سُھرچکیں دْروت راجی شھیداں
13 نومبر
لچہ کار: سنگین دُرا
دی بلوچستان پوسٹ
بْیا اِت منی آھوپَریں مھر ءِ گلابیں دُختراں
شر کاڑ ءُ ماہ توسیں سرانی دروراں
پیچ اِت وتی آپ ءِ رواناں مھنائیں
یکجا کن اِت راج ءِ گُلاں نوں دانائیں
جنگے مَئے کپتگ سر ءُ بھتانی روچ
واب مہ ریچ کُلاں وتی پادا بلوچ
بنسوچ کن لونڈو، لجوزیں چُکبراں
ترانے وتی راجپال ءُ بیلیں ھمسراں
براسانی ما اوشتوک بیں ھمکوپگی
روباہ چہ ھونڈاں کشگی، در روپگی
نیلیں کبیساں ما وتی زید ءِ سر ءَ
بْیا اِت منی آھو پَریں مھر ءِ گلابیں دُختراں
اسپیتیں اسپ ءَ سنج کن اِت بے دروراں
شورہ مش اِت جان ءِ وتی ھر بوگ ءُ بند
چوکہ دُرَکیں پسگاں سر کامرانی اشتگاں
درستیں متاہ گوگائیں دل نوں کشتگاں
بس گوانکے تھنا اتکگ اَت دراھباتی ءَ
بس اھوتی ماتی وطن ہمتران بوت
ماھو مناں، اومر چتور نوں پیم بیت
دل بھر بنت، چم روشنا، گم روشنا
سنگین مئے باندات ھر دم روشنا
کربان بئیں نگُلیں وتی راج ءِ سر ءَ
سر اوں سدکہ گلزمین مات ءَ وتی