TBP Balochi

اوگانستان ءَ سلاہ بندیں ٹولی ءِ جاڑیگ بیگ ءِ ترس ءَ میان اُستمان ءِ جنرل اسمبلی ءِ نیاد ءَ پاکستانی سروزیر شھباز شریف ءِ تران ءِ پژدر ءَ اوگانی طالبان ءِ پلامرزی کنوکانی ترندیں درشان دیم ءَ اتکگ اَنت-

پاکستان ءَ اوگانستان ءِ گوستگیں سفیر عبدالسلام ضعیف ءَ گوشتگ کہ شھباز شریف ءِ “گوات کش ءُ دروگیں گپ یک پندلی ءِ گمان ءَ برگ ءَ اَنت- بہ کول ءِ ملا ضعیف ئیگ ءَ اے مردم لوٹ اَنت وتی گندگیں دستاں اوگانستان ءِ نام ءَ نیمون بہ کن ایں ءُ ساپ بہ کن ایں ءُ نپ چست بہ کن ایں-

آئی ءَ گوشتگ اے یک شریں رنگے ءَ چارگ ءُ اے پندل ءِ پَٹ ءُ لوٹ کنگ ءُ اے دارگ بہ بیت-

طالبان ءِ منوکیں فیض خلاند ءَ گوشتگ کہ پاکستانی سرویز ءِ تامر بند ءِ سر ءَ نبشتگ کرتگ دوستی ءِ دروشم ءَ؟

طالبان ءِ سرکار ءُ آئی ءِ منوکاں گوشتگ پاکستان امریکہ ءُ دگہ نمائندگاں میان اُستمان ءِ جنرل اسمبلی ءَ اوگانستان ءَ سلاہ بندانی جاڑیگی ءِ درگت ءَ درشان بے بُن اِنت-

بلخی ءَ گوشتگ کہ اسلامی امارت اشی ءَ رد کنت ءُ دنیا ءَ سرپد کنت کہ اوگانستان ءِ سرزمین کسے ءِ ھلاپ ءَ کارمرد کنگ ءَ پرمان دیگ نہ بیت اِنت ءُ نا اے وھد ءَ دگہ سلاہ بندیں ٹولی جاڑیگ اَنت-

آئی ءَ گوشتگ دنیا ءِ ڈیھانی بے بژن ءُ بھتاماں ابید اسلامی امارات ءِ شریں رھوتانی گون دیم ءَ بہ کنز اَنت ءُ درشان ءُ رسانکدراں ابید وتی زانت ءُ زانش ءَ تچک ءَ گوں ما ھوار بہ بنت آئی ءَ گوشتگ کہ اگاں میان اُستمان ءَ آیانی سرکار ءَ گوں رھوتی بوت اِنت تچک ءَ اے ڈیھانی بژن دور کت کتگ اِت اَنت-

بلوچستان اسمبلی ءَ ٹرانسجینڈر “بزانکہ مردین جنین کنگ ءُ آیانی جسمانی مٹ کنگ” ءِ بگیری ءَ ناشری منّگ بیتگ-

مروچی بلوچستان اسمبلی ءَ ٹرانسجینڈر ایکٹ ءِ ناشر گوشگ ءِ بارو ءَ باوست بیتگ-

اے منانک جمعیت علما اسلام (جے یو آئی) ءِ اسمبلی ءِ باسک اصغر ترین ءَ گوستگیں نیاد ءَ پیش کتگ اَت بلے مائیک ءِ ھرابی ءَ چہ نیاد ءَ گپ سرجم نہ بوتگ ات –

مروچی بلوچستان اسمبلی ءَ ٹرانسجینڈر ایکٹ بندش جنگ ءِ باور ءَ گپ منّگ بیتگ-

بلوچستان اسمبلی ءِ نیاد دان بیست ءُ ھپت ستمبر ءَ دارگ بیتگ-

بلوچستان ءِ دمگ ھُزدار ءَ مرد ءَ وتی لوگ بانُک کُشتگ-

لیویز اھوال ءِ رِد ءَ وئیل ءَ پد کُوشکار چہ وئیل جاہ ءَ ھما زوت ءَ تچگ ءَ سوبمند بوتگ وھدے کہ وئیل ءِ سوب داں انگت زانگ نہ بوتگ-

دومی نیمگ ءَ بلوچستان ءِ دمگ پنجگور ءَ گوستگیں روچ ءَ کُشگ بوتگیں ایاز بلوچ ءِ کُوشکار لیویز لشکریاں چہ پنجگور ءِ دمگ چیدگی ءَ دزگیرکتگ-

اِھوالکارانی رِد ءَ گوستگیں روچ ءَ مھمد م نامیں مردمے ءَ یک نزیکیں سیادیں ایاز نامی ورنایے وتی لوگ ءَ لوٹائینتگ ءُ کُشتگ ءُ پدءَ وت تتکگ، بلےمروچی لیویز لشکریاں مھمد چہ چیدگی ءِ ھند ءَ دزگیر کتگ-

وئیل ءِ سوب داں انگت واکداراں پدر نہ کتگ وھدے کہ دمگی اھوالکارانی رِد ءَ اے وئیل لوگی جیڑھانی سوب ءَ بیتگ-

بلوچ اسٹوڈنٹس ایکشن کمیٹی تربت ھنکین ءِ عطا شاد ڈگری کالج ءِ بنزھی نیاد بنزہ ءِ کارمستر عبدالرحمان بلوچ ءِ پاگواجھی ءَ برجم دارگ بوتگ-

دیوان ءِ گچینی مھمان هنکینی کارگشاد حمل بلوچ ءُ کمک کار گُشاد یاسر بلوچ بوتگ انت- دیوان ءَ بنزھی اھوال، شرگداری، گل ءِ نشست ءِ سر ءَ تران ءَ دیمترءَ آیوکیں گامگیجانی سرءَ گپ تران ءَ ھوار کْوھنیں کابینہ ھلاس کنگ بیتگ ءُ نوکیں بنزھی کابینہ ءِ سنگت گچین کنگ بوتگ اَنت کہ آھانی تَہ ءَ عزیر بلوچ کارمستر ءُ زاھد بلوچ کار گُشاد گچین کنگ بوتگ انت-

دیوان ءَ جتائیں سرھالانی سرا تران کنان ھنکینی اگدہ داراں گُشتگ کہ ادارہ ءِ لیکہ ءِ سرا سنگتانی کمنٹمنٹ گل ءِ کارانی دیمروی دیگ مانزمان اِنت۔ گل ءِ سنگتانی تہءَ کمنٹمنٹ بوگ مزنیں ارزشتے داریت- ھچ کار ابید ءِ کمنٹمنٹ ءَ سرجم بوت نہ کنت ءُ بلوچ راجدوستی ءِ لیکہ ءَ گوں بندوکیں نودبراں پہ المی انت کہ آ وتی گل ءِ کارانی دیمروی دیگ ءِ ھاترا کمیٹڈ بہ بیت ءُ مکسد ءَ دیم ءَ بہ جنزین اِیت-

گل ءِ کارانی بنگپ ءِ سرا تران کنان ءَ ترانکاراں گُشتگ کہ ھرچ باسکے گل ءِ لیکہ ءِ دیم ءَ برگ وتی زمہ واری ءِ سرپد بہ بیت۔ کالج ءِ تہءَ نوک اتکگیں نودربر کتاب وانگے نیمگ ءَ آرگ بہ بنت – گڈ سرءَ درستیں باسکاں اھد کتگ ءُ گُشتگ کہ راجدوستی ءِ لیکہ ءَ گوں گلءِ کارانی دیمروی ءَ وتی کردءَ پیلو کن ایں-

گڈّی بنگپ آؤکیں گامگیج ءِ تہءَ گُوستگیں کابینہ هلاس کنگ بوت ءُ نوکیں کابینہ ءِ گچین کاریانی تہءَ سنگت عزیر بلوچ کارمستر، مجاھد نزیر بلوچ کمک کارمستر، زاھد بلوچ کارگشاد، فیصل بلوچ کمک کار گشاد، مجاھد بلوچ ھالرسانی کارگشاد گچین کنگ بوت انت-

گڈ سرءَ نوک گچین بوتگیں کابینہ ءِ سنگتاں چہ سوگند زیرگ بوتگ ءُ دیوان آسر کنگ بوتگ-

بلوچستان لبریشن فرنٹ ءَ ھُزدار ءِ ھند نال ءَ گْرانبھائیں سِنگ بروکیں گاڑیانی سر ءَ اُرش ءِ زِمہ واری منّ اِتگ۔

بلوچستان لبریشن فرنٹ ءِ جارکشّ میجر گْوھرام بلوچ ءَ وتی شِنگ کُرتگیں درشان ءِ تہ ءَ گْوشتگ کہ بیست ءَ دو ستمبر ءَ پنچ شمبے ءِ بیگاہ ءَ ادار ھپت ءُ ھشت ءِ مْیان ءَ مئے سرمچاراں ھُزدر ءِ ھند نال ھُشتری ڈیم ءَ گْرانبھائیں سِنگاں باریں پرش (فرش) گاڑیاناں تیرگواری کُرتگ ءُ آیانی ٹائراناں تیر جتگ۔

جارکشّ ءَ دیمتِر ءَ گْوشتگ کہ مئے سرمچاراں ڈرائیور ءُ اے دِگراناں ابید تچک ءَ گاڑیانی ٹائر نِشانگ کُرتگ اَنت، چی ءَ کہ اے یک آگاہ کنگ ءِ کاروائی یے زُورگِپتیں بلوچستان ءِ گْرانبھائیں سِنگاں ھوار اے دِگہ راجی گْواجنانی ارزانیں نِھادے ءَ وتی زاتی واھشتانی ھاتِر ءَ بھا کنوکیں مردُماناں شیوار کن اِیں کہ آ راجی مڈّیانی لُٹّ ءُ پُل ءِ گامگیج ءَ چہ وت ءَ دِور بدار اَنت۔ راجی گْواجنانی چوشیں ھِچّ سودایے ءِ منّوگِر نہ اِیں کہ چہ آئی ءَ تانسریں بلوچ راج سیت مَندی یے بدل ءَ تھنا لھتیں واپاری ئیں ھاندان سیت مند بِہ بیت۔ زُورگِپتیں بلوچستان ءِ توامیں گْواجن بلوچ راج ءِ راجی میراس انت۔ اے راجی میراس ءَ گوں ھمگْرنچیں واپاریاں شیوار کن اِیں کہ آ چہ وتی اے گامگیج ءَ دزکشّ بِہ بَہ اَنت، اگاں نا وتی جان ءُ مالی تاوان ءِ زِمہ وار وت اَنت ۔

بلوچستان لبریشن فرنٹ ءِ جارکشّ میجر گْوھرام بلوچ ءَ وتی شِنگ کُرتگیں درشان ءِ گُڈّی ءَ گْوشتگ کہ داں زُورگِپتیں بلوچستان ءِ آجوئی ءَ مئے اُرش دُژمِن ءُ آئی کُمکّارانی بگیر ءَ گوں تْرندی ءَ برجاہ مان اَنت۔

دی بلوچستان پوسٹ پتر ءَ سربوتگیں ھالانی رِد ءَ آدینگ ءِ روچ ءَ غلام نبی ء غلام علی مینگل آوار جنگ ءُ بیگواہ کنگ بوتگ –

چہ نوشکی ءَ ٹی بی پی ءِ اھوالکار ءِ گوشگ انت کہ غلام نبی جھمنند کلی مینگل نوشکی گوستگیں روچاں بزاں بیست ءُ دو ستمبر ءِ بیگاہ ءِ وھد ءَ چکی مسجد دگ ءَ وتی جند ءِ دکان ءَ زورانسری آوار جنگ ءُ بیگواہ کنگ بوتگ –

چم دیستیں گواھانی گوشگ انت کہ گلام نبی ھرابیں گُدشودی مشین ءُ پریجانی شر کنگ ءِ کار ءَ کنت ءُ آئی ءِ سر ءَ پاکستان ءِ چیریں ادرھانی کارمنداں ھم کال کُتگ بوتگ کہ ھمودے مردمانی گور ءَ آئی ءِ جند ءَ نام گپتگ – آئی ءِ پون کنگ ءُ ھمے گوشگ بوتگ کہ مئے مشین ءِ ھراب انت شر کنگی انت پد ءَ چیریں ادارھانی کارمندے پرپٹ ءِ سر ءَ دکان ءَ اتکگ ءُ گوں وت برتگ یے –

چم دیسیں گواھانی رِد ءَ آئی ءَ گوشتگ کہ مشین شر کنگ ءَ من وت آئی ءَ کاراں ءُ سر کنان بلے ورنا انگت گار ءُ بیگواہ انت – اے درگت ءَ دمگی واکدار ھم ھچ گوشگ ءَ نہ انت –

زانگ بہ بیت بلوچستان ءَ دگہ دمگاں ھوار نوشکی ءَ ھم بازیں مردمے زورانسری آوار جنگ ءَ بیگواہ کنگ بوتگ انت وھدیکہ گوست ءَ زورانسری آوار جنگ بوتگیں ورنایانی جون ھم دست کپتگ انت –

بلوچ لبریشن ٹائیگرز ءِ جارکش میران بلوچ ءَ رسانکدراں شنگ کرتگیں وتی درشانی ءَ گشتگ مئے سرمچاراں گوستگیں شپ ءَ بلوچستان ءِ دمگ ڈیرہ بگٹی ءِ ھند زین کوہ ءَ جڈیر کھنڈغ ءِ ھند ءَ تیل ءُ گیس ءِ شوھاز کنوکیں کمپنی ءِ سَے بلڈوزر تراکناکیں شورواں گوں تباہ کرتگ اَنت کہ اشی ءِ زمہ واری ءَ بی ایل ٹی من ایت-

درشانی ءَ جارکش میران بلوچ ءَ گوشتگ کہ دمگی ءُ دری کمپنیاں گوں بیھار دے آں آ بلوچانی مڈیانی پُلپھانچی ءَ گستا بہ بنت اگاں ناں ترندیں نشانگ کنگ بنت-

گوریچانی ھندوستان ءَ ھورانی گوارگ ءَ گوستگیں بیست ءُ چار ساھتانی تہ ءَ 36 مردم بیران بیتگ اَنت اشانی تہ ءَ 12 مردم گروک ءَ گپتگ ءُ کشتگ اَنت-

فرانسیسی ھبررساں ایجنسء اے ایف پی ءِ رد ءَ ھندوستان ءِ واکداراں گشتگ آیوکیں روچاں دگہ گیش ھورانی گوارگ ءِ گمان اِنت –

ریلیف کمشنر رنویر پرساد ءَ گوشتگ کہ گوریچانی ریاست اترپردیش ءَ ھورانی گوارگ ءَ لوگانی کپگ ءَ کچ ءُ کساس بیست ءُ چار مردم بیران بیتگ اَنت-

پانزدہ سالی ئیں مھمد عثمان آدینگ ءِ بیگاہ ءَ پریاگ راج شھر ءَ وتی سنگت ءِ لوگ چھت ءَ جاڑیگ بیتگ گروک ءَ شھم کتگ ءُ چریشی ءَ چہ آ ھما دمان ءَ بیران بیتگ ءُ آئی ءِ ھمراہ اذنان زدگ بیتگ ءُ آ نادراہ جاہ ءَ برگ بیتگ-

مھمد عثمان ءِ پت مھمد ایوب ءَ گوشتگ کہ ھنچش کہ آئی ءَ چھت ءَ گام ایر کرتگ اَنت گڑا آئی ءِ سر ءَ گروک کپتگ ءُ منی زھگ بیران بیتگ-

واکدارانی گوشگ اِنت گوستگیں پنچ روچانی تہ ءَ ریاست ءَ گروک ءِ کپگ ءَ سی ءُ نُھ مردم بیران بیتگ اَنت –

ھندوستان ءَ بشی ھور داں ستمبر ءَ برجاہ بنت ءُ اے وھداں گروک ءِ کپگ لس اِنت-

کرنل سنجے سریواستو کہ آئی ءِ گل لائنٹننگ انڈیا ریزیلیئنٹ انڈیا ءِ مھکمہ موسمیات ءِ ھواری ءَ کمک کنت جنگل ءَ درچکانی برگ ءَ آپ ءِ کمی ءَ موسمیاتی مٹ بیگ ءَ بھر مند بنت ءُ چریشی ءَ گیش گروک کپ اَنت-

سینٹر فار سائنس اینڈ انوائرمنٹ ءِ ڈائریکٹر جنرل سنیتا نارائن ءَ گوشتگ درجہ ھرارت یک ڈگری ءِ سیلسیس یک ٹک ھشت ءَ ڈگری فارن ہائیٹ بیت اِنت چریشی ءَ گروک ءَ دوازدہ گیش بیت اِنت گوستگیں یک سالے ءِ توک ءَ انڈیاطءَ گروک ءِ کپگ ءِ وئیلاں سی ءُ چار درسد گیشی اتکگ ءُ چریشی ءِ سبب ءَ مرگ ءُ بیرانیانی تہ ءَ گیشی اتکگ –

کرنل سنجے سریواستو ءِ رد ءَ ھندوستان ءَ سال دوھزار ءُ شانزدہ ءَ گروک ءِ کپگ ءَ یک ھزار ءُ چار سد ءُ ھشتاد ءُ نُھ بیرانی نبشتگ کنگ بیتگ اَنت سال دوھزار ءُ بیست ءُ یک ءَ اے کچ ءُ کساس گیش بیتگ اَنت دوھزار ءُ ھشت سد ءُ شست ءُ نُھ ءَ سر بیتگ اَنت-