مستونگ ءِ دمگ دشت ءَ گوستگیں شپ ءَ ناشناسیں مردماں گیس ءِ پائپ لائن ءَ گوں تراک کنوکیں شورواں گوں نشانگ جوڑ کتگ ءُ ایشی ءِ آسر ءَ پائپ لائن ءَ را تاوان رس اتگ کہ ایشی ءَ چہ گیس ءِ پجگ مھتل بیتگ۔ گیس ءَ ھواریں ادارگانی نیمگ ءَ گیس ءِ تاوان ءُ یا آئی ءِ شرکنگ ءِ اھوال دیم ءَ نیتکگ انت-
دومی نیمگ ءَ درخشان پوسٹ ءِ نزیک ءَ بمب تراک ءَ بوزر گاڑی ھم نشانگ جوڑ کنگ بوتگ اَنت کہ ایشی ءِ آسر ءَ سئے بوزر گاڑی سُتکگ ءُ ھاک بوتگ اَنت۔
انگت ءَ اے وئیلانی زمہ واری کس ءَ نہ زرتگ، بلے اے وڑیں اُرش پیش ءَ بلوچ سلاھبندیں آجوئی گلانی نیمگ ءَ کنگ بیتگ اَنت۔