TBP Balochi

گوادر ءِ زر گوں زرپھازگ ءَ

نبشتہ کار : دودا بلوچ

دی بلوچستان پوسٹ

ھمک روچ ءِ وڑ ءَ اے روچ ءَ ھم باز کار ءُ جنجال ءَ پد کمے وت ءَ پارگ کتگ آں (بیزاں کہ ۲۰ اگست ۲۰۲۱ ءِ بیگاہ) گُڑا دل ءَ ھمے ھیال اتک، مرچی مردم گوادر ءِ زر ءِ دیدار ءَ شریں وڑے ءَ بکنت پد ءَ روچ ھم جمعہ ات، گُڑا من چہ گِس ءَ در کپتاں دیم پہ نیلیں زِر ءَ گوادر ءِ تیاب دپ ءَ نیشتگ ءُ نیلیں زِر ءَ چارگ ءَ آں۔بلے وھد گوازگ ءَ نہ ات ءُ ھمے دمان ءَ مردمانی یک مچّی ءِ گوست ءُ در ءَ ھمے کوکار ءَ کنگ ءَ اتاں ، ترا ما نیلاں اد ءَ پہ ایمنی ءَ ، زِر م گوادر مئیگ انت، بلوچستان مئیگ انت، ءُ پد ءَ ھمے توار پیداک ات کہ لونڈوں (پاکستانی ، ایجینسی ءُ بنجابی ) چہ بلوچستان ءَ در بیاں انت، ھدا بہ زانت چی گشگ لوٹگ ءَ اتاں ، بلے منی گوش ءَ بس ھمے یکیں توار کپت۔ ترا ما نیلاں اد ءَ پہ ایمنی ءَ زِر مئیگ انت گوادر مئیگ انت، بلوچستان مئیگ انت، ءُ پد ءَ ھمے توار پیداک ءَ ات کہ لونڈوں چہ بلوچستان ءَ در بیاں انت، ھمے ساھت ءَ در ءَ گوست ءُ شت انت، بلے یک کسانے ءُ نوک جوان بوتگیں بچکے اتک منی کش ءَ نیشت، (من ءَ انچوں سما بوت ما پیسر ءَ دو چار کپتگ ایں) من تُرس ءَ چے ھچ نہ گوشت ءُ ھاموش بوتاں، پرچا کہ کمے ساھت پیسر مردمانی بلاھیں مچی یے گوستگ ات من گشت بہ گندے واجہ ھدا بہ زانت چونیں مردمے اتکگ منی کرا باریں من کے آں، اد ءَ پرچا نیشتگاں بلے بچک ءَ من ءَ دیست ءُ سلامے داتے، پُل تو چون ئے، من گشت من وشاں تو ھال ءُ اھوالاں بہ دے، سنگت ءَ جواب دات سلامتی انت جان، بلے ھمے سلامتی والا گپے توک ءَ من ھمے سما کت کہ سلامتی نہ انت، بلے من ھچ نہ گوشت ءُ دنیایے گپ ءَ لگ اتاں بلے گپ گپ ءَ من سنگت جُست کُت تو چی کار کن ئے؟ سنگت: کندگ ءَ لگ ات من یار وت نزاناں من چی کار کناں( بلے ایشی ءِ کندگانی توک ءَ یک دردے ھست ات من: ھاھاھا، تو منی ھیال ءَ منی وڑ ءَ بے روز گارے؟سنگت: او پل، پہ گلامی ءِ روزگار ءَ چے بے روز گارے بھتر انت، من: غلامی روزگار؟ من تی گپ نہ پھمت، سنگت: پل تئی میار نہ انت، اسلا اے ھالت ءَ گلام انچوں کتگ آیاں وتی گلامی بے ھال کتگ،من: جان من تی گپ ءَ ھچ وڑ ءَ ءَھمگ ءَ نیاں۔ سنگت: تو وتی راج ءِ بزگی ءُ جند ءِ گلامی ءَ بزان منی گپ ءَ بِل( سنگت کندگ ءَ لگ ات بلے اے بری کندگ ءَ من ءَ انچوں سما بیت سرجمیں زمین ءُ آزمان کندگ ءَ آں) من : اے چاگرد ءَ بزگی ھادات کتگ،ھمے دمان ءَ سنگت ءِ گوانکوں ءَ آواز کُت ، سنگت ءَ فون گیپت ، بس من پیداکاں جان ، تنیگا ۱/۲ گنٹہ ھست پد ءَ پونے کٹ کت ) سنگت: پُل من رواں نو وھد باز گوستگ من ءَ دیر بیت، پد ءَ سپر دیم ءَ انت، ( بلے اے ساھت ءَ سنگت سک گل ءَ ۔ ھمینچک گل ءَ من ءَ ھمے وڑ سما بیت اے زندگی ءِ دراھیں واھشت سرجم انت) سنگت: تو نشتگ ئے من گُڑا شتاں پل،( کندگ ءَ ات سک) بلے بے ھیال مہ بو من ءَ تئی ودار انت،( کنداناں پاد اتک ءُ شُت) من : شر انت پُل، الم دوچار کپاں۔ ھمے ھیال ءَ من پد ءَ تیاب ءَ چارگ ءَ پگ اتاں بلے من ءَ انچوں سما بوگ ءَ ات گشی منی چیزے گار انت، من تیاب ءَ چارگ ءَ اتاں ھمنیچک تاں منی چماں ارس دراتکاں بلے دل ءَ نہ گوشت کہ چِد ءَ پادا، کمے وھد گوازگ ءَ پد مگرب ءِ نزیک بوت من تیاب ءَ انگت چارگ ءَ اتاں تاں، اناگتہ بلاھیں تراَکے ءَ آواز کت، ھنچو سما بیت گوادر دو گوادر بوت، ھمے دمان ءَ یک بلاھیں وش بوھے تالان بوت، سرجمیں گوادر ءَ وشبوں تالان اتاں۔ من تیاب ءِ دپ ءَ پاد اتکاں دیم پہ وتی گِس ءَ وتی ھمے کہ من گِس ءَ رس اتاں گڑا ھمے گپ ءَ درست کنگ ءَ اتاں، مرچی پد ءَ زرپھازگے ءَ وت ءَ زمین ءُ زمین دل بند ءَ آوار کتگ، کمے ساھت پد اکس اتک پدائی عمر جان پنام ءِ سربلند پہ بلوچ ءِ زرِ پھازگ ءَ وت ءَ کربان کُتگ، وھدے من اکس دیست من ھمے ساھت ءَ ھشک بیتاں، دل ءَ دردے چست بوت (اووف) کربان سنگت۔ ھمے دمان ءَ من ءَ مالوم بوت ما واکی گلام نہ انت، ما وت ءَ وت گلام کتگ، ما (بلوچ) یک آزادیں راجے بیتگ، مئے وتی زمینے ھست، ازمان ھست، دود ءُ ربیدگ ھست، گُڑا ما وت ءَ پرچا گلام کتگ، ھمے ساھت ءَ من ءَ سما بوت نو بلوچ واکی کسی گلامی ءَ نہ کنت، ھرچ وڑیں کربانی دیگ ءَ تیار انت، بلے بلوچ وتی نیلیں زِر ءَ ھچ کیمت ءَ نہ دنت، ھمے راہ من ءَ پیشدارگ بوت بلوچ جنگ کنت، وت ھشکیں نانے وارت بلے وتی دشمن(پاکستانی فوج) ھرچ وڑ ءَ تاوان دنت ءُ وتی زِر ءَ رکین ایت، ھمے راہ پیشدارگ بوت اگاں مرچی ما (بلوچ نوجوان) وتی سر ءَ جھل بکن انت مئے آیوکیں ۱۰ نسل ءِ سر مئے وڑ ءَ جھل بیت، بلے مرچی کہ ماں (بلوچ قوم ءَ)وتی زِر ءَ رکینگ ءِ واستا ھمے پیسلہ کتگ، ما وتی ءُ وتی آیوکیں نسل ءِ چم ءَ جل بوگ ءَ نیل انت، ما دشمن ءَ ھمے سبہ ءَ دیں آ وتی ھپت(۶) نسل ءَ یاد بکنت بلوچ قوم ءَ گوں جنگ ءِ آکبت چی انت۔

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی ءِ درشانی انت-

نامداریں ھالرسان بی بی سی ءِ رد ءَ ایران ءِ درئی کارانی وزیر عباس عراقچی ءَ گْوشتگ کہ اسرائیل ءَ “ایران ءِ دو مزنیں سٹیل فیکٹری، یک بجلی ءِ بنجل ءُ دگہ بنیاتی آسراتی ءُ ھمے رنگ ءَ سول ایٹمی جاہ ھم نشانگ جوڑ کتگ اَنت۔”

ایکس ءِ بابت ءَ وتی بیان ءَ عباس عراقچی ءَ گْوشتگ کہ ”اسرائیل ءِ ٹاہ اِنت کہ آئی ءَ اے کار امریکہ ءِ ھمکاری ءَ کتگ ءُ اے ھم مھتر ٹرمپ ءِ نیمگ ءَ سپارتکاری ءِ ھاتر ءَ داتگیں ڈیڈ لائن ءِ ھلاپ اِنت۔“

آئی ءَ گوشت کہ ایران زوراکیانی پسہ ءَ دنت۔

اسرائیلی فوج ءَ ایران ءِ میانجی دمگ ءَ اراک ءِ بھاری آپی پلانٹ ءِ سر ءَ اُرش کتگ ءُ بی بی سی ءَ راستیں ھما اکسانی راستی کتگ کہ آھانی تہ ءَ ری ایکٹر ءِ نزیک ءَ گولاھانی دوت چست بوھگ ءَ گندگ ءَ کیت۔

ایران ءِ ایٹمی توانائی ءِ گل ءَ اے گپ ءِ پدرائی کتگ کہ اراک ءِ آسراتی دو رند ءَ جنگ بوتگ بلے ھچ وڑیں تاوان ءِ ھال سر نہ بیتگ انت۔

تربت – پسنی دگ سر ءَ بانک چڑھائی ءِ نزیک ءَ چہ دزکپتگیں لاش ءِ پجّار ھپدہ سالی ئیں یارو ھبیب ء ھبیب، جھمنند عومری کھن شاپک نام ءَ چہ بیتگ-

اِھوالکار ءِ رِد ءَ کُشگ بیتگیں شانزدہ جون 2025 ءَ نیمروچ ءِ کساس سے ءَ بلوچستان ءِ ھائی کورٹ تربت برانچ ءِ دیم ءَ ھما وھد ءَ گاڑی ءَ سواریں سلاہ بندیں مردماں آوار جتگ وھدے آ پیشی ءِ واستا اود ءَ ساڑی بیتگ-

لاش ٹیچنگ ہسپتال تربت ءَ برگ بیتگ، اود ءَ کشگ بیتگین ءِ برات ءَ آئی ءِ پجّار کتگ- ھسپتال ءِ رِد ءَ کشگ بیتگین ءِ سر ءُ لاپ ءَ تیرانی نشان بیتگ اَنت-

زانگ بہ بیت کہ آئی ءِ زورانسری آوار جنی ءِ ھلاپ ءَ کھول ءَ زھرشانی کنان ءَ سی پیک شھدگ سر ءَ نندانک داتگ، بلے مروچی آئی ءِ لاش دزکپتگ-

بلوچستان نیشنل موومنٹ ءِ نیمگ ءَ چہ جنیوا ءَ میان استمانی مھم ءِ رد ءَ بروکن چیئر (کرسی) ءِ دیم ءَ یک زھرشانی ءُ اکس ایگزیبیشن برجم داشتگ، کہ اود ءَ جتاجتائیں رھشوناں بلوچستان ءَ برجاہ انسانی ھکانی جاورھال سر ءَ میان استمانی جاور ھال سر ءَ میان استمانی مردم ءَ چہ زوت دزمانجی ءِ دزبندی کتگ-

زھرشانی ءَ مھرا بلوچ، حفیظان وڈھیو، حکیم واڈیلہ، ڈاکٹر لکھو لوھانہ ءُ فھیم بلوچ، اصغر بلوچ ءُ جمال بلوچ ءَ ھوار بازیں نمائندگ ءَ تران کتگ-

ترانکاراں وتی تراناں بلوچستان ءَ زورانسری آوار جنی، درکانودی کوش، لشکر کشی ءُ انسانی ھکانی یکشل ءَ ھلاپ ورزیانی دیم ءَ آرگ بیتگ-

زھرشانی ءَ چہ ترانکاراں تران کنان ءَ گوشتگ کہ بلوچستان ءَ زورانسری آوار جنی درچ دھکاں چہ برجاہ ءَ اِنت- درکانودی کوش ءُ مچی سزایانی سر ءَ میان استمانی بے تواری دلپدردناک اِنت- سانمندیں کھول انساپ ءِ ھاتر ءَ میان استمانی ادارھانی نیمگ ءَ چارگ ءَ اَنت-

بی این ایم ءِ رِد ءَ پارٹی ءِ نیمگ ءَ چہ برجاہ اے میان استمانی مھم ءِ مول ءُ مراد بلوچستان ءَ انسانی ھکانی ھلاپ ورزیانی میان استمانی فورمز ءَ تاں سر کنگ اِنت- جنیوا ءَ بیتگیں اے زھرشانی اے درچ ءِ گچین ءِ کڑی یے اِنت، اود ءَ جتاجتائیں ڈیھاں چہ آؤکیں کارکنان ءَ ھم یکجاھی درشان اِتگ-

زھرشانی ءِ آسری ءِ سر ءَ زھرشانی کنوکاں گوشتگ کہ جنیوا ءِ دل ءَ، بروکن چیئر ءِ چیر ءَ بلوچ راج ءِ توار یکرندے پد جھان ءَ تاں سر کتگ-

بی این ایم ءَ جار جتگ کہ آ میان اُستمانی ءِ ھساب ءَ وتی مھم ءَ گیش تُرند کنت-

بلوچ یکجھتی کمیٹی بلوچستان ءَ برجاہ درکانودی کوش، زورانسری زورانسری آوار جنی ءُ ریاستی زوراکی گوں تُرندیں لبزاں ایر جتگ- عیدالفطر وڑیں یک وشیں روچے ءِ وھدے ءَ ھم بلوچ راج ءَ نشانگ کنگ ءَ اِنت، کہ سک دردناک ءُ کابل ایرجنی اِنت-

گل ءَ گوشتگ کہ مستونگ ءِ جھمنند دلمراد ءِ چُک، ورنا محمد عامر عیدالفطر ءِ روچ ءِ آیگ ءَ ساری پوج ءَ آئی ءِ لوگ ءَ چہ زورانسری آوار جتگ ءُ پنچ دمان ءَ رند تیر جتگ ءُ کُشتگ- اے کاروائی ءِ میان ءَ ھچ وڑیں وارنٹ پیش نہ کتگ ءُ نانکہ دگہ سرپدی داتگ-

کوش ءَ پد پوج ء کساس دوازدہ کلاکاں تاں لاش وتی دستیگ کتگ ءُ پد ءَ کھول ءِ دست ءَ داتگ- لاش ءِ دیگ ءِ وھد ءَ کھول زورانسری یک اسٹامپ کاگدے سر ءَ دستھت کنائینتگ ءُ آ وانگ ءِ موکل ھم نداتگ-

کھول ءَ تچک کتگ کہ اگاں اے کاگد کجام ھما گپ ءِ آیانی مپاد ءِ ھلاپ ءَ بیت آ آئی ءَ سرجمی ءَ رد کن اَنت-

محمد عامر ءِ مات ءَ ھم ءُ درد ءِ درشان کنان ءَ گوشتگ کہ وتی چُک من پہ بزگی رودینتگ اَنت، بلے یک ساھتے ءَ آئی ءِ چُک چہ آئی ءُ پُلگ بیتگ-

آئی ءِ گوشگ اِنت کہ ما وتی چُکاں ھمے ھاتر ءَ مزن کن ایں کہ ھرکس مئے لوگ ءَ نہ پُتر اِیت آیاں بہ بُکش اِیت؟ ؟ ما انچش بے مُھر جوڑ بیتگیں کہ مئے پھازوک ھچ کس نیست-

بی وائی سی ءَ گوشتگ کہ ھمے وڑ پنجگور ءِ دمگ ءَ 20 مارچ 2026 ءَ عبداللہ ھم کشتگ، کہ بلوچستان ءَ برجاہ ٹارگٹ کلنگ ءِ دْرچ اِنت ءُ دگہ یک کڑی یے-

بلوچ یکجھتی کمیٹی ءَ گوشتگ کہ اے چونیں ریاستی اود ءَ عید وڑیں وشیانی وھد ءَ پُرساں مٹ کتگ، اود ءَ کھول عید کنگ ءِ جاہ ءَ وتی دوستناکانی جنازہ ءَ بھرگ زیرگ ءَ لاچار بیتگ اَنت-

دیمتر ءَ گْوشتگ کہ بلوچستان ءَ وشی جاہ ءَ گم ءَ زرتگ، انسان کشگ بیگ ءَ اَنت ءُ اے درست بے توار اَنت-

بلوچ یکجھتی کمیٹی ءَ میان اُستمانی ھکانی گلاں چہ لوٹ کنت کہ آ سنگین ءِ انسانی ھکانی ھلاپ ورزیاں زوت گامگیج بزور اِیت- بلوچستان ءَ بلوچ راج ءِ کوش درچ ھمکروچی ھساب ءَ جوڑ بیتگ، اود ءَ ناں کسے جست گپت نانکہ پسّہ دنت-

انسانی ھکّانی باسک فتح بلوچ ءَ میان اُستمان ءِ انسانی ھکّانی کونسل ءِ چہ ششت ءُ ھشتمی دیوان ءَ تران کنان ءَ گُشتگ کہ من مرچی بلوچستان ءَ انسانی ھکّانی جاورھال ءِ بابت ءَ گپ جَنَگ ءَ آں، اود ءَ پاکستان ناتپاکیں ھیال ءِ زور دیگ ءِ ھاتر ءَ مُچانکی سزا ءَ را یک سلاھے ءِ داب ءَ کارمرز کنگ ءَ اِنت۔

آئی ءَ گُشتگ کہ انوگیں ماھانی تہ ءَ پاکستانی ھکومت ءَ سر زاھری ءَ انچیں گامگیجے چست کُتگ کہ سیکیورٹی ءِ نام ءِ سر ءَ سرجم ءَ ھلک ءَ سزا دیگ ءِ اِنت۔ وتگڑیں ناشرکاری ءِ نام ءَ ءُ لس مھلوکی کانون ءِ رِد ءَ، دزگیری، نگرانی، ءُ روگ ءُ آیگ ءِ سر ءَ پابندی ءِ وڑیں وتگڑیں زورانسری یکشل ءَ برجم داشتگ۔

آئی ءَ وتی تران ءَ گُشتگ کہ اَملی داب ءَ اے چست ءُ ایر کانون ءِ لاگو کنگ ءِ ھاتر ءَ نہ اِنت بلکیں سیاسی چست ءُ ایر، ءُ توار چست کنوکانی بیھار دیگ ءِ ھاتر ءَ کارمرد بوگ ءَ اِنت۔ انوگ ءَ سیاسی باسکانی لوگ تباہ کُتگ اَنت۔ کھول تُرس ءِ دیمپانی ءَ کنگ ءَ اَنت۔ پورائیں دمگاں چاپہ جَنَگ بوگ ءَ اِنت ءُ دراجیں پوجی آپریشن کنگ بوگ ءَ اِنت کہ وانگ ءُ زانگ، روزگار، ھر روچی زندگی ءِ سر ءَ سان دَور دیگ بوگ ءَ اِنت۔

آئی ءَ گُشتگ کہ زورانسری بیگواھی یک دستاویزی ءُ تا انوگ ءَ جیڑہ ءِ گیشوار نہ بوگ اِنت۔ گار بوھوکیں کھولانی پسو دیگ ءَ اَبید آیانی سر ءَ گیش زورانسری کنگ بوگ ءَ اِنت۔

آئی ءَ گیش تران کنان ءَ گُشتگ ایشی ءِ آسر تُرس ءِ شکل ءَ درکَیت۔ اھوالکار وت سنسرشپ ءِ اِھتیار ءَ مجبور انت۔ نودربر گُشگ ءَ لرز اَنت۔ پُرایمنیں زھرشانی ءِ زھشونی کنوکیں زالبولانی سرجم ءَ نگرانی، زندان، بیھارانی دیمپانی ءَ کنگ ءَ اَنت۔

آئی ءَ گُشتگ کہ سیکیورٹی ھچ چوشیں سورت ءَ سیاسی درنگاز ءِ سر ءَ درائیں کمیونٹی ءَ را سزا دیگ ءِ جواز بوت نہ کنت۔ درملکی کانون گِھر زمہ واری ءُ جائزیں کانونی کارروائی(due process) ءِ لوٹ ءَ کنت۔

گڈسر ءَ گُشتگ ئِے کہ ما اے کونسل ءَ دزبندی کنیں کہ آ پاکستان ءَ را لوٹ بکنت کہ آ مُچانکی سزا ءَ ھلاس بکنت، آزاتیں پٹ ءُ پول ءِ موکل ءَ بدنت، ءُ بلوچستان ءَ بُنکی انسانی ھکّانی بُنپان ءَ جَزم جوڑ بکنت۔

شال ءِ ڈگاری ءِ زڑخو ءِ دمگ ءَ اُرش ءَ پاکستانی لشکر ءَ تاوان رس اتگ۔

ھالانی رد ءَ تراک پاکستانی لشکر ءِ پیادگیں سپاھیگانی سر ءَ ھما وھد ءَ بوتگ کہ آ نوکیں پوسٹ ءِ جوڑیشت ءِ جاہ ءَ روگ ءَ بوتگ اَنت۔ تراک ءَ چہ کارندھاں تاوان رس اتگ۔

اے وئیل ءَ پد مزنیں کساسے ءَ فورسز ءَ دمگ ءِ مردمانی روگ ءُ آیگ ءِ راہ بند کتگ ۔

زانگ بہ بیت کہ گوستگیں روچ ءَ بلوچستان ءِ دمگ منگچر ءَ پاکستانی لشکر ءَ دو جتا جتائیں اُرشانی دیمپانی بوتگ کہ ایشی ءِ آسر ءَ کم چہ کم سئے کارندہ بیران بوتگ اَنت۔

راستی ءَ بندوکیں آزمانکے : من بی ایل ایف ءَ رو آں

نبشتہ کار : زھور پزل

دی بلوچستان پوسٹ

میتگ ءِ تہ ءَ یکیں مِستری اَت کہ آئی ءَ موٹر سائیکل ءُ ٹالوکی سائیکل ءِ دُکانے پچ کرتگ اَت، پنچر ئِے گِپت ءُ انجن ئِے ھم پچ کت ءُ اے دگہ چیزانی شر کنگ ءِ زانت، جْوان شکر ورنا اَت۔ ھمک سُھب آتک دوکان ئِے پچ کُرت ءُ نشت داں مگرب ءَ جُوان دُکان ءَ اَت، جْوان درستیں براتاں چَہ کستر اَت بلے چہ آ براتاں تگڑاتِر ءُ تونگتِر اَت، جْوان ءَ اے دُکان کرایہ گون اَت، چوناھا سَے دُکان تاں آ دوئیں بند اِت اَنت ءُ ھمے یکیں جْوان ءَ پَچ کُرتگ اَت ءُ شوک چلگ ءَ اَت۔ جْوان مدام آپ ءِ رَند ءَ ھمے دکان مالک ءِ لوگ ءَ شت ، مالک ءِ لوگ دکان ءِ پُشت ءَ اَت ،برے برے سُبارگ ھم دکان واجہ ءِ لوگ ءِ مردماں جْوان ءَ دات گوں ، جْوان اے لوگ ءِ تہ ءِ چو چُکے ءِ پیم ءَ اَت کدی کدی کہ کار نہ بوت گڑا شت دُکان مالک ءِ لوگ ءَ ، دُکان مالک ءَ کسان سالیں جنین زھگے ھست اَت کہ آئی ءَ جْوان سک دوست اَت، ھمے کہ سُبارگ بوت آتک ءُ جْوان ءِ سُبارگ ئِے آورت اَنت، سردیں بوتلے آپ ئِے آورت، جْوان ءُ ماھل ءِ مھر روچ پہ روچ مُھکم تِر بوان بوت ءُ وت ماں وت ءَ سوگند ءُ مُسامے ھم کُت کہ ما بھ یک ءُ دومیگ ءَ یلہ نہ کنیں، اگاں ما آروس کنیں گڑا گوں یک ءُ دومیگ ءَ اگاں ناں سرجمیں زند آروس نہ کنیں۔ وھد گْوزان بوت ماھل ءِ مات سھیگ ءُ سرپد بوت، ماھل ءِ مات ءَ جْوان ءَ گُشت ترا کہ ماھل دوست اِنت گڑا وتی سانگ ءَ بیار پہ ماھل ءَ زوت کہ اگاں دگرے ءَ سانگ آورت ماھل ءِ پِت ھمائی ءَ زور اِیت۔ گڑا جْوان اے گپاں گوں سک پریشان بوت، ھمے جیڑ اِیت کہ نوں من ءَ وڑے کنگی اِنت ، یک روچے جْوان نشتگ اَت کہ ماھل آتک دُکان ءِ پُشتہ ءَ جْوان ئِے توار جَت، جْوان ھمے ساھت ءَ موٹر سائیکل ءَ گوں گُلائش اَت، توار اِش کنئگ ءَ گوں جْوان ءَ دست کار یل دات ءُ شُت ماھل ءِ کِرّ ءَ ، داں دیم مرچی ریتکگ ءُ سیاہ تَرّ اِتگ اَت۔ جْوان انچو آتک ماھل ءَ دست گِپت اَنت جْوان ءِ وتی سر ئِے سر ءَ ایر کُت ءُ گُشت ئِے ،، پُل جان! مرچی مھلہ برو گوں وتی مات ءَ مئے بابت ءَ گپ بجن ءُ بگُوش ئِے تئی سانگ ءَ کار اِیت اگاں ناں منی پت ءِ برات زھگ دلمانگ اِنت پہ من، وھدے ما دیر بکنیں پت وتی برات زھگ ءَ پمن ءَ زور اِیت۔ جْوان ءَ اے گپ ءِ اِش کنگ ءَ گش ئے یک بارے آئی ءِ سر ءَ کَپت، ماھل ءِ تسلّہ دات کہ مرچی من الّم ءَ مات ءَ گُشاں، ماھل پہ مُلوری شُت جْوان اوشتاتگ اَت ءُ ماھل ءَ چارگ ءَ اَت ، ماھل کہ اندیم بوت جْوان آتک ءُ زوت زوت ءَ دکان ئِے بند کُرت ءُ وتی سائیکل ءَ جت ءِ کِکّے دراتک دیم پہ لوگ ءَ ، انچوشکہ لوگ ءَ سر بوت مات ءَ را توار ئِے کُت، ماتی کجا ئے! ،او ماتی! داں مات آپ ٹانکی سر ءَ اَت ءُ توارے پد ءَ دات ،جی ابا! من اد ءَ ٹانکی ءِ سر ءَ آں، جْوان پہ اشتاپی شُت مات ءِ کش ءَ نشت ءُ گوں مات ءَ گُشت ئِے ،اما ” من ءَ واجداد ءِ زامات کن ، پت ءَ مرچی گپ بجن گوں لازم ، بگوش ھر ھال ءَ من ءَ واجداد ءِ زامات کن اگاں ناں من دگہ جاگھاں زامات نہ باں او بِھ سور نہ کناں۔

مات ءَ دست رزّانی شودگ یل دات ءُ جْوان ءِ دیم ئِے چار اِت داں جْوان سُھر تَرّاِتگ ، مات ءَ پسّو دات ءُ گُشت ، منی چُک منی دل سرد بیت تو ھر جاگہ ءَ آروس کن ئے بلے تئی پت نہ منّ اِیت کہ تئی پت ءَ ترا وتی گُوھارزتک ءَ پہ نامینتگ۔مات گپ سرجم نہ اَت کہ جْوان ءَ گپ ءِ تہ ءَ دور کُت ،پِت اگاں من ءَ اد ءَ زامات نہ کنت من ءَ کسمیں من بی ایل ایف ءَ رو آں۔یِھ منی چُک تو گنوک ئے کہ چوشیں گپ جن ئے ، مات ءَ گُشت۔جْوان مات ءِ کش ءَ چہ پاد آتک ءُ شت وتی بان ءَ پُترت، مات بزگ پریشان بوت ءُ رزان ءِ ششت اَنت آتک بورچی ءَ ، جوان بان تہ ءَ اَت ءُ مات برانڈہ ءَ تھت ءِ سر ءَ نشتگ اَت کہ جْوان ءِ پِت آتک ، جْوان ءِ پت انچوش کہ نِشت ءُ مات ءَ ورگی آپ ندات ءُ آتک کش ءِ نشت ءُ گُشت ئِے، مرچی تئی چُک ءَ مھلہ دکان بند کتگ ءُ اتکگ زان ئے چیا؟ پت ءَ پسّو دات ،، چیا بزان؟مات ءَ جوان ءِ سرجمیں گپ جت اَت ، پت ءَ گپ اِش کرت اَنت ءُ گشت ,, اے وڈ بھ نبی کہ من وتی گْوھار زبان داتگ، نوں کجام دیم ءَ من آئی ءَ را انا بکناں؟ چُک ءَ بُگوش گنوک مہ بو نند پہ آرام، تئی تروزتکیں ،رنگ دانگ ءَ کس ءَ چہ کمتر نہ اِنت سلامتیں چُکے، تئی سکی ءُ وشّیاں گون اِنت، درآمد بھ سکّی ءَ تئی ھمراہ نہ بنت ، ھرجاگہ ءَ رو ئے برو بلے تئی دشتار منی گوھار ءِ چُک اِنت، جوان درستیں گپ ءَ پت ءِ اِش کنگ ءَ اَت ۔ جوان چہ بان ءَ در اتک ءُ پت ئِے گُشت ، شر گڑا من شتاں منی جُست پد ءَ ھچ جاگہ ءَ مکن اِت ، جوان شت سائیکل ءَ جت ئِے-

کِکّ ءُ اسٹاٹ ئِے کرت ءُ سوار بوت دراتک چہ گیٹ ءَ۔ بزگیں مات ھُشک ھیران اَت ،پت ءَ گُشت :پریشان مبو اے روت پسنی ءَ گوھار ءِ لوگ ءَ دو سَے روچ ءَ نند اِیت زھراں وارت ءُ کیت بلے گپے زان ئے نوں جوان سور تیار کنگی اِنت کہ اے برے جاگھے دپ جنت کہ من ءَ اد ءَ آروس بدے۔ مات پسّو گُشت ھرچی تو گش ئے ! مات بیوس اَت نا وتی لوگواجھے ءِ گپ ئِے پروشت کت ءُ نا چُک ءِ ھمراھی کُرت کُت، چار ماہ گوستگ اَت کہ جوان ئِے ھچ ھال ءُ گواہ نیست اَت، پت ءُ براتاں اد ءَ جُست پُرس اود ءَ جُست پُرس بلے ھچ ھال نیست اَت جوان ءِ میتگ ءَ اے گپ شنگ اَت کہ جْوان تنظیم شُتگ کوہ ءَ اِنت ، میتگ ھمک مردم ءَ جوان ءِ پِت گٹ کرت کہ تئی چُک کوہ ءَ شُتگ تو بزگ بَہ ئے ، ترا سرکار بزگ کنت ،تئی آ دگہ چُکاں چست کنت لٹ دنت کہ برات ءَ بیار ، بلے جوان ءِ پت ءُ برات لاچار اتاں کہ دست ءِ ھچ ءَ نہ رست ، بازیں پیگامے راہ دات کہ جوان ءَ بُگوش بیا ما ترا ھما جاگہ آروس دئیں کہ تو لوٹ ئے، بلے جوان ءِ ھچ ھال نیست اَت، ھمے جاوراں دگہ سَے ماہ گوست کہ اچانگ ءَ یک بیگاھے ءَ جوان میتگ ءِ ھوٹلانی دیم ءَ نشتگ اَت ، میتگ ھر مردمے کہ گوست روک روک ءَ چار اِت ئِے جوان ، جوان نشتگ اَت سگریٹ ءِ دپ ءَ اَت ، یکے ءَ جوان پت ھال دات کہ تئی زھگ اتکگ ھوٹلانی دپ ءَ نشتگ ، جوان پت ءُ یک براتے شتاں داں ھو جوان اِنت نشتگ چاھے دیم ءِ ءُ سگریٹ ءِ دست ءَ ، اے دوئیناں جوان زوت ءُ اتکاں لوگ ءَ ، بزگیں مات ءُ گوھار ، نشار برات درس کیجاہ اتاں جُست ئِے کُت تو کجا بوتگ ئے، مردم وت ءَ چو گار کنت ءُ روت ھانوادہ ، جوان چپت اَت ہچ گپے جندئے نہ جنت ، ھمے ساہت ءَ چاریں نیمگ لوگ گیرہ بوت ،ھمک نیمگ پوج اَت ، جوان ئِے چست کت ءُ گوں وت بُرت اِش ، پت برات ءِ شر جت ءُ دور دات اَنت مات ءُ نشار دُرس یک لوگے ءَ کت اَنت ءُ بان ءِ دپ اِش بند کُت ،جوان ءِ چم اِش پٹی بست ءُ گاڑی ءَ کُت ءُ زرت شُت، جوان شپ ءَ کہ تفتیش اِش کُت ءُ جت کہ کجام تنظیم ءِ باسکے ئے ، کجام کوہ ءَ بوتگ ئے، کجا کاروائی کتگ ، جوان ایشاں سک جت بلے جوان ھچ نہ منّ اِت ، پت بے کساس وزیر ءُ گزیرانی کر ءَ شُت بلے ھچ پہ ھچ، ماھل اود ءَ دلترک اَت ، بزگیں مات ءِ ھالت ھراب اَت ھُشکیں گریوگ ءُ دُوا لوٹگ، ماھے ءَ پد جوان دراتک ، پت ءَ واجدادی زامات کت ، سور تیاری بوت ، جوان ءِ سور روچ ءَ پت ءَ جوان ءَ چہ جُست کُت تو کوہ ءَ ھانوادہ مہ شتیں پہ واجدادی زامات بوگ ھاتر ءَجوان پسّو دات کہ من کوہ ءَ نہ شُتاں من کُنٹانی ءَ کار ءَ بوتگ آں۔

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی ءِ درشانی انت-

ابوظئبی ءِ واکداراں اے گپ ءِ پدرائی کتگ کہ میزائل ءِ ٹکر ءَ دو مردم بیران ءُ سئے ٹپی بوتگ انت۔ واکدار ءِ رد ءَ بازیں گاڑیاں ھم تاوان رس اتگ ۔

میانجی ءِ تک ءَ برجاھیں جنگ ءِ وھد ءَ ابوظھبی ءَ ھم بازیں اُرش بوتگ ءُ ایران ءَ تاں انوگ ءَ ادا 2100 ءَ چہ گیش میزائل ءُ ڈرون آس داتگ انت۔

اگاں چہ وزارت دفاع ءِ گشگ انت کہ گیشتریں اُرش دارگ بوتگ انت بلے اد ءَ انگت ءَ زانتکاری ءِ رسگ ءَ مشکل ھست انت۔

اُرشانی سبب ءَ بوتگیں تاوان ءِ اکس ءُ ویڈیو ریکارڈ کنگ ءِ سبب ءَ تاں انوگ ءَ چہ 100 ءَ گیش مردم دزگیر کنگ بوتگ اَنت۔

برطانیہ ءِ درئی کارانی کارگس ءَ برطانیہ ءِ شھریاں ھال داتگ کہ اد ءَ سرکار ءِ سرا تنقید کنوکیں مواد ءِ پوسٹ کنگ ھم ناجائز اِنت۔

بلے ابوظھبی ءِ اے اُرش امارات ءِ تہ ءَ رنگ داتگیں ایمنی ءُ استھکام ءِ آدینک ءَ مورینک کنگ ءَ اَنت۔

واکدار ءِ گشگ انت کہ ایران ءِ گوما ہرچ گپ ءُ تران ءِ تہ ءَ آئی ءِ میزائل ءُ ڈرون پروگرامانی سر ءَ دراجیں مدتے ءِ بندش ھوار کنگ بہ بیت۔

واکدار ءَ اے گپ ءَ ھم من اَنت کہ ایران ءِ اُرشاں امارات ءَ را مجبور کتگ کہ آ وتی سیکورٹی سیادی ءَ گوں واشنگٹن ءَ گیش بہ کنت۔

یک ایران ءِ فوجی کارندھے ءَ گْوشتگ کہ اگاں امریکہ ایران ءِ سرزمین یا آئی ءِ جزیرھانی سر ءَ کہ خلیج فارس ءَ اَنت زمینی اُرشے بہ کنت گڑا اے ملک ”آبنائے باب المندب ءَ نوکیں جیڑھے پچ کنت“۔

اے ھال سرکاری ھال رسانکی ادارہ تسنیم ءُ فارس ءَ شنگ کتگ کہ آ گوں گارڈ انقلابی ءَ ھمگرنچ اَنت۔

یمن ءِ حوثی کہ ایران ءِ ھمراھاں پیسر ءَ باب المنداب ءِ دمگ ءَ اُرش کتگ۔

آبنائے باب المندب بحیرہ احمر ءُ بھر ھند ءِ نیام ءَ یک گزرانکی راہ یے ۔

زانگ بہ بیت امریکہ ءُ ایران ءِ نیام ءَ گپ ءُ ترانانی ٹاھاں امریکہ ءِ سروک ڈونلڈ ٹرمپ کنگ ءَ انت بلے دومی نیمگ ءَ ایران گپ ءُ تراناں رد کنگ ءَ انت۔

ایران ءِ پوجی واک ءِ سروک گوشگ انت امریکہ ءَ جنگ ءَ پروش وارتگ ءُ چریشی ءَ آ گپ ءُ تران ءِ ٹاہ ءَ دیم ءَ آرگ ءَ انت۔

دگہ اھوالے ءَ اے گپ ءُ تران ءَ گمانی رنگ ءَ پاکستان ءِ مزن شھر اسلام آباد ءَ بوگ ءِ گمان انت۔ بلے ایران ءِ نیمگ ءَ انگت ءَ چوشیں ھاسیں درشان دیم ءَ نیتکگ انت۔