کلات ءَ سلاھبنداں اُرش ءِ تہ ءَ پاکستانی لشکر نشانگ کتگ ءُ پوسٹ دستیگ کتگ ۔
کلات ءِ شیخڑی ءِ دمگ مورگنڈ ءَ پاکستانی اُرد ءِ سیکورٹی پوسٹانی سر ءَ سلاہ بندیں مردماں اُرش کتگ ءُ قبضہ کتگ۔ اے اُرش ءَ پورسز ءَ را تاوان ءِ ھال انت۔
دمگی مردماں ٹی بی پی ءَ را گشتگ کہ اے وئیل گوستگیں شپ ءَ بوتگ کہ اود ءَ مزنیں کساسے ءَ سلاہ بندیں مردماں یکیں وھد ءَ دیم ءِ سر ءَ اُرش کتگ۔
دمگی مردمانی گشگ انت کہ اے اُرش ءَ کہ بازیں ساھتاں برجاہ بوتگ ، ارش کنوک سیکورٹی پوسٹانی سرا قبضہ کنگ ءَ سوبین بوتگ انت۔
واکداراں اے درگت ءَ انگت ءَ ھچ وڑیں ھال ءُ اھوال نہ داتگ۔ بلوچ سلاھ بندیں آجوئی گل اے دمگ ءَ سرگرم اَنت بلے انگت ءَ کس ءَ اے اُرش ءِ زمہ واری نہ زرتگ۔