بلوچ لبریشن آرمی ءِ جارکش جیئند بلوچ ءَ وتی درشان ءَ گوشتگ کہ سرمچاراں 19 مارچ ءَ داں 28 مارچ ءَ واشک، خاران، کلات، مستونگ، سوراب، ھزدار، شال، تربت ءُ بارکھان ءَ چاردہ کاروائی کُتگ انت ءُ پوج ءِ 18 کارندہ کشتگ انت ءُ لھتے ٹپی کتگ انت، سرمچاراں چوکی دستیگ کتگ کارندہ دزگیر کتگ اَنت ءُ آیانی سلاہ ءُ آدگہ جنگی سامان گون وت برتگ اَنت۔ اے کاروائیاں گوں پوج ءَ جنگ ءَ بی ایل اے ءِ دو سرمچار شھید بیتگ انت۔
آئی ءَ گوشتگ کہ 19 مارچ ءَ سرمچاراں واشک ءَ سی پیک دگ ءِ سر ءَ زورگریں پاکستانی پوج ءِ ٹوھیں بنجل ءِ سر ءَ گوں راکٹ ءُ آدگہ وتکاریں سلاھاں اُرش کتگ ءُ دژمن ءَ جانی ءُ مالی تاوانانی دیمپانی کنگ کپتگ۔ نزیک ءَ برجاھیں لیویز چوکی دستیگ کتگ ءُ کارندہ دزگیر کتگ اَنت۔ آیانی سلاہ برتگ اَنت ءُ کارندہ پد ءَ یل داتگ اَنت۔ ھمے روچ ءَ خاران ءِ ھند برشونکی ءَ پاکستانی پوج ءُ چیریں ادارھانی جوڑ کتگیں کشندہ ٹولی ءِ بنجل ءِ سر ءَ اُرش کتگ۔ ھاپز ممتاز ءِ سروکی ءَ کار کنوکیں سلاہ بندیں ٹولی ءِ کارندھاں جانی ءُ مالی تاوان بیتگ۔ میڑ ءَ سنگت عبداللہ بلوچ پنام ءِ ساربان شھید بیتگ۔ کلات ءِ ھند چپر ءَ سرمچاراں پاکستانی پوج ءِ پیادگیں کارندھانی سر ءَ اُرش کتگ تاوان داتگ انت ءُ پدکنز کتگ اَنت۔ مستونگ ءِ ھند گرگینہ، کلی پسند خان ءَ سرمچاراں ھما وھد ءَ سنگر گپتگ ءُ پوج ءِ سر ءَ اُرش کتگ کہ پوج ھمے دمگ ءَ پہ زوراکی کنگ ءَ روگ ءَ بیتگ۔ زورگریں پوج ءِ دو گاڑی اُرش ءِ زد ءَ اتکگ انت، چہ ایشی ءَ دژمن ءِ سَے کارندہ جاہ پہ جاہ ءَ مرتگ انت ءُ بازینے ٹپی بیتگ انت۔ پوج ءَ ھمے وھد ءَ کواڈ کاپٹر ھم بال داتگ کہ چہ آیاں یکے سرمچاراں نشانگ کتگ ءُ دور داتگ، میڑ ءُ سنگت دُرا ٹپی بیتگ۔
آئی ءَ گوشتگ کہ 20 مارچ ءَ سرمچاراں سوراب ءَ کسٹم ءِ چوکی دستیگ کتگ کارندہ دزگیر کتگ اَنت ءُ آیانی سلاہ برتگ اَنت۔ دیم ءَ آیوکیں پاکستانی پوج ءِ کاروان نشانگ کتگ، جانی ءُ مالی تاوان داتگ۔ رند ءَ پوج ءِ لھتے گاڑیانی کاروان یے زھری ءِ ھند انجیرہ ءَ ھما وھد ءَ سنگر گپتگ ءُ نشانگ کتگ کہ آ چہ سوراب ءَ روگ ءَ بوتگ۔ اے اُرش ءَ پوج ءِ ھشت کارندہ مرتگ ءُ بازینے ٹپی بیتگ انت، لگوریں پوج ءَ وتی مرتگیں کارندھانی لاش یل داتگ اَنت ءُ تتکگ۔ ھمے روچ ءَ ھزدار ءِ ھند بلبل، زھری ءَ سرمچاراں پوج ءِ کاروان ءَ ھواریں یک ٹرکے گوں تراکناکیں شورھاں نشانگ کتگ جانی ءُ مالی تاوان داتگ۔
جارکش ءَ گوشتگ کہ 21 مارچ ءَ سرمچاراں عید ءِ روچ ءَ ھاران لجے ءَ عیدگاہ ءَ شُتگ اَنت ءُ گوں مھلوک ءَ تران کتگ۔ ھمے روچ ءَ سنگت یعقوب بلوچ پنام ءِ دُرا گرگینہ ءَ گوں پوج ءَ میڑ ءَ سکا ٹپی بیتگ اَت ءُ رند ءَ شھید بیتگ۔
آئی ءَ گوشتگ کہ 23 مارچ ءَ کلات ءِ ھند منگچر ءَ سرمچاراں پوج ءِ بمب چاروکیں ٹولی ءِ پیادگیں کارمند گوں تراکناکیں شورھاں نشانگ کتگ۔ اُرش ءِ آسر ءَ سَے کارندہ جاہ پہ جاہ ءَ مرتگ انت۔ رند ءَ دیم ءَ آیوکیں پاکستانی پوج ءِ بکتر بند گاڑی گوں راکٹ ءُ آدگہ سلاھاں نشانگ کتگ ءُ گیش تاوان داتگ۔
آئی ءَ گوشتگ کہ 26 مارچ ءَ سرمچاراں شال ءِ ھند ڈگاری ءَ زڑکو ءَ زورگریں پاکستانی پوج ءِ پیادگیں کارندہ ھما وھد ءَ گوں تراکناکیں شورھاں نشانگ کتگ اَنت کہ آ نوک جوڑ بیوکیں چوکی ءِ نیمگ ءَ روگ ءَ بیتگ اَنت۔ تراک ءِ آسر ءَ دو کارندہ جاہ پہ جاہ ءَ مرتگ انت ءُ یکے ٹپی بیتگ۔
جارکش ءَ گوشتگ کہ 27 مارچ ءَ تربت ءِ ھند گنہ ءَ سرمچاراں پاکستانی پوج ءِ چوکی ءِ سر ءَ گرنیڈ لانچر ءِ باز گولا آس داتگ ءُ دژمنیں پوج جانی ءُ مالی تاوان داتگ۔
آئی ءَ گوشتگ کہ 28 مارچ ءَ سرمچاراں یکشمبے ءِ شپ ءَ بارکھان ءِ ھند گیرپٹی ءَ برجائیں پاکستانی پوج ءِ چوکی ءِ سر ءَ اُرش کتگ۔ چہ ایشی ءِ آسر ءَ زورگریں پوج ءِ یک کارندھے مرتگ ءُ دژمنیں پوج ءَ گیش جانی ءُ مالی تاوان بیتگ۔ ھمے روچ ءَ سوراب ءَ سرمچاراں شال کراچی شھدگ بستگ ءُ داں دیر ءَ پٹ ءُ پول کتگ۔ ھمے میان ءَ آئی ایس آئی ءِ چریک پجارگ ءَ پد کشتگ۔ ھمے وڑ ءَ سوراب ءِ ھند گدر ءَ پاکستانی پوج ءِ کارمند ھما وھد ءَ گوں دستی بمب ءَ نشانگ کتگ اَنت کہ آ یک پارم ھاؤسے ءَ سنگرے ءِ رنگ ءَ کارمرز کنگ ءَ آتکگ اَنت۔ تراک ءِ آسر ءَ دوئیں کارندہ ٹپی بیتگ اَنت۔
جارکش ءَ گوشتگ کہ دژمنیں پوج ءِ بگیری ءَ کاروائیاں گل ءِ دو دلیریں سرمچار پہ وتن ءَ کربان بوتگ اَنت۔ شھید عبداللہ رودینی بلوچ پنام ءِ ساربان ء نازر علی رودینی پَنجگُور ءِ ھند ھدابادان ءِ جھمنند بیتگ۔ بلوچستان یونیورسٹی ءَ بی ایس انگلش لٹریچر ھلاسے کتگ۔ آ 21 مئی 2023 ءَ شھری چیرجنگی ءِ بستار ءَ بھر زرتگ ءُ جولائی 2025 ءَ کوہ ءَ شتگ۔ آ 19 مارچ 2026 ءَ خاران ءِ ھند لجے ءَ گوں دژمنیں پوج ءَ جنگ دیان ءَ شھید بیتگ۔ دومی شھیدیں سرمچار سنگت یعقوب بلوچ پنام ءِ درا ء گل شیر بلوچ، تربت دشت ءِ جھمنند بیتگ۔ آ 2024 ءَ گل ءَ ھوار بیتگ ءُ شور پارود، کلات ءُ مستونگ ءَ وتی زمہ واری پیلوے کتگ انت۔ آ 21 مارچ 2026 ءَ مستونگ ءِ ھند گرگینہ ءَ گوں زورگریں پاکستانی پوج ءَ جنگ ءَ ٹپی بیتگ ءُ رند ءَ آئی ءَ ٹپانی درد نہ سگ اِتگ ءُ شھید بوتگ۔
