آئی پی ایل 2023 ءِ سِی ءُ ھپتمی گوازی ءَ راجستھان رائلز ءَ چنئی سپر کنگز ءِ دیم ءَ سِی ءُ دو رناں گوازی کٹ اِتگ ءُ وتی ھشت گوازیانی تہ ءَ آئی ءِ پنچمی سوبمندی انت ءُ سی ایس کے ءِ وتی ھشت گوازیانء تہ ءَ اے سیمی بے سوبی انت – اے بے سوبی ءَ پد کپٹن مھندر سنگھ دھونی ءِ سروکی ءَ چنئی سپر کنگز سیمی نمبر ءَ سر بوتگ ءُ راجستھان رائلز دھ پوئنٹانی ھمراھی ءَ یک نمبر ءَ سر بوتگ –
دو سد ءُ سَے ٹارگٹ ءِ پروشگ ءَ پہ چنئی سپر کنگز ءَ بیست اوورانی تہ ءَ شش وکٹانی تاوان ءَ بس یکسد ءُ ھپتاد رن جوڑ کت کتگ – اولسر ءَ اتکگیں لیبی ریتوراج ءُ ڈیون ءَ چِل ءُ دو رن ھواری ءَ جوڑ کتگ – کانوے ھشت رنانی جوڑ کنگ ءَ پد آؤٹ بوتگ وھدیکہ ریتوراج ءِ نیم سنچری ءَ سَے رن لوٹ اِتگ بوتگ آ آوٹ بوتگ کہ آئی ءَ چِل ءُ ھپت رن جوڑ کتگ ءُ ایڈم زمپا ءِ بال ءَ دیودت ءِ دست ءَ کیچ آؤٹ بوتگ – اجنکیا جوانین گوازی پیش نہ داشتگ ءُ سینزدہ بالاں آئی ءَ پانزدہ رن جوڑ کتگ ءُ آؤت بوتگ – اشون ءَ رن جند جوڑ کت نہ کتگ وھدیکہ معین علی بیست ءُ سَے رن جوڈ کتگ ءُ آؤٹ بوتگ – راجستھان ءِ نیمگ ءَ زمپا ءَ سَے وھدیکہ اشون ءَ دو وکٹ گپتگ –
اولسر ءَ بیٹنگ ءَ اتکگیں راجستھان رائلز پنچ وکٹاں دوسد ءُ دو رن جوڑ کتگ – جیسوال ءَ چِل ءُ سے بالاں ھپتاد ءُ ھپت رن جوڑ کتگ ءُ جوس ءَ بیست ءُ ھپت رن جوڑ کتگ ءُ اولی وکٹ ءَ پہ ھشتاد ءُ شش رن ھواری ءَ.جوڑ کتگ – دھرو جورل ءَ پانزدہ بالاں سِ ءُ چار رن ءُ دیو دت سینزدہ بالاں بیست ءُ سَے رن جوڑ کتگ ءُ ناٹ آؤٹ بوتگ –
