بلوچ یکجھتی کمیٹی ءِ رِد ءَ گوستگیں شپ ءَ پاکستانی پوج ءَ سوراب ءِ دمگ نغاڑ ءَ بمبگواری کتگ، چریشی ءِ آسر ءَ یک مسیت ءُ دمگی جھمنندانی لوگ نشانگ کتگ اَنت- مسیت، کہ یک ابادت جاھے ءُ وتی لوگاں وپتگیں کھولانی سر ءَ بمبگواری ءُ ڈرون اُرش ءَ مردمانی سلامتی، ازت ءُ شرپ ءُ زندگی ءِ بُنکی ھک ءِ سر ءَ تچکی ءَ اُرش اِنت-
وئیل ءِ ھلاپ ءَ زھرشانی کنان ءَ دمگی جھمننداں سوراب بازار سرجمی ءَ شٹر ڈاؤن ہڑتال کتگ ءُ بُنجاھی آر سی ڈی دگ ھم بند کتگ دانکہ اے تباھی ءِ ھلاپ ءَ وتی توار ءَ چست بہ کنت – دمگی آبادی بمبگواری ءَ نشانگ کتگ، لوگ ءُ مکدسیں ھنداں تباہ کنگ ریاستی زوراکی ءُ ناشرکاری اِنت، کہ آئی ءَ را راج نہ منّ اِیت-
بلوچ یکجھتی کمیٹی ءَ گْوشتگ کہ بلوچستان ءِ راج پھازی، ازت ءُ شرپ ءُ پُرایمنی زھرشانی ءِ ھک ھست اِنت- ریاست ءَ لوٹ اِیت اے سنگین ءِ وئیلانی زمہ واریں مردماں جُست بگر-