کرکٹ ورلڈ کپ: اوگانستان ءَ سری لنکا ءِ دیم ءَ گوازی کٹ اِتگ

آئی سی سی کرکٹ ورلڈ کپ ءِ 30 می گوازی سری لنکا ءُ اوگانستان ءِ میان ءَ کنگ بوتگ کہ اوگانستاں ھپت وکٹاں سری لنکا پروش داتگ –

سری لنکا ءِ دوسد ءُ چِل ءُ دو رنانی ٹارگٹ اوگانستان ءَ چِل ءُ ششمی اوور ءَ پروش اِتگ – اوگانستان ءِ نیمگ ءَ اوپنر ءَ اتکگیں رحمان اللہ گرباز ءَ رن جوڑ نہ کتگ ءُ دلشن مدھوشنکا ءَ آؤٹ کتگ –

چدوپد اوگانستان ءِ لیبیاں جوانی ءَ گوازی کنان ءَ سری لنکا سَے وکٹانی تاوان ءَ پروش داتگ –

دومی ءَ اتکگیں بیٹسمین ابراھیم زادران ءُ رحمت شاہ ءَ ھپتاد ءُ ھشت رن ھواری ءَ جوڑ کتگ ءُ ابراہیم آؤٹ بوتگ ءُ حشمت اللہ ءُ رحمت شاہ ءَ پنجاہ ءُ ھشت رن ھواری ءَ جوڈ کتگ –

ابراہیم زادران ءَ سِی ءُ نُھ رن جوڈ کتگ ءُ آ ھم مدھوشنکا ءَ آؤٹ وھدیکہ رحمت شاہ ءَ شست ءُ دو رن جوڈ کُتگ کاسن راجیتھا ءِ بال ءَ کیچ آؤٹ بوتگ –

بلے پدا ھم چارمی وکٹ ءَ حشمت اللہ شاہدی ءُ عظمت اللہ عمر زئی ءَ یکسد ءُ یازدہ رن ھواری ءَ جوڈ کتگ ءُ اوگانستان ایونٹ ءِ تہ ءَ سیمی سوبمندی داتگ اشی ءَ ھوار ھوار اوگانستان سیمی پائنل ءَ سربوگ ءَنوں گوازی کنت –

سری لنکا ءِ نیمگ ءَ درساں گیش پاتھم نشانکا 46، کپٹن کوشل مینڈس ءَ 39 ءُ سدیرا سماراوِکاراما ءَ 36 رن جوڈ کتگ انت –