TBP Balochi

روکپتی بلوچستان ءَ بندوکیں مردمانی پاھو دیگ ءِ نہ اوشتوکیں درچ یکشل ءَ برجاہ اِنت کہ اے لھتے ماھانی توک ءَ بازیں کساسے ءَ مردم پاھو دیگ بیتگ اَنت-

اھوالانی رد ءَ روکپتی بلوچستان ءِ سیمسر ءَ ھواریں دمگ نیمروز ءِ جھمنندیں مردم ماں بندر عباس ءِ زندان ءَ نشہ باپاری ءِ پژدر ءَ پاھو دیگ بیتگ –

پاھو دیگ بیتگیں مردم ءِ پجار غلام صدیق ھرمزی ء مھمد موسیٰ جھمنند نیمروز ءِ نام ءَ زانگ بیتگ –

اھوالانی رد ءَ غلام صدیق ایرانی سال ماں سیزدہ سد ءُ نود ءُ نُھ ءَ میناب ءَ نشہ ءِ بھتام ءَ دزگیر کنگ بیتگ –

اھوالانی رد ءَ چرے دزگیری ءَ پد دادگاہ انکلاب بندر عباس ءَ آئی ءِ سر ءَ نشہ بھتام جنگ ءِ پژدر ءَ آئی ءَ را پاھو دیگ ءِ ھکم داتگ-

اھوالانی رد ءَ غلام صدیق ءِ کھول گوستگیں روچ ءَ آیانی گُڈی گندوک بیتگ کہ آئی ءِ کھول ءَ دُچار کپتگ-

سربوتگیں ھالانی رِد ءَ بلوچستان ءِ دمگ تمپ ءَ ناشناسیں سلاہ بندیں مردماں پاکستانی پوج ءِ پانگسے ءِ سر ءَ اُرش کُتگ –

اھوالکار ءِ رِد ءَ مروچی ادار نُھ ءَ ناشناسیں سلاہ بندیں مردماں تمپ ءِ دمگ ملانٹ ءَ پاکستانی پوج ءِ پانگسے ءِ سر ءَ اُرش کُتگ، اُرش ءَ بوتگ ءُ تیر ءُ تراکانی توار بوتگ –

دمگی اھوالکار ءِ رِد ءَ اُرش ءَ پد ھم پاکستانی پوج ءِ نیمگ ءَ کورکاؤ تیرگواری کنگ بوتگ بلے تنی وھدی ھچ وڈیں تاوان ءِ ھال نیست ءُ ناکہ واکدارانی نیمگ ءَ اے درگت ءَ درشان دیگ بوتگ –

زانگ بہ بیت اے دمگاں بوتگیں اُرشانی زمہ واری گیشتر بلوچ آجوئی لوٹوکیں سلاہ بندیں گلاں من اِتگ انت بلے اے اُرش ءِ زمّہ واری ھچ گل ءَ نہ منّ اِتگ –

بلوچ آجوئی لوٹوکیں سلاہ بندیں گل بلوچستان لبریشن فرنٹ ءِ جارکش میجر گوھرام بلوچ ءَ وتی آفیشل ٹیلی گرام چینل “آشوب” ءَ وتی شنگ کتگیں درشانے ءَ گوشتگ کہ بی ایل ایف ءِ سرمچاراں کیچ ءِ جتا جتائیں ھند ءُ دمگاں پاکستانی پوج ءِ سر ءَ چار اُرش کتگ، چریشی ءَ زورگریں پوج ءَ بازیں کچے ءَ جانی ءُ مالی تاوان رستگ –

جارکش ءَ گوشتگ کہ پازدہ جولائی ءِ شپ ءِ ادار دہ ءَ سرمچاراں تربت ءَ سنگانی سر ءِ سائن بورڈ ءَ برجاھیں پاکستانی پوجءِ پانگس ءَ یک نیمگے ءَ دستی بمب اُرش کتگ ءُ دومی نیمگ ءَ گوں مزنیں سلاھاں نشانگ کتگ – اُرش ءِ آسر ءَ یک پوجی کارمندے مرتگ ءُ یکے زدگ بوتگ –

آئی ءَ گوشتگ کہ چاردہ جولائی ءَ تمپ ءِ ھند پل آباد کسانو ءَ سرمچارانی دو ٹولیاں جتائیں وھداں اُرش کتگ – اولی اُرش نیمروچ ءِ ادار سَے ءَ کتگ کہ اود ءَ سرمچاراں چوکی ءَ یک دستی بمبے چگل داتگ ءُ آ چوکی ءِ تہ ءَ کپتگ – شپ ءِ ادار نھ ءَ دومی اُرش ءَ سرمچاراں زورگریں پوج ءِ چوکی ءَ اے ون ءِ شش گولا آس داتگ انت – اے اُرشاں دُژمنیں پوج ءَ بازیں کچے ءَ جانی ءُ مالی تاوان رستگ –

جارکش ءَ گوشتگ کہ پانزدہ جولائی ءَ روچ ءِ ادار دوازدہ ءَ سرمچاراں چہ تربت ءَ زامران ءَ پہ بندساچی کمپنی ءَ سامان بروکیں یک ٹرکے آئی ءَ بلڈوزرے لڈوک بوتگ بلیدہ ءِ گلی ءَ داشتگ ءُ دوئیں مانداشتگ اَنت – ٹرک ڈرائیور ءُ مزور بلوچ بوگ ءِ درچ ءَ کڈن کرگ ءُ یل داتگ اَنت – ما اے گپ ءَ تچک کن ایں کہ بلوچستان ءَ وتگڑیں دیمروئی ءِ نام ءَ پہ لشکری آسراتیاں بندساچی کنگ بوگ ءَ اِنت۔ پمیشکا ما کمپنی، ٹھیکدار ءُ گاڑی وھنداں گُڈی ءَ بیھار دیگ ءَ ایں کہ آ چہ اے شوربندیاں دور بہ بنت- اگاں نہ وتی ھر وڑیں تاوان ءِ زمہ وت بہ بنت-

بی ایل ایف ءِ جارکش میجر گوھرام بلوچ ءَ ھر چاریں اُرشانی زمہ واری منّ اِتگ انت ءُ گوشتگ کہ داں بلوچستان ءِ آجوئی ءَ مئے اُرش برجاہ مان انت –

روبرکتی ڈیھ زالبولانی اگبال ءُ بلوچ زالبول

نبشتہ کار: سمیر بلوچ

دی بلوچستان پوسٹ

روبرکتی مُلک کہ چہ دنیا ءِ اے دِگہ کُنڈا آباد اِنت راج یاکہ مُلکاں ھرچ پڑا دیم ءَ اّنت ءُ دنیا ءِ رھبری کنگ ءَ انت، چہ افریقہ ءُ ایشیا ءِ مُلکانی چاگرد ءُ سائنس، سیاست ءُ ٹیکنالوجی یاکہ استار شناسی ءَ بیت کنت کرناں دیم ءَ شُتگ انت، بلے اے ھم راستی انت کہ انگت ھمے دنیا ءَ آباد انت ءُ افریقہ ءُ ایشیا ءِ ملکانی ھمراھی ءَ اے دنیا ءَ زندگی کنگ ءَ انت۔

اے درستیں گپ وتی جاگہ ءَ بلے چوکہ مروچی بلوچے مستریں جیڑہ زالبول ءُ آھانی چاگردی کِرد انت من اِد ءَ کموکیں گؤست ءَ روا کہ ھمے روبرکتی مُلک کہ ایشاں مروچی زالبولانی ھک ءَ کانون ٹئینتگ ایشانی وتی گؤست پہ زالبولاں چے گُش ایت؟-

سَے سّد سال پیش چہ مسیح یونان کہ روبرکتی مُلکانی واجہ ات آئی ءِ کانون تہ ءَ داکتری ءِ اجازت تھنا مردیں آدم ءَ بیتہ ءُ زالبول چہ اے کانون ءَ سّک دِل ریش بیتگ انت کہ آھانی وڑ وڑیں جیڑہ بیتگ انت کہ مردیں آدمیں داکتر ءَ گوں بیان کنگ پہ آھاں ارزان نہ بیتگ اَنت-

یک روچے لاپ پُرے زالے بازار تہ ءَ درد ءَ گیپت ءُ گریوگ ءَ بیتگ داکترے آئی ءِ کِرا کئیت ءُ آئی ءَ چارگ لوٹ ایت بلے زال مکن کنت ھچ وڑا نہ من ایت کہ داکتر آئی ءَ بہ چار ایت، زال مڑا کنت کہ بازار تہ ءَ داکتر آئی ءِ چارگ ءَ بہ کنت، گڈی ءَ داکتر مجبور بیت ءُ گُش ایت کہ من وت زالے ءَ ءُ منی نام اگنوڈس انت وتی گؤرجیگ ءَ پچ کنت ءُ پیش دار ایت کہ بچار من ءُ زالے ءَ ءُ من یک داکترے ءَ لاپ پُرے زال ایمن بیت ءُ اگنوڈس ءَ چارگ ءَ دنت۔ ھمے واقعات ءَ رند توامیں یونان ءَ اے ھال شنگ بیت ءُ اگنوڈس ءِ سر ءَ کانونی جارے شنگ بیت کہ اے زال کُجا ءُ چے پیم داکتری ونتگ کہ مُلک تہ ءَ داکتری وانگ ءِ اجازت ھالی مردیں آدم ءَ ھست زالبول داکتری ونت یا کُت نہ کنت کہ اے کارے سزا مرگ اِنت۔

اگنوڈس امیدگس ءَ پیش کنگ بیت ءُ جُست کنگ بیت کہ تو چہ کُجا داکتری ونتگ ءُ در بُرتگ؟-

اگنوڈس گُش ایت من وتی سرے میِد بُراِتگ انت ءُ مردینی پوشاک گّورا کُتگ ءُ پُریں سالاں وت ءَ مردیں آدم زائر کُتگ ءُ داکتری ونتگ کہ من زالبولانی الاج ءَ کناں ءُ من چیروکائی زالبولانی الاج ءَ کنگ ءَ بیتگ انت بلے اے زال کہ ماتی درداں نارگ ءَ بیتگ منی اوپار ءَ جواب داتگ ءُ من بازار تہ ءَ آئی ءِ چارگ کُت کہ آئی ءِ چُک سلامت بہ بیت۔

چوکہ وکیل ءُ جج آ زمانگ ءَ دُرست مردیں آدم بیتگ انت ایشاں اے دلیل رد کُت انت ءُ یونان ءِ کانون ءِ رِد ءَ اگنوڈس ءَ را مرگے سزا دات، بلے ھمے جج ءُ وکیلانی زالاں اے سزائے سر ءَ زارشانی کُت ءُ گُشت اگاں اگنوڈس ءَ سزا بیت ماں ھم گوں اگنوڈس ءِ مرگ ءَ وت کوشی کنیں اے زھرشانی ءَ چہ سرجمیں یونان ءِ مردیں آدمیں چاگرد چہ بُنا سُر اِت ءُ ناباوری بیت۔ گڈی ءَ جج ءُ وکیلاں وتی نزوری من اِت ءُ اگنوڈس ءِ سزا ھلاس کُت چہ اے واقعات ءَ پد یونان مجبور بیت کہ وتی کانون ءَ بدل بہ کنت ءُ زالبولاں داکتری وانگ ءِ اجازت بدنت، اگنوڈس یونان ءِ اولی گائناکالوجسٹ منّگ بیت۔

مروچی بلوچاں روبرکتی ملکاں کساس بیست سال بیت کہ شُتگ انت آباد انت ءُ ھودے چاگردے رد ءَ وتی زندگی ءَ گؤازینگ ءَ انت ءُ مروچی بلوچ زالبولانی جنگ ءِ پِڑا سرمچاری ءَ رّد گُشگءَ انت، وتی ھیالانی درشان کنگ ھرکسی ھک انت ءُ ایرادگری ھوں ھرکسے کُت کنت منی جُست اِش انت کہ آیا روبرکتی مُلکانی ادارھاں چوشیں سوالے یا بیانے آفیشلی داتگ کہ بلوچ زالبول سرمچاری مکن انت؟-

آھانی میڈیا ھوں بس ھمے گپ ءَ کنت کہ یک بلوچ تنظیم ءِ زالبولاں پاکستانی ریاستی فوج سر ءَ اُرش کُتگ ءُ اے جار آھانی میڈیا ءِ تہ ءَ بس یک دو مِلٹ ءَ جاگہ کنت۔

کینیڈین وت ءَ را مزنیں انسانی ھکانی رھشون گُش انت بلے ماں اے گپ ءَ بے ھال مہ بہ ایں کہ ھمے کینیڈین مھلوک ءَ ءُ اِیشانی مذھبی پیشوا آں کساس 1900 ءَ گیش ھودے بُنھکی ءِ آبادیں مھلوک ءِ تِپل ءُ چُک کُشتگ انت ءُ وتی ھمے وانگ جاھانی چیرا کّل کُتگ انت کہ مروچی انسانی ھکانی اسکول جوڑ بیتگ انت۔

دِگہ گپ ءِ ایش انت کہ ماں بلوچ پشت کپتگیں راجے گلامے بلے مئے گلامی ءِ تہ ءَ ھمے روبرکتی مُلکانی دست مان انت ءُ بائد انت کہ ماں چہ ھمے مُلکاں سوال بکن ئے کہ پرچا شُماں پاکستان وڑیں رستریں مُلک ءَ برداشت کنگ ءَ اِنت؟-

اگاں ماں چہ روبرکتی مُلک ءَ اے جُست ءَ کُت نہ کنیں گُڑا ماں وتی سرمچاراں ھم اے جُست ءَ مکن ات یا مہ گُش ات کہ چے پیم جُھد کنگی انت؟-

سیاستدان یا کہ جُھدکارے اگاں وتی آپشن ءَ بند کنت بزاں سیاستدان ءُ جُھدکارے نہ اِنت ءُ مئے بلوچ یک جیڑہ اِیش انت کہ ماں ھرچ مسلہ ءِ سر ءَ دمان ءَ اسٹینڈ زیریں ءُ ناتپاکی ءِ سرھالے پیداک کن ایں۔

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

سر بیتگیں ھالانی رد ءَ روکپتی بلوچستان ءَ ایرانی لشکر ءَ لس مردمانی لوگ آس داتگ اَنت-

اھولانی رد ءَ چھبار ءَ کپری ءِ ٹک ءَ ایرانی لشکر ءَ دمگ انگیر کتگ اَنت ءُ اود ءَ مردمانی گس مانداشتگ اَنت-

اھولانی گوستگیں شپ ءِ ساھت یازدہ ءَ داں دو ءَ ایرانی لشکر ءَ جدگال آباد ءَ دمگ انگیر کتگ اَنت ءُ اود ءَ لوگ مانداشتگ اَنت-

اھوالانی رد ءَ ایرانی لشکر ءَ گوشتگ اے زمین لس مردماں زورگپتگ اَنت ءُ وتی دستیگی ءَ کتگ اَنت-

زانگ بہ بیت گوستگیں وھداں چھبار ءِ ھنداں ھم زمین فاؤنڈیشن ءِ واکداراں ھم لوگ ڈروھینتگ اَنت-

سَے سال ءِ سَپر سَربُلند اُرپ اُمر جان ءِ ھمراھی ءَ

نبشتہ کار: زُورین اسلم بلوچ

رجانک: شاکرشیخ

دی بلوچستان پوسٹ

ھَردیں اولی رَند ءَ سَربُلند ءَ من ءَ دیست گوں من دُچار کَپت مئِے ھَردُکانی سنگتی بُوّت آ سَکّیں زِیبائیں روچ اِت اَنت-

چیز ءِ وَھد ءِ گْوَزگ ءَ رَند سَربُلند جان ءَ من ءَ گُشت کہ سنگت من ءَ اُستاد اسلم گِندگی اِنت من گُشت پَرچا نَاں۔

سَے روچ ءَ رَند وَھد ءِ رَسَگ ءَ من اُستاد اسلم ءَ گُشت کہ ترا سنگتے گِندگ لوٹ اِیت گُڑا اُستاد ءَ من ءَ گْوشت سنگت ءَ توار کَن من ھم باز وَش بُوّت آں کہ اے وَڑیں مَزَنیں ھَستی ءَ گْوشت کہ سنگت ءَ گِنداں ۔

من تَچان ، تَچان ءَ سَربُلند ءِ کِرّ ءَ شُت آں ءُ گُشت ترا اُستاد اسلم توار ءَ اِنت گِندگ ءِ واست ءَ گُڑا سَربُلند جان باز گَل بُوّت ءُ بچکَندگ ءِ جَت ئِے منی ھمراھی ءَ رَھادگ بُوّت ۔

ما جنرل اسلم ءِ کِرّ ءَ سَر بُوّتاں گُڑا سَربُلند ءُ اُستاد اسلم ءِ دیدار بِنا بُوّت تنزیم ءِ راز داری ءِ ھساب ءَ اے ھَردُکانی گَپّ ءُ تران بُوّتاں سَے گھنٹہ ءَ رَند سنگت بابر مجید ءَ اُستاد اسلم ءَ توار کُرت ءُ گْوشت کہ مَروچی ءَ رَند اے سنگت مئِے ھمراھی ءَ بیِت گوں ءُ اِیشی ءِ ھیال ءَ بِدَار اِت ءُ پَد ءَ اُمر جان ءَ جنرل اُستاد اسلم رُکست کُرت ءُ رَھادگ بُوّت ۔

دومی روچ ءِ سَے ءُ نیم ءِ وَھد اَت کہ جنرل اسلم ءُ آئی ءِ ھمراھانی سَر ءَ دُژمن ءَ اُرش کُرت اُستاد اسلم ءُ آئی ءِ ھمراہ چَہ بالاد ءِ ھساب ءَ مارا چے جِتا بُوّت اَنت۔

دو روچ ءَ رَند من اُمرجان ءَ یک زمہ داریں سنگتے ءَ گوں دُچار کَپائینت ءُ سنگت ءَ را گْوشت کہ اُستاد ءَ گُشتگ اے سنگت ءِ ھیال ءَ بِدَار اِت ءُ اے ھم من گْوشت کہ مَروچی ءَ رَند اے سنگت مئِے ھمراھی ءَ بیت گوں ۔

ھمئِے وَڑ ءَ رَوَان ، رَوَان ءَ اُمر جان ءَ وتی پیسلہ کُرت ءُ اُمر جان وتی پیسلہ ءِ سَر ءَ مُھکم اَت ءُ اوشتاتگ اَت ءُ آئی ءِ دیم ءِ سَر ءَ ھَر وَھد ءَ بچکندگ اَت گوں سنگتاں اَنچو دُچار کَپت گُش ئِے ھَردئِے جَمبر ءِ وَھد ءَ زَمین گَل بیت اُمر جان ءِ دیم ءَ ھما زِیبائی اَت ۔

سنگت اُمر جان ءَ مئِے ھمراھی ءَ سَے سال گْوَزِینت سنگت ءِ ھَر گَپّ یات کئیت اِیں برے ، برے من سنگت اُمرجان ءَ سَکّ یات کَن آں ءُ دل بے تائیر بیت ۔

اُمر جان ءِ بچکندگ ءُ وَش تَبّی من ءَ بِہ نِزوری ءَ نئیل اَنت سنگت ءَ مارا ھمت ءُ ھوسلہ بکشات ءَ ءُ ھَر بلوچ وَرنایانی واستا یک پیگامے ایرے کُرت ءُ گُشت ئِے من جِند نَدْری ریھان ءِ تُوپک رَکّینت ءُ آؤکیں وَرناہ منی تُوپک ءَ بِہ رَکّین آں ۔

لَھتے ماہ ءِ واستا اُمر جان ءِ گون ءَ منی دُوری بُوّت آ وتی کار ءِ تیاری ءَ کَنگ ءَ اَت مارا تنزیم ءِ راز داری ءِ ھوالہ ءَ ھچ سَرپدی نیست اَت کہ اُمر جان ءَ پیسلہ کُرتگ یک روچے من ءَ میسجے اَتک من میسج وَنت آ میسج منی زِیبائیں سنگت اُمر جان اَت من اُمر جان ءَ گِندگ ءِ گُشت من ساری گِندگ ءِ واست ءَ بے تائیر اِت اَنت گُڑا آئی ءَ گُشت کہ من تئی گون ءَ اَنّی گِند ءُ دیدار کُرت نَہ کَن آں بَلَے من آئی ءِ گِندگ ءِ واست ءَ سَکّ ءَ بے چاڑ اِت اَنت آئی ءَ گُشت من دُچار کَپ آں گوں تو ۔

کَمّیں کاراں دَز گَٹّ آں ءُ پَد ءَ رُکست اَف اَوارُن گُشت ئِے من ھم گُشت سنگت اَوارُن ۔

من پُوہ نَہ اِت آں کہ ھمئِے روچ ءَ چے اُمر جان ءِ نمبر بَند بُوّت چیزے روچ ءَ بے تائیری یے سَما بُوّھگ ءَ اَت ھچ سمج ءَ پیداک نیاَتَک کہ اے بے تائیری چے وجہ ءَ بُوّت کَنت بس من وتی موبائل ءَ چارگ ءَ اِت آں گُڑا اَناگہ ءَ من اُمر جان ءِ ٹوئٹ دیست من چیزے دیر ءَ ھاموش بُوّت آں ءُ ھیران بُوّت آں ۔ رُکست اَف اَوارُن سنگت کُلّانی راہ ھمیش اِنت من ریھان جان ءِ تُوپک رَکّینت ءُ نمیران بُوّت آں من ءَ بیسَہ اِنت کہ منی تُوپک ءَ منی آؤکیں وَرناہ زَنگ کَپگ ءَ نئیل اَنت ۔

سنگت اُمر جان ءِ واست ءَ منی نَدْ ءُ منی توک ءَ ھنچوک مُھکمی نیست کہ سنگت ءِ کُربانی ءُ شھادت ءِ سَر ءَ نِبشتہ کُرت بِہ کَن آں انُوں ھم منی دَست دْرَھَگ ءَ اَنت من ءَ بَکش ءَ کَن سنگت من تئی واست ءَ ھچ نِبشتہ کُرت نَہ کُت تو زندگ ئِے ءُ ھَر وَھد ءَ زندگ بہ ایں ۔

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

بلدیاتی گچین کاری: راجدوستیں پاٹیانی بے سوبی

ٹی بی پی شونگال

بلوچستان نیشنل پارٹی ءُ نیشنل پارٹی ءِ ارول وتی پاٹیاں بلوچستان ءِ راجدوستیں پاٹی گُش انت ءُ وتی راجکاری ءِ بُن ھِشت بلوچ راجی جیڑہ ءَ گُش انت۔ آیانی راجکاری پجار پاکستان ءِ بنجاھی پاٹیاں چہ جتا اِنت بلے انیگیں بلدیاتی گچین کاریاں پاکستان ءِ بنجاھی پاٹیانی دیم ءَ پروش ورگ بلوچستان ءِ تہ ءَ آیانی راجکاری ءَ یک ھد ءَ داں بندوک کنگ ءَ اِنت۔

بلوچستان ءِ سی ءُ پنچ دمگانی تہ ءَ برجاہ بیتگیں بلدیاتی گچین کاریانی تہ ءَ بلوچستان نیشنل پارٹی ءُ نیشنل پارٹی تھنا لھتے دمگانی تہ ءَ سوبمند بیتگ اَنت۔ کیچ دمگ نیشنل پارٹی ءِ راجدوستیں راجکاری ءِ بُنجاہ اِنت اود ءَ دمگ کونسل ءِ چئرمین پاکستان پیپلز پارٹی ءِ نامزد کُتگیں امیت وار گچین کنگ بیتگ ءُ دومی نیمگ ءَ ھزدار دمگ کہ بلوچستان نیشنل پارٹی ءِ سروک ءِ بنجاھی دمگ اِنت، کہ چمود ءَ آ پاکستان ءِ راجی اسمبلی ءِ باسک اِنت اود ءَ ھم پیپلز پارٹی ءِ نامینتگیں امیت وار دمگ کونسل چئرمین ءِ گچین کاریاں سوبمند بیتگ۔

بلوچستان نیشنل پارٹی ءُ نیشنل پارٹی ءِ چپیں راجکاری ءَ پاٹی ءُ راجدوستیں راجکاری ءَ تاوان داتگ۔ بلوچستان نیشنل پارٹی ءُ نیشنل پارٹی ءِ لیکہ اِنت کہ آ وت واجھی ءُ پرگینگی وت واکی ءِ بُنکی لیکہ ءَ گوں سرکار ءِ پلہ مرزیں سردار، لینڈ مافیا، ڈرگ لارڈز ءُ گیر سیاسی تاکتانی راہ ءَ دارگ ءِ ھاتر ءَ پاکستان ءِ پارلیمنٹ ءِ تہ ءَ سیاست ءَ کَنگ ءَ اَنت ءُ بلوچ راجی جیڑہ ءِ گیواری ءِ ھاتر ءَ راجدوستیں راجکاری ءِ زندگ داشتگ اِش، بلے دویں پاٹیاں جتائیں وھداں ڈرگ مافیا، کُشندہ ٹولی ءُ گیر سیاسی تاکتاں گوں بندوکیں مردمانی ھاتر ءَ راجکاری ءَ ھوار بئیگ ءِ ھاتر ءَ کِشک جوڑ بیتگ اَنت۔ ( یا اگاں آیاں راجکاری ءَ آرگ ءِ کِشک جوڑ بئیگ بھتام جنگ بیتگ اَنت۔)

امریکی سروک براک اوباما ءِ نیمگ ءَ سال دو ءُ ھزار نھ ءَ نامینتگیں جھان ءِ چار مستریں منشیات ءِ سروکاں چہ یکے امام بزنجو نیشنل پارٹی ءَ وتی پاٹی ءَ ھوار کُتگ اَت ءُ دو ھزار ءُ ھژد ءِ گچین کاریانی تہ ءَ پی بی چِل ھزدار ءَ ڈیتھ اسکواڈ ءِ سروک ءُ ھشت لیویز کارندھانی کوشکار شفیق مینگل ءَ گوں گچین کاری ھمسَنَّتی جوڑ کُتگ اِیت اِش، وھدیکہ انیگیں بلدیاتی گچین کاریانی تہ ءَ بلوچستان نیشنل پارٹی کیچ دو ٹولیانی تہ ءَ بھر بیتگ اَت ءُ میجر جمیل دشتی ٹولی ءَ دمگی کونسل چیرمین ءِ نیاد ءِ ھاتر ءَ گمانی منشیات ءِ باپار ءِ سروک ھوتمان ءِ پلہ مرزی کُتگ اَت۔

جنگ زدگیں بلوچستان ءَ پاکستان ءِ تاکت وریں تک بلوچ راجی سیاست ءِ راہ پیسر ءَ چہ بستگ اَنت ءُ اگاں اے جاورانی تہ ءَ پاکستان ءِ بنجاہ ءِ سیاست کنوکیں بلوچ راجدوستیں پاٹیانی ھمے تَب برجاہ بہ مان اِیت گُڑا دیمتر ءَ بلوچستان ءَ راجدوست پاٹی تھنا پہ نام مان اَنت ءُ بلوچستان ءِ تہ ءَ پاکستان ءِ بنجاھی پاٹی واکداری ءِ نیادانی سر ءَ نندوک بنت کہ آیانی پالیسیانی تہ ءَ بلوچستان ءِ راجی جیڑھانی گیواری ھوار نہ اِنت۔

روکپتی بلوچستان ءِ بنجاھی شھر زاھدان ءَ ناشناسیں مردماں تیرگواری کنان ءَ یک مردمے کُشتگ-

اھوالانی رد ءَ زاھدان ءَ ناشناسیں سلاہ بندیں مردماں تیرگواری کرتگ ءُ یک ورنایے کُشتگ-

بیران بیتگیں مردم ءِ پجار بیست ءُ سالی ئیں جاوید ریکی ء ناسر جھمنند میرجاوہ ءِ نام ءَ زانگ بیتگ –

اھوالانی رد ءَ ناشناسیں مردماں جاوید ءِ سر ءَ تیرگواری کرتگ ءُ زدگ کتگ ءُ آ زدگیں جاوراں نادراہ جاہ ءَ برگ بیتگ کہ اود ءَ آئی ءَ وتی ساہ داتگ اَنت-

اھوالانی رد ءَ وئیل کورین سرجنگل دگ ءَ جون آباد ءَ پیش اتکگ، کوش ءِ سبب زانگ نہ بیتگ-

یمن ءِ واستا میان اُستمان ءِ سرکاری کوارڈینیٹر ءِ گوشگ اِنت بوسیدہ آئل ٹنکر چہ صافر ءَ تیل پمپ ءِ واستا یک آپی جھازے دیم پہ دیمن ءَ دیم دیگ بیتگ-

عرب نیوز ءِ رد ءَ یمن ءِ واستا میان اُستمانی جھمنند کوارڈینیٹر ڈیوڈ گریسلی ءَ شمبے ءِ روچ ءَ وتی ٹویٹ ءَ گوشتگ کہ ناؤٹیکا آپی جھاش جبوتی ءَ سھب ءِ ساھت نُھ ءُ چل ءُ پنچ دمان ءَ یمن ءَ بھیرہ اھمر ءِ زر ءِ نیمگ ءَ روگ ءَ بیتگ زنگی ءِ ٹنکر ءَ یک ملین بیرل تیل پمپ کنگ بیت اِنت آیوکیں ھپتگ ءَ تیلانی سر بوگ ءِ بنداتی ءَ پرکار اں-

ایران ءِ پلامرزی ءَ ھوسیویاں سالانی سال گھگیری ءَ پد گڈسر ءَ میان اُستمان ءِ انجینیئرانی آپی جھاز ءِ رکینگ ءُ چارگ ءُ ٹپاسگ ءَ منانک داتگ –

دوھزار ءُ پانزدہ ءَ یمن ءِ جنگ ءِ بندات ءَ بیوکی ءَ پد چل ءُ ھپت سال ءَ کوھنیں ساپر ءِ چارگ ءَ باز کم یا نہ بوگ ءِ برابری اِنت نی ایشی ءِ سنچ ھنچش شتگ کہ زانتکاراں ایشی ءِ ترکگ ءِ گمان ھم داتگ-

زانتکارِ ماھولیات ءُ واکداراں کڈنی کتگ اگاں جھاز ءِ کارگو زر ءَ چہ دراتکگ گڑا بازیں ماھولیانی ءِ تباھی بیت اِنت-

یمن ءِ روکپتی شھر الھدیدہ ءِ نزیک ءَ یازدہ لک بیرل ءَ گیش تیل بروکیں آئل ٹینکر ساپر ءَ سال دوزھزار ءُ پانزدہ ھنچش یل داتگ ات-

عرب نیوز ءِ رد ءَ الھدیہ ھوسیانی نیمگ ءَ کنٹرول کنگ ءَ پد اد ءَ جاڑیگیں میان اُستمانی میرین انجینئراں یمن یل داتگ ءُ شتگ اَنت – یمنی سرکار ءَ ھوسیانی سر ءَ بھتام جتگ کہ آ زنگی ءِ ٹینکر ءِ باپار ءَ کنگ ءَ اَنت ءُ میان استمانء برادری عرب اتھاد ءَ لب ءُ ملام گرگ ءَ اَنت-

ھوسیاں ایشی ءَ پیش تاوان ءِ گمان جنگ ءَ میان اُستمانی ماھرین ءِ آپی جھاز ءِ گور ءَ روگ ءِ اجازت دیگ رد کتگ-

میان اُستمان ءِ رد ءَ آپریشن ءِ مھکم کنگ ءَ چاردہ کروڑ ءُ چل لک ڈالر پنڈگ ءِ مچ کنگ ءِ مھم ھلائینتگ لنگراندازگ ےَ “ایف ایس او ساپر “آئل ٹینکر ءَ پیش اتکگیں ترساں داشت بہ کنگ-

سڑیتگیں ایف ایس او ساپر ٹینکر ءِ وڑیں ٹائم بمب ھم گوشگ بیت اِنت ایشی ءِ توک ءَ چار کروڑ ھشتاد لک تیل جاڑیگ اَنت-