لسبیلہ ءَ پاکستانی پوج ءِ سر ءَ اُرش، بازیں کچے ءَ کارندہ بیران، زمہ واری بی ایل اے ءَ من اتگ

چہ لسبیلہ ءَ سربیتگیں ھالانی رد ءَ پاکستانی پوج ءِ کاروان ءِ سر ءَ اُرش بیتگ، اُرش ءِ آسر ءَ بازیں کچے ءَ پاکستانی لشکر ءَ جانی تاوانانی دیمپانی –

دمگی مردمانی رد ءَ اُرش ءِ آسر ءَ پاکستانی لشکر ءِ دو گاڑی سرجم ءَ تباہ بوتگ انت ءُ دگہ گاڑیاں ھم تاوان رس اتگ-

دومی نیمگ ءَ بلوچ لبریشن آرمی ءِ جارکش جیئند بلوچ ءَ شنگ کتگین درشان ءَ اُرش ءِ زمہ واری من اتگ ءُ گوشتگ گل ءِ فتح اسکواڈ ٹولی ءَ پاکستانی لشکر ءِ کاروان لسبیلہ ءِ دمت والپٹ ءَ یک ھترناکیں اُرشے کتگ-

بی ایل اے ءِ رد ءَ اُرش ءِ آسر ءَ پوج ءِ بازیں کچے ءَ کارندہ مرتگ ءُ زدگ بیتگ انت-

جارکش ءَ گوشتگ بی ایل اے اے اُرش ءِ زمہ واری ءَ من ایت ءُ ایشی ءِ گیشیں اھوالاں زوت رسانکدر ءَ شنگ کنت-