نوشکی ءِ دمگ قادر آباد بائی پاس ءِ نزیک ءَ سلاہ بندیں مردمانی تیرگواری ءَ یک مردمے بیران بیتگ ءُ یکے ٹپی بیتگ۔
بیران بیتگیں مردم ءِ پجار شاہ خالد جھمنند قاضی آباد ءِ نام ءَ بیتگ ءُ ٹپی ءِ مردم ءِ پجار عبدالرؤف ءِ نام ءَ زانگ بیتگ ۔
دمگی مردمانی رد ءَ وئیل قادر آباد بائی پاس ءِ نزیک ءَ پیش اتکگ کہ اود ءَ سلاہ بندیں مردماں آ نشانگ کتگ انت۔
دمگی مردمانی رد ءَ بیران بیتگیں خالد ءِ سیادی قاضی آباد ءَ بیتگ ءُ آ یک سرکاری پلامرزی ءَ ھستیں ٹولی ءَ بیتگ کہ آئی ءَ دمگی گالوار ءَ “ ڈیتھ اسکواڈ” ءِ نام گوش انت۔
اُرش ءِ سبب انگت ءَ زانگ نہ بیتگ انت ءُ ناکہ دگہ کسے ءَ اُرش ءِ زمہ واری زرتگ۔