بلوچستان ءِ دمگ کیچ ءِ بنجاھی شھر تربت ءَ دوشمبے ءِ سھب ءَ ناشناسیں سلاہ بندیں مردماں ورنایے ءِ سر ءَ تیرگواری کتگ ءُ کشتگ۔ اے ویل پارک ھوٹل ءِ نزیک ءَ سھب ءِ یازدہ ءَ بوتگ۔
پولیس ءِ رد ءَ بیران بوتگیں مردم ءِ پجار تربت ءِ دمگ آپسر ءِ نندوکیں عدیل ء ماسٹر اقبال ءِ زانگ نام ءَ بوتگ۔
زانگ بہ بیت کہ بیران بوتگیں عدیل زورانسری بیگواھی آماچ بوتگ، ءُ بازیں وھدے ءَ بیگواہ بوھگ ءَ پد ھمے زوتاں یل بیتگ۔ یک بوھگ ءَ پد مرچی روچ ء رھمانی تیرگواری کنگ ءُ کشگ بیتگ-
ماں بلوچستان ءَ اے وڑیں وئیل اولی رند نہ اِنت۔ گوستگیں وھداں چہ زروانسری بیگواہ کنگ ءِ آماچیں مردم یل دیگ ءَ پد نشانگ جوڑ کنگ ءِ بازیں ویل دیم ءَ اتکگ انت۔
انسانی ھکانی گل، سیاسی جھدکار، ءُ راجدوستیں گل اے وڑیں ویلاں ریاستی ادارھانی نیمگ ءَ “بلوچ نسل کشی” ءِ پالیسی گشگ ءَ انت۔ اے پھناتانی گشگ انت کہ بلوچ ورنا اولی رند ءَ پہ زور بیگواہ کنگ بنت ءُ رند ءَ دروگیں انکاؤنٹراں یا نشانگ جوڑ کنگ بنت یا کُشگ بنت۔