بلوچستان ءِ چہ جتاجتائیں دمگاں ھپت مردم ءِ لاش دزکپتگ اَنت، آیانی تہ ءَ بازین ئِے تیرانی آماچ کنگ بیتگ اَنت-
گیشیں ھالانی رِد ءَ پنجگور ءِ دمگ چہ نیوان کور ءَ یک ناشناسیں مردمے ءِ لاش دزکپتگ کہ آئی ءِ پجّار ءُ کانودی کاروائی ءِ ھاتر ءَ ڈسٹرکٹ ٹیچنگ ھسپتال پنجگور ءَ برتگ-
چہ سوراب ءَ دو ناشناسیں مردمانی تیرسُپتگیں لاش دزکپتگ اَنت ، وھدے کہ کلات ءِ دمگ چہ ریچ ءَ ھم دو مردم ءِ لاش دزکپتگ اَنت- اشی ءَ ساری کلات دمگ رودینجو ءَ یک لاشے دزکپتگ-
ھمے وڑ مستونگ ءِ دمگ چہ جنگل کراس ءَ ھم یک ناشناسیں مردمے ءِ لاش دزکپتگ، پہ چار ءُ ٹپاس ءِ ھاتر ءَ شھید نواب غوث بخش رئیسانی ھسپتال مستونگ ءَ برتگ-
ھمے وڑ تھسیل بل نگور ءِ دمگ ءَ یک ورنایے ءِ لاش دزکپتگ، پولیس ءَ گپتگ بل نگور پولیس تھانہ ءَ برتگ-