TBP Balochi

بلوچ یکجھتی کمیٹی ءَ یک رسانکدر ءِ پرمان کتگ ءُ گْوشتگ گْوستگیں شپ ءَ دانکہ زندان ءَ کاؤنٹر ٹیررزام ڈپارٹمنٹ ( سی ٹی ڈی) ءَ بی وائی سی ءِ مرکزی سروک ڈاکٹر ماہ رنگ بلوچ، بیبو بلوچ ءُ گلزادی بلوچ گوں زوراکی ءَ بیگواہ کنگ ءِ جھد کتگ –

بی وائی سی ءِ نیمگ ءَ پرمان نو دہ ءِ نزیک ءَ شنگ بیتگ ءُ کمو رند ءَ سوشل میڈیا ءِ ایدگہ پلیٹ (فارموں) کھول ءَ چہ زندان ءِ دپ ءَ انتزامیہ ءِ گوما گپ ءُ تران ءَ دیستگ –

دومی نیمگ ءَ ڈاکٹر ماہ رنگ ءِ گُھار نادیہ بلوچ ءَ پیسبوک ءُ ایکس ءَ پوسٹ کُتگ ءُ گْوشتگ منی گُھار ڈاکٹر ماہ رنگ بلوچ، بیبو بلوچ، گلزادی کمو پیسر چہ زندان ءَ سی ٹی ڈی ءِ کارندھاں زور بیگواہ کنگ ءِ جھد کتگ ءُ گھگیری ءَ سی ٹی ڈی ءَ اے لٹ ءُ کُٹ کتگ اَنت۔ ءُ بیبو چہ زندان ءَ زور گوں وت ءَ بُرتگ –

شنگ بیتگیں ویڈیونی ءَ گندگ بیت کہ زندان ءَ انتزامیہ ءَ ءُ کھول ءِ میان ءَ گپ ءُ تران بیگ ءَ اِنت ءُ اود ءَ زندان ءِ انتزامیہ یک پردے گوں سادھیں گُداں گْوش اِیت کہ بیبو ءَ پشین زندان ءَ بُرتگ –

بی وائی سی ءِ ماہ رنگ بلوچ ءُ بیبو بلوچ ءَ اے وھد ءَ دزگیر کتگ وھدیکہ کوئٹہ ءَ پُلیس ءِ ٹارچر ءُ تیگواری ءَ دو ورنا بیران بوتگ وریانی لاش ءِ ھمراھی ءَ زھرشانی کتگ ءُ نشتگ اود ءَ پولیس ءَ تیرگواری کتگ ءُ پد ءَ اے دزگیر کتگ اَنت-

گلزادی کمو روچ ءَ پیسر ءَ آئی ءِ لوگ ءَ چہ دزگیر کتگ ءُتھری ایم پی او ءَ توک ءَ بُرتگ-

بی وائی سی ءِ سروکاں دزگیری ءِ ھلاپ ءَ سرجمیں بلوچستان ءَ زھشانی، ھڑتال ءُ ریلیی ھم کش اِتگ-

دومی نمیگ ءَ بلوچستان نیشنل پارٹی ءِ سردار اختر مینگلءَ سبراہی ءَ کوئٹہ ءَ چہ کمو گستا بزاں لکپاس جاہ ءَ دانکہ بیست روچ ءَ ایشانی یلو کنگ ءِ واستا درنا داتگ-

اے دھرنا دانکہ بیست روچ ءَ برجاہ بیتگ بلے ھچ وڑیں بے گامگیج ءَ بی این پی ءَ دھرنا ءِ ھلاس کنگ ءِ جار جتگ ءُ سرجمیں بلوچستان ءَ زھرشانی کنوکاں (شیڈول) برجاہ کتگ –

بلوچستان ءِ دمگ کیچ ءَ دو جتا جتائیں وئیلاں ناشناسیں مردماں پاکستانی پوج نشانگ کتگ-

اھوالانی رد ءَ کیچ زامران ءِ ھند تگران واکائی ءَ ناشناسیں مردماں پاکستانی پوج ءِ راہ ءِ سر ءَ شورو کل کتگ ءُ چریشی ءَ پوجی گاڑی شوروانی زد ءَ اتکگ ءُ تراکے بیتگ-

دمگی مردمانی رد ءَ چرے اُرش ءَ پاکستانی پوج ءَ جانی تاوانانی دیمپانی کنگ کپتگ بلے واکدارانی نیمگ ءَ اے درگت ءَ دگہ اھوال دیم ءَ نیتکگ انت-

ھمے وڑ ءَ کولواہ ءِ دمگ رودکان ءَ گوستگیں شپ ءَ سلاہ بندیں مردماں پاکستانی پوج ءِ بنجل نشانگ کتگ-

بلوچستان ءَ گیشتریں وھداں پوج نشانگ کنگ بوگ ءَ انت کہ اے اُرشانی زمی واریاں بلوچ آجوئی لوٹوکیں سلاہ بندیں گل منّگ ءَ انت-

بلے گوستگیں دوئیں اُرشانی زمہ واری تنی وھدی کس ءَ نہ زرتگ انت-

بلوچستان ءَ سلاہ بندیں اُرشانی توک ءَ ھمک روچ اھوال گندگ ءَ کاینت کہ اود ءَ پوج ءُ آئی ءِ ھمکاریں مردم نشانگ کنگ بوگ ءَ انت-

بلوچستان لبریشن فرنٹ ءِ جارکش میجر گْوھرام بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ بی ایل ایف ءِ سرمچاراں بیست دو اپریل ساھت پنچ ءَ بگر داں شش ءَ ھاران ءِ دمگ گْواش ءَ سی پیک لنگ دگ سر ءَ برجاھیں کلّگ کراس ءِ ھند سر ءَ ناکہ بندی کتگ- اے میان ءَ اور ءَ چہ گوزوکیں گاڑی پٹ ءُ پول کتگ اَنت ءُ گوں راج ءَ تران کتگ-

جارکش ءَ گْوشتگ کہ سرمچاراں ناکہ بندی ءِ میان ءَ دو بوزر گاڑی داشتگ اَنت ءُ ڈرائیور جُست پُرس کتگ اَنت- بنداتی جُست ءُ پُرس ءَ پد پدر بیتگ کہ اے گاڑی زاتی کامرزی اَنت ءُ اشاں ھچ وڑیں ریاستی شوربندی یا پوج ءَ چہ سیادی نیست، گُڑا گاڑی ھچ وڑیں تاوان ءَ دیگ ءَ بید پہ سلامتی راھداتگ اَنت-

جارکش ءَ گْوشتگ کہ پٹ ءُ پول میان ءَ سرمچاراں وتی شھریاں گوں ازت ءُ شرپی ءَ چہ پیش بیتگ اَنت ءُ مساپر ءُ ڈرائیوراں ناکہ بندی ءِ میان ءَ سرمچارانی گوم ءَ جوانیں وڑے ءَ کمک کتگ-

بلوچ یکجھتی کمیٹی ءِ بُنجاھی راھشون صبیحہ بلوچ ءَ گْوشتگ کہ شال ھدہ بندیگجاہ سپرنٹنڈنٹ ءَ منّ اِتگ کہ بیبو بلوچ شپ ءِ تھاری ءَ پشین بندیگجاہ ءَ برتگ-

آئی ءَ گْوشتگ کہ اے کار ءِ میان ءَ ناں آئی ءِ کھول ءَ نانکہ وکیل ءِ رزمندی یا کہ ھیال داشتگ- وھدے کہ پشین بندیگجاہ ءَ چہ کنگ بیتگیں پدری رِد ءَ، بیبو بلوچ انگت اود ءَ نیاورتگ اِت، کہ اے گپ تچکی ءَ نشان کنت کہ آ زورانسری آوار جتگ-

آئی ءَ گْوشتگ اشی ءَ اَبید، ڈاکٹر ماہ رنگ بلوچ ءِ کھول ءُ کانودی نمائندگ ءَ ھم مئے ھچ سنگت ءَ ملگ ءِ موکل دیگ ءَ نہ اِنت کہ اش تُرسناک اِنت

زانگ بہ بیت کہ شال ءِ ھدہ بندیگجاہ ءَ چہ بلوچ یکجھتی کمیٹی ءِ سروک رکن ءُ کارکن بیبو بلوچ سی ٹی ڈی کارندھاں زورانسری درکتگ ءُ ناشناسیں جاھے ءَ برتگ، وھدے کہ ھمے میان ءَ سی ٹی ڈی ءِ کارندھانی نیمگ ءَ چہ بی وائی سی ءِ راھشون ڈاکٹر ماہ رنگ بلوچ ءُ گلزادی بلوچ سر ءَ ھم لَٹ ءُ کُٹ کنگ ءِ ھال اِنت-

زانگ بہ بیت کہ بیبو بلوچ تھری ایم پی او ( 3MPO) ءِ رِد ءَ یک ماھے ءَ چہ گیش ھدہ بندیگجاہ ءَ بندیگ کتگ- ءُ آئی ءِ زمانت ءِ دزبندی بلوچستان ھائی کورٹ نیمگ ءَ چہ رد کنگ بیتگ- ءُ نامی ئیں کارکن ڈاکٹر ماہ رنگ بلوچ، بیبگر بلوچ، گلزادی بلوچ ءُ شاہ جی صبغت اللہ ءَ ھوار دگہ راھشونانی ھمراھی ءَ بندیگ اَنت-

بلوچ یکجھتی کمیٹی ءِ پارٹی ءِ راھشونانی سر ءَ لٹ ءُ کُٹ ءُ بیبو بلوچ ءِ بندیگجاہ ءَ چہ زورانسری بیگواھی ءِ درگت ءَ چہ شنگ کتگیں درشان ءِ تہ ءَ گوشتگ کہ اے یک تھنائیں وئیلے نہ اِنت بلکیں ریاستی ناشرکاری ءِ تچکی ءَ منّانک اِنت- زالبولیں کارکنانی نشانگ کنگ ریاست ءِ اے پالیسی ءِ بھر اِنت چریشی ءِ مول ءُ مراد بلوچ گھگیری ءِ ایرموش کنگ ءُ ھک ءِ توار ءِ بے توار کنگ اِنت – ما ریاست ءُ اشی ءِ ادارھاں بیبو بلوچ ءِ سلامتی ءَ سرجمی ءَ گوں زمہ وار گوش ایں-

دریائے سندھ ءِ بنجاھی ھکومت ءِ چیر دستی ءَ پنجاب ءَ شش نوکیں نھرانی جوڑ کنگ ءِ شوربندی ءِ ھلاپ ءَ سرجمیں سندھ ءَ زھرشانی برجاہ ششمی روچ ءَ ھم برجاہ بیتگ، راج دوستیں پاٹی ءَ، وکیلانی گل، دھکان، سول سوسائٹی ءُ مردمانی جُنز ءِ چارگ ءَ برجاھیں اے زھرشانی سندھ پنجاب بارڈر سرجم ءَ بند کنگ بیتگ، ایشانی وجہ ءَ اربانی کلدار سوداگرانی مڈی راہ ءَ بند اَنت۔

زھرشانی کنوکانی تب اِنت کہ اے نھر ءِ شوربندی ءَ چہ سندھ ءَ ایشی ءِ آپاں چہ زبھر کنگ بیگ ءَ اَنت ایوک ءَ اے اُستان ءِ آئینی ھکانی ھلاپ ورزی ھست اِنت بلکیں کشت ءُ کشار، مولم ساچی ءُ دمگی زرکاری ءِ واستا تباہ کنوکے۔

زھرشانی کنوکانی نیمگ ءَ اے وھد ءَ (کموں) شہید، دیرا موڑ، ببرلو ءُ ایدگہ توکی جاگھاں زھرشانی برجاہ اِنت ، چہ زھرشانی ءِ وجہ ءَ کوئلے بھری بازیں مڈی یے بردار گاڑیانی توک ءَ بُن کنگ ءِ وئیل ھم رپورٹ بیتگ وھدیکہ کراچی بندرگاہ ءُ تھرکول پروجیکٹس ءِ راہ ھم سانمند اِنت۔

کراچی، سکھر، حیدرآباد، نوابشاہ ءُ ایدگہ شھراں توک ءَ زھرشانی ریلیاں ءُ نندگ برجاہ اِنت زھرشانی کنوکانی گْوشگ ءَ اِنت کہ نھر ءِ شوربندی ءِ واپسی ءَ داں زھرشانی برجاہ بیت۔

ببرلو ءَ وکیلاں بنجاھی ھکومت ءِ چہ ٹولی ءَ گپ ءُ تران ءَ چہ یک ’وکیلے ءَ (ایکشن کمیٹی)‘ گچین کتگ آئی ءَ جار جتگ کہ دانکہ نھرانی شوربندی ءُ فوجی کمپنیوں دیگ بوتگ کارپوریٹ فارمنگ ءِ موکل سرجم ءَ بے مول نہ بیت سند، پنجاب بارڈرز بند بنت ۔

دومی نیمگ ءَ سندھ ءِ ھکومت ءَ چہ بنجاھی زھرشانی ءِ انیگیں ھال بے وسی پیشدارگ بیتگ وھدیکہ بنجاھی ھکومت ءِ نیمگ ءَ راجدوست رھشون ءُ وکیلاں گوں گپ ءُ ترام ءِ جھد کتگ بلے وکیلا ءُ راجدوستاں رھبری ءَ پیش داشتگ کہ ھچ وڑیں گپ ءُ تران شوربندی سرجم ءَ بے آسری ءَ ممکن نہ اِنت۔

بلوچستان ءَ نیشنل پارٹی مینگل ءِ سردار اختر مینگل ءَ، پشتون تحفظ موومنٹ ءِ سروک منظور پشتین، ءُ سرائیکی رھشون راشد عزیز بھٹہ ءَ سندھ ءِ مردمانی جد ءُ جھد ءِ پلامرزی ءِ جار جتگ گْوشتگ ءُ سرجم ءَ یکجاھی ءِ درشان کتگ ۔

زھرشانی کنوکانی گْوشگ ءَ اِنت کہ سندھ ءِ مڈیانی سر ءَ ھچ وڑیں زورگری یا مسام نہ منّ ایں ءُ اے زھرشانی ھما وھد ءَ برجم بیت دانکہ دریائے سندھ ءِ سرجمیں نھری شوربندی ءُفوجی کارپوریٹ فارمنگ ءِ مسام نہ بیت اِنت ۔

کاؤنٹر ٹیررزم ڈپارنمنٹ ءَ پولیس ءِ بندیگ بلوچ سیاسی کارکنانی سر ءَ لَٹ ءُ کُٹانی نشانگ کنگ ءَ پد بیگواہ کنگ جُھد کتگ-

شال ءِ ھدہ بندیگجاہ ءَ چہ بلوچ یکجھتی کمیٹی ءِ سروک رکن ءُ کارکن بیبو بلوچ سی ٹی ڈی کارندھاں زورانسری درکتگ ءُ ناشناسیں جاھے ءَ برتگ، وھدے کہ ھمے میان ءَ سی ٹی ڈی ءِ کارندھانی نیمگ ءَ چہ بی وائی سی ءِ راھشون ڈاکٹر ماہ رنگ بلوچ ءُ گلزادی بلوچ سر ءَ ھم لَٹ ءُ کُٹ کنگ ءِ ھال اِنت-

بلوچ یکجھتی کمیٹی ءَ ھدہ جیل ءَ بندیگیں زالبولیں رھشونانی سر ءَ لَٹ ءُ کُٹ ءِ پدری کنان ءَ آیانی سنگت کاؤنٹر ٹیررزم ڈپارٹمنٹ نیمگ ءَ چہ بدتریں لَٹ ءُ کُٹانی نشانگ کتگ، وھدے کہ اے میان ءَ بیبو بلوچ، کہ یک ماھے ءَ چہ ھدہ بندیگجاہ ءَ بند اِنت، گِران کتگ ءُ برتگ ءُ آیانی ھمراہ بے کساس نارواھیں رویشگ کتگ-

زانگ بہ بیت کہ بیبو بلوچ تھری ایم پی او ( 3MPO) ءِ رِد ءَ یک ماھے ءَ چہ گیش ھدہ بندیگجاہ ءَ بندیگ کتگ- ءُ آئی ءِ زمانت ءِ دزبندی بلوچستان ھائی کورٹ نیمگ ءَ چہ رد کنگ بیتگ- ءُ نامی ئیں کارکن ڈاکٹر ماہ رنگ بلوچ، بیبگر بلوچ، گلزادی بلوچ ءُ شاہ جی صبغت اللہ ءَ ھوار دگہ راھشونانی ھمراھی ءَ بندیگ اَنت-

بلوچ یکجھتی کمیٹی ءِ پارٹی ءِ راھشونانی سر ءَ لٹ ءُ کُٹ ءُ بیبو بلوچ ءِ بندیگجاہ ءَ چہ زورانسری بیگواھی ءِ درگت ءَ چہ شنگ کتگیں درشان ءِ تہ ءَ گوشتگ کہ اے یک تھنائیں وئیلے نہ اِنت بلکیں ریاستی ناشرکاری ءِ تچکی ءَ منّانک اِنت- زالبولیں کارکنانی نشانگ کنگ ریاست ءِ اے پالیسی ءِ بھر اِنت چریشی ءِ مول ءُ مراد بلوچ گھگیری ءِ ایرموش کنگ ءُ ھک ءِ توار ءِ بے توار کنگ اِنت – ما ریاست ءُ اشی ءِ ادارھاں بیبو بلوچ ءِ سلامتی ءَ سرجمی ءَ گوں زمہ وار گوش ایں-

بیبو بلوچ، ڈاکٹر ماہ رنگ بلوچ ءَ ھوار دگہ سنگتانی ھمراھی ءَ گوستگیں یک ماھے ءَ چہ تھری ایم پی او ءِ رِد ءَ شال ھدہ بندیگجاہ ءَ بندیگ اَنت- آمیدگس ءَ آیانی ارزبندی ءِ زمانت رد کنان ءَ کیس ھکومت بلوچستان سر ءَ راھداتگ، اود ءَ گوستگیں روچ ءَ ھکومت ءَ ڈاکٹر ماہ رنگ بلوچ ءُ بیبو بلوچ ءِ تھری ایم پی او ءِ رِد ءَ نزر بندی ءَ دگہ سی روچ داتگ-

ڈاکٹر ماہ رنگ بلوچ ءُ بیبو بلوچ بیست دو مارچ دوھزار بیست پنچ ءَ شال ءَ یک پُرایمنیں زھرشانی ءِ میان ءَ بلوچ یکجھتی کمیٹی ءِ دگہ راھشونانی ھمراھی ءَ دزگیر کتگ اَت – آیانی ھلاپ ءَ تھری ایم پی او ءِ رِد ءَ ایف آئی آر نکش کتگ، کہ پاکستان ءَ گیشتر سیاسی کارکنان ءَ بید جرم ءَ ٹرائل ءِ یک دراجیں مدتے ءَ تاں بندیگ کنگ واستا کارمرز کنگ بیت-

دومی نیمگ ءَ بلوچ یکجھتی کمیٹی ءَ بیبو بلوچ ءِ زوت دیم آرگ ءُ سیاسی بندیگانی گوم ءَ در انسانی رویشگ ءِ ھلاس کنگ لوٹ کتگ-

زانگ بہ بیت کہ کاؤنٹر ٹیررزم ڈپارنمنٹ بلوچستان ءَ پاکستانی پوج ءِ ” بی ٹولی ” زانگ بیت، کہ پیسر ءَ چہ بندیگ کتگیں مردماں دروگیں میڑاں کُشگ ءُ مردمانی آوار جنی ءِ بازیں وئیلاں ھوار اَنت-

بلوچستان ءِ سیاسی ءُ چاگردی گلاں ھوار میان استمانی ھکانی ادارہ ءُ راھشوناں ھکومت ءُ پوج ءُ آئی ءِ گامگیج ءِ ایر جنان ءَ زوت بلوچ سیاسی کارکنانی یل کنگ ءِ لوٹ کتگ-

بلوچستان ءِ دمگ ھاران ءَ بائی پاس شامیر واٹر سپلائی ءِ نزیک ءَ یک نانبائی یے دزبمبے ءِ نشانگ کنگ بیتگ-

اھوالانی رد ءَ چرے بمب تراک ءَ دو مردم زدگ بیتگ انت-

انتزامیہ ءِ نیمگ ءَ اے اے درگت ءَ دگہ گپ دیم ءَ نیتکگ انت بلے پولیس ءُ دگہ کانون سازگار وئیل جاہ ءَ سر بیتگ انت-

بمب اُرش ءَ زدگ بیتگیں مردمانی پجار منزور اھمد ءُ زاھد سیاہ پاد ءِ ناماں زانگ بیتگ انت- ھردوک ھسپتال ءَ سر کنگ بیتگ انت-

بلوچستان ءَ ھمک روچ بمب اُرشانی وئیل دیم ءَ آیگ ءَ انت کہ اود ءَ ناشناسیں مردم بمب ءِ اُرش کنگ ءِ ھواری ءَ پشت ءَ مان دے انت ءُ واتر بنت اِنت- بلے تنی وھدی اے بمب اُرز ءِ زمہ واری ھچ گل ءَ پہ وت ءَ نہ زرتگ-

پاکستان رینجرز ( سندھ) ءُ سی ٹی ڈی ءَ یازدہ اپریل دوھزار ءُ بیست ءُ پنچ ءَ لیاری ءِ دمگ کلری ءَ دزگیر کتگیں اختر ءِ دزگیری پدر کتگ ءُ ٹاہ داتگ کہ آ بلوچستان لبریشن فرنٹ ( بی ایل ایف) ءَ ھوار انت ءُ چائنیز شھری، اھوالکار ءُ گچینی جاھاں اُرشاں ھوار بیتگ-

رینجرز ءِ رد ءَ اختر دوھزار ءُ بیست ءُ نُھ ءَ بی ایل ایف ءَ ھوار بیتگ ءُ وتی ھمراھانی ھمراھی ءَ ریکی، ویڈیوز ءُ اُرشانی چِن ءُ لانچ ءَ بیتگ-

جارکش ءَ گوشتگ جرمکار ءِ گور ءَ سلاہ دزکپتگ انت ءُ پٹ ءُ پول ءِ وھد ءَ آئی ءَ وئیلانی ھوار بوگ ءِ گپ من اتگ انت – بلے اے منانک کجام وھد ءَ بیتگ انت ایشی ءِ تہ ءَ ھچ وڑیں گپ دیم ءَ نیتکگ انت-

چاگردی ءُ انسانی ھکانی تکاں آئی ءِ دزگیری ءَ یک دگہ زورانسری گوشگ ءَ انت کہ آیانی رد ءَ اختر بلوچ یازدہ اپریل ءَ لس پوشاکی گدانی کارندھاں چِست کتگ ءُ دَہ روچ ءَ پد آ رسانکدر ءِ دیم ءَ پدر کہ آ ناشرکارے – اے اولی وئیل نہ انت کہ گوستگیں سالاں درزنانی کچ ءَ مردمانی مسال ھست انت کہ آ پیش ءَ بیگواہ کنگ بیتگ انت ءُ سنگینیں بھتامانی گون ءَ پیش کنگ بیتگ انت-

اے وئیل مھلوک ءِ تک ءُ پھناتاں نا ایوک ءَ کانون ءِ راستی ءِ سرین ءَ پروش ایت بلکیں کان سازگاریں ادارھاں مھلوک ءِ ستک ءُ سماہ ءَ ھم پروش دنت انت انساپ ءِ تک ءُ پھنات ھما وھد ءَ سرجم بنت اِنت داں کانونی رھبند، وکیل ءِ رسگ، ءُ پلگاریں گپ ءِ دلگوش داری ءِ ھک انت-

آئی ءِ رد ءَ زورانسری بیگواھی ءِ بھتام ءَ کجام رنگ ءَ ڈونڈار بہ کنت بلے آ تُریاں چِنکس سنگین ءُ جرمدار انت بلے وتی اندر ءَ راستی ءُ داگی ءِ پدراھی ءَ الم کنت اِنت-

بلوچستان ءِ دمگ مستونگ ءِ دمگ کلی تیری ءَ پولیو ٹیم ءِ پھزداری ءِ واستا لیویز پورس ءِ کارندھانی سر ءَ سلاہ بندیں مردماں اُرش کتگ، چریشی ءِ آسر ءَ دو کارندہ بیران بیتگ انت-

لیویز بنشون ءِ رد ءَ تیرگواری ءَ بیران بیتگیں کارندھانی لاش ھسپتال ءَ سر کنگ بیتگ انت- ھمے وڑ سیکیورٹی پورسز ءَ دمگ انگیر کتگ ءَ اُرشکارانی پٹ ءُ پول بندات کتگ-

بیران بیتگیں کارندھانی پجار نیک مھمد ء مھمد ھسن شاھوانی جھمنند رودریس ءُ مقصود اھمد ء حبیب خان دھوار جھمنند کاریز کلان پڑنگ آباد مستونگ ءِ ناماں زانگ بیتگ انت-

ما اے گال کریک ڈاؤن ءَ ھم رد کارمرد کنگائیں مئے سر ءَ کریک ڈاون کنگ نہ بوگ ءَ انت بلکیں ما کالونیل زوراکی ءِ دیمپانی ءَ کنگ ءَ انت – ڈاکٹر ماہ رنگ بلوچ

بلوچ یکجھتی کمیٹی ءِ سروک ڈاکٹر ماہ رنگ بلوچ ءَ چہ ہدہ جیل شال ءَ وتی کلوہ ءِ تہ ءَ گوشتگ کہ مروچی مئے واستا اے زانگ المی انت کہ مارا چی کنگی انت – مروچی کہ من تھاریں کوٹی ءَ اے نمدی ءَ نبشتہ کنگ ءَ آں اے وھدی مئے گل ءُ زرمبشت ترندیں ریاستی زوراکیانی دیمپانی ءَ کنگ ءَ انت – مئے بازیں سنگتے بندیگ جاھاں بند انت ءُ بندیگ جاہ ءَ ڈن مئے گل ءِ سر ءَ بندش جنگ بوتگ – منی نز ءَ پہ مئے واستا مستریں جست یا جیڑہ اے نہ انت کہ ما لٹ شاپ کنگ بوگ ءَ ایں، مارا دزگیر کنگ بوگ ءَ ایں یا ما بندیگ جاھاں بند انت بلکیں منی نز ءَ مستریں جست ایش انت کہ مارا اے جاوراں چی کنگی ایں؟ اگاں ما ایشی ءِ سر ءَ سوچ پگر کنگ ءَ بگیر دیم ءَ رؤگ ءِ جھد ءَ بہ کن ایں گڑا بوت کنت ما بستار ءِ گل دیم ءَ شت کُت مہ کن ایں –

آئی ءَ وتی کلوہ ءِ تہ ءَ گوشتگ کہ وھدیکہ من دزگیر بوتگ آں، منی سنگت دزگیر کنگ بوتگ انت، گل ءِ سر ءَ زوراکی ءِ ( کریک ڈاؤن) ( بلے ما اے گال کریک ڈاؤن ءَ ھم رد کارمرد کنگائیں مئے سر ءَ کریک ڈاون کنگ بوگ ءَ نہ ایں بلکیں ما کالونیل زوراکی ءِ دیمپانی ءَ کنگ ءَ ایں ) بندات بوتگ – مارا پیسرا ھم ھمے اندازہ بوتگ ات کہ مئے ءُ مئے گل ءِ سر ءَ اے جاور اتک کن انت بلے پد ءَ ھم مارا جاورانی جھلانکی ءَ ٹپاسگ المی انت-

کلوہ ءَ آئی ءَ نبشتگ کی منی نز ءَ لٹ، دزگیری، بندیگی ءِ مٹ ءَ مزنیں کچے ءَ زھرشانی نہ بوگ بے سوبی ءِ نشانی نہ انت ءُ من اے دابیں گپانی سر ءَ تُشے ھم باور نہ کناں – منی نز ءَ سیاسی ءُ پگری پدگنزگ بے سوبی یے – وھدیکہ ما سیاسی ءُ پگری پدکنز بہ بہ ایں یا نابود بہ بہ ایں گڑا ھما روچ مئے بے سوبی ءِ روچ بیت – اے جاوراں مئے ایندگہ زمہ داریانی ھواری ءَ یک زمہ داری ءِ ایش انت ما بستار ءِ سیاسی باسک وت ءَ وت چوں سیاسی ءُ پگری پدکنزی ءَ بہ پھریزیں – پگری پدکنزی ءَ وتی پھریزگ ءِ مستریں سوب گل انت بلے ایوک ءَ گل ءِ بوگ بس نہ انت بلکیں گل ءِ بنجاہ ءَ یک سیاسی سما ءِ ھست بوگ ھم المی انت کہ یک سرجمیں نیٹ (جالی) ءِ وڑ ءَ یونٹ ءَ بگر تاں بنجاہ ءَ درسیں کیڈر ءُ جھلی ادارہ آئی ءَ دیمروئی سیاسی سما ءَ سرریچ بہ کن انت –

اگاں ما گل ءُ زرمبشت ءِ دیمروئی ءَ لوٹ ایں ءُ وت ءَ چہ سیاسی پدکنزی ءَ پھریزگ لوٹ ایں، گڑا اے وھد ءَ مارا وتی دلگوش ھمے جاہ ءَ دیگی انت- اے ٹک ءَ انکار کنگی نہ انت – اے وھد ءَ مئے گور ءَ سیاسی سما ءَ سر ریچیں گلے ھم ھست کہ ھستیں وھد ءَ مھکم انت ھم بلے وت ءَ ھست بوگ ءَ سرجمی ءَ دلجم بوگ یا وش پھمی ءِ آماچ بوگ وت ءَ وت جمود ءِ شکار کنگ ءِ وڑ انت – مارا ھچ وڑ ءَ دیمروئی ءُ دیم ءِ رؤگ ءِ سپر دارگی نہ انت ءُ ایشی ءِ ھاتر ءَ مارا یکشل ءَ کار کنگی انت، پگر ءُ ھیال ءُ جستجو وڑیں تخلیقی چاگردے ءِ دیمروئی دیگی انت –

آئی ءَ نبشتگ کہ مارا اے زانگی انت کہ بی وائی سی ءِ وڑیں گل وررود یا ھاسیں ایونٹ ئے پیداوار نہ انت بلکیں اے یکشلیں جھد، پگر ءُ سسا ءُ جستجو – پہ ما گل مدامی برز ءُ بالا بوتگ ءُ آئی ءَ مدامی برز ءُ بلند بوگی انت پرچا کہ ما ھما زوراکی نزام ءِ بگیری ءَ جھد کنگ ءَ ایں آئی ءَ یک مھکمیں گلے ءَ ابید دگہ ھچ وڑ ءَ پروش دیگ نہ بیت – ھمے ھاتر ءَ اے وھد ءَ مئے دلگوش یک مھکمیں گلے ءِ سر ءَ بوگ لوٹ ایت – مارا مدامی چہ چشیں چیزاں دور بوگی انت کہ آ گل ءِ یکجاھیں زور ءَ نزور کنت – مارا ھراب ءَ چہ ھرابتریں جاورھالاں ھم درگان درگان بوگی نہ انت – یکجاھ بوگ مئے لاچاری نہ انت بلکیں مئے تاکت انت- مارا ھر ھال ءَ مھکم بوگی انت مارا ھچ چشیں کارے کنگی نہ انت کہ چریشی ءَ گل ءُ مول سانمند بہ بنت – کسان ءَ چہ کسانتریِں پیسلہ زورگ ءَ مارا ھستیں وھدے جاورانی زانشت بوگی انت- مارا چہ چاگردی ترامجاھانانی وتسریں گپاں سانمند بوگی نہ ایں گل ءِ پیسلہ زورگی نہ انت –

آئی ءَ وتی کلوہ ءِ گڈسر ءَ نبشتگ کہ سوبمندی ھر ھال ءَ مئیگ انت، دلیری، پگری ءُ تمردی ءَ گوں اے جھد دیم ءَ برگی انت –