بلوچستان لبریشن پرنٹ ءِ جارکش میجر گْوھرام بلوچ ءَ رسانکدر ءَ وتی شنگ کتگیں درشانے ءَ گوشتگ کہ سرمچاراں 21 اپریل ءِ شپ ءِ ادار ھشت ءِ نزیک ءَ ھاران شھر ءَ گواش دگ ءَ زورگریں پاکستانی پوج ءِ برجاھیں چوکی ءِ سر ءَ گوں وتکاریں سلاھاں اُرش کتگ۔
جارکش ءَ گوشتگ کہ سرمچاراں ساری ءَ چوکی ءِ دیم ءَ اوشتاتگیں کارندہ تیر جتگ ءُ کشتگ ءُ اشی ءَ پد سرمچاراں رپکانی رد ءَ تیرگواری بند کتگ۔ وھدے دژمن ءِ کارندہ پہ وتی مرتگیں کارندھانی لاش ءِ چست کنگ ءَ مچ بیتگ اَنت ، سرمچاراں گوں وتکاریں سلاھاں نشانگ کتگ اَنت۔ چریشی ءِ آسر ءَ دژمنیں پوج ءَ گیش جانی ءُ مالی تاوان بوتگ۔
میجر گْوھرام بلوچ ءَ اُرش ءِ زمہ واری من اِتگ ءُ گوشتگ کہ داں بلوچستان ءِ آجوئی ءَ زورگریں پاکستانی پوج ءُ آئی پوجی شوربندیاں نشانگ کن ایں۔