TBP Balochi

سریاب ریڈرز کلب ءِ کمک کار وتی کیسگ ءَ زر پُر کن انت ءُ مردماں کتاب سر کن انت –

شال ءَ بلوچستان شھدربر جاہ ءِ ھشت دھ نودربرانی یک ٹولی یے وتی کیسگ ءَ زر دے اَنت ءُ مردماں کتاب سرکن انت – اے ورنایاں چاگردی ترامجاھاں وتی سریاب ریڈرز کلب ءِ نام ءَ اکاؤنٹ جوڑ کتگ کہ اود ءَ کساس شش سد کتابانی اکس ایر کنگ بوتگ ءُ آھانی توسیپ نبشتگ اَنت –

کتاب بین ان ٹائٹلز تہ ءَ ھر کسے کہ کتاب ءِ دوست دار ایت گڑا آئی ءَ کتاب ڈس ءِ جست ءَ کن انت ءُ سر ءِ کن انت ئِے –

سریاب ریڈرز کلب ءِ کمک کار انیس الرحمن ءِ رد ءَ آ ءُ آئی ءِ سنگت ھمک ماہ چار سد ءَ گیش کتابانی زراں چہ وتی کیسگ ءَ دے اَنت –

آئی ءَ گوشتگ کہ درساں پیش ھما کتاب کہ مئے گور ءَ ھست انت آھاں ما پیس بُک ءُ وٹسپ گروپانی تہ ءَ شئیر کنیں پد ءَ ھر ھما کتاب وانوکے کہ گوں ما ھال ءُ اھوال کنت گڑا ما چہ آئی ءَ ڈس ءَ زوریں –

آئی ءَ گوشتگ کہ کتاب سرکنگ ءِ ڈس گِس، دکان یا ھوٹل ءِ بیت کہ مئے کمکار سیکل یا موٹر سیکل ءِ سر ءَ کتاب ءَ ھمائی ءِ گور ءَ سر کن انت پد ءَ یک ماھے ءَ پد کتاب واپس آرگ بیت ءُ دوبر آئی ءِ پوٹو شئیر کنگ بیت –

انیس ءَ گوشتگ کہ ما اے کار ءِ ھچ زر نہ گریں ءُ پٹرول ءُ ایندگہ ھرچاں چہ وتی کیسگ ءَ پُر کن ایں تانکہ کتاب وانوک گیش ءَ چہ گیش بہ بنت –

سریاب ریڈرز ءِ گور ءَ اے وھدی کساس شش سد کتابانی تہ ءَ چار سد ءَ گیش بھر بوتگ انت ءُ اے کتاب گیشتر نودربراں وتی کتاب جاھاں داتگ انت –

انیس ءِ گوش ایت کہ مئے گور ءَ اے وھدی چارسد کتاب وانوک ھست کہ ھمک ماہ نوکیں کتاب وان انت – وشی ءِ گپ ایش انت کہ نوں کم کم ءَ مردم مارا وتی کتاباں دیگ ءَ انت –

اے کار ءِ بنداتی ءِ درگت ءَ انیس گوش ایت کہ دوھزار ءُ بیست ءَ کرونا ءِ نادراھی ءِ وھد ءَ آئی ءَ وتی سنگتانی گون ءَ شور کتگ ءُ ریدرز کلب ءِ جوڑ کنگ ءِ ارادو کتگ کہ اود ءَ بید ءِ زر ءَ کتاب ونت بہ کن اَنت – سریاب ریدرز کلب شال ءِ ھنچیں دمگے ءَ بندات کنگ بوتگ کہ اے وھداں بدامنی ءُ پسماندگی نام ءَ زانگ بوتگ اے کلب اولسر ءَ شال ءُ پد ءَ بلوچستان ءِ ایندگہ ھند ءُ دمگاں تالان بوتگ ھمے زوتاں ماں ھاران ءَ ھاران ریڈرز کلب ءِ نام ءَ شور کنگ بوتگ –

انیس ءِ واھشت انت کہ باندات ءَ آ بلوچستان ءِ ھر ھند ءُ دمگ ءَ ریڈرز کلب ءَ بندات بہ کنت تانکہ زانت ءِ رژنانی بلوچستان ءِ ھر گس ءَ سر بہ بیت –

روکپتی بلوچستان ءَ ایرانی اطلاعات ءَ یک ورنایے آوار جنگ ءَ پد ناشناسیں زنداناں برتگ-

گیشیں ھالانی رد ءَ روکپتی بلوچستان ءِ بنجاھی شھر زاھدان ءَ بیست ءُ ھپت سالی ئیں مھمد رضا سالارزئی ء عبدالرحیم جھمنند زاھدان آوار جتگ ءُ برتگ-

ھالانی تہ ءَ گوشگ بیتگ رضا چیریں ادارھاں بازار ءَ آوار جتگ ءُ برتگ ءُ پد ءَ آئی ءِ درگت ءَ دگہ اھوال دیم ءَ نیتکگ اَنت-

زانگ بہ بیت روکپتی بلوچستان ءَ مردمانی آوار جنیانی درچ یک وھدے ءَ چہ برجاہ اَنت ءُ اود ءَ بیگواہ بیتگیں مردمانی تہ ءَ ھژدہ سال ءَ کم اُمریں مردم ھوار اَنت کہ اے کانون ءِ تکاں ایشانی بندیگ کنگ جرمے –

روکپتی بلوچستان ءَ مردمانی آوار جنی ھما وھد ءَ گیش ودیتگ کہ چھبار ءَ گوستگیں سال ءَ پانزدہ سالی ئیں یک جنکوے ءِ گون ءَ پولیس ءِ دست ءَ زوراکی کنگ بیتگ ات کہ چرے وئیل ءَ پد اود ءَ مردمانی برانز ءِ دارگ ءِ ھاتر ءَ لس مردم گرگ ءُ بندیگ کنگ بیتگ اَنت-

میان اُستمانی جانسلامتی ءِ گر ءُ دار کنوکیں ادارہ (ڈبلیو ایچ او) ءِ سروک پیٹر سینڈز ءَ گوشتگ کہ پاکستان ءُ ملاوی ءَ ناوشیں مولمی آسرانی سبب ءَ ملیریا ءِ نادراھی ءَ گپتگیں مردمانی بیرانیانی توک ءَ گیشی اتکگ –

بیست ءُ پنچ اپریل ملیریا ءِ جھانی روچ ءَ یک روچے پیسر میان اُستمانی ادارہ ءِ سروک پیٹر سینڈز ءِ گوشگ اِنت کہ پاکستان گوستگیں سال ءِ توپان ءَ پد ملیریا ءِ نادراھیانی دیمپان اِنت کہ ایشی ءِ توک ءَ چار کساس گیش بیتگ ءُ سرجمیں شانزدہ کیس دیم ءَ گیش بیتگ اَنت-

پیٹر سینڈز ءِ گوشگ اِنت ملیریا ءِ ناوشیں ھاورھال ءِ دارگ ءِ ھاتر ءَ داں انگت ءَ کار کنگ المی اِنت-

پاکستان ءُ ملاوی ءِ ھوراں پد تالاباں ملیریا ءِ مکسانی گیش بوگ ءِ یک مزنیں بنجلے جوڑ بیتگ-

آئی ءَ گوشتگ کہ ما ھردوکیں جاگہ پاکستان ءُ ملاوی ءَ ملیریا ءِ کیس ءُ بیرانیانی توک ءَ گیشی دیستگ –

میان اُستمان ءِ ادارہ ءِ سروک ءَ گوشتگ کہ میان اُستمانی ملیریا روچ ءِ دارگ ءِ ملیریا ءِ ھلاپ ءَ سوبمندی ءِ شاتمانی اِنت بلے اے ھم دلگوش کنگی اِنت ھمے سال ءَ ملیریا میان اُستمانی روچ ءِ ترس ءِ تالان کنگ ءِ روچ اِنت-

موسمیاتی بدلیانی سبب ءِ دیم ءَ اتکگیں دیمپانی تباھیاں اے سرپدی بیتگ کہ نی وھد اتکگ ما چریشاں چہ بہ رکیں –

میان اُستمانی جانسلامتی ءِ سروک ءِ رد ءَ موسمیاتی بدل ءُ دگراں چہ ملیریا ءِ جاورھال گیش بوان اَنت مارا سرجم ءَ گامگیج زورگی اِنت دانکہ آ پشت ءَ دور دیگ بہ بیت ءُ آئی ءِ ھلاسی کنگ بہ بیت-

پیٹر سینڈز ءِ گوشگ اِنت ملیریا ءِ ھلاپ ءَ جنگ بس لھتے گامگیج زورگ بیتگ اَنت داں انگت ءَ ھمک منٹ ءَ ودی بوتگیں یک زھگے بیران بیت اِنت-

ڈبلیو ایچ او ءَ سال دوھزار ءُ بیست ءُ یک ءَ گوشتگ ات کہ سرجمیں دنیا ءَ یک اندازگے ءِ رد ءَ بیست ءُ چار کروڑ ءُ ھپتاد لک ملیریا ءِ کیس دیم ءَ اتکگ بیتگ اَنت ءُ شش لک ءُ نوزدہ ھزار مردم ملیریا ءِ سبب ءَ مرتگ اَنت-

ملیریا درستاں گیش ترس پنچ سال ءَ چہ اُمریں زھگ ءُ لاپریں جنینانی واستا ترس اِنت کہ آیاں مرگ ءِ نزیک ءَ برت کنت ءُ ایشی ءِ سبب نادراھی ءِ الاج نہ کنگ ءُ گیش بوگ ءِ سبب ءَ بیت اِنت-

ڈبلیو ایچ او ءِ سروک ءِ گوشگ اِنت جاندراھی کنگ بہ بیت ایشی ءِ مول ءُ مراد ایش اِنت ھمک میتگ ءَ جانسلامتی ءِ گر ءُ دار کنوکیں باسک بہ بنت ءُ آیانی گور ءَ شرین ٹیسٹ کنوکین اوزار ھم بہ بنت-

پیٹر سینڈز ءِ گوشگ اِنت آ ڈیھ کہ آیاں مولمی دگرانیانی سر ءَ یکدم ترس اِنت ءُ اود ءَ ملیریا ءِ ترس گیشتر بوت کن اَنت –

آئی ءَ گوشتگ کہ اے جیڑھان ما یکجاہ اِنت ءُ پکر دار اِنت ھر ھما ڈیھ ءَ ملیریا گیش بیت اِنت آ ڈیھاں مولمی دگرابء سبب ءَ پیش بنت اِنت چریشی ءَ مولمی دگرانی بازیں سان ھست اَنت-

ٹی بی پی کارست چندر شیکھر آزاد

حکیم بلوچ

چندر شیکھر تیواری ( چندر شیکھر آزاد) 23 جولائی، 1906ءَ سیتارام تیواری ءُ جگرانی دیوی ءِ لوگ ءَ مدھیہ پردیش ءِ علی راج پور دمگ ءَ ودی بیتگ ۔ آئی ءَ بنداتی وانگ چہ باورہ ءَ رس اتگ ءُ پہ گیشتر وانگ ءِ ھاتر ءَ آ بنارس کاشی ودیا پٹھ ءِ نودربر بیتگ۔ چہ کسان سالیں امبر ءَ، چندر شیکھر آزاد آشوبی جھد ءَ ھوار کپتگ۔ 1921 ءَ آ مھاتما گاندھی ءِ نیمگ ءَ جلیانوالا باغ ءِ کُشت ءُ ھون ءِ بگیر ءَ بندات کُتگیں “Non cooperation movement” ءِ بھر جوڑ بیت اِنت۔ آ اولی بر ءَ پانزدہ سال ءِ امبر ءَ دزگیر کنگ بیت اِنت۔

دزگیری ءَ پد وھدیکہ مجسٹریٹ ءَ پانزدہ 15 سالی ئیں چندر شیکھر ءَ جُست کنگ بیت اِنت کہ تئی نام چی اِنت؟

گُڑا چندر شیکھر ءِ پسہ اَت: ’آزاد‘

پد ءَ جُست بیت کہ ، تئی پِت ءِ نام کئے اِنت ؟
چندر شیکھر پسہ دنت: ’آجوئی‘

تئی ڈس ءُ نشان؟ ’زندان‘

اے پسھاں چہ برانز گپتگ ءُ مجسٹریٹ ءَ 15 سالی ئیں چندر شیکھر آزاد ءَ را 15 رند ءَ لَٹ گوں جنگ ءِ سِزا داتگ ات۔

وھدیکہ آزاد گوں کھمبا ءَ بندگ ءُ سِزا دیگ بیت گُڑا ھمک رند ءَ کہ لٹ آئی بدن ءَ لگگ ءِ سر ءَ ’بھارت ماتا کی جے‘ ءِ اوگام جتگ اَت ئِے۔ سِزا سرجم بیگ ءَ پد چندر شیکھر چہ زندان ءَ آجو کنگ بیت اِنت۔ رؤگ ءِ وھد ءَ آئی ءَ سئے آنہ دیگ بیتگ اَت کہ آئی ءَ زھر ءَ چہ اپسر ءِ دیم ءَ جتگ اِت اَنت۔ آزاد ءِ زندان ءَ یل بیگ ءَ پد آئی ءَ را کسان سالیں مجاھد ءِ نام ءَ گوں وش اَتک کنگ بیتگ اَت۔

مھاتما گاندھی فروری 1922 نان کووپریشن مومنٹ ءَ چوری-چورا وئیل ءَ پد ھلاس کنت، چریشی ءَ پد آزاد ھمے جیڑ ایت کہ یک مزنیں گامیں پہ آئی ءِ منزل ءِ گرگ ءَ المی اِنت۔ چندر شیکھر آزاد 1922 ءَ ھندوستانی آشوبی پاٹی ءَ ھوار بیت اِنت۔ ھمے وھد ءَ آ بازیں ورنائیں ھندوستانی آشوبی رھشوناں گوں گند ءُ نند کنت۔

رام پرساد بسمل، جوگیش چندر چٹرجی، سچندرہ ناتھ سنیال، سچندرہ ناتھ بخشی ءُ اشفاق اللہ خان 1923 ءَ ھندوستان ریپبلکن ایسوسی ایشن ءَ جوڑ کن اَنت۔ چندر شیکھر آزاد گوں منمت ناتھ گپتاہ ءَ گند ءُ نند کنت کہ آ یک آشوبی ورنایے بیت اِنت۔ آ آزاد ءَ گوں ھندوستان ریپبلکن ایسوسی ایشن ءِ سروک رام پرساد بسمل ءَ گوں نیاد کنائنیت۔ چریشی ءَ پد آزاد ایچ آر اے ءِ باسک جوڑ بیت ءُ پہ آئی ءَ پوڑی جم کنگ بندات کنت۔ سرکاری ملکتانی پُلگ ءَ گوں گیشتر پوڑی یکجاہ کنگ بیتگ اَنت۔ آزاد 1925 ءَ کاکوری ریل ءِ پُلگ ءَ ھوار بیتگ۔ آزاد 1928 ءَ لاھور ءَ لالا لجپت رائے ءِ مرگ ءِ بیر ءَ گِرگ ءَ پہ جے.پی ساونڈرز ءَ تیرگواری ءِ تہ ءَ کُشگ ءِ اُرش ءَ ھم ھوار بیتگ۔ آئی ءَ 1929 ءَ ھندوستان ءِ وائس رائے ءِ ریل ءِ تراکینگ ءِ ھم کوشست کُتگ اَت۔

نوزدہ سد ءُ بیست ءُ پنچ ءَ کاکوری ریل ءِ پُلگ ءَ پد انگریز سرکار ءَ آشوبی جُنز ءِ بگیر ءَ ترندیں گامگیج زُرت اَنت۔ ھما وھد ءَ آشوبی رھشون ءُ جھدکار رام پرساد بسمل، اشفاق اللہ خان، ٹھاکر روشن سنگھ ءُ راجندرہ ناتھ لاھیری درست جرمکار نامینگ بنت ءُ پاھو دیگ بنت۔ چندر شیکھر آزاد گوں وتی لھتیں ھمراھاں چہ انگریزانی دزگیری ءَ رکیت ءُ چیر بیت۔

چندر شیکھر آزاد یک برے پد ءَ دگہ آشوبی جھدکارانی کمک ءُ ھمراھی ءَ گوں ایچ آر اے ءَ مھکم کنگ بندات کنت۔ ھمے وھد ءَ آ گوں بھگت سنگھ ءِ ھمراھی ءَ نھ ستمبر 1928 ءَ ھندوستان ریپبلکن ایسوسی ایشن (ایچ آر اے) ءِ نام ءَ مٹ کن اَنت ءُ ھندوستان سوشلسٹ ریپبلکن ایسوسی ایشن (ایچ ایس آر اے) ایر کن اَنت پہ وتی بُنکی مکسد ءِ گرگ ءِ ھاتر ءَ پہ یک سوشلسٹ آجوئیں ھندوستان ءِ ھاتر ءَ۔

وھدیکہ بھگت سنگھ، راج گُرو ءُ سکھ دیو دزگیر کنگ بنت ءُ آ ھندوستان ءِ کیس ءَ انگریزی آمید گسانی تہ ءَ گوں وتی تران ءُ لیکہ ءَ مِڑگ ءَ بنت، دومی نیمگ ءَ چندر شیکھر آزاد ھمے کوشست ءَ بیت کہ نی آ چہ زندان ءَ کشارینگ بہ بیت پرچہ کہ انگریز سرکار بھگت سنگھ، راج گُرو ءُ سکھ دیو ءِ پاھو دیگ ءِ پرمان دنت۔ بلے چندر شیکھر آزاد ءِ گل ءِ یک باسکے گوں انگریزاں ھمکار بیت ءُ آ چندر شیکھر آزاد ءِ چاریگی ءَ کنت ءُ انگریزاں آئی ڈس ءَ گُش ایت کہ آ کج ءَ چیر اِنت۔

چندر شیکھر آزاد ءِ ھستی ءِ سمائی پیسر ءَ چہ انگریز پولیس ءَ بیت کہ آ الفریڈ پارک (انی آزاد پارک ءِ نام ءَ زانگ بیت اِنت) ھمد ءَ ساڑی اِنت۔ آزاد ءَ وھدے گند ایت کہ آ چاریں نیمگاں چہ پولیس ءَ انگیراں کُتگ ءُ آئی گور ءَ درکپگ ءِ راہ پشت نہ کپ ایت ءُ آئی توپل ءِ تیر ھلاس بیگی بنت۔ چندر شیکھر آزاد وت ءَ انگریز سرکار ءِ پولیس ءِ دست ءَ دیگ ءِ جاہ ءَ گوں وتی گُڈی تیر ءَ وتی زند ءَ ھلاس کنت۔ چندر شیکھر آزاد 27فروری 1931 ءَ آزاد پارک الہ آباد ءَ نمیران بیت ءُ پہ جھان ءِ آشوبیاں زمین ءِ مھر ءِ یک آسر نہ بیوکیں درسے یل کنت ءُ رؤت۔ مروچی ھم زمین زادگ جھان ءِ جتائیں کُنڈاں گُڈی تیر ءُ گُڈی ساہ ءِ پلسپہ ءِ سر ءَ کاربند اَنت۔

دلگوش: ٹی بی پی کارستانی درگت ءَ سرپدی ءُ اھوال چہ انٹرنیٹ ءُ دگہ جاھاں زیرگ بیتگ اَنت ءُ اِشانی تہ ءَ ردی اگاں گیشی ءُ کمی الم بیت کن اَنت-

بلوچستان لبریشن فرنٹ ءِ جارکش میجر گوھرام بلوچ ءَ وتی شنگ کرتگیں درشان ءَ کیچ ءَ پوجی سر ءَ بیتگیں اُرش ءِ زمہ واری من اتگ-

جارکش ءَ گوشتگ کہ تربت ءِ ھند جوسک ءَ بیست ءُ دو اپریل ءَ مگرب ءِ وھد ءَ پوجی چوکی ءِ سر ءَ دزبمبے چگل داتگ ءُ چریشی ءَ دو کارندہ زدگ کتگ اَنت ءُ ایشی ءَ پد دشمنیں پوج ءَ جتا جتائیں نیمگاں تیرگواری کنگ بندات کتگ-

میجر گوھرام بلوچ ءَ گوشتگ بی ایل ایف اے اُرش ءِ زمہ واری ءَ من ایت ءُ بلوچستان ءِ آجوئی ءَ داں اے دابیں اُرش برجاہ بنت-

کیچ ءِ بنجاھی شھر تربت ءَ ٹیچنگ نادراھجاہ ءَ پہ الاج ءَ اتکگیں زالبول ءِ ڈاکٹر ءِ ساڑی نہ بوگ ءِ سوب ءَ بیران بوتگ –

گیشیں ھالانی رِد ءَ شمبے ءِ شپ ءَ ٹیچنگ نادراھجاہ تربت ءَ پہ الاج ءَ اتکگیں زالبولے ءِ اناگت ءَ جاور نگیگ بوتگ انت ءُ آئی ءِ بی پی بُرز شُتگ –

زالبول ءِ کھول ءِ مردماں پہ ڈاکٹر توار پر جنگ ءَ بازیں کوشست ءِ کُتگ بلے اھوالکار ءِ رِد ءَ نادراھجاہ ءَ ڈاکٹر ءِ ساڑی نہ بوگ ءِ سوب ءَ زالبول چہ مرگ ءَ رکینگ نہ بوتگ –

دومی نیمگ ءَ نادراھجاہ ءِ واکداراں زالبول ءِ بیرانی سر ءَ نادراھجاہ ءِ واکدارانی دلگوش نہ دیگ ءُ ڈاکٹر ساڑی نہ بوگ ءِ گپ رد کُتگ –

واکدارانی رِد ءَ زالبول شکری ءِ نادراہ ءِ بوتگ کہ نادراھجاہ ءِ آرگ ءَ پد دگہ نادراھجاھے ءَ برگ بوتگ ءُ ٹیچنگ نادراھجاہ ءَ یک سنئریں ڈاکٹری ءِ آسراتی ھم بوتگ انت –

زانگ بہ بیت ھمے سال ءِ فروری ماہ ءَ جنکویں نودربرے کہ آ ٹائیفائیڈ نادراھی ءِ آماچ بوتگ کہ آ تربت ٹیچنگ نادراھجاہ ءَ شری ءَ الاج نہ بوگ ءِ سوب ءَ بیران بوتگ ات – آ پہ تپ ءِ ھاتر ءَ ٹیچنگ نادراھجاہ ءَ آرگ بوتگ ات کہ آودا ھمے گوشگ بوتگ ات کہ آئی ءَ ٹائیفائیڈ انت بلے پدا ھم الاج نہ بوگ ءِ سوب ءَ کراچی ءَ برگ ءِ کوشست کنگ بوتگ بلے کراچی رسگ ءَ ساری بیران بوتگ ات –

زانگ بہ بیت بلوچستان ءِ گیشتریں مزنیں شھراِ جاندراھی ءِ آسراتی ءِ نہ بوگ ءِ سوب ءَ نادراھ دیم پہ کراچی ءَ برگ بنت کہ آھانی تہ ءَ گیشتر چہ نیم راہ ءَ بیران بنت –

بلوچستان ءِ دومی مستریں شھر تربت انت کہ اودا ھم جاندراھی ءِ آسراتی نہ بوگ ءِ ھساب انت کہ ادے ملیریا ءُ ٹائیفائیڈ نادراھ ھم کراچی ءَ برگ بنت –

زانگ بہ بیت بلوچستان ءِ ھستیں وھدے جانسلامتی ءِ وزیر احسان شاہ ءِ دمگ تربت ءَ ھوار بلوچستان ءِ ایندگہ دمگاں جانسلامتی جاور ھمے داب انت –

ھب ءِ کور ءَ دو ورناہ بُکّ اِتگ ءُ بیران بیتگ اَنت- واکداراں لاش در کتگ اَنت ءُ ھب ءِ نادُراھجاہ برتگ اَنت، گیشیں چار ءُ ٹپاس ءَ پد لاش کھول ءِ دست ءَ دیگ بیتگ اَنت-

بیران بیتگیں مردم کراچی ءِ دمگ لیاری ءِ جھمنند بیتگ اَنت- زانگ بہ بیت گوستگیں چِل ءُ پنچ روچ ءَ پیسر ھب ءِ کور ءَ مردین ، زالبول ءُ چُکاں ھوار دوازدہ مردم ءَ گیش مردم بُکّ اِتگ ءُ بیران بیتگ اَنت ایشی ءَ اَبید ھب انتزامیہ ءِ نیمگ ءَ چہ کور ءَ جان شودگ ءِ پابندی جنگ بوگ ءَ نہ اِنت-

ایشی ءَ ساری گوستگیں یکشمبے ءَ ھب ءِ کور ءَ جان شودگ وھد ءَ دو ورناہ جُھلیں گورم ءَ بُکّ اِتگ اَنت-

ھب ءِ دمگی اِھوالکار رِد ءَ کور کراچی ءُ ھب شھریانی واستا ائید ءَ ھوار دگہ وشیاں پکنک ءِ جاھے بلے اے میان ءَ کور ءَ بازیں مردمے کُشتگ- اے دُرستیں وئیلاں اَبید انتزامیہ ءِ نیمگ ءَ ھچ وڑیں گامگیج زورگ نہ بیتگ اَنت –