرموش ءُ زھرشانی کنوکانی درکانودی دزگیریانی ھلاپ ء شریں وڑے ءَ توار چست بہ کن اِت-