بلوچستان ءِ دمگ چہ آواران ءَ دو مردم زورانسری بیگواہ وھدے کہ پسنی ءُ تربت ءَ سے مردم یل کنگ بیتگ اَنت-
گیشیں ھالانی رِد ءَ چہ مشکے ءَ دو مردم پاکستانی پوج ءَ زورانسری بیگواہ کتگ اَنت-
دمگی اِھوالکار رِد ءَ کنڈھڑی ءِ دوئیں جھمننداں چہ پاکستانی پوج ءَ کریم جان ء عظیم جھمننف کنڈھڑی گوستگیں بیگاہ ءَ لاکھی چوکی ءَ لوٹائینتگ بیگواہ کتگ، وھدے کہ نور اللہ ء علم خان کندھڑی ءَ شپ وھد ءَ لوگ سر ءَ بیڑ میان ءَ آوار جتگ بیگواہ کتگ. کھول ءَ آئی ءِ پہ سلامتی یل کنائینگ ھاتر ءَ سیاسی چاگردی گل ءُ رسانکدر ءَ پُرکاریں مردماں چہ توار چست کنگ لوٹ کتگ-
اود ءَ چہ پسنی ءَ بیگواھیں بی این پی ءِ پبلیکشن سیکرٹری وحید مجید ءَ ھوار آئی ءِ سئیں برات حفیظ مجید ءُ ندیم مجید آجو بیتگ ءُ لوگ ءَ سر بیتگ اَنت-
زانگ بہ بیت کہ پاکستانی پوج دست ءَ زورانسری آوار جنی ءَ پد آئی ءِ کھول کراچی، مکران شھدگ زھرشانی کنان ءَ بند کتگ ءُ یل کنائینگ لوٹ کتگ-
ھمے وڑ چہ کیچ ءَ ڈاکٹر زرین یل کنگ بیتگ لوگ ءَ سر بیتگ کہ گوستگیں بیگاہ ءَ چہ ڈنُّک ءَ کلینک ءَ چہ ناشناسیں سلاہ بندیں مردماں آوار جتگ اَت-