بارکھان، ڈھاڈر : پاکستانی پوج دست ءَ پنچ مردم زورانسری بیگواہ، شش آجو بیتگ اَنت

بلوچستان ءِ دمگ چہ بارکھان ءَ پنچ مردم زورانسری بیگواہ وھدے کہ شش یل کنگ بیتگ اَنت-

گیشیں ھالانی رِد ءَ ھمے سال سے اپریل ءَ بارکھان رکھنی ءِ بُنجاھی بازار ءَ چہ چمالنگ ڈھڈر ءِ جھمنند محمدانی مری ءِ کھول پنچ مردم پاکستانی پوج ءَ آوار جنگ ءَ پد بیگواہ کتگ اَنت –

زورانسری آوار جنگ بیتگیں مردم چہ بختیار ء میانداد آوار جنی ءِ وھد ءَ سک لَٹ ءُ کُٹانی نشانگ کتگ کہ ھپت روچ ءَ پد یل داتگ – بلے سک لَٹ ءُ کُٹ ءِ سبب ءَ آ نہ رکّ اِتگ ءُ بیران بیتگ-

آ دگہ چاریں مردم انگت بیگواہ اَنت آیانی تہ ءَ یکے ءِ پجّار موسیٰ ء میانداد نام ءَ چہ بیتگ وھدے کہ آ سئیں مردمانی پجّار انگت نہ بیتگ اَنت-

ھمے وڑ چار اپریل دوھزار بیست پنچ ءَ چہ دوزان ڈھاڈر ءَ پاکستانی پوج ءِ دست ءَ زورانسری بیگواہ محمد عمر ء محمد انور، عبدالواھاب ء غلام سرور، سراج احمد ء پائند خان، بسم اللہ ء غلام سرور، شاھجان ء پائند خان ءُ صد حسین ء سائیں داد ٹک کرد جھمنند دشت مستونگ آجو بیتگ ءُ وتی لوگ ءَ سر بیتگ اَنت-