کلات، پوجی آپریشن، تیرگواریں ھیلی کاپٹرانی شیلنگ ءُ چہ کواڈ کاپٹراں بمبگواری

بلوچستان ءِ دمگ کلات ءَ ھربوئی، چپر ءُ کش ءُ گور ءِ دمگاں پاکستانی پوج ءِ نیمگ ءَ چہ پوجی آپریشن برجاہ، وھدے کہ دمگی اِھوالکار ءِ گوشگ اِنت نہ کاروائی ءِ میان ءَ تیرگواریں ھیلی کاپٹراں چہ جتاجتائیں ھندانی سر ءَ یکشل ءَ شیلنگ کتگ-

دمگی ھالانی رِد ءَ آپریشن ءِ میان ءَ ھیلی کاپٹراں بُرز بالی بازیں کلاکاں تاں برجاہ بیتگ ءُ بازیں دمگاں وھد وھد ءَ چہ گولہ گواری توار اش کنگ بیتگ- اِھوالکار ءَ ٹاہ داتگ کہ کاروائی ھربوئی، چپر ءُ آئی ءِ کش ءُ گور ءَ تاں تلان کنگ بیتگ-

دمگ ءَ چہ رستگیں ھالاں اے ھم ٹاہ دیگ بیتگ کہ کاروائی ءِ میان ءَ کواڈ کاپٹراں چہ بازیں ھند نشانگ کتگ اَنت- بلے اے میان ءَ جانی ءُ مالی تاوان ءِ پدری نہ بیتگ، تنی وھدے اے کاروائی ءِ درگت ءَ واکدار نیمگ ءَ ھچ وڑیں ھال دیم ءَ نیتکگ-