TBP Balochi

بلوچستان ءِ دمگ پنجگور ءَ تیرگواری ویلے ءَ پولیس ءِ سب انسپکٹر پزیر اھمد سکا زدگ بوتگ – پولیس ءِ رد ءَ ویل ھما وھد ءَ پیش اتکگ کہ آئی ءَ وتی ڈیوٹی ھلاس کتگ ءُ واتر لوگ ءَ روگ ءَ بوتگ-

ویل پنجگور ءِ دمگ گریب آباد چتکان ءَ بوائز ھائی اسکول ءِ نزیک ءَ پیش اتکگ ، کہ اود ءَ پرپٹ سواریں مردماں پولیس ءِ آفیسر ءِ سر ءَ تیرگواری کتگ- تیرگواری ءِ آسر ءَ پزیر اھمد ءَ سَے تیر لگ اتگ انت کہ یکے آئی ءِ گردن ءَ لگ اتگ ءُ دویں نیمگاں دراتکگ دو تیر آئی ءِ دستاں لگ اتگ انت-

پولیس ءِ رد ءَ زدگ بیتگیں آفیسر ناگیگیں جاوراں ھسپتال ءَ سرکنگ بیتگ ءُ اود ءَ ھسپتال ءِ رد ءَ آئی ءِ جاور ناگیگ انت-

اُرشکاراں ویل ءِ کنگ ءَ پد پشتمانداتگ ءُ شتگ انت ءُ ویل ءِ سبب زانگ نہ بیت ءُ ناکہ اے ویل ءِ زمہ واری کسے ءَ زرتگ-

کراچی ءِ دمگ ماڑی پور ءَ سیادی داروکیں ورنا عبدالرحمن بلوچ ء ھدا بخش 15 جون ءِ شپ ءَ پاکستانی لشکر ءَ دزگیر کنگ ءَ پد زورانسری بیگواہ کتگ۔

چمدیستگین ءُ لوگ ءِ مردمانی گشگ ءِ رد ءَ اے ویل شپ ءِ 12:30 ءِ نزیک ءَ بوتگ کہ لس پوشاکی مردماں گوں لشکر ءِ ھمراھی ءَ عبدالرحمن بلوچ ءِ لوگ ءَ اُرش کتگ ءُ بُرتگ۔

کھول ءَ اے کانامہ گیر ہانونی ءُ گیر آئینی لیک اتگ ءُ زوت یل دیگ ءِ لوٹ کتگ-

بلوچستان ءِ دمگ کیچ ءِ ھند تمپ ءَ 15 ءُ 16 جون ءِ میانی شپ ءَ سلاہ بندیں مردماں گوں دستی بماں جھمنندیں لوگانی سر ءَ اُرش کتگ ءُ یک جنینے ٹپیگ ءُ لوگ ءِ مال ءُ مڈیاں مزنیں تاوان داتگ۔ دومی نیمگ ءَ پنجگور ءِ ھند چتکان دمگ ءَ دگہ یک اُرشے ءَ تیرگواری ءِ ویل ءَ یک مردمے ھم ٹپیگ بوتگ۔

گیشیں ھالانی رد ءَ گوستگیں شپ ءَ ناشناسیں سلاہ بندیں مردماں تمپ ءِ دمگ کونشکلات ءُ کورجو ءَ درمحمد ءِ زھگ شفیق ءُ محبت ءِ زھگ محمد حیات ءِ لوگ نشانگ جوڑ کتگ اَنت۔ اے اُرش ءَ دستی بمب کارمرز کنگ بوتگ کہ ایشی ءَ چہ لوگانی آپ ءِ ٹینک ءُ اے دگہ سامان تباہ کنگ بوتگ انت۔ اے ویل ءَ نعیمہ نامیں جنینے ٹپی بوتگ ءُ پہ درمان کنگ ءَ نادراھجاہ ءَ سر کنگ بوتگ۔

دومی نیمگ ءَ 13 جون 2025 ءِ شپ 1:30 ساھت ءِ نزیک ءَ ھند پَنجگُور ءِ دمگ چتکان شھر ءَ سلاھبندیں مردماں نسار اھمد ءِ لوگ ءِ سر ءَ اُرش کُتگ۔ اُرش کنوک نسار اھمد ءِ لوگ ءَ پُترتگ ءُ آئی ءَ را زورانسری آوار جنگ ءِ جھد کُتگ، بلے گھگیری کنگ ءَ چہ کلاشنکوپ ءَ تیر گواری ءُ توپک ءِ زوراں گیش ٹپیگ بیتگ۔

اے ویل ءَ پد وھدے کہ زدگیں مردم ءِ کھول ءِ مردماں ویل ءِ بابت ءَ ایف آئی آر درج کنگ ءِ ھاتر ءَ تھانہ ءَ شتگ اَنت گڑا دو جتا جتائیں تھانہ ءَ ایف آئی آر درج کنگ ءَ چہ انکار کتگ۔ پولیس ءِ لیکہ ایش انت کہ “ما ھچ کُت نہ کنیں”۔ دومی روچ ءَ نسار اھمد ءِ کھول ءِ مردم پنجگور ءِ میئر ءِ ھمراھی ءَ تھانہ ءَ شتگ اَنت ءُ ایپ آئی آر نبشتہ کتگ۔

اے اُرشانی تہ ءَ ھواریں مردمانی گْوشگ بیت کہ آ گوں سرکاری کمک ءَ سلاہ بندیں ڈیتھ اسکواڈ ءَ ھمگرنچ اَنت۔

زانگ بہ بیت کہ نوں بلوچستان ءَ “ڈیتھ اسکواڈ” ءِ گالبند رواج انت۔ چہ ڈیتھ اسکواڈ ءِ بزانت ھما سلاہ بندیں گل اَنت کہ آ گیشتر شھری، سیاسی جھدکار، انسانی ھکانی زانوگر یا گھگیر کنوکانی سر ءَ نشانگ جوڑ کن اَنت۔

راجدوستانی اے بابت ءَ ھیال کن انت کہ اے گل نہ ایوک ءَ سرکاری ءُ پوجی ادارھانی رکینگ گون اَنت بلکیں باز براں پولیس ءُ دگہ قانون جوڑ کنوکیں ادارہ ھم چہ آھانی ھلاپ ءَ کارروائی کنگ ءَ دزکشی کن اَنت چوش کہ پنجگور ءِ نسار اھمد ءِ ویل ءَ گندگ بوتگ کہ پولیس ءَ ایف آئی آر درج کنگ ءَ چہ انکار کتگ۔

اے گلانی سر ءَ کُشت ءُ ھون، آوار جنگ، ٹارچر، بمب تراک، ءُ شھریانی ءِ سر ءَ ناشرکاری ءِ وڑیں مزنیں جرم ءِ بھتام انت۔

ڈاکٹر ماھرنگ یک پگرے

نبشتہ کار: شَکّل بلوچ

دی بلوچستان پوسٹ

ھما اِنت فتنہ الھیرامنڈی ءِ دھشتگردیں پاکستانی وتگڑیں ھکومت ءَ ڈاکٹر ماھرنگ بلوچ زندان ءَ بندیگ کُتگ، بلوچ راج نی پاکستان ءِ اے وتگڑیں ریاست ءَ سِلکاریاں سرپد ءُ پوہ بوتگ کہ پاکستان فتنہ الھیرامنڈی ءِ دیشتگردیں ریاست وتی ناکامیانی چیردیگ ءَ بلوچ راج ءِ چُکچینی ءَ ماں گوں وتی زوراں جَنگ ءَ اِنت۔ پاکستان ءِ اے بے بُنیں ھکومتی ٹولہ بلوچ راج ءِ توار ءِ ھاموش کنگ ءِ ھاتر ءَ بی وائی سی کریک ڈاؤن جَتگ۔ بلے بلوچ راج ءَ اے گپ سرپد ءُ پوہ بوگ لوٹ اِیت کہ فتنہ الھیرامنڈی ءِ اے وتگڑیں ریاست ءَ مدام بلوچ راج ءِ توار ءِ ھاموش کنگ ءَ وڑ وڑ پندل پیسر ءَ سازینتگ بلے اے بری پاکستان ءِ گُٹ ءَ ھڈّے پسّ اِتگ کہ ڈاکٹر ماھرنگ ماں پورائیں جھان ءَ پاکستان ءِ اے سِلیں کارانی پَدر کنگ ءَ جْوانیں کِرد پیلو کُتگ۔ بلوچستان ءِ سرجمیں راج بی وائی سی شِکل ءَ پاکستان ءِ زُلم ءُ زوراکیانی ھلاپ ءَ در آتکگ اَنت۔ ھمے درگت ءَ پاکستان، فتنہ الھیرامنڈی ءِ جوڑ کُتگیں ھکومت بلوچستان ءِ مال ءُ مڈیانی لُٹ ءُ پل کنگ ءَ گوں چین ءَ بلوچ راج ءِ راجی گواجناں دُزگ ءُ برگ ءَ اَنت، ڈاکٹر ماھرنگ بلوچ، بی وائی سی ءِ آرگنائیزر، پاکستان ءِ نوآبادیاتی رھبندانی ھلاپ ءَ بلوچ راج ءِ چُکچینی ءِ ھلاپ ءَ ماں سرجمیں جھان ءَ ھال رسنتگ کہ پاکستان فتنہ الھیرامنڈی بلوچستان ءَ، میان اُستمانی رھبندانی لگتمال کنگ ءَ ھچ چک پد نہ بوگ ءَ ءُ پورائیں جھان ءِ روایات ءِ ھلاپ ءَ سر گْوز کُتگ۔ ھمے میان ءَ میان اُستمانی گلاں پاکستان ءِ ھلاپ ءَ نوٹس اوں جَتگ بلے پاکستان مدام اسلام ءِ نام کارمرز کنگ ءُ ماں جھان ءِ چماں پِر دیگ ءِ جُھد ءَ کنت بلوچستان ءَ بلوچ راج ءِ ھلاپ دھشتگردی ءِ نام ءَ بلوچ ءِ چُکچینی ءَ کنگ ءَ پالیسی سازی کنگ ءَ اَنت۔

ڈاکٹر ماھرنگ بلوچ سرجمیں بلوچستان ءِ یک مھکمیں توارے، ءُ چمیشکا پاکستان ءِ وتگڑیں ھکومت ءَ وتی ناکامیانی چیر دیگ ءِ ھاتر ءَ ڈاکٹر ماں زندان ءَ بندیگ کُتگ۔ بلے فتنہ الھیرامنڈی ءِ دھشتگردیں ریاست انگت ءَ ڈاکٹر مھرنگ ءِ ھلاپ ءَ ماں چاگردی رسانکدر ءَ ھیرامنڈی ءِ لھتے ایلیٹ گروپے اڈ کُتگ ءُ آیاناں زر ءِ لالچ ءَ کہ شما ڈاکٹر ماھرنگ ءُ آئی ءِ بی وائی سی ءَ بزاں بلوچ راج ءِ ھلاپ پروپگنڈا بکن اِت داں کہ ڈاکٹر ماھرنگ بلوچ ءُ آئی ءِ راجی مُچی ماں جھان ءِ بدنام بہ بیت بلے ” رُژن ءَ کَے کُشت کنت“ فتنہ الھیرامنڈی ءِ وتگڑیں کبزہ گیر ءَ داکٹر ماھرنگ ءِ پگر کُشت ءُ ھلاس کُت نہ کُت۔ انگت ڈاکٹر ماھرنگ بلوچ ءِ پگر ءُ لیکہ ءِ سر ءَ دژمن بش بش ورگ ءَ اِنت کہ بی وائی سی چَٹ ولگوج کنگ ءِ جُھد ءَ کنگ ءَ انت بلے فتنہ الھیرامنڈی ءِ وتگڑیں ریاست اد ءَ اوں ناکام بوت۔

پاکستان ماں سرجمیں جھان ءَ رزوا ءُ بدنام اِنت، آ آئی۔ایم۔ایف ءِ واماں گَر اِنت، یک نیمگے آ پشتونستان ءِ پشتونانی چکُچینی ءَ کنگ ءَ اِنت ءُ دومی نیمگ ءَ بلوچ راج ءِ بلوچانی نسل کُشی ءَ کنگ ءَ اِنت۔ بلے پاکستان یک اسلامی ریاستے نہ اِنت اسلامی نام چمیشکا کارمرز کُرتگ کہ آ اسلام ءِ نام ءَ کارمرز کُت بکنت اگاں شما بچار اِت اے وَ رنجیت سنگھ ءِ نسل اَنت، پنجابی وَ مسلمان بوت نہ کن اَنت اگاں اے مسلمان بوتیں گڑا پاکستان ءِ تہ ءَ انساپ بوتگ اَت، اد ءَ وَ دنیا ءِ گناہ ءِ کبیرہ بوگ ءَ اَنت، سود کوری، کرپشن، بلیک میلنگ ، زنا کوری درستیں کارانی دست ھمے وتگڑیں فتنہ الھیرامنڈی ءِ دھشتگردیں ریاست بزاں رنجیت سنگھ ءِ نسل انت کہ کنگ ءَ اَنت اِش۔ بلوچ چہ بُندر ءَ اسلامی روایاتانی پُشدر ءَ زندگ انت ، پشتونانی روایاتانی تہ ءَ اسلامی اَنت۔ بلے پنجابی مسلمان وَ بوت نہ کن اَنت۔

ڈاکٹر ماھرنگ بلوچ ءِ گوم ءَ سرجمیں بلوچ تھنا انا بلکیں پشتون راج ءُ دنیا ءِ جھان ءِ بزگیں مھلوکانی چم ڈاکٹر ماھرنگ ءَ سک اَنت، ھر کجا کہ بزگ ءُ نیزگاریں مھلوک ھست اَنت آ ڈاکٹر ماھرنگ ءِ پگر ءُ لیکہ ءِ ھمراہ اَنت۔ چمیشکا پاکستان شرمندگ ءُ زلیل اِنت کہ ماں چاگردی رسانکدر ءَ آئی ءِ ھلاپ ءَ وتگڑیں دروگ ءُ پروپگنڈا کنگ ءَ انت۔ ڈاکٹر ماھرنگ یک پگرے نام اِنت۔

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی ءِ درشانی انت-

بلوچستان ءَ مستونگ ءِ دمگ ءَ سلاہ بنداں پاکستانی لشکر نشانگ کتگ۔ اُرش ءَ چہ رند ءَ دمگ ءَ بالی گرابانی روگ ءُ آیگ برجاہ۔

مستونگ ءِ دمگ ءَ اسپلنجی ءَ گْوستگیں روچ ءَ پاکستانی لشکر ءَ اے دمگ ءَ آپریشن کتگ گوں بازیں کچے دیم ءَ اتکگ ءُ بندات کتگ۔ گْوستگیں شپ ءَ پاکستانی لشکر ءِ کاروان ءَ اسپلنجی ءِ دمگ ءَ مَرو کنڈ ءَ سلاہ بندیں مردماں گوں بازیں کچے ءَ راہ بستگ ءُ اُرش ءِ نشانگ کتگ اَنت۔

مکینوں ءِ دمگ ءِ رد ءَ سکیں تیرگواری ءَ چہ رند بازیں تراک ءِ توار ھم اشکتگ وھدیکہ کدی کدی تیر ءِ توار سلسگ مرچی داں سھب ءَ برجاہ بیتگ وھدیکہ دمگ ءَ بالی گراب ءِ روگ ءُ آیگ برجاہ اِنت۔

اُرش ءِ آسر ءَ پاکستانی لشکر ءَ جانی تاوان ءِ دیم پہ دیم بیگ ءَ پڑ اِتگ دنیگا جارجنوک ءَ اے بابت ءَ سرجمیں سرپدی نہ دات ۔

مذکورہ ءِ دمگ ءَ گْوستگیں روچاں گذشتہ پاکستانی لشکر ءِ کاروان ءَ آئی ای ڈی ءِ اُرش ءَ نشانگ کتگ آئی ءِ زمہ واری بلوچ لبریشن آرمی ءَ من اِتگ وھدیکہ اے دمگ ءَ ایشی ءَ چہ پیسر بلوچ لبریشن آرمی ءِ سرمچارانی ءُ پاکستانی لشکر ءِ میان ءَ داں دیر ءَ جنگ برجاہ بیتگ آئی ءِ آسر ءَ دوئیں نیمگاں جانی تاوان رس اِتگ۔

انوگیں سال ءَ سرجمیں بلوچستان ءَ پاکستانی لشکر ءِ سر ءَ اُرش گیش کنگ بیتگ ۔ یکشمبے ءِ روچ ءَ بلوچ لبریشن آرمی ءَ زامران ءِ دو جتائیں جاھاں پاکستانی لشکر آئی ای ڈی ءِ اُرشاں نشانگ کتگ آئی ءِ آسر ءَ جار جنوک ءَ دو کارند ءِ مرگ ءِ ھال کتگ۔

مرچگیں اُرش ءِ زمہ واری دنیگا کس ءَ نہ من اِتگ۔

کلات ءُ مچّ ءَ بمب تْراکاں پاکستانی لشکر ءُ ریل ٹریک نشانگ کنگ بوتگ اَنت۔

بلوچستان ءَ 24 ادارانی تہ ءَ چار بمب تْراک بوتگ، چریشاں سے بمب تْراکاں پاکستانی لشکر نشانگ کنگ بوتگ۔

کلات ءِ ھَند جوھان ءَ مکی ءِ دمگ ءَ پاکستانی لشکر ءِ بمب ڈسپوزل اسکواڈ ءِ چار پیادگ رؤوکیں سپاھیگ ھما وھد ءَ بمب تْراک ءَ نشانگ کنگ بوتگ اَنت کہ آ اے دمگ ءَ پٹّ ءُ ھنڈ ءَ گلائیش بوتگ اَنت

بمب تْراک ءِ آسرال ءَ پوجیانی مرگ ءُ ٹپی بوگ ءِ ھال اِنت، بلے سرکار ءَ اے بارہ ءَ دنیگا ھچ وڑیں ورداس نہ گوشتگ۔

ھمے وھد ءَ مَچ ءُ آب گم ءِ میانجی ءَ ریل ٹریک ءِ سر ءَ بمب تْراک اُرشے بوتگ کہ ایشی ءِ آسرال ءَ یک ریل ءِ کارمندے ٹپی بوتگ ءُ ٹریک ءَ کمّے باز تاوان رس اِتگ۔

سرکار ءِ گْوشگ ءِ رِد ءَ لشکر ءَ اے دمگ وتی انگرّ ءَ گپتگ ءُ بمب ڈسپوزل اسکواڈ لوٹائینتگ۔

بلوچستان ءِ تیاب دپی شھر گوادر ءَ پاکستانی پوج ءَ پیسر ءَ چہ گپتگیں مردمے کُشتگ- کُشگ بیتگیں مردم ءِ پجّار سلام ء حیدر نام ءَ چہ بیتگ کہ دشت کمبیل جھمنند اِنت ، آ دو روچ ءَ ساری گوادر ءِ دمگ گھاٹی ڈور ءَ برجاھیں آئی ءِ لوگ ءَ چہ پاکستانی پوج ءُ چیریں ادارھانی آوار جتگ ءُ بیگواہ کتگ-

دمگی اِھوالکار رِد ءَ مروچی پاکستانی پوج ءَ کُشگ بیتگیں سلام ءِ لاش آئی ءِ کھول دست ءَ داتگ- بلے پوجی کارندہ تنی وھدے آئی ءِ لوگ ڈن ءَ اوشتاتگ اَنت ءُ کجول سر ءَ زور دیگ ءَ اَنت کہ آ پیتے ءَ پچ مہ کن اَنت ءُ زوت کل ءُ کسارت بہ کن اَنت-

سلام کھول ءَ گْوشتگ کہ آیانی سر ءَ سک زور دیگ بیگ ءَ اِنت کہ آ بے توار بہ بنت ءُ لاش ءِ جاور ءَ راج یا رسانکدر دیم ءَ پدر مکن اَنت-

کھول ءَ گوادر ءِ راج ءَ چہ دزبندی کتگ کہ آ آیانی گوم ءَ یکجاھی درشان بہ کن اَنت دانکہ کُشگ بیتگیں سلام بلوچ ءِ واستا انساپ لوٹ بہ کن اَنت-

زانگ بہ بیت ھمے سال ءَ بلوچستان ءَ بندیگیں مردمانی کُشگ تہ ءَ گیشی گندگ اتکگ-

بلوچ ریپبلکن آرمی ءِ جارکش سرباز بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ بلوچ سرمچاراں ڈیرہ بگٹی ءِ تھسیل سوئی ءَ تھسیل بازار نزیک ءَ چیریں ادارہ آئی ایس آئی ءِ کارندہ دستی بمباں گوں نشانگ کتگ اَنت، چریشی ءِ آسر ءَ یک کارندھے مرتگ ءُ بازین ئِے ٹپی بیتگ-

جارکش گْوشتگ دگہ یک کاروائی یے بلوچ سرمچاراں زین کوہ گیس فیلڈ ءَ چہ سوئی ءَ پیوریپکیشن پلانٹ ءَ رؤکیں 36 انچ گیس پائپ لائن تراک ءَ چہ تباہ کتگ، چریشی ءِ آسر ءَ پلانٹ ءَ گیس پُجارینگ بند بیتگ-

جارکش ءَ گْوشتگ دوئیں اُرشانی زمہ واری ءَ بلوچ ریپبلکن آرمی منّ اِیت-

بلوچ لبریشن آرمی ءِ جارکش جیئند بلوچ ءَ وتی شنگ کتگیں درشان ءِ تہ ءَ گوشتگ کہ بی ایل اے ءِ سرمچاراں زامران ءُ پنجگور ءَ زورگریں پاکستانی پوج ءِ سرا پنچ اُرش کتگ چریشی ءَ زورگریں پوج ءِ چار کارمند مُرتگ انت ۔ اے اُرشاں زورگریں پوج ءِ جاسوس کیمرہ تباہ کتگ انت وھدیکہ بی ایل اے سرمچار سنگت ریاز پنام ءِ امان نمیران بوتگ ۔

جارکش ءَ گوشتگ کہ بی ایل اے ءِ سرمچاراں مروچی سھب ءِ ادار ھشت ءِ نزیک ءَ زامران ءِ دمگ دشتوک بامبلو ءَ زورگریں پوج ءِ سرا ھما وھد ءَ ریموٹ کنٹرول بمب اُرش ءِ کتگ وھدیکہ پوجی کارمند پیادگ ءَ بمب ڈسپوزل ٹولی ءِ ھمراھی ءَ راہ ءِ چارگ ءَ بوتگ انت ۔ تراک ءِ آسرا زورگریں پوج ءِ دو کارمند ھما دمان ءَ مرتگ ءُ یکے زدگ بوتگ ۔

آئی ءَ گوشتگ کہ زامران ءِ دمگ زامری ءَ ھم سرمچاراں زورگریں پوج ءِ کارمند بمب اُرش ءِ نشانگ کتگ انت ۔ اے اُرش ھما وھد ءَ کنگ بوتگ وھدیکہ پوجی کارمند وتی بنجل ءِ نزیک ءَ واٹر سپلائی ءَ آپ آرگ ءَ بوتگ انت ۔ تراک ءَ پوج ءِ یک کارمند ءِ مُرتگ ۔

جارکش ءَ گوشتگ کہ سرمچاراں سیزدہ جون ءَ آدینگ ءِ روچ ءَ زامران ءِ دمگ ساہ دیم ءَ زورگریں پوج ءِ نیمگ ءَ کل کنگ بوتگیں جاسوسی کیمرہ نشانگ کتگ ءُ تباہ کتگ انت ۔ ھمے وھد ءَ زورگریں پوج ءَ سرمچارانی چارگ ءِ ھاتر ءَ کواڈ کاپٹر ھم کارمرز کتگ گڈا سرمچاراں آ ھم نشانگ کتگ ۔

آئی ءَ گوشتگ کہ آدینگ ءِ شپ ءَ سرمچاراں یک دگہ اُرش ءِ پنجگور ءِ دمگ جتکان ءَ کلم چوک ءَ برجاھیں زورگریں پوج ءِ پانگسے ءِ سرا کتگ کہ اودا سرمچاراں پانگس ءِ سرا دزبمب ءِ جتگ چریشی ءَ کم چہ کم یک دژمن کارمندے مُرتگ ءُ دو زدگ بوتگ انت ۔

بی ایل اے ءِ جارکش جیئند بلوچ ءَ وتی درشان ءِ تہ ءَ دیمتر ءَ گوشتگ کہ گوستگیں روچ ءَ سیاجی ءِ کوھی دمگ دشت ملائی نگور ءَ بلوچ لبریشن آرمی ءِ سرمچار ریاز پنام ءِ امان پاکستانی پوج ءِ نیمگ ءَ کل کنگ بوتگیں تراکناکیں شورانی زد ءَ اتکگ ءُ نمیران بوتگ ۔ اے وئیل ھما وھد ءَ بوتگ وھدیکہ سنگت امان گل ءِ کارے ءِ ھاتر ءَ پند ءَ بوتگ ۔

آئی ءَ گوشتگ کہ نمیرانیں سنگت ریاز پنام ءِ امان ءِ کادر بکش کیچ ءِ دمگ دشت شولی ءِ نندوک بوتگ ۔ دلیری ءُ ایمانداری ءِ بے درور سنگت ریاز سال دوھزار ءُ شانزدہ ءَ سلاہ بندیں جھد ءَ بندوک بوتگ ۔ آئی ءَ دشت ءِ کوسٹل ھند ، مند ، تمپ ءُ زامران ءِ سنگرانی تہ ءَ جوانمردی ءَ گوں دژمن ءَ جنگ داتگ ۔

نمیرانیں سنگت ریاز ءَ براس ءِ آپریشن آنی تہ ءَ ھم وتی کرد جوانی ءَ پیلو کتگ ۔ پروری سال دوھزار ءُ بیست ءَ دشت ءِ دمگ درچکو ءَ براس آپریشن آسریچ ءَ زورگریں پوج ءِ بنجل ءِ گرگ ءِ وھد ءَ آ اولی سرپ ءَ بوتگ کہ آئی ءَ پاد ءَ تیر ھم وارتگ ءُ زدگ بوتگ ۔

آئی ءَ گوشتگ کہ سنگت ریاز بلوچ پنام ءِ امان وتی گڈی ساہ ءَ تاں آجوئی گپ ءِ سرا بوتگ ءُ ھمے گپ ءِ سرا نمیران بوتگ ۔ بلوچ لبریشن آرمی اے کول ءَ کنت کہ زوت یا دیر ءَ نمیرانیں سرانی اے پُرمنگھیں مشن ءَ الم منزل ءَ سر کنت ۔

بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں سیزدہ جون ءِ نیم روچ ءِ ادار سے نیم ءَ زامران ءِ ھند گیشتردان ءَ مبارکی ھل سر برجاھیں پاکستانی پوج ءِ چیک پوسٹ ءِ سر ءَ اُرش کُتگ دژمنیں پوج جانی ءُ مالی تاوان داتگ ۔ ھمے وھد ءَ سرمچارانی دومی ٹولی ءَ چیک پوسٹ ءِ نزیک ءَ بند ساچی شرکت ءِ یک سرکاری بلڈوزرے ھم نشانگ کُتگ ءُ مشینری مانداشتگ اَنت۔

جارکش ءَ گْوشتگ دگہ اُرشے ءَ بی ایل ایف ءِ سرمچاراں چاردہ جون ءِ شپ ءِ ادار نُھ ءِ نزیک ءَ گریشہ سرریج کراس ءَ پاکستانی پوج ءِ چیک پوسٹ ءِ سر ءَ اُرش کُتگ ءُ سک نزیک ءَ چہ دژمن نشانگ کُتگ چریشی ءَ ڈن ءَ اُوشتوکیں یک کارندھے جاہ پہ جاھی مُرتگ ءُ دگہ سے ٹپی بیتگ اَنت – اُرش نیم ادار ءَ برجاہ بیتگ اُرش ءِ پسو ءَ دژمنیں پوج ءَ سرمچار مارٹر گولاں ءُ دگہ نوکیں سلاھاں گوں نشانگ کنگ ءِ جھد کُتگ بلے سرمچار اُرش ءَ پد پہ سلامتی در کپگ ءَ سوبین بیتگ اَنت

جارکش ءَ گْوشتگ بلوچستان لبریشن فرنٹ زامران ءُ گریشہ ءَ پاکستانی پوج ءُ بند ساچی شرکت ءِ سر ءَ بیتگیں اُرشانی زمہ واری ءَ منّ اِیت –