یکتائیں گلگدارے ءِ تہ ءَ ، بلوچ لبریشن آرمی ءِ نیمگ ءَ گچین کنگ بوتگیں کماندار شھناز بلوچ سلاہ بندیں جھد ءِ تہ ءَ زالبولانی کرد ، شھری جھد ءُ بلوچستان ءِ باندات ءِ درگت ءَ وتی گپ ءَ ایر کنت۔
یک تامرے شنگ کنگ بوتگ اَت کہ آئی ءِ تہ ءَ شھناز بلوچ ءَ پوجی پوشاک گور ءَ اَت، ءُ بلوچستان ءِ کوھانی تہ ءَ زالبولانی ٹولی ءِ میان ءَ کیمرہ ءِ دیم ءَ تران کنگ ءَ گندگ بیت اِنت ۔گڑا آ پاکستان ءَ ھوار دری ڈیھاں ھم دلگوش دیگ بوت ۔ بلوچ لبریشن آرمی ءَ آ یک کماندارے کتگ ءُ دیم ءَ آؤرتگ اَت کہ آئی ءِ جنگی پنام ”سدو“ گوشگ بوتگ اَت ءُ آ گل ءِ تہ ءَ اولی زالبول زانگ بیت کہ رھشونی کرد ءَ وت ءَ منارینتگ ئِے۔
آ ھنچیں وھدے ءَ دیم ءَ اتکگ کہ بلوچستان ءِ تہ ءَ شھری ءُ سلاہ بندیں جھد ءِ ھر تکاں دیمروی گندگ آیگ ءَ اِنت۔ یک نیمگے ماھرنگ بلوچ ءُ سمی دین بلوچ ءِ وڑیں مردمانی سروکی ءَ بلوچ یکجھتی کمیٹی ءَ زورانسری آوار جنی ، درکانودی کشت ءُ کوش ، ءُ ھمک روچی جیڑہ ءُ جنجالاں میان استمان وتی نیمگ ءَ دلگوش گور کتگ ءُ دومی نیمگ ءَ سلاہ بندیں گلانی ارشانی تہ ءَ ھم گیشی بوتگ۔ شھناز بلوچ ھردو تکانی میان ءَ اوشتگ ءَ گندگ بیت۔ سیاسی سنچ داروکیں زالبولے کہ آ بلوچ راجی آجوئی زرمبشت ءِ تہ ءَ دیم ءَ اتکگ ءُ پوجی رھشونی ءِ ڈبہ ئِے زرتگ۔
بازیں دھکے بیت کہ استان ءُ دری جھان ءِ مزنیں بھرے ءَ بلوچ ءِ جیڑہ ٹکی، پسماندگی یا دری دزمانجنی ءِ دروشم ءَ دیم ءَ آؤرتگ ۔ ھاسکر بلوچ زالبول گیشتر سانمند اِنت فریق ءِ وڑ ءَ پیش داشتگ اَنت ۔ شھناز بلوچ ءِ دیم ءَ آیگ اے درشانی ءَ چیلنج کنت کہ آ وت ءَ ایوک ءَ لوگی کارانی کنگ ءَ مھدود نہ کنت ۔ آ وت ءَ جھد ءِ پڑ ءَ کار کنوکیں کارستے پیش دار اِیت۔
اے گلگدار ھما زالبولے ءِ پگر ، لیکھہ ءَ پھمینگ ءِ موہ ءَ دنت کہ آ شھری جھد ءَ چہ دیم ءَ در اتکگ ءُ سلاہ بندیں جھد ءِ رھشونی کنگ ءَ سر بوتگ۔ ءُ ھنچیں وھدے ءَ کہ بلوچستان ءِ جنگ ءِ تہ ءَ گیشی آیگ ءَ اِنت۔
جست : تو یک مزنیں بلوچ سلاہ بندیں گلے ءِ رھشونی کنوکیں اولی زالبول ئے۔ تئی زاتی سپر ءَ ترا اے جاہ ءَ چوں سر کتگ؟
پسو : اے جست ءِ پسو دیگ ءِ ھاتر ءَ مارا ھیگل ءِ بیگانگی (Entfremdung) ءِ پھمگی اِنت۔ ھیگل ءِ رد ءَ مردم ایوکی ءِ تہ ءَ وتی راستیگیں پجار ءَ شوھاز اِت نہ کنت بلکیں آ وت ءَ گوستانک ءِ جھلانکیانی تہ ءَ بہ کنت گڑا چہ وتی راستیں ھستی ءَ سر بیت اِنت ۔ منی اے رھشونی اگدہ ءَ سر بوگ انچائیں ویل ، اناگتی یا یک کارے ءِ سوب نہ اِنت۔ ایردستی ھم ادارکی ویلے نہ اِنت ھما ساھت ءَ تئی سر ءَ بہ کپ اِیت۔ زورگیری ءِ ساھگ ءَ اے یک ھنچیں راستی یے کہ ودی بوگ ءِ ھمراھی ءَ مردمے جان ءِ بھرے جوڑ بیت۔
یک گلامیں مردمے ءِ تہ ءَ ھما وھد ءَ اے سنچ کیت وھدیکہ آ پوہ بیت کہ نوآبادیاتی زوراکی ءِ ساھگ ءَ ایوک ءَ زندگ بوگ وت گوں وتی زات ءَ بیگانگی یے یک دروشمے۔ ھمے ھاتر ءَ سلاہ بندیں جھد ءِ بھر بوگ اناگتی پیسلھے نہ اِنت بلکیں مردم ءِ وتی تھی گوں راستی ءَ گڈی ھمسنتی اِنت ۔ اے ھمائی ءِ پوہ بوگ ءِ نام اِنت کہ وتی ھستی ءِ زندگ دارگ ءِ ھاتر ءَ گھگیری المی اِنت۔
منی پلامرزی ءَ بگر تاں کماندارے بوگ ءِ سپر ھما زانشت ءِ ابرمی دیمروی اِنت۔ بلوچستان تاں ھما وھد ءَ آجو نہ بیت وھدیکہ آئی ءِ نیم آبادی گوستانک بس چاروکے بہ بیت ۔ زالبول اے واست ءَ سلاہ بندیں جھد ءَ ھوار بوگ ءَ نہ اِنت کہ بس ھما کہ زالبول اے جنگ ءَ گوں یا کسانیں کردے ءِ پیلو کنگ ءَ بلکیں ما وتی راج ءِ باندات ءَ وتی گوستانکی واک ءُ پھالیں کرد ءَ دوبر وتی دست ءَ کنگ ءَ اِنت۔
جست : زالبولانی زورانسری آوار جنی ، لٹ شاپ ، زھرشانی کنوکانی سر ءَ ریاست ءِ ارش ءَ تئی سر ءَ چینچو سان دور داتگ کہ تو بلوچ یکجھتی کمیٹی ءِ وڑ ءَ شھر ءَ جھد کنگ ءِ بدل ءَ سلاہ بندیں جھد ءِ راہ گچین کتگ ؟
پسو : درستاں ساری مارا اے ردپھمی راست کنگی اِنت کہ مئے سر ءَ مشگ بوتگ۔ سلاہ بندیں جھد بہ بیت یا کہ سیاسی پڑ ، بلوچ زالبولاں ھچبر نہ نشتگ ءُ ندارگ نہ چار اِتگ ، زالبول مدامی مئے راجی آجوئی زرمبشت ءِ بنکی تاکت بوتگ اَنت ۔ منی کمانداری بوگ اناگتی یا انچائیں ویلے نہ اِنت بلکیں ھما ھزاراں گمنامیں بلوچ زالبولانی جھد ءِ ابرمی دیمروی ءِ درچ اِنت ، کہ آیاں بازیں دھکاں ھاموشی ءَ گوں اے زرمبشت ءِ بنیاد تچک کتگ اَنت۔
من آ مردسالار ءُ یورو مرکز ءِ تجزیاتی زاویہ ءَ نہ مناں کہ آ زالبولانی جھد ءَ بس ویلے ءِ رد امل ءَ چار اِیت۔ آئی ءِ درشان ھمیش اِنت کہ زالبول بس ھما وھد ءَ سلاہ چست کت کنت وھدیکہ کہ آئی ءَ زاتی گمے ، یا آئی ءِ مردیں سیاد ءِ جنگ بہ بیت یا آوار جنی آئی ءَ اے جاہ ءَ سر کنت ۔ اے یک تحقیر امیز ءُ سرپرستانہ گپے۔
سلاہ بندیں جھد ءِ رھشونی ءِ ڈبہ ءِ زیرگ منی پیسلہ ریاستی زوراکیانی سر ءَ جزباتی یا رد امل ءِ نہ اِنت بلکیں پگری ءُ لیکھی پیسلھے ۔ اگاں بلوچ یکجھتی کمیٹی وڑیں گل شھر ءِ تہ ءَ ریاست ءِ اکلاکی بے سوبی ءَ پدر کنت ، بلے ریاستی زوراکی ءِ درچ ءِ تہ ءَ گیشی ھم اے راستی ءَ زاھر کنت کہ یک مزنیں سلاہ بندیں نوآبادی ریاستی ڈھانچہ ءَ ایوک ءَ یک ایمنیں بگیرداروکے ھلاس کت نہ کنت۔
جست : ھستیں وھد ءَ بازیں ارشاں ھاسکر مجید برگیڈ ءِ جند ندری ارشانی تہ ءَ زالبولانی بھر زیرگ ءِ تہ ءَ گیشی گندگ ءَ اتکگ ۔ تو اے بدلی ءَ چون چار ئے ؟ اراں؟ اے ایمنیں سیاسی راھانی دیم ءَ اڈاندے رد املے ، اگاں تزوراتی گچینی یا دوئین ءُ سلاہ بندیں زالبول ءِ بلوچ چاگرد ءُ پاکستانی ریاست ءَ چی کلوہ دنت؟
پسو : اے بدلی ءِ سے تک اِنت ۔ اولی سیاسی ءُ ساختی نوعیت اِنت . کہ پاکستانی ریاست ءَ بلوچ ءِ وتواکی لوٹوکیں درسیں ایمنین ءُ جمھوری سیاسی توار جرمے گوشتگ ءُ آیانی درسیں راھانی دیم ءَ اڈاند پیداک کتگ ءُ بند کتگ اِنت۔ وھدیکہ ایمنیں سیاسی جھد غیر موثر کنگ بہ بیت ءُ آئی ءِ پسو زورانسری آوار جنی ءِ دروشم ءَ دیگ بہ بیت ۔ گڑا سلاہ بندیں جھد ایوک ءَ گچین نہ بیت بلکیں وتی رکینگ ءِ یکین ءُ قابل امل ءِ راہ جوڑ بیت ۔
ءُ ایندگہ دوئیں تک وت بلوچ چاگرد ءِ تہ ءَ ود اتگیں دیمروی لوٹوکیں بدلیانی اکاسی ءَ کن اَنت ۔ کہ گوستگیں بیست ءُ پنچ سالانی میان ءَ مئے راجی آجوئی زرمبش ءَ ناکہ ایوک ءَ زورگیریں ریاست چیلنج کتگ بلکیں بلوچ چاگرد ءِ ھما وتگڑیں ، مردسالارانہ ءُ جاگیردار ھم نزور کتگ اَنت کہ آیاں بلوچ زالبول مھدود کتہ بوتگ اَنت ۔ اے آشوبی کار ءَ زالبولانی واک چد ءُ گیشتر شاھگان کتگ ءُ بلوچ زالبول جنگ ءِ پڑ ءَ گام ایر کنگ ءَ ساری پیسر ءَ واک مند جوڑ کتگ اَنت۔
دومی ورنائیں بلوچ زالبولانی وانگ ءُ پگری دیمروی ءَ یک پھتوئیں سیاسی سنچے ودی کتگ ۔ سلاہ بندیں زالبول کلوہ ءَ دنت کہ پاکستانی ریاست ءِ ھاتر ءَ آ ھما راستی ءِ چیدگ اَنت کہ بلوچ چاگرد ءَ نوآبادی ھاکم پہ ترس ءِ چیر ترینگ ءَ بے سوب بوتگ ، وھدیکہ بلوچ چاگرد ءَ آ ھما گپ ءِ نمائندگی ءَ کنت کہ زالبولانی آجوئی ءَ ابید راجی آجوئی سرجم بوت نہ کنت۔
جست : بازیں زانتکارے ءِ ھمے گمان اِنت کہ زالبول چہ وتی منشا ءَ ناں بلکیں بے وسی ءِ سوب ءَ جند ندری کارانی بھر جوڑ بوگ ءَ اَنت ۔ تو ایشی ءَ چوں چار ئے ؟ ایشی ءَ ابید مجید برگیڈ یا بلوچ لبریشن آرمی ایشی ءَ چون باور کنائین اِیت کہ زالبولانی بھر زورگ زوراکی یا بس بیرگری نہ اِنت بلکیں وتی رزا ءُ سیاسی ستک اِنت ؟
پسو : اے تاسر کہ بلوچ زالبولاں جند ندری کنگ پرمایگ ءَ اِنت یا زور راہ دیگ بوگ ءَ اَنت “ بنکی ءَ یک جنس پرست مفروضہے ۔ اے چمشانک ءَ گیشتر میان استمانی زانتکار شاز ءُ نادر کن اَنت۔ وھدیکہ یک مردین سرمچارے بیمناکیں کارے ءِ ھاتر ءَ وتی رزا ءَ روت کہ وتی لیکھی باوریں ارادھے گوں پیسلہ ءَ کنگ ءَ اِنت ۔ بلے وھدیکہ یک زالبولے ھمے راہ ءَ گچین کنت گڑا مرد سالارانہ ھما دمان ءَ یک مردینی ءِ رھشونی ، جزباتی یا نزوری ءِ شوھاز کنگ ءَ بندات کنت۔
یک مردین کماندارے بس کماندار گوشگ بیت بلے من ءَ یکشل ءَ زالبولیں کماندارے ءِ نام ءَ توار پرجنگ بیت ۔ گڈی ءَ یک زالبولے ءِ سیاسی سنچ پرچا ھر رند ءَ شاھیم کنگ بیت ؟ زالبول ھم نوآبادی زوراکی ءَ ھما وڑ ءَ سگ اِیت ھنچوش کہ مردین اگاں نوآبادی زوراکی ءِ نزام یک مردینے ءَ سلاہ چست کنگ ءَ ساجو کت کنت گڑا ایشی ءِ گشینگ پرچا چو گران اِنت کہ زالبول ءِ ھم ھما پگری تکاں سربوت کنت؟
بلوچ لبریشن آرمی ءُ مجید برگیڈ ءِ تہ ءَ ھر وڑیں املی یونٹ ، ھاسکر جند ندری دراجین ءُ لیکھی ٹپاس ءُ سیاسی ھیلکاری امل ءَ گوز اِیت۔ مئے سرمچارانی پیسلہ بیرگیری یا زوراکی نہ اِنت بلکیں پھتوین ءُ سیاسی سنچے ۔
جست : بلوچ یکجہتی کمیٹی ءُ آئی ءِ رھشون چوشکہ ماہ رنگ بلوچ ءُ سمی دین بلوچ، ایمنیں روانک ءُ نندانکانی رَد ءَ بلوچستان ءِ جیڑہ ءَ جھان ءِ دیم ءَ آشکار کنگ اَنت۔ تو شھری سیاسی جھد ءُ سلاہ بندیں جھد ءِ سیادی ءَ چون چار ئے ؟
پسو: ھر ھما بلوچ کہ سیاسی سنچ دار اِیت، آ بنکی راستی ءَ سرپد اِنت کہ زورگیر ءِ بگیری ءَ گھگیری راجی پرزے۔ اے گھگیری شھری جھد ءِ دروشم ءَ بیت یاکہ سلاہ بندیں جھد ءِ ، آئی ءِ دار ءُ مدار جاور ھال، زمینی راستی ءُ جھد ءِ ارزشت اِنت۔ شھری گھگیری ءُ سلاہ بندیں جھد، ھردو یکیں سنچ ءِ برورد اِنت ۔ بل کہ ھردو جتا اِنت بلے منزل یکین اِنت بزاں بلوچستان ءِ آجوئی ۔
بلے پد ءَ ھم مارا وتی بگیردار ءِ سرشت راستی ءِ بنیاد ءَ زانگی اِنت ۔ فرانز فینن گوش اِیت کہ نوآبادیاتی چشیں نزام نیست کہ اگل ءُ منطق ءِ بنیاد ءَ کار کنت ، آئی ءِ بنیاد چہ زوراکی ءَ اِنت ، ءُ تاں ھما وھد ءَ پد کنز بیت کہ آ مھکمیں تاکتے ءِ دیمپان بہ بیت۔
ایمنیں شھری روانک ءُ زھرشانی زرمبشت راج ءِ تہ ءَ بیداری کار ءَ اِنت ءُ ریاستی زوراکیاں جھان ءُ دیم ءَ پدر کنگ ءَ وتی کرد ءَ پیلو کن اَنت ۔ بلے آ ھما ھد ءَ داں کار کن اَنت کہ نوآبادیاتی ریاست ءِ نیمگ دلگوش دیگ نہ بنت یا پہ ترس ءُ بیھار تاکت ءِ زور ءَ چیرترینگ بنت۔
جست : ھستیں وھد ءَ جھانی تکاں انگت بلوچستان دلگوش کنگ بوگ ءَ نہ اِنت یا اے جنگ بس ناشرکاری چماں “چارگ بوگ ءَ اِنت۔ اے جاوراں شما آ سرکار، کارپوریشن ءُ میان استمانی ادارھاں چی کلوہ دیگ لوٹ ئے کہ بلوچستان ءَ مڈیانی بھر گیری ءِ ھاتر ءَ یک دمگے تہ ءَ بدل کنگ ءِ میان ءَ پاکستان ءَ سرمایہ جنگ ءُ پوجی کمک کنت؟ ءُ شما گمان کن اِت کہ بلوچ جھد یک روچے میان استمان ءَ منگ بیت؟
پسو: ھستیں وھد ءَ جھانی نزام ءَ “جواز” یا قانودی ءُ اخلاقی ارزشت ءِ گپ یک سادھیں جیڑھے نہ اِنت۔ ھما ریاست ءُ میان استمانی ادارہ کہ دگراں جواز دیگ ءِ واکدار گندگ بنت، آ وت ھم جھانی لٹ ءُ پل ، مڈیانی لٹ ءُ پل ءُ زورگیریاں ھوار بوتگ اَنت۔ بلوچ راجی زرمبشت دری تاکتانی مھتاج نہ اِنت۔ مئے جواز گوستانکی راستی یے کہ بلوچستان پہ زور ءُ تاکت کوزہ کنگ بوتگ ، ءُ میان استمانی کانود ھر یک ایردستیں راجے ءِ وتواکی ءِ ھاتر ءَ بوؤکیں جھد ءَ من اِیت۔
دومی، نوکیں سیاسی جھان ءَ “ناشرکاری ” ءِ مانا سیاسی سلاہ ءِ رنگ کارمرز بوگ ءِ راستی پدر بوتگ اَنت۔ اے دیریگیں درشانی یے کہ آئی ءِ وسیلہ ءَ ریاست راجی آزادی ءِ زرمبشتاں بے ائتبار کنگ ءِ جھد ءَ کنت، ءُ وتی زورگیری ءِ ساھگ ءَ ریاستی زوراکی ءُ چکچینی ءَ چیر دیگ ءِ جھد ءَ کنت۔مارا دری تاکتانی وش کنگ ءِ ھاتر ءَ جنگ کنگ ءِ زلورت نہ اِنت۔ میان استمانی سیادی ءَ ریاست ءُ کارپوریشن وتی پیسلہ بس اخلاقی بٹاکانی بنیاد ءَ کنگی نہ اِنت ، بلکیں زمینی راستی ءُ راستیں سیاست ءِ بنیاد ءَ کنگی اِنت ، ءُ گیشتر آ ھما پریکاں ارزشت دینت ۔ مارا باور اَنت کہ جھانی راھے ءَ ایوک گوں لوٹانی وسیلہ ءَ ناں بلکیں وتی سیاسی ءُ تزویراتی سوبمندیانی وسیلہ ءَ بدل کن این ءُ وتی آجوئی ءَ ھنچیں سیاسی ءُ جغرافیائی راستی ءِ جوڑ کن ایں کہ الم دلگوش دیگ بیت۔
جست : یک جنین کماندارے ءِ ارزشت ءَ، کہ یک نیمگے پوجی رھشونی ءِ ڈبہ ءَ پیلو کنگ ءَ اِنت ءُ دومی نیمگ ءَ ھما مات ءُ گھار ، جنکانی ھمراہ دار اِنت کہ آ زورانسری آوارجنی ءُ تاوانانی دیمپان کنگ بوتگ اَنت، شما کجام داب ءَ بلوچستان ءِ ھاتر ءَ جھد کنگ ءَ اِت ؟ باندات ءِ بلوچ جنین ءُ زھگانی ھاتر ءَ سوبمندی ءَ چون گندگ ءَ اِت ؟
پسو : من آ وڑیں پگر ءُ ھیالانی سر ءَ باور نکناں کہ سیاسی زانتکار بزاں burden of representation گوش اِنت۔ من بلوچ لبریشن آرمی ءِ یک کمان دارے آں بس ۔ منی مردین سنگتان ءُ اے وڑیں ھچ توقع دارگ نہ بوتگ کہ آ وتی پت، برات یا زھگانی مچانکی جزباتانی نمائندگی ءَ کن اَنت ؛ آ بس یک شوندات ٹھینوکیں سپاھی ءِ ارزشت ءَ گندگ بنت من ھم اے گپ ءَ نہ مناں کہ منی رھشون ءَ جزباتی گوشگ بہ بیت بس درد ءِ درشانی ءَ مھدود کنگ بہ بیت ۔
ما ھنچیں بلوچستان ءِ ھاتر ءَ جھد کنگ ءَ ایں کہ ھنچیں چاگردے جوڑ بہ بیت کہ اے وڑیں گار بہ بنت۔ مئے مولءُ مول ایوک ءَ پاکستانی ھاکم ءِ جاگہ ءَ دگہ بلوچ ھاکمی ءِ آرگ نہ اِنت ءُ ناکہ ایوک ءَ نکشہ ءِ تہ ءَ یک نوکیں سیمسر ءِ لکیر کشگی اِنت۔ مئے جھد چاگردی ءُ سیاسی ھم بدلی ءِ ھاتر ءَ اِنت۔
مئے نز ءَ سوبمندی ءِ مانا یک ھنچیں ھمسنتیں برابری، سیکولر ءُ جمھوریہ جوڑ کنگ ءَ اِنت کہ آئی ءِ بنیاد سرجمی ءَ ھک، جنینانی آجوئی ءُ راجی مڈیانی سر ءَ راج ءِ مچانکی واھندی بہ بیت۔ ایشی ءَ مئے مول یک ھنچیں بانداتے ءِ جوڑ کنگ کہ ھچ بلوچ چکے ءِ پجار ءِ سر ءَ زورگری، گریبی ءُ جنگ ءِ کُوھنیں ٹپ ءِ نشان نہ بیت، بلکیں آئی ءِ پگری بودشت، مردمی بودشتانی پجار بیت اِنت۔ مئے جھد وتی شرپ ءُ وکار ءِ بے شرتیں آجوئی ءِ ھاتر ءَ اِنت۔
دلگوش: اے گلگدار اھوالکار فرانچیسکا مارینو ءَ ماں پارھیسیا نیوز ءِ نیمگ ءَ انگریزی ءَ شنگ کنگ بیتگ ءُ ما ایشی ءَ بلوچی ءَ رجانک کتگ ءُ شنگ کنگ ءَ ایں-
